البيت والزوج ام طموح البنت فى الحياه العمليه

[islamtayl]

انا يهمنى راى البنات والشباب فى الموضوع دة جدا بالنسبه للبنات

اذا جات لك فرصة عمل كويسه بس هتاثر على البيت وواجباتك فيها هتختارى ايه ولو جه واحد قال انه بيحبك وعايز يتجوزك بس اشترط انك تسيبى الشغل اللى انتى ممكن تكوني محققه فيه نجاح ياتر قرارك هيكون ايه؟ :in_love0:

و بالنسبه للشباب لومرتك او خطيبتك اشترطت انها تشتغل بعد الجواز هيكون قرارك ايه:in_love0:

ارجو من الاعضاء المسشاركه لاهمية الموضوع

[د أحمد سمير]

السلام عليكم
ايه الجمال ده يا اسلام
شكرا على اثارة الموضوع
بص البنات دلوقتى هيقولوا طبعا هنسيب الشغل و اهم حاجة البيت و كلام من ده بس وقت التنفيذ
انت عارف طبعا..............
اما بالنسبة للموضوع التانى أنا عن نفسى ممكن أوافق بس حسب الوظيفة و انا متهيألى لو فى بينهم
توافق عقلى و فكرى هيتناقشوا لحد ما حد يقنع التانى

[islamtayl]

شكرا يا دكتور على ثناءك وعلى مرورك

[noorel3ioon]

والله انت جبت موضوع مهم جدا
واكيد هتلاقى نوعين نوع يفضل البيت وزوج
والنوع التانى يفضل طموحه
اكيد النوع الاول اللى بيحافظ على بيته هو اللى يكسب

[islamtayl]

كويس جدا ادى واحدة من البنات مقتنعه باهمية البيت لان الغريب ان فى الجامعه فى بنات كتييير بتقول انها تنجح فى شغلها الاول وبعدين تفكر فى الجواز ولو الزوج فرض عليها انها تقعد فى البيت او حيعيشها فى مستوى مادى مستريح هترفض وبيدافعوا عن وجهة النظر دى بشراسه

واخيرا شكرا على مرورك يا نور

[KOKYPOTY]

أنا شايفه الموضوع ده من زوايا مختلفه ..........:smoke100:
1/ لو بنت , وزهقانه من ملل البيت , مافيش حاجه وراها , ولقت شغل محترم تكسب منه خبره في الحياة والتعامل مع الناس وتنمية ثقافتها , يبقى ليه لأ:fruits_c: .......( لغاية ما تتجوز بس ):busted_r:
2/ لما تتجوز .. * لو جوزها ميسور الحال : تقعد في البيت أكرملها وأريحلها و تحاول تثبت انها امرأه ناجحه من خلال نجاح حياتها الاسريه و نجاح زوجها و أولادها .
* لو دخل جوزها مش مكفيهم : طبعا لازم تساعده وتكافح معاه , ولازم هو يقدر مجهودها وتعبها . ( وهاتبقى مطحونه في الشغل والبيت ):crazy000:

عموما انا مش بحب الشغل للمرأه , و مش باعتبر العمل اثبات للشخصيه . بالعكس .. انا مؤمنه تماما ان ربنا خلق المرأه لتثبت شخصيتها في بيتها نع زوجها وأولادها .
و أنا لو وزيرة القوه العامله , لازم انزل قانون جديد يمنع عمل المرأه الا للضروره .........
مش كده الرجاله هايلاقوا شغل بمرتبات كويسه و يقدروا يخطبوا ويتجوزا , والبنات تتجوز و يعيشوا حياة سعيده , ويربوا اطفالهم تربيه كويسه والحياه تبقى بمبي بمبي بمبي :msn-wink:
صح والا مش صح ؟؟؟؟:bye10000: :msn-wink:

[islamtayl]

يا سلام ايه يابنتى العقل ده

صح طبعا وياريت باقى البنات يكون عندهم نفس الراى

[HaMeD Re7aN]

ههههههههههههه الحياه بئى لونها بنى بنى بنى .....

انا شايف انها تقعد فى البيت احسن طبعا ....... لانها لو قدرت تثبت انها ام صالحه وزوجه صالح وقدرت ترفع مكانه زوجها واولادها هايكون دورها اكتر بكتير مش شغال او حاجه ... وطبعا لو فعلا مرتب الزوج مش كافى يبئى تشتغل طبعا مافيش اى مشاكل

[tddkhuda]

أنا من رأيى إن المرأه كمان لازم تشتغل.ده لو فى حالة إنها تقدر تعمل موازنه بين شغلها و شغل البيت.لكن غير كده لأ لأ لأ!!أصل إفردوا على أسوأ الشروط ألف ألف بعد الشر,لو إنفصلوا...تعمل هى إيه؟؟؟تشحت؟لازم يكون عندها حر مالها تقدر تتحكم فيه براحتها.شكرا.

[KOKYPOTY]

ماهو أنا عشان كده باقول ان المرأه تشتغل بس للضروره :fruits_c:

[سهرت الليالي]

و انا بقى بقول ان المفروض كل البنات و الستات تقعد في البيت و الرجاله هم الش يشتغلوا والله هو دا الصح ليه بقى عشان الشباب الغلبان الي موجود دا والله كدا حرام

شكرا لكم اخواني اخوكم احمد