ما تفعل إذا عثرت على قط رضيع ؟

[sherifgouda]

ما تفعل إذا عثرت على قط رضيع ؟
أتصور أننا جميعاً قد واجهنا هذا الموقف كثيراً من قبل ... أنت تسير فى الطريق ثم تسمع مواء قط رضيع مغمض العينين وعمره يوم أو يومين ملقى على الرصيف ـ أو حتى فى منتصف الشارع فى انتظار سيارة مسرعة لتقوم بهرسه ـ فماذا ستفعل ؟؟ غالباً سيكون امامك خيارين لا ثالث لهما :
الخيار الأول : إتركه وإنصرف فى هدوء وكأنك لم ترى أو تسمع شيئاً ( طنش يعنى :icon2800: ) لأن أمه قد وضعته فى منتصف الشارع عمداً وستأتى حتماً لإلتقاطه الشهر القادم بإذن الله !!
الخيار الثانى : ستتذكر الثواب الذى ستناله إذا أنقذت حياته ثم تتوجه نحوه وتلتقطه وتعود به لمنزلك وستحاول عمل أى شئ لإنقاذ حياته لأنه سيموت لا محالة إذا تركته
إذا كان الخيار الأول هو ما تفضله فأرجو منك عدم إضاعة وقتك فى قراءة هذا الموضوع ، أما إذا كان الخيار الثانى هو ما تفضله فعليك سرعة تجهيز ما يلى عند عودتك بالقط الرضيع الى المنزل :
1) سرنجة بلاستيك جديدة 3 سنتيلتر ( بدون الإبرة طبعاً )
2) زجاجة مياه غازية بلاستيك فارغه مقاس 1.5 لتر ( أو قربة مياه ساخنة كالتى نستعملها فى الشتاء فى الليالى الباردة إذا توافرت لديك )
3) صندوق كرتون صغير أو أى علبة من أى نوع تتناسب مع حجم زجاجة المياه الغازية
4) فلاية شعر بلاستيك
5) زجاجة شامبو صغيرة من النوع المخصص للأطفال والذى لا يتسبب فى التهاب العيون ( مثل Johnson & Johnson )
6) توجه الى محل قطع غيار الدراجات ( أو العجلاتى !!! ) وقم بشراء ( خرطوم بلف ) طوله 10 سم مثلاً وهو عبارة عن أنبوبة مطاطية رفيعة يتم تثيتها على ( البلف ) أو صمام الهواء الخاص بالاطارات الداخلية للدراجات .... ( ملحوظة : قد تكون هذه النقطة مثيرة للتعجب ولكنها هامة للغاية وسأوضحها لاحقاً )
7) علبة لبن بقرى منزوع الدسم
هذا هو كل المطلوب تجهيزه حالياً لرعاية القط الرضيع
الخطوات الأولية للرعاية
لابد ـ وعلى وجه السرعة ـ من إرضاع القط لأنه بالتأكيد مصاب بحالة جفاف نتيجة فقد جسمه للسوائل الضرورية لحياته ولابد من تعويضها فوراً ....
1) قم بقص 2 سنتيمتر من الأنبوبة المطاطية الخاص ببلف الدراجة ثم قم بتركيبه على مقدمة الحقنة الطبية بحيث يكون نصفه ( 1 سم ) ثابت على الحافة البلاستيكية الأمامية للحقنة والنصف الآخر ( 1 سم ) حراً ومرناً وهو ما ستضعه فى فم القط الرضيع ، الفكرة من وراء استخدام هذه الأنبوبة المطاطية أن لها نفس حجم وسمك حلمة ثدى القطة الأم ، وبالتالى سيسهل على القط الرضيع لف لسانه بشكل دائرى حول الجزء الحر من هذه الأنبوبة المطاطية لسحب اللبن ، أما لو حاولت إرضاع القط بإستخدام الحقنة مباشرة فإن المقدمة الصلبة للحقنة ستضايق القط أثناء الرضاعة وقد تتسبب فى انسكاب اللبن داخل أنف القط
2) قم بملأ الحقنة باللبن البقرى وبحجم 3 سنتيلتر ( حجم الحقنة بالكامل ) ثم إمسك القط برفق بيدك اليسرى مع تثبيت رأسه وقم بتقريب الحقنة نحو فمه ، ستلاحظ أن القط سيقوم بإمساك مقدمة الحقنة المثبت عليها الأنبوبة المطاطية بفمه وسيبدأ فى الرضاعة فوراً ، لا تقم بالضغط على مكبس الحقنة دفعة واحدة وإنما تدريجياً وببطء شديد بطريقة تتناسب مع ما يسحبه القط من اللبن الى أن تنتهى كمية اللبن الموجودة بالحقنة
3) قم بتكرار العملية السابقة مرة واحدة كل ساعتين وعلى مدار اليوم الواحد ... قد تكون عملية صعبة نوعاً ما ولكنها لأول أسبوعين فقط من تاريخ الولادة
4) قم بإحضار قطعة صغيرة من القطن الطبى وبللها بالماء الدافئ وقم بتدليك فتحة الاخراج برفق لدى القط .... الهدف من ذلك هو مساعدة القط على التبول لأن القطة الأم فى الحياة الطبيعية تقوم بلعق هذه المنطقة من جسم الصغار بلسانها لعمل تنشيط ( Stimulation ) لها وبالتالى يساعد القطط على التبول والتبرز
لاحظ أن عدم قيامك بتنفيذ هذه العملية كل 4 ساعات سيؤدى الى احتباس البول والبراز داخل جسم القط الرضيع وبالتالى سيموت نتيجة ذلك فوراً لأن القطط الصغيرة لا تستطيع القيام بعملية الإخراج فى أول أسبوعين إلا بمساعدة من القطة الأم ... أرجو ألا تشمئز من ذلك لأنه لا بديل آخر
5) بعد الانتهاء من الرضاعة والإخراج تأتى الخطوة الهامة جداً : الاســتحمام !! هذا الحمام يسمى ( حمام البراغيث ) ( Flea Bath )
الهدف من عملية الاستحمام هو التخلص من البراغيث المتعلقة بفراء القط الصغير ، هذه البراغيث تعيش على امتصاص دم الصغير ، وهى تقوم بلدغه مئات المرات وبدرجة لا يمكن احتمالها لدرجة أنه قد يموت نتيجة ذلك لأن كمية الدماء الموجودة بجسمه ليست كثيرة كما أنه لا يستطيع الهرش لمحاولة التخلص منها
قم بإحضار طبق غسيل وضع به ماء دافئ وبعض الشامبو الخاص بالأطفال السابق الاشارة اليه ، قم بمسك القط برفق وإبدأ بصب الماء بالشامبو عليه وبحيث لا يدخل الماء الى أذنيه على الاطلاق ودلك جسمه بالشامبو برفق شديد ... سيمكنك فى هذه الحالة رؤية البراغيث التى تمرح فى فرائه لأن الماء والشامبو سيشل حركتها لدرجة كبيرة ويجعلها تتحرك ببطء شديد ،، إستخدم فلاية الشعر لتمشيط فرائه بحيث تسقط البراغيث فى الماء المشبع بالشامبو
كرر العملية عدة مرات الى أن تتأكد تماماً أنه لا يوجد أى برغوث متبقى فى جسم القط .. إذا تأكدت من ذلك يمكنك صب الماء الدافئ على جسم القط لشطفه جيداً مع تفادى وصول الماء الى داخل أذنيه لأن ذلك يشكل خطراً على صحته
قم بلف القط فوراً فى فوطة أو بشكير لتجفيفه تماماً بحيث لا يبقى من أثر الماء شيئاً .. يمكنك استخدام مجفف الشعر فى ذلك ولكن بحرص شديد وعن بعد كاف لكى لا تؤذى جلد القط

ملحوظة : القط الذى ترونه فى صورتى الشخصية حينما عثرت عليه منذ عامين وعمره أقل من أسبوع وقمت بعمل ( حمام البراغيث ) له كانت النتيجة هى اصطياد ( 44 ) برغوث !!! وأعتقد أن وجود برغوث واحد فى ملابسنا كفيل بإصابتنا بالجنون ، فما بالنا بهذا العدد الهائل فى جسم قط رضيع لا يتجاوز طوله عدة سنتيمترات ؟؟

6) إحضر العلبة الكرتون المخصصة كسرير للقط وقم بفرش أى قطعة ملابس قديمة لديك ويفضل أن تكون من الصوف لكى تحافظ على درجة حرارة جسم القط الصغير ، ثم قم بملء زجاجة المياه الغازية بالماء الدافء بدرجة حرارة 35 مئوية وإغلقها بإحكام وقم بلفها داخل قطعة من القماش وضعها فى الصندوق ثم ضع القط داخل الصندوق بجوار الزجاجة
الهدف من كل ذلك هو توفير مصدر حرارى مشابه لجسم القطة الأم لتدفئة القط الرضيع ... والمعروف علمياً أن القطط فى أول أسبوعين من الولادة لا تستطيع تكييف درجة حرارة أجسامها مع الجو المحيط وتعتمد على البقاء فى حضن القطة الأم معظم الوقت
7) المعروف علمياً أن القطط تولد عمياء وصماء ولكنها تتمتع بحاسة شم قوية منذ اللحظة الأولى لولادتها وهو ما يمكنها من الوصول الى حلمات ثدى القطة الأم للرضاعة ، وسيبدأ القط بفتح عيونه فى نهاية الأسبوع الأول من العمر ، ولكن الاذنان ستبقيان مطوية ( مقلوبة لأسفل ) ولكنهما سينتصبا فى نهاية الاسبوع الثانى من العمر وسيتمكن القط من استخدام حاسة السمع جيداً وقتها لأن القناة السمعية ستكون مفتوحة ، وستلاحظ أن القط لا يستطيع الحركة فى أول أسبوع ثم يبدأ فى محاولة المشى فى الاسبوع الثانى ولكن مع وجود رعشة شديدة فى الأطراف والعنق ثم يمكنه المشى ببطء ولكن بشكل مستقر فى الاسبوع الثالث من العمر
ملاحظات عامـة :
ــ المستلزمات التى ذكرتها هى الأشياء البدائية التى تساعد أى شخص على رعاية قط رضيع ، وقد إفترضت أنه لا توجد أى إمكانيات متاحة لتنفيذ ذلك مثل توافر الزجاجة الخاصة برضاعة القطط الصغيرة أو اللبن الخاص بالقطط أو الشامبو الخاص بقتل البراغيث ، وهدفى هو إثبات أن رعاية القطط الصغيرة لا يتطلب أى إمكانيات خاصة
ــ قد يصاب القط الرضيع بالإسهال نتيجة استخدام اللبن البقرى منزوع الدسم فى الرضاعة نتيجة حساسية معدة القطط الصغيرة والتى يناسبها لبن القطة الأم بشكل أفضل من أى شئ آخر ، والمعروف أن اللبن البقرى لا يناسب معدة القطط عموماً بسبب احتواؤه على مادة اللاكتوز التى تتسبب فى إصابة القطط بالاسهال ولكن هذا هو البديل الوحيد المتاح لإنقاذ حياة هذا المخلوق الضعيف فى حالة عدم توافر عبوات اللبن الخاصة بالقطط والتى تحتوى على نسب مخفضة من اللاكتوز
ــ يمكن البدء فى إطعام القط بالطعام المعتاد فى منتصف الشهر الثانى الى جانب الرضاعة ، على أن يتم الفطام مع نهاية الشهر الثانى فيصبح القط قادراً على استكمال حياته بشكل عادى تماماً
ــ من الهام تطعيم القط مع نهاية الشهر الثالث لتجنب أية أمراض مستقبلاً

أرجو أن أكون قد وفقت فى عرض بعض المعلومات عن هذا الموضوع ، وأرجو أن نتذكر جميعاً ما سنناله بإذن الله تعالى من عظيم الثواب جزاء رعاية مخلوق ضعيف لا يملك لنفسه شيئاً ، فإنقاذ حياة أى مخلوق أيا ما كان هو من أنبل الافعال والتى سنجدها فى ميزان حسناتنا بإذن الله ...
مع خالص تقديرى للجميـع

[mashaal222]

والله موضوع جميل واخلاقى جدا .. وبشكر عليه يا استاذ شريف
بس بيتهيالى ان الموضوع مش لازم يبقى للقطط بس (يعنى ممكن يكون اى حيوان اليف , ممكن كلب مثلا )
بس انتا فكرتنى بموضوع مأساوى جدا .. بص
تعمل ايه لو لقيت اربع قطط وامهم عاربيه حضنتها
الموضوع ده حصل معانا , انا واختى وجبناهم كلهم وربناهم ووزعنا تلاته كانوا حلوين وخدنا احنا السوده
بس بجد دى كانت احلى قطه ربناها والله ما شوفتش احلى منها , حتى القطه السيامى اللى عندى مش ممكن تبقى زيها
مع ان القطه كانت بلدى وسودا اوى بس كانت جميله جدا ... بس ماعرفش راحت فين طلعت فوق السطح ومارجعتش من يومها
ربنا مايحرمكوا,
وعايز اقولك ان العمليه فى انك تربى قط رضيع سهله جدا وخصوصا انه بيكبر بسرعه هيا المتاعب بتبقى فى اول 3 اسابيع او اقل وبعد كدا بيبقى زى القرد
واتمنى من اى حد يلاقى حاجه مأساويه زى دى مايتجنبهاش ويعمل اللى يقد عليه

تحياتى لك يا استاذنا شريف

[®SM@RT]

كما عودنا شريف باشا ....المواضيع الشيقه ...طريقه السرد الرائعه ....المعلومات التي لا تنتهي ...

بالنسبه للطريقه دي ...انا كنت حاعملها ..في اولاد كيتي ...انا نسيت اقوك يا شريف باشا ...انها خلفت 3 اطفال :clap0000: ....بس للاسف واحد نزل ميت :no000000: و ال 2 التانين زي القمر ... :shiny000: :shiny000:

المهم بعد عذاب دام 4 اسابيع لحد دلوقتي ..نقلتهم في اكثر من 150 مكان في البيت ..و كل مكان انقح من التاني :schmoll0: ...
و كانت مهتميه بواحد اوي علي حساب الثاني ...
لدرجه ان القطه التي تلقي الرعايه اصبحت تمشي قليلا و الاخر اعتقد انه ضعيف الي حد ما :no000000: :no000000: ...ففكرت اني اعمل الطريقه دي و لكن كثيرا من اصدقائي قالوا لي (هي عارفه بتعمل ايه ) (انت مش حتخاف علي اطفالها اكتر منها) ....

فزاحت الفكره من مخي ...

فما رأيك يا شريف باشا ...اني اثق في كلامك ثقه عمياء... :msn-wink: :msn-wink:


و اشكرك من كل قلبي علي هذا الموضوع الرائع ...

و كل عام و انت بألف صحه و خير... :bye10000: :bye10000: :bye10000:

[hero2004_5]

موضوع اكثر من رائع يا شريف و ربنا يوفقك دائما

على فكره 0000الموضوع ده انا كنت عملته من فتره بس كان مع ارانب

امهم ماتت بعد ما ولدتهم بيوم و كانوا 6 ارانب و لحد ما بقوا يعتمدوا عى نفسهم بقى عددهم 2 بس

و السسب فى كده انى ماكنتش اعرف حكايه إحضار قطعة صغيرة من القطن الطبى وبللها بالماء الدافئ وقم بتدليك فتحة الاخراج برفق لدى القط .... الهدف من ذلك هو مساعدة القط على التبول لأن القطة الأم فى الحياة الطبيعية تقوم بلعق هذه المنطقة من جسم الصغار بلسانها لعمل تنشيط ( Stimulation ) لها وبالتالى يساعد القطط على التبول والتبرز

وبعد لما ماتوا عرفت ان ده كان هو السبب

و فى النهايه اتمنى لك التوفيق و افادتنا بمعلوماتك الرائعه
وكل عام و انت بخير

[sherifgouda]

أخى العزيز mashaal222 :
فى الحقيقة أنا كتبت هذا الموضوع عن القطط الرضيعة تحديداً لأنى كنت كثيراً ما أعثر عليهم فى الشارع فى مصر كثيراً ، وكان معظمهم للأسف بيلقى حتفه لأسباب عديدة سواء نتيجة إلقائهم فى القمامة بلا رعاية أو تحت عجلات السيارات وكان هذا الموضوع يثير استيائى جداً وكنت كثيراً ما أشتبك فى مشادات مع الناس الذين يقومون بإيذائها .... وأتصور إن رعاية القطط الرضيعة قد تكون أكثر صعوبة من رعاية الكلاب حديثة الولادة نظراً لصغر حجم الفم وصعوبة العثور على زجاجة رضاعة ذات حجم حلمة مناسب لحجم فمهم ( ببرونة ) فأنت كما تعلم أن مستلزمات الحيوانات الأليفة ليس متاحة بسهولة فى القاهرة ، وكان يتحتم على التفكير فى أى وسيلة ولو بدائية لرعايتهم .... ولكنى أوافقك تماماً وبشدة أن رعاية أى حيوان رضيع ـ أيا كان نوعه ـ أمراً واجباً ، فالمسألة عبارة عن تصرف إنسانى أولاً وأخيراً
وشكراً جزيلاً لك يا أخى العزيز ، وكل عام وأنت بخير ...... مع خالص إحترامى

[sherifgouda]

حمد الله على السلامة يا ميدو باشا !! انا سعيد جداً بتعليقك ومشاركتك معنا بعد الغياب لظروف الامتحانات ، وأتمنى من الله إن النتيجة تكون مرضية ، وحمد الله على سلامة ( كيتى ) ومبروك عليك المواليد الجدد ونحن فى إنتظار الصور يا باشا !!
أشكرك جداً على تعليقك الجميل وذوقك الدائم مع الجميع ... ولا تقلق على المولود الجديد ومن إهمال ( كيتى ) له ، فالمسألة قلة خبرة منها لأنها أم لأول مرة فى حياتها ، وبمجرد وصولهم لسن الفطام فيمكنك تعويضه بالغذاء الجيد وسيكون على شئ على ما يرام بإذن الله .... وكل عام وأنت دائماً بخير يا أخى العزيز ....... مع خالص تقديرى واحترامى

[sherifgouda]

بالفعل يا هيرو باشا : من الضرورى جداً قيامنا بمساعدة الحيوان الرضيع على الإخراج كل 4 ساعات ، فعدم قيامنا بهذه الوظيفة معناه أحتباس المخلفات داخل أمعاء الحيوان وهو ما سيتسبب فى موت محقق بكل تأكيد لأن الحيوانات الرضيعة لا تقوم بعملية الإخراج بمفردها وإنما بمساعدة خارجية من الأم عن طريق عملية ال ( Stimulation ) السابق ذكرها ...
ولكنك أستاذ ومتميز دائماً يا هيرو باشا وبشهادة الجميع
شكراً جزيلاً وكل عام وأنت بخير يا أخى الكريم .... مع خالص التقدير

[الدرع الذهبى]

جزاك الله كل خير يا أخ شريف على الموضوع الرائع وعلى الافادة الجميله

[naiel]

مشكور جدا اخي على الموضوع
جزاك الله خيرا
والله يهدينا

[المفلفله]

http://up3.w6w.net/upload/02-01-2006/w6w_200601022016033ac02e47.gif

[sherifgouda]

إخوانى الأعزاء : الدرع الذهبى ، naiel ، المفلفلة ... شكراً جزيلاً على تعليقاتكم والموضوع تشرف بزيارتكم
وكل عام وأنتم جميعاً بكل خير .... خالص تحيتى

[ماجدة العرب]

شكرا جدا لشريف باشا المتألق جدا جدا جزاك الله كل الخير على مجهوداتك الرائعة ...
تأييدا لكلامك : كان عندى قطة (نوسة) حبيبة عمرى كنت أجد فى تربيتها ونسا شديدا لاننى كنت فى مصر مع أخى ادرس واهلى كلهم فى الخارج، فكانت هى كل أهلى...وفى مرة اضطر أخى للسفر واصطحبنى معه فقلت له ان القطة حامل واخشى ان تلد ،لكنه تذمر وقال ان مشوار السفر طويل ويخشى ان ينام وهو يقود السيارة، فأخذتها معى لكى لا اتركها اياما فى المنزل وحدها واذا بها تلد فى البلد التى ذهبنا بها فى حقيبة السفر ،قمنا باللازم نحوها فأخى عموما طبيب بشرى ، وعندما عدنا من السفر وجدت القطط الخمسة الرضع ولم أجد نوسة وكأنها تبخرت، أعتقد قفزت من الشباك خوفا من الطريق ، بكيت عليها كثيرا واحسست اننى وحيدة ..أما الصغار فعملت مثل ما عمل أ.شريف أكرمه الله رغم سخرية الجيران منى وقالوا امها وابوها مسافرين وعاملة بيتها حديقة حيوانات . كبروا جميعا والحمد لله لكن قلبى يفيض حزنا على فقد نوسة . أراها فى أحلامى كثيرا.

[ماجدة العرب]

أخىالاصغر من الذين عندهم مرض هوس القطط ،أثناء رجوعه ليلا لمح كلبا يعبث فى شىء بفمه باستهتار ، اقترب قليلا ليجد قطة فى فم الكلب مولودة تصرخ من أنيابه، هدد الكلب وتمكن من أخذ القطة ،ونفذ خطوات الاخ شريف وأخذ يداوى جروحها حتى كبرت واصبحت شقية جدا ودمها خفيف واهديناها لاحد الاصدقاء .على فكرة اسمها( أنأنة) بضم الالف اسم غريب مش كده ؟

[voodoo_mojoo]

نا بقى زي مانت قلت شريف باشا من مدمني الخناق مع اللي بياذوا القطط خاصة الاولاد الصغيرين اللي بيستمتعوا بعذاب القطط..
موضوعك اكثر من رائع وفعلا اضافة جديدة لاي انسان مش بس اللي بيربوا القطط خاصة ان الشعور بانك انقذت حياة بريئة
ارجو التثبيت علشان مايضيعش وسط المواضيع الكتيرة
شكرا مرة تانية

[sherifgouda]

العفو يا فودو باشا وإنت منور الدنيا كلها بالردود المحترمة الراقية
وتم التثبيت علشان خاطرك يا باشا ، وطلباتك أوامر دائماً
مع خالص إحترامى وتقديرى

[voodoo_mojoo]

يا فندم انت اللي تستاهل التحية لكل اللي انت بتعمله للقطط والمعرفة اللي بتحاول تديها لكل مرتادي المنتدى
الشكر لا يكفي

[zamfal]

موضوع مفيد جدا يا شريف باشا جزاك الله كل خير
على الارشاد الجميل ده
و زي منتا قولت. حاجات كلها منطقيه بس الواحد بيخاف ياخد ذنب موت القط على ايديه و اكيد دليلك و شرحك ريح الواحد و خلاه اكيد لو قابل موقف زي ده اوعدك اني هاتكفل بالمخلوق الضعيف ده مش هخاف
بس اللي اهم من ده كله و اللي دايما بقولهولك:
جزاك الله كلا خير على ما فعلت مع جوجو و عسى الله ان يجعله سبب في دخولك الجنه باذن الله
شكرا اخي العزيز على نصايحك الغاليه دائما

[sherifgouda]

تسلم لنا يا أخى الغالى zamfal وربنا ما يحرمنا من ذوقك أبداً ، وأتمنى إننا نحاول دائماً نعمل الخير بدون إنتظار مكافأة أو حتى كلمة شكر من أى فرد لأننا نعامل الله عز وجل ولابد أن يكون عملنا خالص له وحده ، وكما ذكرت فى كلمتك إننا نطمع فى عفو المولى ولعل أبسط الأعمال تكون سبباً فى دخولنا الجنة بإذن الله ... وشكراً يا باشا على زيارتك وتشريفك للموضوع
مع خالص التقدير والاحترام

[ideasforlife]

والله اخى الغالى موضوع شيق
حيث اننى منذ فتره عثرت على قطه رضيعه
وحاولت اعملها اى شئ بس ربنا مكتبلهاش عمر وانتقلت الى رحمه الله تعالى
لنقص الخبره التى كانت لدى
وباذن الله لك الاجر على الافاده
مشكور

[sherifgouda]

شكراً على الرد يا أخى العزيز ideasforlife ويكفى أنك قد حاولت عمل أى شئ لرعاية هذه القطة ولكنه أمر الله
مع تحيتى

[halamahmoud_200]

فعلا جزاك الله خيرا علينا يا اخي شريف
ما شاء الله انت فعلا استاذ
هاله

[sherifgouda]

عفواً يا هالة ولا شكر أبداً على واجب ، وأشكرك على ذوقك

[ammor338]

الموضوووع رهيب بجد وجميل جدا جدا بس للاسف احنا عندنا هنا في القاهره الناس بتعتبر اللي بيربي حيوان او بالاخص القطط انه فافي وبتاع بابا وماما وحاجات من اللي انتوا فاهمينها وانا معظم خناقاتي علشان الموضوع ده لان كل اللي اقوله ان عندي قطه يضحك ويضحك اكتر لما اقله اسمها فله كاني بقوله حاجه غريبه ويقعد يترياء وزي مانتوا فاهميين من اللي بيحصل من الناس دي اللي هما اكيد مبيقدروش الحيوانات وهما غير مباليين اذا كانت عايشه ولا ميته طيب لو انت كنت مكن الحيوان اكرمك الله كنت هاتعمل ايه ؟؟؟ وده سؤال المفروض الواحد يساله لنفسه علي العموم الحمد لله لان ربنا خلقنا لينا قلوب ومش حجاره زي اللي بياذو الكلاب والقطط والحيوانات عموما واللي بيعتبرو ده لعب او سبيل من سبل التسليه ودل بالذات حسبنا اله ونعم الوكيل وفي الاخر شكرا ياشريف باشا علي الموضوع الجميل ده

[sherifgouda]

ربنا يخليك يا عموور باشا وأشكرك جداً على أخلاقك ونبل مشاعرك ، وأنا شخصياً تعرضت للكثير من المشاكل والسخرية من معظم الناس بسبب تعاطفى مع الحيوانات الأليفة وحبى الشديد لهم ، أنا لا يهمنى ما يقوله الناس عنى طالما كنت أشعر أننى أفعل ما يمليه ضميرى من ضرورة فعل الخير ، فنحن يا أخى العزيز لا نعامل الناس ولكننا نعامل الله عز وجل ونطمع فى غفرانه يوم الدين
وشكراً جزيلاً على ذوقك أخى العزيز ..... مع خالص تقديرى

[سونى اريكسون]

الف شكرا ع الموضوع
وانا من انهاردة حعمل كدة واول ما اشوف قطة ميتة حعمل كدة لان القطط الحية ممكن تعضنى او تخربشنى
وسوف ارى النتيجة

[sherifgouda]

الف شكرا ع الموضوع
وانا من انهاردة حعمل كدة واول ما اشوف قطة ميتة حعمل كدة لان القطط الحية ممكن تعضنى او تخربشنى
وسوف ارى النتيجة
عفواً يا باشا .. ولكن القطط الرضيعة لا بتعض ولا بتخربش .. ممكن تجرب وعلى ضمانتى

[picksou]

موضوع لّذيذ جدا
تسلم ايدك يا باشا
انا لقيت قطه من اسبوعين بالظبط
المشكله انا كان عندها برد فظيع,و ده اللي خلاها تصعب عليا اكتر
من قوه الكحه بتاعتها كانت راسها بطخبت في الارض :no000000:
خدتها للبيت,و جبتلها ما لذ و طاب,و دواء للكحه
والحمد لله دلوقتي زي الفل,و مليا البيت لعب و طنطيت :bigsmile:
و دي صورتها
و سميتها لوسي :shiny000:
http://img83.imageshack.us/img83/2227/image0248ow.jpg

[sherifgouda]

عفواً يا picksou باشا ، وأدعو الله أن يجازيك أحسن الجزاء
وشكراً جزيلاً على مرورك وردك يا باشا

[ammor338]

انت صح ياشريف باشا بس كمان عايز اقول علي شيء هما ليا بيعدموا الحيوانات اللي بيمسكوها في الشارع من قبل سيارات جمع الحيوانات الضاله ؟؟؟ بس حاليا بقوا بيسموها طيب ليه مايتعملش زي الدول المحترمه ياخدوا الحيوان ويعرضوه للتبني بس للاسف هما ناس اسف في الكلمه منع العتذار ناس بهايم مبيفكروش ربنا هايعمل فيهم ايه ؟؟ هما كده متخيلين انهم صح اللي بيعملوه وانهم بيريحوا الناس لاء ده حتي في الدين بيوقلك ان ربنا حرم قتل النفس الا اذا كانت تستحق القتل وعلي العموم انا الناس دي بكرههم كره العمي ومش بطيقهم

[sherifgouda]

أخى العزيز عموور :
أنا متفهم طبعاً وجهة نظرك من ناحية عدم إنسانية الطريقة التى يتم التخلص بها من الحيوانات الضالة فى بلدنا ، فطريقة دس السم المسبب للسيولة فى الدم أو وضع سم السيانيد أو الاستركنين فى قطع اللحم لهذه الحيوانات البريئة أنا أعتبره طريقة فى منتهى القسوة للإعدام لأن الحيوان يتألم بشكل لا يوصف قبل الموت ، وطبعاً العوامل الإقتصادية فى بلدنا لا تسمح برعاية المواطن نفسه فما بالك بالحيوانات يا باشا ؟
يا أخى العزيز المفروض لحل هذه المشكلة هو وضع حل جذرى لمشكلة الحيوانات الضالة ... فما السبب فى كونها أصلاً ( ضالة ) ؟
1) لابد من وجود وعى لدى المواطنين بأهمية الحد من تناسل الحيوانات الأليفة الموجودة لديهم عن طريق إجراء جراحات الإخصاء للذكور ( Castration ) أو استئصال الرحم للإناث ( Spaying )
2) زرع حب الحيوانات الأليفة فى نفوس الصغار منذ الصغر وعدم تصويرها لهم على أنها وحوش ضارية ، فالمطلوب هو زرع الحنان وحب الخير فى نفوس الصغار وليس زرع القسوة والعدوانية فى نفوسهم
3) وضع حل إنسانى لهذه الحيوانات كما هو متبع فى الدول المتقدمة بحيث يتم جمعها والاشراف عليها بيطرياً وعلاجها مما بها من حشرات أو أمراض ثم إجراء جراحات التعقيم لها ثم عرضها للتبنى ، وفى هذه الحالة لن تكون سبباً فى نقل أية أمراض طالما أنها سليمة صحياً
وأشكرك على روحك السمحة يا أخى العزيز ... وتقبل خالص تحيتى

[ammor338]

يعني انا مش غلطان لان اللي بيسمع الكلام ده بيقولي احنا لاقيين ناكل علشان ناكل كلب ولا قطه ايوه لقيين ناكل والحمد لله وبعدين لو مش لاقي تاكل اكل الحيوان الضال ده اي شيء هو مش بتفرق معاه هو المهم عنده انه ياكل والسلام ياكل ايه او ياكل امتي مش مهم ومش مهم انهم يعرضوها للتبني بس ميقتلوهاش بالطريقه الوحشيه الهمجيه دي ده قربوا يلبسوا هنود حمر ويجروا وراها في الشارع وحاجات عجيبه علي العموم الله ادري بعباده اكتر منا وشكرا شريف باشا علي الرد

[emantaraf]

بجد شكرررررررررررررررررررا لك

لانى فعلا مرة لقيت قطة صغيرة ومكنتش عارفة ااكلها ازاى
فعلا موضوع ممتاااااااز

[sherifgouda]

شكراً جزيلاً يا إيمان على زيارتك للموضوع وأتمنى أن يكون قد حاز إعجابك

[ramynoknok]

thxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxx

[sherifgouda]

عفواً يا رامى وشكراً على مرورك وردك

[ahmed_5eg]

شكرا على المعومات ونرجوا ان يفعل الجميع الخير حتى يثابو عليه

[sherifgouda]

شكرا على المعلومات ونرجو ان يفعل الجميع الخير حتى يثابو عليه
أتمنى ذلك فعلاً يا أخى العزيز وشكراً على مشاركتك

[mostafa_x]

شكرا جزيلا اخى العزيز شريف على المعلومات الجميله دى فعلا الواحد سعات بيلاقى قط صغير و مش بيعرف يعمل ايه بالظبط :(

[sherifgouda]

العفو يا درش باشا وأتمنى أكون فعلاً نجحت فى الايضاح ، ونورت الموضوع بزيارتك يا باشا

[shelbooooo]

واضح ان عندك فكرةجيدة جدا عن القطط و فعلا انت مفيد جدا :icon30:
لكن عندى سؤال من فضلك
انا عندى 4 قطط ولد و 3 بنات
هما من زمان مع بعض هل مينفعش انهم يتجوزا لان فى الفة بينهم ولا لأ ؟
ارجوا الافادة و شكرا لك جدا :bye10000:

[KolYom]

انا بصراحة لقيت قطة لسة مولودة امبارح والعربيات عمالة تعدي من حواليها :no000000: نزلت من التاكسي ورحت امسكها ز نزلت تحت التاكسي علشان امسكها .... بس سيبتها علي الرصيف بعد كده :no000000: :no000000:

[sherifgouda]

على الأقل أنك وضعتها بعيداً عن عجلات السيارات ولعل شخصاً آخر يمكنه مساعدتها .... شكراً أخى العزيز

[Mr.Sallam]

ياسلااام والله ربنا يجازيك خيرا عن تلك المعلومات المهمه,لإنها فعلا بتتعبنى,وبفضل أحاول مع القط الصغير حتى يموت للأسف
مره واحده بس فضلت بحاول يومين مع قط صغير,مش هتصدق ايه اللى حصل القطه الكبيره عندى أم العيال يعنى,مش هتصدق لاقيتها جت وأخذت تلعقه وترضعه مع صغارها,مع انها كانت بتخاف منه جدا الأول كعادة جميع القطط مع القطط الصغار,لكن سبحان الله...

[sherifgouda]

كلمات رقيقة أعتز بها كثيراً يا أخى العزيز sallam-911
أسعدنى مرورك وتعليقك وأتمنى أن تحوز باقى الموضوعات إعجابك ... وأهلاً وسهلاً بك على الدوام
مع خالص تحيتى

[ماجدة العرب]

واضح ان عندك فكرةجيدة جدا عن القطط و فعلا انت مفيد جدا :icon30:
لكن عندى سؤال من فضلك
انا عندى 4 قطط ولد و 3 بنات
هما من زمان مع بعض هل مينفعش انهم يتجوزا لان فى الفة بينهم ولا لأ ؟
ارجوا الافادة و شكرا لك جدا :bye10000:

أخى الفاضل : ليس هناك ما يمنع ، لكن يستحب أن النسب يكون متباعدا ، بحيث أن الاب لايتزوج من ابنته ...وهكذا ، لتحاشى العيوب الوراثية ، لكن أحيانا يترك أمر الوراثة وسبحان الله يكون الانتاج جميلا جدا .

[C R O U S E R]

مشكور جدا اخي على الموضوع الرائع ده

[sherifgouda]

god bless you dear friend, I hope I have been of some assistance

[edrakon]

أ شريف جوده
تحية طيبة جدا علي موضوعك القيم في معلوماته و في اخلاقياته
خصوصا موضوع انقاذ كائن صغير لا حول له ولا قوة

[rocky_sa3d]

مشكور يا باشا بس يا تري كل واحد هيعرف يعمل ده

[Mr.Fi]

مشكور ياباشا علي الافادة

[meshuggah]

شكراً على المعلومات القيمة ... ولا تحرمنا من مواضيعك

[sherifgouda]

عفواً إخوانى الكرام Edrakon و Rocky_sa3d و meshuggah على ذوقكم وأتمنى أن يكون الموضوع قد حاز إعجابكم
مع خالص إحترامى لحضراتكم

[yasser_77755]

اشكرك اخ شريف علي الموضوع الجميل مثل وجة قطتك
بس انا ليا استفسار عندك لو ممكن توضحلي
انا بحب الحيوانا الاليفة جدا بس المدام عندي بتخاف من القطط علي خلفية ان القطط قط تتسبب في ايذائها بالامراض مثل العقم و خاصة و اننا متزوجين حديثا فما تعليقك علي هذا

[bony_m2003]

ربنا يبارك فيك يا شريف باشا

[craige1984]

للأمانة الشديدة
أنا لو كنت لقيت قط فى الشارع كان أقصى حاجة ممكن اعملها أنى أشيله و أحطه على جنب
لأنى بصراحة كنت هاحتاس بيه جدا
لكن أنا عامة بحب القطط و نفسى أربى قطط لكن صراحة سمعت أنها بتسبب أمراض
و أنا كنت خايف على أختى منها لأنى سمعت أن القطط بتسبب عقم للبنات
يا ترى دا حقيقى
و شكرا لموضوعك الأنسانى جدا و الرائع وربنا يجزيك عليه خير

[hamada1986]

يا باشا والله العظيم إنتا معلم كبيييييييييير ومافيش منك خالص متشكرين أوى ليك

[® Ronaldinho]

موضوع رائع واراء حلوة

[merosharm55]

موضوع أكثر من رائع مشكور جدا عزيزى انا لقيت قطه على الطريق أمها ماتت فى حادثة عربية و اتبعت خطواتك و هى بقالها 3 أيام لكن السؤال هو ( هى لما لقيتها كانت مفتحة عنيها يعنى بقالها اسبوع تقريبا هل ازود كمية اللبن و انا بسخن اللبن يعنى بدفيه شوية هل تشربه دافى و لا بارد عادى و انا عملت ليها بيت صغير بأكلها و بعدين ادخلها فييه و لو خرجتها و سيبتها على الأرض بتقعد تنونو فبرجعها تانى هل اخرجها و لا اخليها فى البيت بتاعها على طول
أسف إذا كانت أسئلتى كتيير و لكن ياريت ترد على

[anenene]

السلام عليكم
طبعا اكيد الخيار التاني انا بحب القطط اوي ومش بقدر اشوف قطه كده انا مره شفت قطه صوغيره في نص الشارع وكانت في عربيه هتخبطها جريت عليها وزقتها الحمد لله محصلهاش حاجه بس انا الي اتخبطت بدالها بس الحمد لله مكنتش خبطه جامده وبخصوص رضاعة القطط انا مره نزلت اجيب سرنجه من الصيدليه عشان ارضع قطتي وهي صوغيره وبتاع الصيدليه عمل معايا تحقيق عوزه السرنجه ليه ومين الي بعتك ناقص كان يسالني انتي تبع منظمة ايه لانو في ناس بتشتري سرنجات عشان تاخد مخدرات وكده اللهم احفزنا وربنا يديك الصحه على الموضوع الحلو ده وارجو اني مكنش طولت عليكو
السلام عليكم

[فري ستايلرز]

والله احزن لمن اشوف بسه في الطريق لحالها وتكون صغيرة رضيعه ماتقدر تسوي شي اكون متاكد انو راح تدعسها سيارة



شكرا على المووضوع


بايوووووووووووووووو

[أفوكاتو بنت]

جزاك الله كل خير
ألف شكر الموضوع الرائع والمعلومات
القيمة
واتمنى أن كل الناس يشعروا ويحنوا على أي قط
صغير يوجدوه ويشعروا أنه بيحس زيهم وبيتألم
وخصوصا الأطفال
الي بشاهدهم بيعذبوا القطط الصغيرة لحد الموت

[kanee]

والله موضوع جميل جدا جدا وان شاء الله انا لو لقيت قط اكيد هعمل فيه زى ما حضرتك قايل

[RORA88]

شريف انت رائع بجد بشكرك على الموضوع الهايل و الرائع و بجد انا اعجبت بيك من مجرد الموضوع و من حنيتك

ROoOoOoRaAaAaA

[faith]

موضوع هايــل هايــل يا شريــــــف
مجرد الشعور بانك انقذت حياة بريئة دة يساوى الدنيا باللى فيها :tears:
اختك إيــمى

[nemodiver]

السلام عليكم
أولا شكرا جزيلا وجزاك الله خيرا يا استاذ شريف على مجهودك وايجابيتك.احنا دلوقتى لو لقينا بنى ادم خابطاه عربيه على الطريق بنخاف نقرب منه او بنعمل نفسنا ماشفناش حاجه زى ما انت بتقول واتمنى اننا نكون اكثر ايجابيه فى الحاجات دى.المساعده واجبه لكل مخلوق فعلا.
انا عندى مشكله فى تنفيذ خطوات الرعايه بالقطط الصغيرة دى وهى:
1 ماعنديش وقت انى ارضع كل ساعتين واخاف انى اهمل فى رعايتها واخش النار بسببها(الشغل بيبلع نص اليوم او اليوم كله احيانا).
2 الوالده فى البيت بتتعاطف جدا مع الحاجات دى بس فى نفس الوقت مش بنقدر ندخلها البيت عشان البراغيت والامراض.
3انا كنت بفكر اربى قطه لكن اصحابى قالولى انها بتنتش فرش البيت وبتبوظه ومعنى كده انى انا والقطه هنترمى فى الشارع من اول ماتتعلم المشى :)

[H A R D]

جزاك الله كل خير يا أخ شريف على الموضوع الرائع وعلى الافادة الجمي

[Samzezo]

والله أنا صادفني الموقف دة كتير ... بس كنت بقوم برفع القط الرضيع إلى مكان آمن بعيد عن السيارات لأنه قد تكون القطة الأم تجلب طعام لها أو لصغارها ... لكني من متابعتي للقطط أؤكد أن القطط لا تترك أطفالها ... لذلك لو حدث لك هذا الموقف بالقرب من منزلك من الممكن التابعة ومعرفة ما إذا كانت القطة الأم تركته أم لا ولكن لو كان بعيدا عن مكان إقامتي مثلا فسوف أتركه للسبب السابق ذكره .... بس بصراحة عامة موضوع قيم أشكرك عليه

[Hyoungki]

جزاك الله كل خير

[elbous]

مشكوووووووورررررررررر

[معتز2002]

مشكوور على المعلومات وعلى فكرة انا قبل ماسجل لقيت قوطة مرمية فى الشارع فاتبعت تعليماتك واهى كبرت وبقت زى الفل

[lilie2007]

حقيقي جزاك الله كل خير
موضوع مفيد جدااا
وعلي فكرة انا اتعرضت ليه كتير وكنت بحس اني عاجزة عن ساعدة القطط ديه
وكنت بحاول اني اخلي اي ام من القطط اللي عندي ترضعه
لكن كان بيبقي الموضوع صعب كتير
الف شكرا ليك

[فاطمة وجدي]

والله موضوعك رااااائع ومهم جدا وسعيدة اوى بمعلوماتك اللى افادتنا

وبانسانيتك تحياتى ليك

[iamloser]

نبيل جدا جدا جدا جدا

[monsefy]

شكرا جزيلا على الموضوع الهايل

[monsefy]

انا لقيت 3 قطط على السلم
حطيتهم فى كرتونه واستنيت
لحد ما امهم لقيتهم ورضعتهم
المهم بقالهم حوالى اسبوع
لقيت امهم ميته من يومين
وهما قاعدين ينونوووااا بصوت عالى قوى
بحاول ارضعهم زى ما قولت بس مش عارف
مش عايزين
وموضوع انى ااكلهم كش ساعتين صعب قوى انفذه
اعمل اييييييييييييه

[monsefy]

وهما مفتحين على فكره

[mise2008]

السلام عليكم

موضوع اكثر من رائع

انا القطة بتاعتي خلفت امبارح 4 قطط في اماكن مختلفة
واحد نزل ميت والثلاثة كانوا عايشين

دلوقتي هي مش راضية تيجي جنبهم او ترضعهم

سبتهم امبارح من غير اكل وامهم مش رضعتهم

النهاردة واحد ثاني مات

والاثنين الباقيين رضعناهم بالسرنجة

نعمل ايه بقى؟؟

وليه الام مش راضية ترضعهم او تيجي جنبهم؟؟؟

[tamerrock]

انا يا جماعة لقيت القطة دى
http://http://img142.imageshack.us/img142/629/20080224001hs6.jpg


هى الصورة معلش مش واضحة شوية علشان دى بالتليفون
وتقريبا لون القطة الاصلى ابيض علشان هى شكلهامتوسخة اوى
وانا طبعا مش عارف اعمل ايه معاها
عاوز احميها بس بصراحة انا خايف لتكون فيها امراض
فانا عايز اى حد يقولى اعمل ايه ولا ارميها مع ان شكلها غلبانة ومش
وش بهدلة فى الشارع ويا عينى اول لما حتطلها اكل ولبن اعدت تاكل كانها مكلتش من سنة
ابويا بيقولى انها كانت بتاعت عيل كده صغير شغال ميكانيكى ومش بياكلها ولا بيشربها ومخليها معفنة اوى
يا ريت حد يرد عليا بسرعة
ويا ترى لو عندها امراض اعمل ايه وهى ممكن تنقل امراض ليا
بسرعة والنبى

[bei7airy]

مشكور جدا دا بيحصل معايا بجد

[m noona]

أنا أشكرك كتير جدا في الحقيقة على الموضوع المهم ده
أنا دايما برضو بيقابلني قطط رضيعة في الحديقة و طبعا مش باقدر أيبهم و في نفس الوقت مش كنت باقدر اعملهم حاجة

ما عدا مرة واحدة بس كانت القطة بتاعتنا ولدت
فجبت القط الرضيع اللي لقيته ده و حطيته وسط أولادها
و سبحان الله هي مش اعترضت و بقت تعامله زي أولادها تمام :)

أنا اندهشت جدا و حمدت ربنا لأنه كان صعبان عليا قوي

[MR_BOKAR]

مشككككككوووووووووووووررررررررررر

[اسما يويو]

الموضوع ده افادنى جداً

مع انى لم يصادفنى قط رضيع

بس عرفت ايه اللى المفروض يتعمل وحفظته

[™ M i d o 010]

الف شكر على الموضوع

[™ M i d o 010]

كتير الموضوع نرى حقيقية الف شكر على الايفا دة ووصفك على الرعاية التامة للقط الرضيع

[jabany2]

Thankssssssssssssssss

[fayrouz2006]

مش عارفة أشكرك ازاي على الموضوع ده
أنا فعلا قابلتني 2 قطة عمرهم كان يوم تقريبا ومرمين على جنب في كرتونة
بس مكنتش عارففة أعمل ايه ، كل 3 ساعات كنت برضعهم زي ما وصفت ، بس مكنتش
أعرف موضوع المياه الدافئة ولا موضوع مسح منطقة الاخراج ، عشان كده ماتوا واحد ورا التاني
ومن أسبوعين جت لنا قطة بتحب تولد عادة على باب بيتنا ، المرة دي ماما دخلتها البيت وكانت حامل ونزلنا
تصوروا ، في ساعة واحدة لما رجعنا لقيناها ولدت جوه دولاب ماما ، ما شاء الله جابت 6 !
ماما عملت لهم غرفة لوحدهم ، بس الحمد لله أمهم موجودة ، بس بصراحة 7 قطط كتير قوي في البيت !
والله مش عارفين نعمل ايه ! خصوصا اننا بنسافر كتير ، ودلوقت قرب معاد سفرنا ومش عارفين نعمل ايه معاهم
يعني لو نزلناهم الشارع حيحصل لهم ايه ؟
بس بجد موضوع هايل ، شكرا لك

[theking007]

ما شاء الله الله يكرمك و يزود من امثالك
انا ليه عندكم طلب انا صديق ليه لفي 3 قطط صغيره عند منزل مجاور كلمني فورا عشان عارف اني بحب القطط جدا
جابهم و شالهم عنده او انتشلهم من المكان ده و حميناهم بس المشكله مش عارفين عندهم قد ايه دي حاجه تاني حاجه والد صديقي مش موافق علي وجودهم في البيت و انا والدي بقي عنده نوع من انواع الحساسيه الصدريه من القطط فمابالكم بي 3 قطط لو حد قلبه رحيم ياخدهم و ياخد فيهم ثواب ابثي شاكرله جدا جدا
و السلام عليكم
يا ريت تردوا عليه لاهميه الموضوع

[.:Fido:.]

بوك مارك للموضوع

فعلا موضوع ممتاز جدا

[alattar1982]

جزاك الله خيرا
و جعله الله في ميزان حسناتك

[elbeak_2006]

شكرا علي الموضوع الشامل و الوافي

[mexicey]

thank u for this

[ewg]

شكرا على الموضوع الجامد
انا لسة لاقى قتطين صغيرين (10 ايام او اقل) النهردة فى الشارع وكانو بردانين جدا وجعانين خالص وانا مش عارف اعملهم اية خالص
انا رضعتهم شوية لبن بطلوع الروح وعشان ادفيهم سخنت ابفرن بتاع البتوجاز وحطيتهم فية
هههههههههههههههههههههههههههههههه
المهم الموضوع دة اكتر من ممتاز انا كنت هحتاس من غيرة
ارجو انك تكون موجود وتتفاعل معانا

[Stinger Splash]

تسلم انا القطة الي عندي حاليا وجدتها في شارع
بس مش للدرجة دي كانت كبيرة شوي المهم اعتنيت بها
واليوم ولدت

[firedog]

موضوع فى التمام

[shetos_viper]

لا والله مشاء الله عليك افكار جامده جدا
وانا فعلا عملت فكرة الحقنة لقطة بيبى بس ما كنتش بستخدم بلف :d بس اهم حاجه عندى انها كانت ترضع والحمدلله كانت بترضع بالعافية