المساعد الشخصي الرقمي

مشاهدة النسخة كاملة : تطوير منتدى الكرة المصرية

ahm212121
13-10-2009, 03:45 PM
بسم الله الرحمن الرحيم

اخواني الاعضاء من محبي و مشجعي المنتخب الوطني المصري

في ظل سياسة تطوير هذا القسم فلقد حدثت بعض التعديلات التي ترونها الان بالاضافة الى بعض التعديلات الجديدة باذن الله

و كما تلاحظون ، فلقد تم انشاء عددا من الاقسام الجديدة لتغطية معظم متطلبات القسم

و ادارة قسم الكرة المصرية يناشد اعضاؤه الكرام بالالتزام بوضع المواضيع المخصصة كل في مكانه و قسمه الصحيح ، حتى يتسنى للمتابع تحديد وجهته داخل القسم

فنرجو من السادة واضعي الاخبار الصحفية الالتزام بوضعها في قسم الصحافة و كذلك الميديا في مكانها الصحيح و هكذا لبقية الاقسام

مع ملاحظة انه قد منع انشاء اي مواضيع جديدة على الصفحة الرئيسية بمنتدى الكرة المصرية و بالتالي فلن يظهر عليها اي مواضيع جديدة ينشئها الاعضاء
Sir Abdallah
13-10-2009, 06:45 PM
ازيك يا استاذ خالد اخبار حضرتك اية

فية كدة حاجة انا مش شايفها
الاقسام كلها تم وضعها تحت
المنتخب المصري ابطال افريقيا
بكدة تكون الاقسام المتفرعة من المنتدى
تابعة للمنتخب من ميديا واخبار واساطير ومناقشات وتقديمات

ولكن منتدى الكرة المصرى مش قائم بس على المنتخب
ولكن قائم على الدورى المصرى والفرق الاخرى غير الاهلى والزمالك

لو تم افتتاح الاقسام دى للمنتخب
يبقى يتعمل منتدى ايضا فرعى ويكون لية نفس اركان قسم المنتخب

اما لو كان الاركان اللى اتفتحت للمنتخب والدورى
فاولا مش هيكون فية داعى اننا نحطها تحت قسم المنتخب
وهيكون من الافضل انها تكون اقسام فرعية من منتدى الكرة المصرى

الترتيب الموجود حقيقى مش فاهمة
rock1oo
13-10-2009, 07:11 PM
الف مبروك القسم فس ثوبه الجديد
وبالتوفيق ان شاء الله
Mr.Sinbad
14-10-2009, 03:46 AM
بقترح يتم فصل منتدى المنتخب المصرى عن منتدى الكره المصرى

ان انتم بكده خليتوا الكل يتفرع من الجزء ودى حاجه مش طبيعيه بصراحه !!!


وان كان قسم الكره المصرى على سبيل الانديه غير جماهيرى اوى ومينفعش يبقى قسم لوحده

يبقى اقترح ان يكون منتدى منتخب مصر هو المنتدى الرئيسى ويتفرع منه منتدى فرعى خاص بالدورى المصرى وبكده تكون العمليه ظبطت اداريا

نرجو المناقشه لان الموضوع هام

فكيف نجعل الكل ( منتخب مصر ) يتفرع من الجزء ( الدورى المصرى )
™VaMpiRe™
14-10-2009, 08:28 AM
هو كان التصور ان يكون منتدي الكرة المصرية الاصل
وتحتية قسم للمنتخب بتفريعاتة
وقسم للدوري الممتاز بتتفريعاته(مع شمولة علي مواضيع الكاس)
مع النية لافتتاح اقسام فرعية او اركان لاحسن الروابط النشطة(لاسماعيلي والمصري والاتحاد علي سبيل المثال)
ولكن حدث خطأ ولم يصحح الي الان في تنفيذ بعض الطلبات ونحن بالانتظار.....
tarekmahrous
15-10-2009, 12:06 AM
السلام عليكم ورحمة الله وبركاته
اسمحوا لي اني اشارك برايي في بعض الاقتراحات اللي ممكن لو اتعملت ممكن تبقي مفيدة وبرضه الراي الاول والاخير
بس قبل ما اقول اي حاجة ببارك الاول على التطوير لقسم الكرة المصرية وده شئ مش جديد علي كل الناس الحلوة هنا المعروفة عنها النشاط
دلوقتي انا دخلت القسم ملقتش اي حاجة تتعلق باخبار الاندية المصرية غير الاهلي والزمالك لقيت كله المنتخب دلوقتي بقي انا لو حابب مثلا احيب اي خبر عن النوادي الثانية زي انبي وحرس الحدود والمصري وبقية فرق الدوري المصري احطها فين فانا كنت بقترح انه يتعمل قسم باسم الدوري المصري او اخبار البطولات المصرية زي الدوري وكاس مصر والمباريات الودية واحوال اللاعيبة المصرية كده يعني علشان الاخبار كلها متتخلطش مع بعضها يارب الاقتراح يعحبكوا
Sir Abdallah
15-10-2009, 09:35 PM
السلام عليكم ورحمة الله وبركاته
اسمحوا لي اني اشارك برايي في بعض الاقتراحات اللي ممكن لو اتعملت ممكن تبقي مفيدة وبرضه الراي الاول والاخير
بس قبل ما اقول اي حاجة ببارك الاول على التطوير لقسم الكرة المصرية وده شئ مش جديد علي كل الناس الحلوة هنا المعروفة عنها النشاط
دلوقتي انا دخلت القسم ملقتش اي حاجة تتعلق باخبار الاندية المصرية غير الاهلي والزمالك لقيت كله المنتخب دلوقتي بقي انا لو حابب مثلا احيب اي خبر عن النوادي الثانية زي انبي وحرس الحدود والمصري وبقية فرق الدوري المصري احطها فين فانا كنت بقترح انه يتعمل قسم باسم الدوري المصري او اخبار البطولات المصرية زي الدوري وكاس مصر والمباريات الودية واحوال اللاعيبة المصرية كده يعني علشان الاخبار كلها متتخلطش مع بعضها يارب الاقتراح يعحبكوا


تم افتتاح قسم للدورى المصرى يا جميل
وباذن الله يتم افتتاح اقسام متفرعة منة

وممكن اى موضوعات للدورى او للفرق تحطها فية
tarekmahrous
16-10-2009, 10:12 PM
الف شكر على الاهتمام برايي وده مش جديد عليكوا وعلى كل الناس الحلوة اللي هنا اللي بتسعي انها تبقي دايما في الاول بشغلها الجامد وقبل كل كده بالزوق العالي ربنا معاكوا وان شاء الله العبد لله لو فيه اي مواضيغ تتعلق بالدوري الممتاز ححطها في القسم ومن تطور لاخر ان شاء الله لقسم الكرة المصرية
bogyasa
20-10-2009, 01:07 AM
كل الشكر والتقدير للاخوة الزملاء الاعزاء اصحاب الخبرة والجهد المتميز على الجهد الكبير فى تطوير هذا المنتدى الهام الى الافضل ان شاء الله تعالى


وحسب ما ارى فالخطوات بدأت بالفعل والبشائر ظهرت الى النور بالتعديلات الجوهرية التى تضفى المزيد من الترتيب والهندمة لهذا البيت


فلكم جزيل الشكر والثناء لما تقومون به من اجل رفعة ورقى هذا القسم الهام