أحدث عروض فودافون [الأرشيف] - موقع الدي في دي العربي

MOHAMED_P.T

30-06-2009, 12:21 AM

السلام عليكم
تمخض الجبل فولد فأرااااااااا
50 حد يعرف 50 ايه يا جماعة انا هقولكوا
50عربية BMW 116i
لكل مشركين فودافون الكارت والخط كل جنيه تنفقه فى الشبكة تدخل بيه مرة فى السحب على عربيه منهم ... يعنى لو 50 ج يبقى ليك 50فرصة لدخول السحب...
والله الواحد نفسه يعيط من فودافون دى يا جماعة هو ده الى ربنا قدرهم عليه ده بدل ما يرخصوا الدقيقة زى اتصالات او اى اى عرض نستفيد منه نحن المشتركين الغلابة الى قى الشبكة الزفت دى .... فعلا فودافون تتجه الى الهاوية بسرعة الضوء مش الصوت ..... كل واحد يدخل يقول رايه فى العرض الجااااامد ده!!!!!!!!!!!!
د.محمد للاسف لسه واحد من مشتركين فودافون....

محمدابوسنه

30-06-2009, 12:05 PM

والله انا كنت شايف انهم مادام عاوزين يكسبوا عملائهم عربيات كانوا عملوا سحب عشوائى كده للارقام وخلاص .. لانى شايف ان موضوع كل جنيه هيتصرف بفرصه ده مش طبيعى خالص او المقصود منه فعلا هو ان الناس تصرف فلوس اكتر على الشحن ؛؛ واللى اكدلى اكتر لما كلمت خدمة العملاء وسألتهم يعنى ايه فرص اكتر ( انا اتوقعت انى لو مثلا معايا 100 فرصه يبقى رقمى موجود 100 مره فى القرعه اللى هتتعمل وطبعا هيكون موجود فيها الاف الارقام وده التفسير المنطقى والطبيعى لموضوع فرص اكتر ده ) بس طبعا بتوع خدمة العملاء نفسهم شكلهم مش فاهمين اصلا لانهم بيقولولى انه مش زى منا فاهم كده وكان ردهم ( يافندم لو حضرتك مثلا عندك 100 فرصه هايبقى حظك احسن فى السحب اكتر من اللى عنده 10 فرص بس ) ؛؛ بس انا طبعا شايف ان الكلام ده مش صح لان دى قرعه وسحب عادى جدا ومادام مش زى منا كنت فاهم فكده الكل متساوى فى فرص الفوز ... فبلاش تضيعوا فلوسكوا على الارض وياريت كل واحد يفضل يتكلم زى ماهو

وبعدين يا دكتور يمكن ربنا يكرمك وتفوز ياعم :24:

محمدابوسنه

30-06-2009, 12:08 PM

وبالمناسبه انا معايا دلوقت حوالى 200 فرصة ... ولما نشوف
وعلى فكره كمان السحب هايبتدى من النهارده 30/6

!@#$%^&*(

01-07-2009, 06:18 AM

انا معايا 112 فرصة

اروح اتعلم السواقة بقى و اطلع الرخصة ولا ايه ؟

member

01-07-2009, 06:13 PM

انا معايا 112 فرصة

اروح اتعلم السواقة بقى و اطلع الرخصة ولا ايه ؟

بص يا أستاذي

دلوقتي فودافون فيها حوالي 18 مليون مشترك .. نقول 15 مليون منهم مشغلين الخط ونقول كل واحد منهم عامل 50 جنيه (المتوسط)

يبقى فرصة أنك تفوز بالعربية كالآتي:

112*50/15000000*50

يعني بحسبة بسيطة هتلاقي نسبة فوزك:
%0.000747

محمدابوسنه

01-07-2009, 07:07 PM

ادينى بقى معايا 417 فرصه .. وبعدين الواحد حاسس ان الموضوع ده اشتغاله اساسا وكده كده انا بتكلم كتير مش عشان اكسب يعنى ( بس مفيش مانع طبعا لو كسبت بالصدفه )

!@#$%^&*(

01-07-2009, 10:54 PM

بص يا أستاذي

دلوقتي فودافون فيها حوالي 18 مليون مشترك .. نقول 15 مليون منهم مشغلين الخط ونقول كل واحد منهم عامل 50 جنيه (المتوسط)

يبقى فرصة أنك تفوز بالعربية كالآتي:

112*50/15000000*50

يعني بحسبة بسيطة هتلاقي نسبة فوزك:
%0.000747

ههههههههههههههههههههههههههههههههههههه

يانهاااااااار ابيض

ده انا كنت رايح اطلع رخصة بقى و مرتب الشهر اللى جاى افسح الاسرة

ياللابقى مفيش نصيب

ياريت اللى يكسب يدينى زيرو بقى

MOHAMED_P.T

02-07-2009, 01:22 AM

يا جماعة ولا عاوزين bmw ولا gmc احنا عاوزين نبقى زى باقى الشبكات عندنا عروض قوية يخلص واحد ينزل التانى والتالت والدقيقة ترخص.. وتبقى ليلة يا عمدة والعيال تاكل وابو العله وامه يتعشوا وكده وايه رايكوا...

hanymah

02-07-2009, 04:41 PM

فعلا العروض وحشة اوى مش زى 19 قرش بتاعة اتصالات او حتى حاجة شبها حتى عرض اصحاب بلس محجمينك فى الشهر من بين 3 او 6 او 9 جنية كلام مع النمرة الية انتا عايزها زى موبينيل مثلا مفتوحة على طول .. عمتا هتفضل فودافون هى اقوى شبكة فى العالم بس يظبتونا شوية ....

محمدابوسنه

02-07-2009, 06:53 PM

بصراحه الواحد اتخنق من فودافون جداااااااااا ... عروضها دايما الاضغف

MOHAMED_P.T

02-07-2009, 10:43 PM

MooDA1101

13-07-2009, 03:17 PM

عرض زى الخرى

للأغنيا بس
من الآخر يعنى

nino4ever

14-07-2009, 10:29 PM

انا بضم صوتى وياريت فودافون تحاول تقلل سعر الدقيقة احسن من البى ام

bayoumisoft

15-07-2009, 07:00 PM

بصراحه الواحد اتخنق من فودافون جداااااااااا ... عروضها دايما الاضغف

وانا كمان معك فى هذه النقطة

mad_5

20-07-2009, 08:49 AM

انا كمان رايي من رايكم nino4ever و mohamed_PH

لو فودافون تقلل من سعر الدقيقة احسن ومش عاوزين لا بي ام ولا يحزنزن

همسة حالمة

25-07-2009, 03:50 PM

فوداون شركة عالمية عروضها ديما مهما كانت فهي في مصلحة الشركة قبل مصلحة العميل
يعني في الحالتين هي الكسبانه وكسبانه بردوا أكتر من الشركتين التانيين

بس الصراحة تقال هي أقوي شبكة وليها شبكات تقوية كتيرررررة جداااااااااااا في كل حته في الجمهورية

إنما موبينيل وإتصالات برغم العروض الكتير إللي بيعملوها وتخفيضات الأسعار إلا إن الشبكة ضعيفة جدااااااااااااا والإرسال وحش أوي أوي

وعلي ما أظن إن العرض بتاع العربيات بيترتب علي الكمبيوتر بحيث الأكثر نقط في الول وبعدين الأقل
يعني مثلا إللي معاه 450 فرصة هيكون مكتوب الأول وبعدين يقل بالتدريج لغاية الصفر
والأكثر تقريبا هو إللي بيفوز