##@#-#-# شقتك هتبنيها بايدك #-#-#@## [الأرشيف] - موقع الدي في دي العربي

مشاهدة النسخة كاملة : ##@#-#-# شقتك هتبنيها بايدك #-#-#@##

moh_elshair

10-07-2009, 02:23 AM

الموضوع ده يا جماعه جميل وفكرته حلوة اووي
والموضوع ان كل 22 شاب يجيبوا الارض ويبنوا عليها مثلا برج11 دور علي شقتين وبكده الشقه هتبقي بسعر التكلفه وتوفر الفلوس الباقيه بقي يا معلم للتشطيب والجواز دا غير ان هيكون موجود جراج في البرج
انا فكرت فالموضوع ده لما سمعت ان تكلفه الشقه بتبقي فحدود 40 الف جنيه بالارض والمباني وكله واكيد هنختار المكان وكل حاجه
انا عارف انها فكرة مجنونه بس اكيد ربنا بعتهالي عشان انا بجد دوخت علي شقه و اتخنقت من جشع اصحاب العمارات اللي بيكسبوا 200% فكل عمارة من غير ميراعوا ربنا فالشباب
كل اللي محتاجه الاول تبرع من محامي يقولنا الوجه القانوني للموضوع ومهندس معماري يأكد سعر الشقه لو البرج طلع علي 11 دور وطبعا ان شاء الله هو اللي يمسك التصاميم والبنا
انا معتبرها فكرة لوجه الله لمساعده الشباب علي الزواج
وانا اول واحد هشارك فاول برج ان شاء الله
احجزولي الدور التامن عشان بحب الهوا:50:
ان شاء الله تحصل المعجزة وربنا يتمم فكرتي علي خير
وارجو من المشرف الاطلاع علي الموضوع وابداء رأيه وتثبيت الموضوع للجديه فيه
وشكرا

ZIKO85

10-07-2009, 02:54 AM

والله وانا معاك ان شاء الله وده ايميلى
ziko_85@hotmail.com

moh_elshair

10-07-2009, 03:11 PM

السلام عليكم يا زيكو والله الفكرة جميله وربنا يتمها علي خير وان شاء الله تتم ونكون جيران بس ياريت لو دخل محامي او مهندس معماري يدونا رأيهم

kazablnka

11-07-2009, 05:28 AM

شغال يامان بس عايزه تنظيم شويه

loving_pharoh

11-07-2009, 01:42 PM

الفكره ده معموله اصلا
اسمها اتحاد مللاك
و اعرف تاس عمالتها و في كمان ناس بتعمل كل حاجه و تدفع الملاك اكتر سنه صغيره و ياخد هو شقه او اتنان من غير ميدفع حاجه

moh_elshair

11-07-2009, 02:02 PM

انا شاب عادي ووالله جاتلي الفكرة وانا مطحون فالتدوير علي شقه وخاطب وهدفع زيي زي اي حد وكل اللي هيتوفر يا جماعه هيبقي لينا كلنا وياريت بس الموضوع يتثبت لمصداقيته

احمد جوده 1

11-07-2009, 04:31 PM

والله فكره محترمه جدا
بس محتاجه تنظيم وفهم شويه:boulay:
ومثلا المنطقه فين :28::50:
وحاجات كتير
وربنا يوفق واكيد انا معاكم:39:

moh_elshair

11-07-2009, 07:15 PM

شكرا لمرورك الطيب يا احمد انا معاك انها محتاجه شويه تنظيم بس الاول نحاول نشوف الناس اللي متقبله الفكرة وممكن تشارك فيها ومن حيث المنطقه هنحاول ننقي منطقه كويسه والمتر فيها مش عالي طبعا عشان التكلفه عشان اكيد كل اللي هيشارك فالفكرة شباب فبدايه حياتها وامكانياتها متوسطه
انا هعمل موضوع الفكرة دي عالفيس بوك بنفس العنوان عشان نحاول ننشر الفكرة اكتر ونفيد غيرنا وان شاء الله ربنا يوفقنا

moh_elshair

11-07-2009, 07:39 PM

http://www.facebook.com/group.php?gid=107917897020

انا فعلا نزلت الموضوع عالفيس بوك وربنا يكرم

moh_elshair

13-07-2009, 11:30 PM

ايه يا جماعه فين الشباب معقوله هم 4 5 شباب اللي دايخين علي شقق !!!!!!!!!!!!!!!!!!!

momo100010

14-07-2009, 03:07 AM

اخى الكريم
الموضوع موجود بالفعل
وبه تفاعل

hdmrdash

16-07-2009, 07:15 PM

وانا مستعد وتليفوتى 33137545 لو فعلا جادين مش كلام وأحلام وخلاص

Menofy

16-07-2009, 08:03 PM

انا معاكم ان شاء الله
فقط راسلنى وانا مستعد بأى مبلغ
المهم موقع الشقق دى يكون فى مكان متميز

moh_elshair

18-07-2009, 10:34 PM

وياريت يا شباب الناس الجاده تسيب ايملها ورقمها عشان التواصل

moh_elshair

18-07-2009, 10:36 PM

السلام عليكم
اسف يا جماعه لعدم تواصلي معاكم اليومين اللي فاتوا بس كنت مشغول جدا فشغلي
اولا يا جماعه احنا فعلا محتاجين نعمل تواصل عشان نشوف مين الجاد ومين اللي بيهزر
ثانيا يا استاذ منوفي الفكرة دي مش مشروع للتجارة عشان نبني البرج ونبيع بسعر اعلي لا للاسف لو حضرتك فاكر كده تبقي غلطان
يا استاذ منوفي الفكرة دي معموله للشباب متوسط الدخل اللي معاه مبلغ ومش قادر يجيب بيه شقه تمليك كويسه وبيدور عالايجار سواء قديم ولا جديد
معموله عشان مساعده الشباب وليس التربح
وطبعا احنا الارض اللي هيتبني عليها البرج هتكون في منطقه كويسه حسب السعر وتكون فالمعقول
وطبعا انا مش هحكم علي الموضوع لوحدي بس ياريت الشباب الجادين يشاركوا ويقولوا رايهم فالموضوع ده

1- ياتري حد قادر انه يجيب شقه يدخل معانا بشقه او اتنين للربح (وطبعا دا هيسهلنا العدد وينجز فالوقت)

2- ولا نعتبرها فكرة خيريه وتبقي للشباب متوسطه المستوي (وده هيحتاج جهد فنشر الفكرة ووقت)
وطبعا نحط فاعتبرنا فالاختيار التاني ان الاختيار رقم 1 ممكن يأثر علي الاختيار التاني فان اللي واخدها ربح بشقه او اتنين هياخد فرصه شقه شاب متوسط الدخل (دايخ علي شقه وفلوسه علي اده)

seagaull

19-07-2009, 12:18 AM

max2010s

19-07-2009, 12:52 AM

بس اعتقد ان هيا مش تمام لان الارض هتتسجل بأسم مسن مش معقول بأسم ال22 اللى هيشتركوا

ولسة فى الصرف والكهرباء ومصاريف كتير

hdmrdash

19-07-2009, 01:02 AM

لو نويين تعملوها فى اسكندرية انا معاكم انشاء الله

بس بصراحة انا مش مقتنع بموضوع ال 40000 دة تعالو نحسبها
40000*22 فرد = 880000 ج
حنفترض نشترى 150 متر ارض فى منطقة متوسطة او اقل كمان من المتوسط و بفرض سعر المتر حيكون 10000 ج
احنا محتاجين على الاقل مساحة 150 متر علشان نعمل فى الدور الواحد شقتين بمساحة 70 متر او اقل صافى
10000ج\م * 150 متر = 1500000 دة كدة تكلفة الارض بس
فياريت حضرتك توضحلى ازاى سعر الشقة بى 40000 شامل الارض و المبنى و جراج كمان

الناس بتقول شقق فى مكان معقول علشان مش قادرين يجيبوا شقه تمليك وانت تقول متر الأرض ب 10 الاف جنيه؟؟؟؟
أنا مش عارف اسعار اسكندريه كام بس أسعار القاهره كالتالى
6 اكتوبر من 1700 الى 4000 المتر
الشيخ زايد من 2000 الى 5000
التجمع من 3000

وفى الآخر ده مجرد كلام فى الهواا ولا حيتنفذ حاجه

وأنا جربت فى كذا منتدى قبل كدا وفى كام مكان
ونقعد ونتكلم ونحسب ونيجى على الفلوس والتنفيذ بخخخخخخخ
مجرد شباب فاضى بدل القعده على القهوة يشغل نفسه بموضوع ويعطل بيه خلق الله
والدليل اننى تركت تليفون المنزل فى نفس الموضوع علشان حد يتكلم ولا أى حاجه مجرد كلام فى المنتدى ويزود مشاركات وخلاص
وصدقنى أن الموضوع حيتدوال كالآتى

دراسه / تنظيم / بحث / دراسه جدوى / ووووووو
وفى الآخر حيشوف موضوع تانى بنفس الفكره بمنتدى آخر

ودمتم