::حصريا:: الـــلــعــبـة الــتـي وعــدنــاكــم بــهــا!!!!!!!!

[the_smarter]

بسم الله الرحمن الرحيم

اول حاجه عايز اقولها ان احيانا بيكون صعب تعمل إللي بتتمناة
لكن بالإصرار بجد اكيد بتوصل لحل و بنتجح ..

أعضاء المنتدى الكرام
احب أن انوة لكم أن اللعبة العربية التي طالما انتظرتوها
أصبحت الأن على الأبواب...

معظمكم عارف أكيد إن زي دلوقتي السنه الماضية
طرحت موضوع في منتدى الألعاب بشأن اشتراك اعضاء المنتدى في صنع اول لعبة عربية الصنع

إللي حصل ناس كتير اتقدمت لكن وجهتنا مشاكل كتير
عشان كدة اضطريت إني ااجل اللعبة لحد ملاقي للمشاكل دي حلول

و فعلا بعد مجهود كبير بجد قدرت انا و صديقي العزيز
KOKOEFFECT
مشرف منتدى الألعاب و غاني عن التعريف طبعا
اننا نشترك سوا و نخطط للعبة عربية مستواها عالي
و في نفس الوقت بامكانياتنا المحدودةdumbbells


و الحمد لله ربنا كرمنا قدرنا نحقق الحلم:flex0000:
(اعزروني يا جماعة على الإنشاء دي بس هي دي الحقيقة)
و كمان اعذرونا على التأخير




THE PASSENGER

اقدم لكم بوستر اللعبة(من تصميمي أنا و KOKO طبعا)

http://cache3.badongo.com/0798532720030384/disk5/data/image/2006-02-14/KOKO.jpg.jpg
THE PASSENGER AND THE PASSENGER LOGO ARE TM FOR MENTAL,2006

انتظروا DEMO اللعبة خلال شهر من الأن
و نعدكم بذلك

فترقبوا من الأن

أما اللعبة الكاملة فستكون في نهاية هذا العام انشاء الله .

أشكر الجميع علي اهتمامهم بالموضوعات السابقة
و أخيرا مخذلنكمش

و الأن اترك KOKOEFFECT
ليشرح لكم طبيعة اللعبة و كل المعلومات و الاستفسارات
التي تحتجونها

:clap0000: شكرا لكم و اتمنى أن تنال إعجابكم:clap0000:

[krkadih]

يا سماتر باشا اللى انتو عملتوه ده مينفعش معاه اى شكر
بجد مش عارف اقولكو ايه
جزاكم الله كل خير

[Bahamout]

شاكر مجهودك الطيب ووفقق الله

[TETAWE2006]

يلا يا رجاله ..شدو حيلكو ...ربنا يوفئكو ان شاء الله و تعملو لعبه علي مستوي عالي...سلاااااااااااااااااااااااااااااااااااا ااام :)

[kokoeffect]

بسم الله الرحمن الرحيم

اخواني الاعزاء بعد عناء كبير الحمد لله ربنا وفقنا ان احنا نقدر ننجز اللعبه دي وننهيها في احلي اشكلها ..

انا هبتدي الموضوع معاكم من الاول . طبعا اخي العزيز smarter قلكم البدايه كانت عامله اذاي علشان اللي مكنش عرفها . بعد كده في كام عضو تفضل وعملوا مواضيع عن لعبه اسمها (كروميزوم روم).
وهي لعبه يابانيا . واكثر حاجه عجبتني في اللعبه دي هي انها بسيطه جدا جدا جدا . ولكن رغم كل هذه البساطه . كانت بها الغاز ذكيه جدا . ومن هنا انا ابتديت افكر. طيب احنا ليه منعملش لعبه تكون احلي منها شويه في الشكل . وتكون كمان اقوي في الاسلوب والاكثر من كل هذا ان تكون الغازها اكثر منطقيه .
لهذا قمت بالاتفاق مع اخي smarter اللي بعتبره الحقيقه عبقري في مجاله ولما تشوفوا اللعبه هتعرفوا ان كلامي ده صحيح . علي ان احنا ننفذ لعبه شبيها ولكن يكون لها قصتها الخاصه واسلبها المختلف . والحمد لله ابتدينا علي خير ومش عايز اقولكم الموضوع بارضه اتعقد معانا اذاي بس الحمد لله انتهينا من اجزاء كبيره منها علي خير ....

اخيرا بقي علشان انا طولت عليكم قوي : انا عايز اقول ان اللعبه دي كل حاجه فيها اي كانت من الغاز ومن موسيقه ومن تصميم للشخصيات ومن مؤثرات بصريه . تم تصممها بواسطة smarter و بواسطتي . يعني العبه دي يا شباب عربيه 100 % .

اشوفكم علي خير وانشاء الله هنزودكم بالتفاصيل اول باول .....

[saadon_89]

متشكرين يا باشا

[saadon_89]

مستنين المزيد

[hosnet]

الف شكر يا رجالة وانشاء الله تطلع في احلي شكل ومنتظرين بفارغ الصبر

[fbi2345]

الف شكر و اتمنا ان تكون رائعة

[حسام محمد]

انا مش مصدق عيني يا جماعه بجد هو انتوا اشتغلتوا في الموضوع بجد ووصل للنهايه
انا كنت فاكر انه كلام
و طموح ليه نهايه بس (والله وعملوها الرجاله) بجد
بسم الله ما شاء الله
شوقتوني ليها
واحب في النهايه اقولكم ياريت تكون بدايه فقط
ولا تكن نهايه وانشاء الله في الزمن ليس البعيد ممكن يكون لكم شركه اكبر من ubi soft
وatari
وفقككم الله

[the_smarter]

متشكر ليكم اوي يا جماعة...
شكرا لـــ:
krkadih, bahamout, tetawe2006, saadon_89, hosnet, fbi2345, حسام محمد

و انتمنى أن نكون عند حسن ظنكم

[™MαFiα]

اخيراً اصبح الحلم الجميل حقيقه .. واخيراً نزل الحلم إلي ارض الواقع .. فعلاً شيئ اكثر
من رائع ويستحق ان نفتخر به جميعاً .. الف الف شكر أخي سمارتر وأخي العزيز كريم
على الخبر الجميل وعلى المجهود المزهل .. وننتظر اللعبه قريباً جداً جميعاً .. تحيتى للجميع ..

[MOSTAFA_@HMED]

ما شاء الله عليكم يا جماعة مجهود جامد:msn-wink: طبعا ان اتنين بس يعملوا لعبة دى حاجة خرافية ومسنيين اللعبة على نار عايزين :icon2800: وأحلى حاجة طبعا انها من صنع ايدى عربية ومصرية كمان

[love_gland]

الله الله عليكم يا رجالة
انا مستني اللعبة و واثق فيكم
و ربنا معاكم و يوفقكم

[podos_ya]

ايه ده يا جدعان ده منتدانا بقى حاجه تانيه خالص
لا اله الا انت سبحانك انى كنت من الظالمين

[dark_fear2003]

انا مش اقول مجهود رائع لأنها كلمه شويه بس انا هقول انى حساس ان منتدنا هيوصل للعالميه ان شاء الله بفضل ألأعضاء اللى زى العسل دول

[beko0o0o0o]

اية الحلاوة و الجمال و العظمة دى يا شباب و اللة و اللة بجد اتمنلكم مستقبل باهر باذن اللة و منتظرين منكم اللعبة و يكفى انها بايدى عربية و بالتوفيق باذن اللة .

[gamer]

ماشاء الله .... مجهود جميل و كوكو كان دايما يحكيلى عن اللعبه دى ... و لو فى اى حاجه اقدر اقدمها قولى انت بس .

[the_smarter]

ألف شكر ليكم يا جماعة

قريب قوييييييييييييييييييي

Screenshots اللعبة حترفق في الموضوع

[medo_xp54]

شكر علي مجهودك