المساعد الشخصي الرقمي

مشاهدة النسخة كاملة : سؤال عن لون المياه ( مهم )؟؟؟ أرجو الرد

rafik_roaa
12-01-2006, 08:50 PM
أنا عندي ولده صغيرة عشان أنا فرخت بلاتي وسوليتير


المهم انا حاططهم في حضانة صغيرة بس فؤجت بلون المياه أبيض جدا لدرجة قريبة من لون اللبن


ومات بعض السمك الصغير

غيرت الميه مرتين


شكيت في الأكل لأنه بقالو فترة كبيره عندي رحت طحنت شوية قشور علي شوية جمبري مطحون واكلتهم منه :fish0000:


برضو لقيت الميه أبيضت


مع العلم اني أضع سكريه

والحضانة صغيرة جدا

ونوع السمك الموجود بها تفريخ بلاتي وسوليتير


أرجو الأفاده :bigsmile:
مسترموسى
13-01-2006, 04:32 AM
اخى رفيق من فضلك اجب على الاسئله التاليه:
-----------------------------------------------------
01) حجم الحضانه بالتحديد؟
02)هل الحضانه مستقله ولا فى داخل الحوض الاساسى؟
03) ان كانت مستقله هل بها سخان؟ ماهى درجه الحراره فى الحضانه؟
04)لو مستقله فيها فلتر؟؟
05)عدد الولده واعمارهم؟
06) مدى شدة السكريه المستخدمه داخل الحضانه؟
07) كميه الاكل المقدمه للولدة وعدد مرات التأكيل؟
08) هل بتاكلهم نفس الكميه من يوم ولادتهم ولم يحدث مشاكل من قبل؟
09) هل فيه طفل فى البيت ممكن يحاول يطعم السمك فى غيابك؟؟
10) لما بتغير المياه هل بتحط مزيل كولور؟ ايه الكميه؟
11) هل بتاكل على طول بعد تغيير المياه ولا بتستنى 24 ساعه على الاقل؟

فى انتظار اجوبتك علشان اقدر اقولك سبب الوفاه بالظبط
rafik_roaa
13-01-2006, 04:48 AM
اولا : شكرا علي ردك يا مستر موسي


ثانيا أرد علي الأسئلة


1- حجم الحضانة تقريبا 40 سم * 10 * 15 أرتفاع
2- الحضانة مستقلة
3-بها سخان ودرجة الحرارة بها 25 درجة
4-مفيش فلتر فيها
5- عدد الولده بعد الوفيات في حدود 20
6- شده السكرية ليست شديدة جدا
7- كمية بسيطة مرة او مرتين في اليوم
8-اه بياكلوا نفس الكمية بس انا مش اول مرة أفرخ
9- لايوجد أطفال بتاتا مع العلم أني غيرت الميه مرتين
10- أكيد طبعا بحط مزيل كلور في حدود عشر حبات
11- السؤال الأخير أنا مش فاهمه


شكرا لردك ياباشا
مسترموسى
13-01-2006, 05:19 AM
بص ياسيدى بعد ردك اقدر اقول لك ان السبب فى تعكير المياه وموت الولدة للاسف هو تلوث المياه(السؤال الاخير) وده بيكون نتيجه لوجود فضلات اكل زيادة عن حاجه السمك مترسبه فى القاع وفى الاحواض اللى مياهها قديمه عندنا بكتريا نافعه بتحول المواد الضاره دى الى مواد اقل ضررا" ولو فيه زرع طبيعى فى الحوض بيمتصها ويتغرى عليها يعنى دوره بيلوجيه كامله:
السمك----فضلات اكل وبراز وبول وثانى اكسيد الكربون--------بكتريا--------نباتات-------ضوء-----مياه نظيفه وغنيه بالكسجين.
واضح ان حصل التلوث والبكتريا ما كانتش كفايه فى الحوض وبالتالى حصل اللون اللى انت شفته دة وحصلت الوفاه وطبعا عدم وجود زرع او حصوه(البكتريا بتعيش تحتها) زود المشكله...لما حضرتك غيرت المياه بمياه جديده حصل ان البكتريا اللى كانت بتقاوم شويه تم التخلص منها كلها فا لما اكلت السمك تانى حصلت نفس المشكله بل ومقاومة الحوض المره دى اقل والسمك منهك من المره السابقه.
نصيحتى ان لو لاقدر الله الموضوع ده حصل تانى نغير 1/3 الماء بس ونزود الهواء على قدر المستطاع بس من غير مانعمل تيارات مياه قويه فى الحوض (لان السمك مفرهد) ونمنع الاكل خالص على الاقل 48 ساعه.
فى حاله المياه الجديده دائما" نصوم السمك يوم او اتنين لغايه مالبكتريا تتضاعف فى الحوض علشان تقوم بعملها.
ارجوك ماتترددش فى اى سؤال تانى عاوز لسه تساله فى الموضوع دة...... :bye10000:
Bibomk
13-01-2006, 02:05 PM
كلاااام سليم اخي موسى ......رد كافي ووافي
rafik_roaa
14-01-2006, 05:51 AM
الف شكر ليك يا اخ مستر موسي


شرح وافي ورائع