على بركة الله نبدأ شرح أولى دروس دورة منتدى الزمالك للمونتاج

[كيمو الزملكاوى]

http://www.samysoft.net/forumim/basmla/gfjfghjfg.gif

على بركة الله وكما وعدناكم بتقديم خدمة جديدة ومميزة لرواد منتدانا الكرام
نبدأ اليوم فى تقديم أولى دروس شرح تعليم وإحتراف برامج تصميم الكليبات الرياضية والمونتاج المختلفة
وسنبدأ أولى الدروس بشرح البرنامج الشهير movi maker
وهو يعتبر الخطوة الأولى التى بدأ بها كل محترفى تصمميم الكليبات
هذا الدرس من إعداد وتقديم مشرفنا القدير وأستاذنا الكبير
الأستاذ خالد
http://i61.photobucket.com/albums/h67/zamalek4ever/ahm212121.jpg?t=1249600405

والمفاجأة الأخرى مقدمة من الأخ الجميل هتلر

http://i61.photobucket.com/albums/h67/zamalek4ever/hetlar2.jpg?t=1249600988

وهى عبارة عن كتاب باللغة العربية لتعليم فنون الموفى ميكر

نتمنى من الله عز وجل ان كون قد وفقنا فى تقديم ولو مساهمة بسيطة فى إفادتكم

برجاء عم الرد حتى يتم الإنتهاء من الموضوع كامل

http://www.samysoft.net/forumim/fwasel/2/adasdasdeee.gif

[كيمو الزملكاوى]

بسم الله الرحمن الرحيم




شرح مبسط لطريقة عمل فيديو كليب باستخدام الموفي ميكر



بمناسبة المسابقة الكبرى لعمل الكليبات في منتدى الزمالك يشرفني ان اقدم لكم اعزائي الاعضاء شرح مبسط لاستخدام هذا البرنامج في عمل كليبات سهلة و سريعة في نفس الوقت.

برنامج الموفي ميكر يعتبر من اسهل و ابسط برامج صنع الكليبات ، و على الرغم من ان هناك العديد من البرامج المتخصصة و لكن يظل الموفي ميكر هو الاسهل ، و عموما من يستطيع استخدام الموفي ميكر يستطيع بنفس الاسس و المباديء ان يستخدم بقية البرامج.


في البداية ، يجب على مستخدم البرنامج ان يقوم بتجهيز مادة الميديا التي يريد استخدامها ، سواء فيديو او صوت او حتى صور




البرنامج يأتي مع نسخ الويندوز ، كل ما عليك هو الذهاب الى ابدأ ..... البرامج ........ موفي ميكر



واجهة البرنامج

http://img384.imageshack.us/img384/443/49041999bm0.jpg


1- تسجيل فيديو من جهاز ( مثل التي في تونر )
2- احضار الفيديو ( فيديو عندك على الجهاز و تستحضره على البرنامج للعمل عليه)
3- احضار صور
4-احضار صوت (ملفات صوتية او موسيقية)
5- اجراء العمليات على الفيديو
6- انهاء العمل و اخراجه
7- عرض العمل على هيئة شريط حتى تستطيع التعامل معه
8- استخدام الميكروفون الخارجي لادخال صوتك او صوت من خارج جهاز الكومبيوتر
9- للتحكم في الاصوات على الفيديو
10- شاشة لعرض الفيديو اثناء العمل عليه
11- مقص للفيدو و الصوت ، تستطيع بها ان تقص الاجزاء العير مرغوب بها في العمل.
12- اخذ صور من الفيديو .



و الان بعد ان انتهينا من استعراض واجهة البرنامج الرئيسية ، هيا بنا للعمل عليه
بالضغط علىimport video تستطيع البحث عن الفيديو المراد العمل عليه ، اختاره و اضغط ok

http://img384.imageshack.us/img384/4634/importph7.jpg


و بالضغط على import audio تستطيع جلب الاغنية او المادة الصوتية و التي ترغب في اضافتها للكليب

http://img384.imageshack.us/img384/4738/audiojw2.jpg


ملحوظة: اذا قمت بالتأشير على المربع الصغير عند البحث على الفيديو او الصوت ، سيقوم البرنامج بتقسيم الفيديو الى عدة اجزاء اوتوماتيكيا و لهذا يفضل عدم التأشير عليه.

و الان اصبح هذا الشكل لديك

امامك الفيديو و كذلك ملف الصوت
اضغط على مكان السهم المحدد في الصورة ، حتى يتم الانتقال الى شريط


http://img384.imageshack.us/img384/3451/24875737ff9.jpg




http://img384.imageshack.us/img384/7220/33221863or5.jpg


و كما بالشكل ، بعملية سحب الفيديو و وضعه على الشريط ، ستجد العمل و قد اصبح مفرودا امامك و هناك مسطرة اعلاه ، ما هي الا زمن الفيديو يالثواني و هذا يسهل عليك عملية الانتقال و قص الاجزاء اذا حددت توقيتها.

و ستلاحظ عزيزي ايضا ان شاشة العرض اصبح الفيديو معروضا عليها.
على الشريط ستلاحظ وجود اكثر من سطر ، و بجانب كلمة فيديو ، هناك علامة + ، بالضغط عليها سترى شريط للفيديو و شريط للعمليات التي ستجريها على الفيديو و شريط ثالث للصوت الاصلي الموجود مع الفيديو.
و اسفل ذلك ستجد شريطين ، الشريط الاول هو شريط للمادة الصوتية التي تود اضافتها للعمل ، و الشريط السفلي هو للكتابات التي ستضيفها للعمل.



و الان قبل الانتقال الى عمليات اخرى متعلقة بادخال بعض التأثيرات على الفيديو او اضافة اصوات او اضافة بعض التترات

تستطيع الان عزيزي ان تقوم بعملية حذف لبعض الاجزاء الغير مرغوب بها في الفيديو، و ذلك بأن تقوم بعرض للفيديو على الشاشة التي بالبرنامج ، و متابعة العرض و عندما تصل الى نقطة معينة تقوم بايقاف مؤقت اافيدو و تقوم بضبط الكادر المحدد و باستخدام المقص و هو الذي حددناه بالرقم 11 في الواجهة الرئيسية للبرنامج.

ستجد ان الفيدو قد تم فصله الى جزئين ، و تقوم بمتابعة العرض مرة اخرى حتى ترى نهاية الجزء الغير مرغوب به في الفيديو ، فتقوم ايضا بعملية القص
فيصبح لديك الان الفيدو و هو على هيئة 3 اجزاء ، تقوم بتحديد الجزء الذي ترغب في ازالته بان تضع مؤشر الماوس علية و تضغط ضغطة واحدة ، و من ثم ذلك اضغط في الكيبورد على زر و سيختفي من امامك هذا الجزء.
طبعا تستطيع تكرار العملية السابقة مرات و مرات و كذلك تستطيع جلب بعض الصور او بعض الفيديوهات الاخرى و وضعها بين الاجزاء المقصوصة او في نهايتها او بدايتها . الامر كله متروك لك و لطريقة تخيلك للكليب.


و الان ناتي الى الجزء الابداعي لديك عزيزي و كيف ستتعامل مع الادوات المتاحة لديك بالبرنامج كي تصنع عملا برؤيتك الخاصة .
بالضغط على edit movie
ستجد تحتها 5 اختيارات كي تستخدمهم مع العمل.

الخيار الاول show collection و هو اعادة عرض مجموعة الفيديوهات و الملفات الصوتية التي اخترتها و طبعا لن تستخدمها في شيء الان.
الخيار الثاني view video effects و بالضغط عليه ستظهر لك مجموعة من التأثيرات التي تستطيع استخدامها كلها او بعض منها لاضافتها للفيديو او لجزء من الفيديو. من بين تلك التأثيرات ماهو لإضفاء الشكل القديم للتصوير كمثلا يبدو الفيلم انه تم تصويره في مرحلة الثمانينات و هناك الاقدم كي يظهر انه تم تصويره خلال ايام شارلي شابلن مثلا. ايضا بعضها ما يقوم بتسريع الصورة للضعف و الاخر للابطاء منها ....... ستجد عزيزي العديد من تلك التأثيرات.

http://img384.imageshack.us/img384/1921/50515185mq9.jpg



ما عليك فعلا هو ان تقوم بتحديد التأثير المطلوب و تقوم بسحبه بالماوس و وضعه فوق الجزء المحدد من الفيديو ، طبعا انت الفيديو اصبح عندك مجزء لعدة اجزاء تقوم بوضع تأثير معين على جزء و تأثير اخر على جزء ثاني او تعيد نفس التأثير المهم الموضوع متروك لمخيلتك.
ستلاحظ عزيزي ان جزء الفيديو الذي ستقوم بوضع تأثير عليه ستظهر عليه في الشريط علامة نجمة .
الخيار الثالث view video transation و هذا الخيار بالضغط عليه سيظهر لك العديد من الفواصل التي تستطيع اضافتها بين اجزاء الفيديو المقصوصة ، طبعا تستخدمها اذا كان تسلسل الفيديو بعد عملية القص غير منطقية و تريد ان توضح انك تنتقل في الكليب الى جزئية اخرى بحيث يكون هناك ترابط في العمل ، مثال لهذا ما نراه في مباريات كرة القدم عند اعادة هدف او لقطة اثناء سير المباراة ، فان الفاصل الذي يظهر قبل و بعد عملية الاعادة تقوم بعملية الربط كي يفهم المشاهد تسلسل الاحداث.

http://img384.imageshack.us/img384/6946/60381036ob4.jpg

ستقوم عزيزي بتحديد شكل الفاصل الذي ترغب فيه و ستقوم سحبه بالماوس و تضعه بين الجزئين المطلوبين.
الخيار الرابع make titels or credits و هذا الخيار يمكنك عزيزي من اضافة الاسماء و البيانات التي تريد اضافتها على الكليب طبعا بهدف الحفاظ على ملكية العمل.
بالضغط عليها ستظهر لك عدة اختيارات للكتابة التي ترغب في وضعها و ان تختار من بين ان تضع الكتابة في اول الكليب او منتصفه او نهايته او اثناء عرضه كاملا

http://img384.imageshack.us/img384/8103/titelsva1.jpg



و باختيار احد الخيارات السابقة ، ستنتقل الى صفحة جديدة تتمكن من خلالها ان تقوم بكتابة ما تريده بالاضافة الى امكانية التحكم في لون الخط و الخلفية و حجم و نوع الخط و كذلك اسلوب عرضه على الشاشة كأن يظهر على شكل ومضات او احرف متقطعة او او .... و كذلك تستطيع ان تتحكم في درجة شفافية التايتل بحيث لا يكون مصمت تماما و يقوم بتغطية اجزاء من الفيلم


http://img384.imageshack.us/img384/2993/50284291de2.jpg

ستجد كل الكتابات التي تكتبها و التغيرات عليها تظهر امامك على شاشة العرض.



مع ملاحظة هامة في ان اللوجو الجيد او التايتل الممتاز هو الذي يقوم بالحفاظ على ملكية صاحب الفيديو مع ملاحظة عدم اخفائه لمعالم مهمة في الفيلم.
و في الختام و بعد ضغطك على كلمة done ستلاحظ ان التايتل قد اتخذ موقعه على شريط المهمات بالاسفل.


الخيار الاخير make an automovie هذا كي تريح نفسك و تجعل البرنامج يعمل اي حاجة و السلام.


و الان التعامل مع الاصوات:
طبعا تذكر عزيزي ملف الصوت الذي احضرناه ، تستطيع وضعه في الجزء المحدد للصوت في شريط المهمات اسفل شريط الفيديو.

و بالتأشيير عليه بالماوس و ضغطة واحدة ، تستطيع اجراء عمليات القص و الحذف السابقة و التي قمنا بها على الفيديو.
و لكي تقوم بإظهار الصوت و عرضه على الكليب عليك الضغط على الرسمة الصغيرة كما في الشكل التالي.


http://img384.imageshack.us/img384/442/32938880qz3.jpg


و تستطيع ان تختار درجة الصوت و دخولها على الكليب ، فبإمكانك ان تجعل صوت الفيديو الاصلي يختفي و يظهر فقط صوت الموسيقى او الاغنية ، او العكس او المزج بينهما



اما اذا اردت ان تقوم بتسجيل صوت لك او صوت من خارج الكومبيوتر ، فعليك بالضغط على علامة الميكروفون الصغيرة و تبدأ في عملية التسجيل الصوتي باستخدان المايك الخارجي و من ثم تحديد مكانها على العمل


http://img384.imageshack.us/img384/8247/18291780gd0.jpg



نأتي الان لعملية حفظ العمل و تخزينه. finish movie



بالضغط عليها ستجد عدة اختيارات كي تقوم بحفظ الملف او الكليب النهائي.


http://img384.imageshack.us/img384/7481/savene9.jpg


ان كنت تريد حفظ نسخة ممتازة للعرض على جهازك الشخصي فعليك باختيار الحفظ على الكومبيوتر و تتبع الصفحات التي تظهر لك من اختيار الامتداد و مكان الحفظ و اسم الكليب.

و ان كنت ترغب في حفظ نسخة خفيفة لتحميلها على النت ، اختار send to web و تختار اسم الكليب و امتداده و كذلك سرعة النت التي لديك ، مع ملاحظة كلما زادت السرعة كلما زاد حجم الفيلم.


و ملاحظة هامة ايضا كلما زاد حجم الفيلم كلما زادت جودته ، يعني ما تعملش عمل حلو و تضيع جودته علشان يبقى حجم الكليب صغير عليك باختيار خير الامور الوسط.
ملاحظة هامة اخرى : يمكنك حفظ مشروع العمل file >>> save project as كي تستطيع استكماله في مرة لاحقة او لجراء بعض التعديلات عليه ( بشرط عدم حذف الفيديوهات او الصوتيات الاصلية من على جهازك)



انا انهيت الموضوع و في الختام اتمنى ان اكون قد وفقت في الشرح و اتمنى ان يستفيد به اكبر قدر ممكن. و ان نرى باذن الله عظماء في عالم المونتاج و الاعمال الفنية.


مع ملاحظة ان هناك العديد من التريكات الصغيرة و التي تؤدي الى سهولة اكثر و سرعة اكبر و جودة احسن و التي لم استطع اضافتها للشرح حتى لا تختلط الامور ببعضها في الشرح و لكن على استعداد تام للاجابة عنها و توضيحها في حال استفساراتكم عنها
تسلم إيدك يا كبير


http://i61.photobucket.com/albums/h67/zamalek4ever/1.jpg
الخطوة الأولى نضط على make title or criedits من القاءمة الموجودة يمين الشاشة

http://i61.photobucket.com/albums/h67/zamalek4ever/2-1.jpg?t=1250279276
ستظهر لنا تلك الشاشة
الخيار الأول لوضع الكتابة قبل بداية الفيديو اى كأنها تتر
الخيار الثانى لوضع الكتابة قبل المقطع المراد بالتحديد
الخيا الثالث لوضع الكتابة على المقطع المراد تحديده
الخيار الرابع لوضع الكتابة بعد المقطع المراد بالتحديد
الخيار الأخير لوضع الكتابة فى نهاية الكليب اى كأنها تتر نهاية

http://i61.photobucket.com/albums/h67/zamalek4ever/4-1.jpg?t=1250279717

الأختيار المشار إليه بالسهم لتغيير حجم ونوع الخط ولونه أيضا


http://i61.photobucket.com/albums/h67/zamalek4ever/5-1.jpg?t=1250281207
الأختيار المشار إليه لتغيير طريقة عرض الكتابة





http://i61.photobucket.com/albums/h67/zamalek4ever/6-2.jpg?t=1250281597

وفى النهاية نضغط على done للإضافة الكتابة للكليب

[كيمو الزملكاوى]

لينكات تحميل كتاب التعليم باللغة العربية بالمرفقات
لمشاهدة الكتب بعد تحميله يشترط وجود برنامج adobreader
مع أطيب تمنياتنا بالإستفادة والإستمتاع

http://www.samysoft.net/forumim/nehaya/678678.gif

[MISSO911]

الله عليكوا مش عارف والله اقول ايه
بس بجد ابداع والله

[TRIPLE.H]

والله شغل ولا احلى وولا اروع ، بجد تسلم ايدك يا استاذ خالد انت واحمد وكريم .
وانا كان نفسى من زمان اتعلم ازاى اعمل فيديو .
وان شاء الله هحاول اطبق الكلام ده .
تحياتى للجميع .

[hopico]

بدايـ،،ـه مميزه ياشب/،ـاب
تسلم آيديكم ومجهود كبيـ،ـ،ـر جداً منكم

وان شاء الله نكمل بباقى الدروس فى أقرب فرصه

[wesammt2005]

الف مليون شكر على الكلام الكبير ده بقى يلى ياكيمو خش على الا بعده Ulead VideoStudio
وبجد شرح روعه وممتع يااجمل كيمو فى الدنيا .

[HETLAR 2]

مجهود رائع يا كيموز

و الي مش فاهم حاجة يسئل يا رجالة

و كيمو وعد بعمل مسابقة للكليبات و احسن كليب لية كارت شحن ب200 جنية مقدما من كيمو :2:

تشكر يا كيموز

[wesammt2005]

كيمو ياجميل اشرح الكتابه بالعربى على الفيديو هنا بالتفصيل علشان كله يفهمه بقى معلش هتعبك حتى شرح فى السريع كده.

[كيمو الزملكاوى]

الله عليكوا مش عارف والله اقول ايه
بس بجد ابداع والله


تقولى أنك ابتديت تشتغل على أول فيديو ليك ومنظرينا إبداعاتك يا حودة

والله شغل ولا احلى وولا اروع ، بجد تسلم ايدك يا استاذ خالد انت واحمد وكريم .
وانا كان نفسى من زمان اتعلم ازاى اعمل فيديو .
وان شاء الله هحاول اطبق الكلام ده .
تحياتى للجميع .

ميرسى يا ابوحمبد يالا بقى عايزين نشوف الشغل

بدايـ،،ـه مميزه ياشب/،ـاب
تسلم آيديكم ومجهود كبيـ،ـ،ـر جداً منكم

وان شاء الله نكمل بباقى الدروس فى أقرب فرصه


نورتنا يا هوبيكو وطبعا انت مش هتعل لأنك أستاذنا فى الميديا
منتظرين روائعك

[كيمو الزملكاوى]

الف مليون شكر على الكلام الكبير ده بقى يلى ياكيمو خش على الا بعده ulead videostudio
وبجد شرح روعه وممتع يااجمل كيمو فى الدنيا .


الشكر لله يا وسام
واليوليد فى الطريق
مجهود رائع يا كيموز

و الي مش فاهم حاجة يسئل يا رجالة

و كيمو وعد بعمل مسابقة للكليبات و احسن كليب لية كارت شحن ب200 جنية مقدما من كيمو :2:

تشكر يا كيموز

ايه؟ مين؟ امتى ؟ فين؟

كيمو ياجميل اشرح الكتابه بالعربى على الفيديو هنا بالتفصيل علشان كله يفهمه بقى معلش هتعبك حتى شرح فى السريع كده.


لا تعب ولا حاجة
حالا يكون الشرح موجود

[zamalek love]

طبعا مجهود عالى يااستاذى


والف شكر عليه


انا بحاول اهوه ويارب انجح


وان شاء الله استفساراتى بعد التجربة


شكرا ليك

[bogyasa]

شرح واسلوب مميز .. اهيه فرصه للى عايز يتعلم ويبدع كمان


عاش الاستاذ خالد وكيمو وابوحميد


الله ينور عليكم يا رجاله


انا بحاول فى الطلعة الاولى وربنا يوفق

[zamalek love]

الله اكبر


انا حاولت وقلت اعدل على فيديو موجود فعلا


والله طلع فيديو


بس شوية غلطات كده

نحاول نشيلها

وكان عندى استفسار


بعض الصور بيبقى مكتوب عليها

ازاى نشيل الكتابات دى؟؟؟؟؟


شكرااااااااا استاذنا

[zamalek love]

على فكرة


كمان بالنسبة للصور

مابيرضاش يعمل لها import


من اى حته


اعمل ايه ف الموضوع ده؟؟؟

[HETLAR 2]

على فكرة



كمان بالنسبة للصور

مابيرضاش يعمل لها import


من اى حته



اعمل ايه ف الموضوع ده؟؟؟


ممكن تشوفيلي نوع الصورة اية ؟


الله اكبر


انا حاولت وقلت اعدل على فيديو موجود فعلا


والله طلع فيديو


بس شوية غلطات كده

نحاول نشيلها

وكان عندى استفسار


بعض الصور بيبقى مكتوب عليها

ازاى نشيل الكتابات دى؟؟؟؟؟



شكرااااااااا استاذنا



اعتقد في برنامج استاذ خالد يعرفة بيشيل الكلام من علي الصور
بس هيا حاجة معقدة ياعني و صعبة قوي

[zamalek love]

ممكن تشوفيلي نوع الصورة اية ؟


معلش وضح اكتر

يعنى ايه نوع الصورة

يعنى مثلا صور بنزلها من ع النت

او صور موجودة حاطاها ع الجهاز


اعتقد في برنامج استاذ خالد يعرفة بيشيل الكلام من علي الصور
بس هيا حاجة معقدة ياعني و صعبة قوي
[/center]



ربنا يبشرك بالخير

بس ان شاء الله فيه امل

وشكرا لردك واهتمامك يااستاذى

[احمدابوحبيبة]

شكرا بجد اوى والله الله عليكم بجد متميزين جدا
ربنا يوفقكم وتقدرو تكملو لينا الدرس دة

شرح اكثر من رائع بجد تسلم ايديكم

[wesammt2005]

شكرا ياكيمو على شرح الكتابه وده الا فهمته منك على الميل تمام كده.
مفيش حاجه اجمد بقى كده من الموفى ميكر فى الكتابه بالعربى يريد تشوفلنا بقى ههههه انت هتضربنى انا عارف.

[zamalek love]

مشكلتى تتلخص فى ان مابيرضاش ياخد صور من ع الجهاز

كمان مش اى أغنيه يوافق يحطها


هل ده له سبب معين ولا ايه؟؟؟

[كيمو الزملكاوى]

مشكلتى تتلخص فى ان مابيرضاش ياخد صور من ع الجهاز

كمان مش اى أغنيه يوافق يحطها


هل ده له سبب معين ولا ايه؟؟؟

بصى يا عبير
أولا أسف على التأخير
ثانيا بخصوص الصور ممكن يكون المشكلة فى الجهاز عندك لأنه لازم عشان البرنامج يشتغل بكفائه أن تكونى بتستخدمى نسخو ويندوز xp sp2 دون أى لإضافات او تعديلات
وبخصوص موضوع الأغانى هو مش بيقبل كل صيغ الأغانى
يعنى لو أغنية ريال بلاير مش هيقبلها
عموما انا هعمل دلوقتى شرح طريقة عمل كليب بالصور وإضافة أغانى عليها

[كيمو الزملكاوى]

انا النسخه اللى عندى

فيستا فورتكس v2



هل دى مابتشتغلش عيها الحاجات دى

وشكرا للافادة ياأستاذى

بصى انا هرفعلك برنامج موفى ميكر عندى صطبيه وجربى وقوليلنا إيه الأخبار

[zamalek love]

انا النسخه اللى عندى

فيستا فورتكس v2



هل دى مابتشتغلش عيها الحاجات دى

وشكرا للافادة ياأستاذى

[zamalek love]

بصى انا هرفعلك برنامج موفى ميكر عندى صطبيه وجربى وقوليلنا إيه الأخبار



شكرا ليك جداااااااااااااااااا

ومعلش هتعبك معايا

[HETLAR 2]

عبير نزلي برنامج سوني فيجاس و اشتغلي عالية احسن

[terass90]

مجهود كبير وموضوع مفيد جدا يا كيمو

ومعرفة وخبرة في مجال جديد مكنتش اعرف عنه حاجه خالص بصراحة

ألف شكر يا كريم .

[كيمو الزملكاوى]

عبير نزلي برنامج سوني فيجاس و اشتغلي عالية احسن

سونى فيجاس هو الدرس القادم يا هتلر
متظرين عودة هوبيكو من المصيف بالسلامة
بعدين انت ايه اللى جايبك هنا؟
روح العب مع الكتاكيت يا كتكوت

[HETLAR 2]

سونى فيجاس هو الدرس القادم يا هتلر
متظرين عودة هوبيكو من المصيف بالسلامة
بعدين انت ايه اللى جايبك هنا؟

روح العب مع الكتاكيت يا كتكوت



يا ابو الذكاء ماهو انا شغال علي سوني فيجس

و كتاكيت مين يابني اتكلم علي قدك

[zamalek love]

يااحلى من اى كتاكيت

الكتاكيت فيها انفلونزا دلوقتى


احمل سونى فيجاس بتاع هتلر ولا اللى انت قلت عليه ياكيمو

أغيثووووووووووووونى

[كيمو الزملكاوى]

أنصحك خديها واحدة واحدة
أبدأى بالموفى ميكر وبعد كدة ادخلى على سونى فيجاس

[HETLAR 2]

كيييييييييييييموز انزل انا شرح السوني فيجاء ولا هوبيكو الي هاينزلة

[zamalek love]

ياأساتذتى


انا عملت كليب وان شاء الله أرفعه وتقولوا رأيكم


بس كل مشكلتى دلوقتى


ف ازاى أقطع الحاجات اللى مش عاوزاها


أو مثلا كليب وعملته فعلا

وعاوزة اعدل حاجات فيه

ازاى أقطع منه؟؟؟؟

[zamalek love]

أول كليب من انتاجى بعد الدرس الاول

وادى الرابط وياريت ملاحظات الاساتذة يقولوهالى بقى

من هنا (http://rapidshare.de/files/48154739/Movie_0002.wmv.html)

[كيمو الزملكاوى]

بداية جيدة جدا
وكليب جميل عن الحاوى حازم إمام
تسلم إيدك يا عبير
يالا بقى اعملى توبك منفضل للكليب بأسمك
ولاداعى للشكر
فنحن جميعا تحت أمر الزملكاوية

[HETLAR 2]

ياأساتذتى



انا عملت كليب وان شاء الله أرفعه وتقولوا رأيكم


بس كل مشكلتى دلوقتى


ف ازاى أقطع الحاجات اللى مش عاوزاها


أو مثلا كليب وعملته فعلا

وعاوزة اعدل حاجات فيه


ازاى أقطع منه؟؟؟؟


عادي جدا حطي الكليب في الموفي ميكر و اشتغلي عالية عادي و قطعية



أول كليب من انتاجى بعد الدرس الاول

وادى الرابط وياريت ملاحظات الاساتذة يقولوهالى بقى


من هنا (http://rapidshare.de/files/48154739/movie_0002.wmv.html)


حلو الكليب بس عيبة ان عالية كتابة كتييير و ايملات و اسامي مواقع ابقي حاولي تختاري ميديا كويسة

بس بداية كويسة

[zamalek love]

بداية جيدة جدا

وكليب جميل عن الحاوى حازم إمام
تسلم إيدك يا عبير
يالا بقى اعملى توبك منفضل للكليب بأسمك
ولاداعى للشكر

فنحن جميعا تحت أمر الزملكاوية



شكرا جدا ليك ياكيمو

وده كان تطبيق مباشر للى كان ف الدرس
انا شفت حاجات تانية وعرفتها بس معرفتش ادخلها

ان شاء الله المستوى يتحسن
عادي جدا حطي الكليب في الموفي ميكر و اشتغلي عالية عادي و قطعية





حلو الكليب بس عيبة ان عالية كتابة كتييير و ايملات و اسامي مواقع ابقي حاولي تختاري ميديا كويسة

بس بداية كويسة
[/center]


فعلا ياهتلر

انا والله سالتكم ازاى اشيل الكتابات دى

بس زى ماقلت ده كان مجرد تطبيق دون دخول ف ابتكارات

شكرا ليك يااستاذى

[Mr.Sinbad]

تسلم ايدك يا شباب على المجهود الرائع ده

كل التحيه والتقدير وكل سنه وانتوا طيبين

[نداء الرحيل]

الف مليون شكر يا كيمو وانا متابع معاكم الدوره دى ان شاء الله وفعلا شرح جميل ومبسط وسهل وكمان عرفت حاجات اول مره اعرفها فى الموفى ميكر بس مستنين منكم البرامج الاحترافيه

[HETLAR 2]

ان شاء الله قريبا سوف يكون هناك شرح لبرنامج سوني فيجاس 9

و روابط البرنامج هاتنزل قريبا

[Mr.Sinbad]

ان شاء الله قريبا سوف يكون هناك شرح لبرنامج سوني فيجاس 9

و روابط البرنامج هاتنزل قريبا

شغل عالى يا هتلر تسلم ايديكو

[romuo89]

جامد جداااااااااااااااااااااااااااااااا بس المشكله ازاى اسجل الفيديو اصلا ياعنى انا عايز برنامج اتفرج بيه على الماتشات من جهازى

[كيمو الزملكاوى]

جامد جداااااااااااااااااااااااااااااااا بس المشكله ازاى اسجل الفيديو اصلا ياعنى انا عايز برنامج اتفرج بيه على الماتشات من جهازى

لو عايز تسجل يبقى انت محتاج كارت تى فى او كارت ستالايت

[ROZA_SUEZ]

xxxxxxxxxxxxxxxxxxxxx

[koko ayoub14]

موضوع جميل يا كيمو
صدئتنى كنت عايز اساعد بس انا مش بعرف اشرح على الجهاز
سورى
بس انا بنصح ببرنامج
سيبر لينك دايريكتور