المساعد الشخصي الرقمي

مشاهدة النسخة كاملة : التدريب في موبينيل

مني الجزيري
23-06-2009, 12:29 AM
لو سمحتم ياجماعه هوصحيح موبينيل بتصفي موظفيها _ ولو الخبر ده كذب ياريت لو حد عنده خلفيه عن التدريب في موبينيل يفدني اصل انا بصراحه رايحه بكره باذن الله هقدم cv بتاعي عشان تدريب هناك ان شاء الله فهل بعد التدريب ده في شغل ؟؟ ولا تدريب بس للخبره وفرصه التدريب افضل ولااقدم في الوظايف اللي بيقولوا انهم طلبين ناس للشغل مع موبينيل ... ياريت اللي عنده معلومات يفدني ويعرفني نظام التدريب ايه بالظبط وشكرااااااااااا جزيلا
kamba
23-06-2009, 04:22 AM
انتي الاخبار دي انتي بتجبيها منين؟

و هما دلوقتي طالبين ناس للتدريب و لا انتي رايحها تسئلي هل في تدريب و لا لا؟
ayman gad
23-06-2009, 04:28 AM
طالبين ناس معينة ولا اى حد حتى لو طالب فى تجارة
mozo123
23-06-2009, 05:06 AM
موبينيل فعلا طالبة ناس كتير و الفترة اللي فاتت عينت ناس كتير جدا..بس هيا مش بتصفي ولا حاجة هيامحتاجة عدد اكبر للكول سنتر بس.
التدريب بيبقى لمدة 3 شهور ودا بيبقى للطلبة بشكل كبير بس بعد كده بيبقى للناس دي اولوية في الشغل في موبينيل عن غيرهم..فترة التدريب بتبقى تقريبا شهر و بعد كده بيبقى شغل لاخرال3 شهور....و بالنسبة للشغل بيبقى نفس الكلام بس التدريب بتاعهم بيبقى اقوى شوية و لمدة شهر برضه بعد كده بتنزل شغل.
انا شغال في موبينيل بقالي شهر و نص تقريباو الناس هناك كويسين جدا و الجو ذيذ
eslammam
23-06-2009, 06:58 AM
طيب التقديم فين

و ممكن تقولولى أوصل لمكان التقديم أزاى من عبد المنعم رياض

منتظر الرد أنا محتاج أشتغل فعلا
alsaftawy
23-06-2009, 09:21 AM
طيب ممكن سؤال...
إيه التخصصات المطلوبة؟
انجليزي مثلاً!!!
موكي موكي
23-06-2009, 11:46 AM
طيب التخصصات فعلا في اية ولو التقديم نقدم فين
ارجو الرد لو سمحتم
masrawy777
23-06-2009, 12:32 PM
طيب ياريت ياجماعه حد يقولنا نروح نقدم أزاي وايه شروط التقديم وهل بعد التدريب في شغل علي طول ولا تدريب وبس
مني الجزيري
24-06-2009, 12:55 AM
علي فكره انا كنت هناك النهارده وقدمت ال cv وقالولي ان تقديم training ده بيبقي للطلبه فعلا مش للخريجين ... اما الخريجين فبيبقي التقديم علي شغل علطول , والعنوان ياجماعه ( 2005 كورنيش النيل البرج الشمالي ., رمله بولاق ومواعيد التقديم من الصبح لحد بعد الساعه 8 لان انا كنت هناك تقريبا الساعه 7 ونص كده وال hr قالولي ممكن لحد الساعه 10 والبرج اسمه النايل سيتي ,, اللي عاوز يوصله يركب التحرير وينزل قدام البرج قبل اركاديا بحاجه بسيطه والناس هناك ذوق وعلي فكره هما قالولي انهم باذن الله هيردوا عليا خلال اسبوعين لو قبلوني عشان يحددوا الانترفيو ان شاء الله ... ادعولي ربنا يجعلي نصيب ,,, اللي عايز يقدم السي في يروح الايام دي وبالتوفيق ان شاء الله وعلي فكره ياkampa انا بجيب الكلام ده من خلال رسايل بتجيلي علي الميل من موقع للتوظيف ....... بس كده وربنا يوفق الجميع.
مني الجزيري
24-06-2009, 12:59 AM
شكرا mozo علي ردك واتمني انهم يقبلوني ويوفق الجميع وربنا يوفقك
mega ram
24-06-2009, 01:40 AM
السلام عليكم/
شكرا لمجهودات الاعضاء ممكن طلب
حد يبعتلى الرابط بتاع موقع التوظيف دة اللى كان فى الاعلان
mohammed.k2010@yahoo.com
masrawy777
24-06-2009, 09:51 AM
شكرايامني علي ردك يعني التقديم بيكون من 7:30 الي 10 صباحا
alsaftawy
24-06-2009, 12:19 PM
ألف شكر على المعلومات ده
وربنا يوفقنا ..
bahaa.bebo
24-06-2009, 12:49 PM
يعني انا عاوز اعرف لو انا رحت مثلا عالساعه12الضهر كده هينفع اقدم ولا لا
وعاوز اسال انا لما هروح اقدم هقدم الcvبتاعي هعمل اي حاجه تانيه ولا همشي علطول
adlay_2004
24-06-2009, 02:38 PM
شكرا يامني وربنا يوفقك وتشتغلي
انا بس عايز اعرف التقديم في البرج الشمالي في اي دور
بس البرج الشمالي من التحرير بعد اركاديا
مني الجزيري
25-06-2009, 01:01 AM
ازيكم ياجماعه ومفيش شكر ولا حاجه ربنا بس يوفقكم ... انا عايزه اقول ان التقديم من 9 صباحا لحد 10 مساءا والتقديم في اي وقت من الاوقات دي بس انااللي روحت قدمت متاخر شويه عشان الجو كان وحش جدا وطبعا التقديم في اي وقت في التوقيت ده بس طبعا متتاخروش مثلا لحد الساعه عشره خلي مثلا اخركم الساعه 8 عشان تضمنوا انكم تلاقوهم .. وبالنسبه للبرج اسمه البرج الشمالي عشان في برج تاني جنبه والتقديم في الدور العشرين وهتطلع تلاقي شخص هناك بياخد ال cv منك بس طبعا ظبط ال cv كويس وحط صورتك والكلام اللي انتوا عارفينوا ده وده طبعا مجرد اخد بالاسباب وطبعا الصدق بيهدي للبر...... والموضوع نصيب وربنا يارب يوفق الجميع.... وعلي فكره يا adlay البرج الشمالي ده قبل اركاديا وانت رايح في اتجاه التحرير مش وانت جاي من التحرير يعني قبل اركاديا وانت جاي من ناحيه شبرا طريق الكورنيش وهو قبل اركاديا بخمس دقايق مشي يعني حاجه بسيطه جدا.... وطبعا لكل مجتهد نصيب
مني الجزيري
25-06-2009, 01:04 AM
mega الموقع اللي انت تقصده ده فهو تبع الياهو انا كنت مشتركه فيه وهو من وقت للتاني بيبعتلك اهم المنح والوظايف علي الميل بتاعك علي الياهو

وده العنوان http://finance. groups.yahoo. com/group/ Zcorner/join
مني الجزيري
25-06-2009, 01:51 AM
mega الموقع اللي انت تقصده ده فهو تبع الياهو انا كنت مشتركه فيه وهو من وقت للتاني بيبعتلك اهم المنح والوظايف علي الميل بتاعك علي الياهو

وده العنوان http://finance. groups.yahoo. com/group/ Zcorner/join
مني الجزيري
25-06-2009, 01:53 AM
مني الجزيري
عضو


تاريخ التسجيل: Apr 2008
المشاركات: 36

ازيكم ياجماعه ومفيش شكر ولا حاجه ربنا بس يوفقكم ... انا عايزه اقول ان التقديم من 9 صباحا لحد 10 مساءا والتقديم في اي وقت من الاوقات دي بس انااللي روحت قدمت متاخر شويه عشان الجو كان وحش جدا وطبعا التقديم في اي وقت في التوقيت ده بس طبعا متتاخروش مثلا لحد الساعه عشره خلي مثلا اخركم الساعه 8 عشان تضمنوا انكم تلاقوهم .. وبالنسبه للبرج اسمه البرج الشمالي عشان في برج تاني جنبه والتقديم في الدور العشرين وهتطلع تلاقي شخص هناك بياخد ال cv منك بس طبعا ظبط ال cv كويس وحط صورتك والكلام اللي انتوا عارفينوا ده وده طبعا مجرد اخد بالاسباب وطبعا الصدق بيهدي للبر...... والموضوع نصيب وربنا يارب يوفق الجميع.... وعلي فكره يا adlay البرج الشمالي ده قبل اركاديا وانت رايح في اتجاه التحرير مش وانت جاي من التحرير يعني قبل اركاديا وانت جاي من ناحيه شبرا طريق الكورنيش وهو قبل اركاديا بخمس دقايق مشي يعني حاجه بسيطه جدا.... وطبعا لكل مجتهد نصيب
basma_2008
25-06-2009, 02:45 AM
جزاكي الله كل خير يا مني بس لي سؤال دلوقتي هل من حقي تحديد الوظيفة التي أرغب العمل فيها في ال c.v بتاعي ولا هما بيحددوا لي الوظيفة علي حسب الشهادات اللي واخداها
nesnasa
25-06-2009, 03:49 AM
plz i want to send my cv to mobinil but i live at october can u help me give me ur mail to send u my cv if u plz
مني الجزيري
25-06-2009, 03:03 PM
شوفي يابسمه متحدديش انتي عاوزه ايه بالظبط سبيهم هما اللي يحددوا .
وطبعا خلي اسلوبك في السي في يدلل علي انك جديره بالشغل في اكتر من مكان يعني وضحيلهم دي وان شاء الله ربنا يوفقك وتقبلي...
محمود يوسف امين
25-06-2009, 03:33 PM
ممكن بس ياجماعه لو فى توضيح اكتر يعنى هما طالبين ايه بالضبط ولو فى ايميل خاص بهم ممكن الواحد يبعت ليهم علشان انا مواعيد شغلى مش موفقانى وربنا يوفقنا جميعا
deathseason
25-06-2009, 04:09 PM
طيب انا من الاسكندرية مينفعش خالص؟
bahaa.bebo
27-06-2009, 03:10 AM
طب سؤال معلش
اخر ميعاد للتقديم هيبقي امتي ياريت تعرفينا
شكرا
مني الجزيري
28-06-2009, 02:05 AM
والله انا مش عارفه اخر ميعاد للتقديم امتي بس اللي انا لاحظته ان الموضوع انهم محتاجين ناس وتقريبا باستمرار عشان اكتر من مره اسال خدمة العملا في اكتر من ميعاد مختلف وكانوا دايما بيقولولي التقديم شغال وعموما هو اللي انا متاكده منه انه شغال دلوقت باذن الله وربنا يوفق الجميع ,,,
kamba
28-06-2009, 03:58 AM
موبينيل علي طول طالبين ناس....و عموما شركات الكول سنتر بيبقوا علي

طول محتاجين ناس