لو سمحتم طريقة عمل الارتيميا ؟؟؟؟؟

[antimagic]

انا عاوز اعرف طريقه عمل الارتيميا من حيث :
1-درجه الحراره.
2-الضوء.
3-الاكسجين.
4-كميه البيض .
5-طريقه تطليع الزريعه لوضعها للسمك.
6-كل شيء بالتفصيل عن الموضوع ده لو سمحتم .
علي فكره الراجل اللي اشتريت منه قالي ان البيض ده مصري .ايه الفرق ؟ :icon2800:
ومواصفات الحوض اللي هعمل فيه الموضوع ده . :fish0000:

[rafik_roaa]

يعني ايه ارتيميا اصلا

ارجو من الأخ نينجا الشرح

[spictor]

الاخ رفيق ارتيميا ده الاسم العلمي لبيض الجمبري اما بالنسبه لسؤالك يا اخ ماجيك فإسمحلي اقولك الفرق بين الارتيميا المصري و المستورد في نسبه الفقس يعني ممكن المصري ما يفقسش خالص و ممكن يفقس بنسبه بسيطه و ممكن يفقس كله بس هو مش مضمون و الاضمن هو المستورد. و عموما اللون البني الغامق (المحروق) يدل علي الجوده.
بالنسبه بقي للطريقه:

1. احضر لتر ماء و ضعه في برطمان او زجاجه.
2. قم بوضع مزيل الكلور و الاحسن انك تبيته ليله كامله علشان الكلور يروح نهائيا.
3. قم بوضع 2-3 معلقه كبيره ملح خشن في المياه و قلب حتي الذوبان التام.
4. قم برفع درجه حراره المياه الي 28 درجه ثم ضع فقط نصف ملعقه شاي من الارتيميا في الماء.
5. يتم وضع سكريه ضعيفه في الماء مع تثبيت درجه الحرارة علي 28 و ان شاء الله يفقس الارتيميا بعد 24 الي 28 ساعه و كلما قلت درجه الحراره كلما طالت المده .
6. الفقس يظهر علي شكل تجمعات برتقاليه ذات لون واضح و اذا قربت مصدر ضوء او كشاف تتحرك نحوه بوضوح.
7 . ينقل الفقس الي الحوض بواسطه شبكه مخصصه مصنوعة من الحرير و اذا لم تجدها قم بعمل شبكه من شراب حريمي قديم و سيؤدي نفس الغرض.

ارجو ان اكون قد افدتك

[antimagic]

الف شكر يا سبيكتور علي الرد .
و طبعا افدتني كتير .
بس فيه حاجه اني افضي البرطمان ده او الزجاجه ده في الشبكه المخصصه ليه طيب ما هو البيض اللي مفقسش هيجي في الشبكه ويتحط للسمك برده .فيه ضرر من كده ولا فيه طريقه تانيه .

[مسترموسى]

اشكرك واؤيدك يا سبكتور على معلوماتك المظبوطه والدقيقه.
بالنسبه لسوالك عن طريقه الجمع والبيض اللى مافقسش اسمحلى اقولك يا انتيماجيك ماتخافش من البيض اللى مافقسش وتتفاداه بانك تفقس الارتيميا فى حضانه زجاجيه مستطيله وصغيره نسبيا" ويكون مصدر الهواء فى ناحيه واحده وتظلم الغرفه وتقرب مصدر ضوا ضعيف (شمعه مثلا) من الحضانه فى الناحيه اللى مافيهاش تيار هوا والارتيميا اللى فقست حاتتجمع ناحيت الضوء وتقدر تلمها بالشبكه و اهم حاجه اوعى تنسى ان الارتيميا بتموت فى الحوض بتاعك علشان مياهه مش مالحه فا ياريت مانفرحش بالفقس ونحط كميات كبيره مالهاش لازمه لان الارتيميا لما بتموت وتتوقف عن الحركه بتصبح مش مصدر جذب للسمك وبالتالى تعفن فى الحوض. :fish0000: :fish0000: :fish0000: :fish0000:

[rafik_roaa]

ألف ألف شكر يامستر موسي علي الأجابة

وانا هحاول أعمل الموضوع ده

[ninja911]

شكراً للأخوة الأعزاء سبيكتور ومستر موسى على المعلومات الرائعة

ولمزيد من المعلومات للأخوة رفيق وأنتى ماجيك أرجوا زيارة هذا الموضوع

سؤال عن بيض الجمبرى (http://www.dvd4arab.com/forums/showthread.php?t=158049)

[spictor]

العفو اخي نينجا و مستر موسي ده واجبنا اننا نساعد اخوانا
و الف شكر مستر موسي علي فكره الحضانه حاجربها ان شاء الله

[مسترموسى]

شكرا" اخي نينجا واخي spictor على الكلمات الرقيقه وعفوا" spictor انا تحت امر اخوتى فى منتدانا

[مسترموسى]

عفوا" اخى رفيق وتحت امرك فى اى استفسار

[samer_hendy2005]

شكرا على معلوماتكم الرائعه( مستر موسى) والاخ( spictor )

[spictor]

العفو اخ سامر و نحن دائما في الخدمة

[bodi89]

مشطورين اوى يا جماعه على المعلومات القيمه دى
ومعلش كان فى سؤالين وهما جوه الموضوع وعن بيض السمك
1- دلوقتى انا احيانا بجيب البيض من سوق الجمعه و الأخ نينجا قال قبل كده إنه بيكون ميت من هناك و ما بيفقسى و كلامه صح طبعا بس دلوقتى لو نزلته للسمك من غير ما يفقس هو وميت يجرهلهم حاجه ولا عادى
2- ينفع أكل البيض ده للسمك العادى الكبير و لا ما بيفدهمشى عشان صغير
وشكرا و معلش هتعبكم

[bodi89]

مشكورين اوى يا جماعه على المعلومات القيمه دى
ومعلش كان فى سؤالين وهما جوه الموضوع وعن بيض السمك
1- دلوقتى انا احيانا بجيب البيض من سوق الجمعه و الأخ نينجا قال قبل كده إنه بيكون ميت من هناك و ما بيفقسى و كلامه صح طبعا بس دلوقتى لو نزلته للسمك من غير ما يفقس هو وميت يجرهلهم حاجه ولا عادى
2- ينفع أكل البيض ده للسمك العادى الكبير و لا ما بيفدهمشى عشان صغير
وشكرا و معلش هتعبكم

[spictor]

عزيزي البيض بدون ما يفقس زي قلته و يمكن قلته احسن لانه بيعكر المياه علي الفاضي. احسن روح اشتري من مصدر موثوق منه و فقس البيض و حطه للسمك علشان يستفيد منه ومتبقاش ضيعت فلوسك.

مع تحياتي