سؤال عن التفريخ

[SLICE]

السلام عليكم ورحمة الله وبركاته
احب ان ارحب بجميع الاعضاء فى هذا المنتدى الممتاز واشكركم على الموضوعات الشيقه التى افادتنى حقا
ولا انسى فضلكم فى طرح الاشئله التي لربما تغيب عن اذهان البعض واشكركم على اجاباتكم الوافيه
اخوكم شمس عضو جديد فى المنتدى الشامل (موقع الدي في دي العربي)
واريد معرفة الطرق المثلى لتفريخ كل من fantail و discus
ولكم الكثير من الشكر والتحيه :bye10000:

[مسترموسى]

اولا اهلا بيك اخى Slice فى منتدانا الحبيب, حقيقى انت اخترت سمكتين من احلى الاسماك وقريبا" جدا سوف تجد فى المنتدى موضوع عن كل منهما على حدى معروض به طريقه التفريخ والتربيه بالتفصيل ان شاء الله

[مسترموسى]

فيه الموضوع الجميل دة عن الديسكس واللى عاملهولنا اخونا Bibomk عاشق الجولد والديسكس اضغط هنا click here (http://www.dvd4arab.com/forums/showthread.php?t=172712)
ولك التحيه والتقدير

[SLICE]

اشكرك على الاهتمام بالموضوع واتمنى ان يكون الرد سريع وافى
انا اعرف طريقه الشباك فى تفريخ fantail لكنها ممله نسبيا
اذا عثرت على طريقه اخرى اسهل اتمنى ان تذكرها وانا سوف اذكر طريقتى فى المساء او غدا ان شاء الله لانى لست متفرغا الان
اول موضوع قرأته كان موضوع Bibomk عن discus موضوع قصير وجميل لكن اتمنى ان يكمل الشرح بالتفصيل الممل جدا قريبا
:bye10000:

[مسترموسى]

لاتقلق اخى العزيز انا اعرف طريقه تفريخ الجولد والديسكس جيدا" بس الاقى وقت اخلص موضوع الموسوعه وان شاء الله اعملك الموضوعين اللى انت عاوزهم. ولك التحيه

[SLICE]

انا اسف جدا جدا على التأخير واتمنى قبول اعتذارى
اليكم طريقه تفريخ fantail واعتذر عن الاخطاء وارجو التصحيح لعدم انتشار الاخطاء

اولا يجب ان يكون لديك لمبه شمسيه واذا كنت تفرخ 5سمكات مثلا يجب ان يكون لديك
على الاقل3-4 احواض حجم 80فى30 و40ارتفاع لكى تعيش فيه الزريعه (الولده)
وعشان تعرف ان السمكه حتبيض حتلاقيها مابتكلش كويس او مابتكلش خالص اول
ماتلاحظ الاعراض دى ابدأ فى تجهيز الاحواض (قليل من الملح و درجه حراره 25-27
مع مراعاة ان درجة حرارة الاحواض متماثله ومماثله للحوض اللى فيه الامهات
(مع مراعاة عدم وجود اى نوع اخر من الاسماك مع الامهات)
ومتحطش اى حاجه تانيه فى احواض الزريعه غير ملعقة الملح والسخان حتى السكريه
تموت الزريعه وتغطي الاحواض وتسيبهاوتجهز شبك زى اللى بيشيلو فيه الفاكهه
وتقصه مربعات 50فى30سم حوالى 3حتت اول لما تشم ريحة زفاره جايه من الحوض
اللى الامهات فيه تقوم جايب الشبك وحاطته فى الميه وتسيبه ينزل فى الميه حتلاقى
الامهات بتخبط فى الشبك والبيض بيخرج منها ويلزق فى الشبك ييجى الذكر ورا
الاناث اللى بيبيضوا ويلقح البيض بعد لما يخلصوا الحوار ده تيجى رافع الشبك بحذر
وبطء شديد شديد شديد جدا وبالهداوه تحط كل شبكه على وش الميه فى كل حوض من
الاحواض السابق تجهيزها وتسيبها تنزل لوحدها مع مراعاة عدم وجود اى تيارات هوا
لان الهوا ده يموت البيض
يخلصو التلت حتت وتسيبه يوم او يومين زى ما ياخد حتلاقى الحوض بقى لونه
اسود اللون ده سمك وممنوع وضع سكريه في الحوض بعدلما تلاقى السمك بقى
فى حجم الجوبى الصغير تحط سكريه وتشغل هوا ضعيف جدا فى الحوض وتأكل
الزريعه ارتيميا منذ الولاده ولحد لما يبقوا فى حجم الجوبى الصغير وبعدها تحط فى
كل حوض نص معلقه من ميه الخس دى بعد فتره دود حى وتخرطه بموس او كتر
على لوح زجاج صغير (10فى10) بعد ماتخرط الدود تقلب لوح الزجاج وتمسحه
على وش الميه لحد لما يكبروا يبقوا عندهم 4-5 اشهر

ارجو المتابعه واعتذر عن اى اخطاء اى اضافه او تعديل ارجو الافاده
وشكرا :showoff0:

[melrefay]

دى معلومات عن تفريخ السمكة الذهبية على العنوان دة

http://www.dvd4arab.com/forums/showthread.php?t=197046

[مسترموسى]

اولا احييك اخى SLICE على مشاركتك القيمه لك منى خالص التحيه والتقدير

[مسترموسى]

دى معلومات عن تفريخ السمكة الذهبية على العنوان دة

http://www.dvd4arab.com/forums/showthread.php?t=197046

شكرا" يا melrefay باشا على مداخلتك ومساعدتك واهتمامك

[melrefay]

دى حاجة بسيطة وربنا يعينك على الموضيع الجمدة اللى بلاقيهافى كل مكان

[SLICE]

1000 شكر على المعلومات القيمه يا يا ... melrefay
he he he he
اسف اسمك صعب