المساعد الشخصي الرقمي

مشاهدة النسخة كاملة : لو سمحت ممكن أرائكم

mocsha
15-02-2006, 09:47 PM
انا الحوار دا عني أنا بجد مش هزار

انا بحب وحدة مووووووووووووووووووووووووووت و هي بتحبني بس في مشكلة

هي بتحبني بتردد شويه مكونتش عارف ليه بس عرفت إن في واحد تاني و هي محتارة بيني و بينة

أنا عاوز منكم أراء تخليها تحبني أكثر و تقتنع بيا ياريت الحوار و الله بجد

محدش يقول سبهة تختار أنا بقولكوا بحبها مووووووووووووووووووووووووت يعني لازم تكون ليا

أرجوا الرد في أسرع وقت ( محدش يقول أبعد وسبها تختار ) أنا قولت أهو:busted_r:
mocsha
16-02-2006, 08:54 AM
محدش عارف حاجة ولا أيه
أيه يا جدعان ما حد يكتب أي حاجة و لا أيه
QUEEN OF HEARTS
16-02-2006, 10:45 AM
انا الحوار دا عني أنا بجد مش هزار

انا بحب وحدة مووووووووووووووووووووووووووت و هي بتحبني بس في مشكلة

هي بتحبني بتردد شويه مكونتش عارف ليه بس عرفت إن في واحد تاني و هي محتارة بيني و بينة

أنا عاوز منكم أراء تخليها تحبني أكثر و تقتنع بيا ياريت الحوار و الله بجد

محدش يقول سبهة تختار أنا بقولكوا بحبها مووووووووووووووووووووووووت يعني لازم تكون ليا

أرجوا الرد في أسرع وقت ( محدش يقول أبعد وسبها تختار ) أنا قولت أهو:busted_r:
انا هاتكلم معاك بكل صراحة .....مع احترامي الشديد لمشاعرك ولحبك بس انت ازاي قابل على نفسك الوضع ده ،ازاي تقبل انك تكون على علاقة ببنت وانت عارف ان في حد تاني بيشاركك مشاعرها ،وهل انت مقتنع انها بتحبك ،الحب يا اخي علاقة سامية بين شخصين مش تلاتة وكون البنت اللي انت بتحبها محتارة بينك وبين واحد تاني فهيا من الاساس مش بتحبك ،يمكن مش قادر تبطل تحبها بس على الاقل تبعد عنها وتقطع علاقتك بيها وانت من الاول قلت محدش يقول سبها (طب ازاي؟)، وعايز اراء عشان تخليها تحبك اكتر ،الحب مش بالغصب ده شيء بينبع من القلب وبيقويه على مر الايام التفاهم والاحترام والمواقف اللي بتخلي اي اتنين يقربوا من بعض وفي النهاية يوصلوا للنهاية الطبيعية وهي الزواج .وانت في العلاقة دي طرف ضعيف لانك بتخلي مشاعرك تغلب عقلك وكرامتك ......والمشاعر في الحب اساس بس مش كل شيء الحب يا اخي من غير كرامة مالوش لازمة ......فكر شوية بعقلك وربنا يوفقك
memo33
16-02-2006, 12:17 PM
مينفعش تكمل معاها انا عارفة يعنى اية انت بتحب وبتموووووووووووووووت في حبها بس مش صح ابدا انك تحط نفسك مكان اختيار ياأما العطا يرسي عليك ياأما يرسي علي الشخص التانى
لو استمرت حتى العلاقة انت من قرارة نفسك مش هتكون مبسوط لانها مش اختارتك عن حب هى بتختار الافضل ...
واساسا من غير سوء فهم لكلامى البنت اللى تسيب نفسها محل لاتنين تذل فيهم علشان تختار تبقي لابتحب دا ولا دا
وأسفة جدا لكلامى الجارح بس انا بنت وبقولك الصح
undertekka
16-02-2006, 01:05 PM
خلي عندك ايمان بالله وارضي بالقدر والنصيب
واستخير ربنا وان شاء الله تكون أفضل الاستخارات واللى ربنا رايدهولك هيكون باذن الله
د أحمد سمير
16-02-2006, 08:13 PM
السلام عليكم جميعا
ممكن أقول رأى جديد ؟
انت متأكد انها بتحب واحد تانى مين قالك كده ؟ يمكن يكون حد بيوقع بينكم
مش معنى انها بتحبك بتردد ان فيه واحد تانى
و رأيى ليه متتقدملهاش على طول بدل انت بتحبها كده ؟
بس الموضوع لو صحوبية و فى الكلية و الحوار الفاشل ده
يبقى انت كده بصراحة حاطط نفسك فى موقف سخيف
و ربنا يجعلها من نصيبك و يسعدكم يارب
mocsha
17-02-2006, 12:03 PM
أنا متشكر جداًاًاً علي ارائكم و ألف شكر ليكوا انتوا بجد أخوات و ربنا يخليكوا

انا أصلي تايهه في حبها بس عندكوا حق انا المفروض أني ابعد عنها دي فعلاً شكلها بتلعب و

العملية مش ناقصة أحنا لسا خرجين بالكاس و مش هاضيع الفرحة دي و هلهي نفسي بيها عشان أحاول انساها