ابنكم لسه فى اولى حقوق وعنده سؤال!

[ابراهيم المسلم]

السلام عليكم ورحمة الله وبركاته انا لسه فى فرقة اولى حقوق وطبعا انتو عارفين ان الامتحانات بدأت بس انا عندى سؤال مضحك اوى هل يوجد بعض المواد تعتبر بداية تعليم القانون على حسب رأى دراستى ان مادة مدخل علوم قانونية هى البداية بس مش كل حاجة ديه تعتبر بدائيات بس امتى هنتعلم كل حاجة على فكرة انا امتحنت مادة مدخل القانون للدكتور محمود عبد الرحمن ماحلتشش كوس اوى
ومادة تاريخ قانون للدكتورين صوفى ابو طالب ومحمود السقا وحليت فيهم كويس اوى

وشكراش :icon2600:

[m_elmogy]

بص يا أخي الفاضل
أنا لي وجهة نظر خاصة بي وهي أن الكليه بما فيها من مواد وعلوم قانونية لا تكفي لأن يكون الطالب مشتغلا بالقانون لكن يقتصر دورها فقط في تكوين ما يسمى بالملكة القانونية ليس أكثر ، وهو دور هام جدا يساهم بشكل كبير فيما بعد في الحياة العمليه

[yalaa13]

بس امتى هنتعلم كل حاجة
ش :icon2600:

هتفضل تتعلم حتى بعد ماتتخرج
وطول حياتك المهنيه هتحتاج للاطلاع والبحث
كل يوم فيه جديد

[ابراهيم المسلم]

انا مقلق اوى والله ياجماعة عشان لا قدر الهل نطلع من المولد بلا حمص من الكلية ديه

[m_elmogy]

يظل الإنسان يتعلم حتى يموت
وطبعا حتستفيد من الكلية جدا في حياتك العملية فيما بعد
بس كله في وقته

[Roshi707]

بصراحة

انا رائى ان دراسة كلية الحقوق بتوجد عند الطالب معلومات عامة جيدة جدا ....

يعنى دراستها احلى من دراسة مواد كتيير

لكن فى الشغل لا ...

هية محتاجة تدريب عملى اكتر لان كل اللى انتة بتدرسة تقريبا ملوش علاقة بالشغل ..........

بأستثناء القانون الجنائى ...........

دة بس اللى بيفييدك وممكن تستعملة فى شغلك ....

[m_elmogy]

هي فعلا دراسة شيقة جدا ، لكن الأكثر تشويقا هو العمل في مجال القانون

[Neo424]

بص احنا شجرة كل ما نتعلم حاجة نزداد ثمارا وانت حاول تنمي نفسك بنفسك حاول تقرا وتسمع قضايا عملية وربنا معاك الي عايزينك تعرفة انك في احسن الكليات في الوجود .
وربنا معاك

[m_elmogy]

والدي دائما ما يقول لي هذه المقولة

يظل الإنسان يتعلم إلى آخر يوم في عمره

[SCo]

يا بنى إنت تفتخر بإن اللى بيدرسلك عمالقة القانون بمصر دا كفاية اوى

[m.aligamal]

اخى الفاضل الكليه هى البدايه الحقيقيه لمعرفتك بالقانون و اكبر درس هتتعلمه من الكليه هى توسيع افق البحث لديك و الوصول للمعلومه و التوسع فيها و الكليه بتديك المبادىء الى ممكن بعد كده تخليك على اساس ثابت و الى يقلك الكليه ملهاش لزمه بيضحك عليك

[darsh_law]

:crazy000::crazy000::crazy000::crazy000::crazy000: هتفضل تتعلم حتى بعد ماتتخرج
وطول حياتك المهنيه هتحتاج للاطلاع والبحث
كل يوم فيه جديد