طبيب روحانى حضرتك .... ارجو التثبيت

[therock223]

يا جماعة انا فكرت كتير في قسم في المنتدى تطرح فية المشاكل العاطفية اللى بنقابلها ونناقشها ونحاول نحلها من غير احراج او كسوف
سواء كانت المشاكل دى كانت لينا او لاصحابنا او اى حد يهمة امرنا ونحاول كلنا نفكر ونحللو مشاكلة
يا رب تكون فكرة الموضوع عجباكو وكل اللى عندة اى مشكلة يطرحها ونحاول كلنا نحلها مع بعض

وانا هبتدى بأول مشكلة لواحد صاحبي
المشكلة بأختصار انة بيحب واحدة وهى بتحبة بردة بس هو حاسس انها ما بتدلوش مقدار الحب اللى هو مستنية منها
وهو مش عارف دا تقل منها ولا ممكن تكون دى طبيعتها
وهو فكر اكتر من مرة انة يسيبها عشان العيب دا
يا ريت يا جماعة اشوف مشاركتكم للموضوع وللمشاكل اللى هتطرح في الصفحة

[tay3]

انا صاحبي بيحب واحده وهي بتحبه وبقالهم ست سنوات او اكثر قليلاَ ومن سنتين قال لوالدته انه عايز يرتبط بيها وفوجئ بما لايتوقعه المهم انه صارح حبيبته بما قالته له والدته وبعد عدة مشاكل اتفقوا على الانفصال لعدم امكانية زواجهما ولكن بعد فترة مش قصيرة فوجئت بعودتهما لبعض زي الاول وكأن شئ لم يكن مع العلم ان امه لم تتراجع عن موقفها وانه يقابل فتاته بدون علم امه او موافقتها وبعد مرور سنة او اكثر اعلنت خطبتها على شخص اخر وتوقعت ان علاقتهما انتهت وصعقت عندما علمت انهما مازالوا على مع بعض والمشكلة ان البنت دي انا اعرفها كويس لانها جارتي وجارته واستحالة تكون مش مؤدبة او زي الاعتقاد اللي بيجول في راسكم الان المهم المشكلة الاكبر انها كمان كام شهر سيعلن كتب كتابها على الشخص الاخر وصديقي يعلم ذلك ولا اعرف ما الذي افعله فقد تعبت من الكلام معه فرجاء اعلموني ما الذي افعله لكي تقف تلك العلاقة مع العلم انها علاقة بريئة عذرية حتى الان
وقبل ان انهي ساصارحكم فهذا الشخص هو انا (واللي يحصل يحصل) ارجو الاهتمام
المعذب

[littelprinces]

"اولآ: اشكر الاخ therock223 علي الموضوع..

ثانيا: للاخ : tay3 "رجاء من اجل تلك الفتاه لا من اجلك ان تتركها لتكمل حياتها بعيداا عنك "

فانت تكن لها مشاعر حب و معزة و من يحمل تلك المشاعر بالتاكيد لا يريد ان يؤذي من يحب,فالتتخيل الموقف لو ان خطيبها علم بامر ما حدث,او لو تضع نفسك مكان ذلك الشخص المخدوع الموهوم الذي ليس له علم بكل ما يحدث و ليس له ااي ذنب فيما يحدث بينك و بينها ,هل تقبل ان توضع في مكانه !! ,هل تقبل ذلك الموقف لاختك..!!

ارجو من الله ان تتقي الله بها و بك و لا تجعل الموقف يسؤ اكثر من ذلك فانت الان تقول ان العلاقه بينكم مازالت"عذريه حتي الان "
فما الحل إن تمادت تلك العلاقه إلى ما يحرمه الله ,بالاضافه إلي انها سيكتب كتابها على شخص اخر ,اى ستصبح زوجه,و مجرد ان تفكر في شخص اخر غير زوجها شيئا حرمه الله و حرمته الاخلاق و القيم الانسانيه ,
فهل ستستمر القاءات و الاحاديث بينكم بعد زواجها ,اخ tay3 اا كان مدي تعلقك بتلك الفتاه و تعلقها بك ,فقد كتب الله لكما ان لا تكونا لبعض علي الاقل الان و الله اعلم بالغيب و لكن من الواجب لك ان تجبر نفسك من الابتعاد عنها من اجلك و من اجلها و لكي لا تتعذبا انتم الاثنين بنار قد تحرقكما

اتمني ان تستجب لنداء العقل قبل فوات الاوان ,و عذراا لي علي كلامي إن لم يقبل منك استرحاب..

[therock223]

بص انا هقولك رأيي من وجهة نظرى
اللى انت بتعملة الوقتى دا غلط لان ولاد الناس مش لعبة وبعدين الحب ممكن يتعوض لكن رضا الوالدين والام عمرها ما تتعوض انا شايف ان انت تحاول تنهى الموضوع دا وحط نفسك مكان الشخص التانى اللى هيخطبها دا كنت هتعمل اية لو عرفت كدا عن خطيبتك
عموما الرأى يرجعلك في الاول والاخر
وربنا يوفقك يا سيدى وتلاقي حب جديد
وزى ما قدرت انك تبعد عنها فترة قبل ما ترجعلها هتقدر تبعد عنها خااالص
وربنا يوفقك يا نجم

[perfectman78]

انت فكرتني بنفسي يا صاحبي
صدقني يا صاحبي
مهما تحاولو خلاص.. ربنا مش عايز كدة
ارحمها و ارحم نفسك و ارحم الراجل اللي مالوش ذنب
ماتسالنيش عن تفاصيل تجربتي الله يخليك
بس صدقني و الله مع انك مش هاتقدر تنساها ابدا.. بس هاتقدر تكمل حياتك
و صدقني و الله يا صاحبي.. مهما كان الانفصال صعب عليك دلوقتي.. هايكون اسهل من اي وقت بعد كدة
اقولك علي اللي قولته لنفسي...
حط نفسك مكان الراجل دة!!
انتو الاتنين عملتو كل اللي عليكو.. و انشاء الله ربنا هايعوضكو انتو الاتنين :)

[therock223]

متهيألى يا اخ tay3 انت شفت ردود الناس واكيد هما اجمعو على انكم لازم تنفصلو والقرار في الاخر راجع ليك وارجو لو حبيت انك تقولنا انت قررت تعمل اية ؟
وهل انت مقتنع بكلام الاخوة الاعضاء ولا لا

[therock223]

فين الردود يا جماعة هو الموضوع وحش للدرجة دى

[tay3]

انا قررت ننفصل علشان الموضوع بدأ ياخد شكل مش حلو خالص وبدأ يبوخ واللي انا مش هقدر اخبيه عليكوا اني بدأت اخلي الموضوع مش عذري على فكرة والله العظيم انا مش بمثل ولا بألف قصة بس والله هو ده اللي بيحصل فالمهم انا فعلا هسيبها عشان هي كمان كام شهر هتبقا على ذمة راجل تاني وهيبقا الموضوع ده ذنبه كبير اوي والواحد مش ناقص ذنوب وشكرا شباب على الردود وفعلا المنتدى منتدى صداقات فعلا يعني اقصد ان الواحد وهو بيتكلم مش حاسس بحرج ولا ان واحد هيقرى الكلام ده ويتريق ويقول علي اللي قراه كلام سمج وشكرا ليك روك

[therock223]

انا بهنيك يا باشا على قرارك دا لانة هيبقي في مصلحتك ومصلحتها وان شاء اللة هتلاقي حب جديد وربنا هيوفقك مع واحدة غيرها
والجواز دا قسمة ونصيب
وشكرا لللاخوان اللى شاركو برأيهم ويا رب اشوف قصص تانية عشان نتناقش في حلها ان شاء اللة

[unknown_user]

السلام عليكم و رحمة الله
شكراا لك اخي علي اتاحة الفرصه لنا للحديث بحريه و صراحه
و اتمنى ان يدلني احد لما هو واجب فعله في موقفي , هو مش مشكله بالظبط بس شيئ بجد معكر صفو حياتي و مش عارفه اتعامل معاه
اولآ انا بنت و كان في إنسان بيحبني بجنون وانا في ثانوي و اصحابي القريبين عرفين و كانو بيشوفو اسلوب تعامله معايا و كنا نعتبر شبه مرتبطين ,لكن انا مكنتش ببادله نفس المشاعر بالدرجه على قد ما كنت بحب حبه ليا
المهم السنين طولت و كل واحد بعدته السنين و المشاغل في الدراسه و سيبنا بعض عادي منغير خلافات جامده لكن بهدوء ,لكن بنشوف بعض لغاية دلوقتي صدفه "لانه صحاب اخويا"و صحبتي الانتيم كانت بتكلمه من ايام ثنوي عادي لكن في الفتره الاخيره قربو من بعض جداا و المفروض إنها بتقنعني انه بقي بيحبها و بيتكلمو كل يوم بالسعات و هي مش عرفه تعمل إيه و بتستشيرني , طبعا انا صحبتي شيئ مهم جداا في حياتي و بحبها جداا و هو مش فارق معايا اوي لاني نسيته
بس المشكله إني مش قدره انسي ان الانسان داا كان فيوم بيحبني انا و إنا المشاعر و الكلام اللى بيقولهولها دا كان ملكي فيوم ,إذاي هو قدر ينساني ,دا لغاية فتره قريبه كان محور كلامهم عليا و هي كانت بتحاول تخاليه ينساني و يكمل حياته
, و ليه هما الاتنين بالذات ,ليه اعز صحابي متلقيش غير الانسان داا اللى تخليه يحبها او تكلمه ,لللدرجه دي ضاق الكون عليهم
المفروض إني بتعامل معاها عادي و إن الموضوع إيذي و مفيش حاجه و بتيجي تحكيلي على اللي بيحصل
بس الموضوع زاد و كلامه اللى بيقولهولها بيحرقني بجد و بيعذبني لما بتقولهولي و نفسي اقولها متحكيش "نار اني معرفش اايه اللي بيحصل ارحم من عذاب المعرفه" بس مينفعش و في نفس الوقت انا مش قدره اتخيل لو موضوعهم كمل انا هعمل اايه او هتصرف ازاى و مش مصدقه انه بجد بتصرف كدا و نفسي فيوم يتصل باخويا و ارد عليه بس مش عرفه اسئله سعتها والا لا
ياريت بجد حد يفدني و ينصحني اعمل اايه انا كل مره بتحكيلي على اللى دار بنهم بتجنن و عايش في حاله من الكئابه و الزهول و الغضب ,شكراا لكم مره اخري.

[therock223]

شكرا يا اخت على صراحتك بس انا شايف انك ما بتحبهوش ودا اللى انتى قولتية في اول كلامك المشكلة كلها انك حاسة ان المفروض الكلام دا كلة اللى بيحصل مع صحبتك انة يكون معاكى انتى
بس لو عايزة نصيحتى سيبيهم يحبو بعض وبلاش تعزبي نفسك لانك في يوم من الايام هتلاقي الانسان اللى يستاهلك واللى انتى تحبية وهتحسي ساعتها ان دى كانت مرحلة ملهاش اى لازمة في حياتك
وعموما حاولى تخدى الموضوع عادى خالص
وعلى فكرة دا مش زنبه انة حب صاحبتك لانة مالاقاش نفس المشاعر والحب اللى كان بيديهولك فجة الوقت اللى لازم يمل فية ويبعد عنك ويدور على واحدة تدية حب على اد الحب اللى شايلهولها وبالصدفة كانت الحد دا صاحبتك فحاولى تاخدى الموضوع عادى خالص وما تفكريش فية ولا تكلمية في اى حاجة عشان ما تجرحيش صاحبتك

[therock223]

يا ريت يا جماعة الموضوع دا يكون السبب في اننا نفضفض على اللى جوانا ونساعد بعض في حل مشاكلنا
يا ريت اشوف ردود اكتر والاقي اهتمام من الاعضاء