لكل خبراء شركات الدورات Microsoft هام ومستعجل

[a_taamer]

بسم الله الرحمن الرحيم
فى البداية انا مبسوط جدا ان فى شباب فى مصر اصبحت ثقافة الكمبيوتر جزء اساسى فى حياته
بالاضافة الى وجود متخصصين فى هذا المجال وانتشارؤهم فى العشر سنوات الاخيرة
بالنسبة لى انا مقيم فى السعودية وارجو اراء واقترحات شباب مصر الجدعان فى موضوع هام بالنسبة لى
انا اعتبر من الناس الى بتشتغل فى مجال الكمبيوتر منذ حوالى 5 سنوات والحمد الله ولكن انا متخصص فى مجال الحاسبات العملاقة الخاصة بشركة IBM لذلك علاقتى بشركة Microsoft مثل علاقه كينيا بالنووى
المهم ان مطلوب منى فى فترة السنة القادمة الاعداد لتحويلى الى Microsoft فى بعض التطبيقات وكنت واحد من الفريق الذى سينفذ المشروعات فى مصر ولذلك انا امامى سنة كامة لكى احصل على شهادات Microsoft فى التطبيقات
قرات عن بعض الشهادات واكتشفت ان المطلوب منى هو الحصول على شهادة MCSD.NET
المشكلة هى المطلوب معرفة انسب الاماكن المتوفرة لذلك فى مصر بحيث السعر والامكانيات
حيث ان لاسف سوف اتحمل التكلفة حتى اتمكن من اجتياز الامتحانات كلها بنجاح انشاء الله مع مرعاة ان عامل التفرغ للدراسة غير متوفر حيث ان العمل والدراسة سوف يكملون بعضم البعض وبالتالى لا استطيع الدراسة مع نفسى
المهم انى خائف جدا من الوقع مع شركة غير كفء واو شركة من الشركات الى تحت السلم
او شركة تكون عاملة ديكورات وموقع فخم لكن فى الدراسة زى الزفت واشرب امقلب من الانبهار من المكان
لذللك سوالى لاصحاب التجربة ما هم الترشيح للشركات المحترمة فى ذللك المجال مع عامل المال وان كان عالم المال فى المرتبة الثانية بعد الكفاءة والاجادة فى الخدمات والدراسة
وشاكر جدا حسن التعاون

[mo_x5]

أخى العزيز يوجد مركز أسمة سينرجى Senyrgy و هو من أحسن المركز المتخصصه فى هذه الشهادة و فى البرمجة عموما

و عنوانها هو 18 شارع الأهرام - روكسى-مصر الجديدة
الدور السادس

و بالتوفيق أن شاء الله

[abo elarbi]

بالتوفيق انشاء الله

[Ayman Xp]

أولا الشركات المعتمدة فى مصر وذات أسماء لامعه هم خمس شركات
1-oms السراج مول الدور الرابع المبنى الثانى مدينه نصر
2-VirgiTech لها أكثر من فرع الذى اتعامل معه هو 125 شارع الحجاز بجانب مستشفى هليوبلس مصر الجديدة
3-Synergy شارع الأهرام - روكسى-مصر الجديدة
الدور السادس
4-IT Egypt 3 مكرم عبيد مدينه نصر القاهرة
5-New Horizons لها أكثر من فرع
بالطبع الشركات الممتازة هى التى تكون حاصله على Gold Certified Parther
بخصوص الأسعار أسعارهم متقاربه وبالطبع يختلف سعر الكورس إذا كنت سوف تدرسه بالكتب أم بغيرها و بخصوص الامتحنات بمجموع إمتحانات شهادة MCSD.NET خمس إمتحانات الامتحان الواحد ثمنه 350 جنيه مصرى
وأفضل شركه لعام 2003 -2004 2005-2006 فى مصر هى شركه
VirgiTech
تليفونتها كاالاتى
6359609
6327683

[alahlawy]

بسم الله الرحمن الرحيم
بالنسبة للكورسات فعلا الناس اللى اتكلموا كان كلامهم صح انك يستحسن تاخد الكورس فى مركز gold certified مش partner عادى
و بالنسبة لاعدادهم بالظبط فانا جبتلك اللينك بتاع ميكروسوفت الخاص بكل ال partners فى مصر و هما على فكرة 18 منهم 11 gold certified partner و ادى يا سيدى اللينك
microsoft certified partners (http://directory.microsoft.com/mprd/search.aspx?hiddenFindPartenerButtonClicked=Clicke d&languageDropDown=173&countryDropDown=EG&SearchGroup=TrainingRadio&partnerNameTextBox=&trainingCourseDropDown=-1&hiddenCustomerSegmentServed=none&industryFocusDropDown=-1&customerSegmentServedDropDown=-1&smallBusinessSpecialistDropDown=-1&hiddenFindPartnerByLocation=none&proximitySearchMode=statecity&postalCodeTextBox=&stateDropDown=-1&cityDropDown=-1&proximityDropDown=-1&findPartnerButton=Find%20Partners)
و دور انت ع الشركة اللى تكون قريبة ليك و نصيحه روح شركة و اتنين و تلاته قبل ماتاخد الكورس و تبدأ فيه و اقعد مع الناس و اتكلم معاهم و شوف ماشيين ازاى و بص للتكاليف
و بالنسبة لل gold partners فاما تلاقى واحد ارخص من التانى مش هيبقى عشان هو اقل منه ولا حاجه لا الناس ال gold partners لازم بيبقى اللى بيدوا الكورس نفسه على مستوى معين و ليهم معايير و حوارات كده فمش هتفرق لو اخدت مع اى حد فيهم فى رأيى
و يستحسن انك تبص طبعا فى الشركات اللى الناس مجربينها و قايلين عليها على اساس انها عن تجربة شخصيه
و انا عن نفسى عن تجربة شخصية برشحلك IT Egypt Corp بس عشان اخدت كورس ال MCAD هناك و كان اكتر من رائع :) و فعلا الInsrtuctors على مستوى عالى و دى يا سيدى موجوده فى البرج الاولانى فى جنينه مول
و ممكن برضه تاخد فى Top IT دى صحابى مجربينها و بيقولوا عليها مستواها رائع
و دى موجوده قدام مجمع الاسكواش بتاع نادى الشمس
عندك على فكرة فى اللينك كل الشركات مجرد تدوس على واحده هو هيجيبلك كل بياناتها
و بالنسبة للاسعار فهيا بصراحه بتتفاوت من مركز للتانى بس مش هتلاقى فرق كبير جدا بينهم
بس فعلا زى ما قالك ايمن بيبقى حسب هتشترى الكتب ولا لأ و نصيحه ماتشتريش الكتب
عندك مثلا فى IT Egypt Corp عملوا لينا حركة لزيزه عشان مانشتريش الكتب و ادونا الMOC على سيديهات
و بالنسبة للاسعار فمعظمهم بيحاسبوك بالساعه و بيبقى المتوسط 18 جنيه للساعه
لكن لو عامل جروب بيبقى حسب العدد و بيعملوا ليك خصم كويس
احنا مثلا الكورس اللى اخدناه فى ال IT Egypt Corp حسبوا لينا الساعه بحوالى 12 جنيه تقريبا عشان احنا كنا واخدين ال MCAD كلها و كان عددنا سبعه
مثلا لو انت هتاخد ال MCSD زى مابتقولى يبقى شوف لو انت جروب كده يعنى
و الساعات بتقدر انت تحسبها عن طريق عدد ساعات كل كورس متضمنه التراك اللى انت هتاخده
معلش انا طولت عليك بس فى حاجة مهمة جدا يمكن ماحدش قالك عليها عشان انت ماسألتش فيها
و هيا ان الكورس اللى انت عايزه تاخده اللى هو ال MCSD المفروض اصلا على نص السنة دى هتتشال خالص ال MCSD و هيبقى بدالها شهادة تانية لان هما هيغيروا كل الشهادات اللى موجوده و بالنسبة للناس اللى واخدين الشهادات القديمه هتفضل شهاداتهم معترف بيها و ممكن ياخدوا امتحان upgrade و يبقى كده معاهم الشهادات الجديده اللى هتبقى فى ال visual studio 2005 و ال sql server 2005 و هتبقى نظام امتحاناتها مختلف شوية عن النظام اللى موجود دلوقتى و على فكرة الامتحانات دى على اخر يناير كده هتكون فعلا نزلت بس مع وجود الامتحانات فى الشهادات القديمه
بص عشان ما اطولش عليك اكتر من كده لان شاكلى خنقتك اوى :) فده لينك لموضوع شراح بالتفصيل الشهادات الجديده و لو فى اى مشكله او استفسار انا تحت امرك و ابعتلى رساله خاصه
الجيل الجديد من شهادات ميكروسوفت (http://www.dvd4arab.com/forums/showthread.php?t=139361)

[Ayman Xp]

لى بعض المداخلات السريعه
أولا بعض هذه الشركات الموجودة فى القائمه أغلقت القسم الخاص بتدريس الكورسات و أيضا شركه oms هى الاخرى فى طريقها لذلك وشركه IT Egypt التى تم تقسميها إلى IT Egypt Corp لذلك انا ذكرت الشركات التى مزالت تعمل فى هذا المجال
ثانيا بخصوص الأسعار و حيث أننى على علاقه بالعاملين بتلك الشركات فهى فى نفس المستوى و الفروق بيسيط بإستثناء شركه oms التى تعطى الكورسات بضعف ثمنها نظرا إعتمدا انها اول شركة تعطى كورسات فى مصر
ثالثا أنا عندما ذكرت شركه معينه و هى شركه VirgiTech لعدة نقاط تغفل عن الكل
أولا كورس MCSD ليس من الكورسات ذات الأقبال الكبير و فى تلك الشركات ليبدأ الكورس لابد ان بتوفر العدد اللازم لها لذلك الشركات التى لا يوجد عليها ضغط سوف تضعك فى الأنتظار لحين توفر العدد و هو ماقد يتجاوز الشهور
أمر أخر و هو انك مهدد بالتوقف إن اعتذر احد الاشخاص
لذلك عندما رشحت لك هذه الشركه فهذا للأسباب التاليه اولا هى حاصله على gold certified لسنتين متتاليتين
2003-2004 2005-2006 لها فروع كثيرة و عليها ضغط كبير جدا لذلك لن نتتظر و لن تتوقف إن شاء الله و اينما كنت سوف تجد لها فرع
حاصلت فى سنه 2005 على جائزة افضل شركه فى افريقيا و الخامسه فى اوربا حيث انها شركه اجنبيه الأصل
الحاضرين على اعلى مستوى من الكفائه والخبرة الطويله
الشركه متخصصه فى كورسات مايكروسفت فقط بعكس باقى الشركات التى تدرس أيضا أوراكل و سيسكوا
لذلك انا أرشحها لك بقوة و استطيع ذكر نقاط الضعف فى باقى الشركات لانى حاصل على هذه الشهارد و قبل ان ادرس تعاملت وسألت و ذهبت لتلك الشركات قبل أن اقرر فى أى شركه سوف ابدا معها

[خالد سعودي]

احسن الشركة في الراي الشركة يــات في جامعة الدول العربية

[Ayman Xp]

شركه يات لم ولن تكون من الشركات الرائدة فى مجال الكورسات أبد فقط فى الكورسات الخاصه بكلا من شركه ماكرومديا و شركه أدوبى فقط من يحاضر فيها طلبه فى الكليات

[a_taamer]

انا فعلا مبهور جدا وشاكر جدا حسن تعاون الاخوة الاصدقاء ومازلت منتظر اكثر من الاخوة الاعضاء وشاكر حسن التعاون مرة اخرى

[romanza]

على فكرة أنا مش عارفة انت درجة استعجالك أد ايه للموضوع ده بس فيه منحة من وزارة الاتصالات أنا مجرباها، هي منحة تحفة مش ممكن، و بتكون في تسع شهور، و هي بتدي شهادات من ميكروسوفت و كمان بيدولك بدل تفرغ 500 جنيه في الشهر، أرجو أن أكون أفدتك، و على فكرة كمان هي بتكون من الساعة 9 حتى الساعة 3 ، لكن لو انت عايزها بعد الظهر ممكن لكن بدون بدل تفرغ، و أتمنى إني أكون ساعدتك، على فكرة هتلاقي المنحة دي على الموقع بتاع وزارة الاتصالات، مش عارفة هتبدأ إمتى باتلظبط بس اللي أعرفه ان فيه منحة شغالة دلوقتي لحد شهر 9 يعني اللي بعدها ممكن تكون من شهر 9 أو 8، معلش طولت عليكوا سلااام.

[dead-man-inc]

طيب يا جماعه انا عايز اخد network ايه احسن شهاده اخدها ومن فين ؟

انا سئلت السؤال ده فى منتدى الشبكات محدش رد على ارجو ان حد يهتم بطلبى

وشكرا ليكم على المساعده

[snopbear]

طب ممكن يا جماعة رقم it egypt crop ولو سمحت انا كنت مقدم في iti التابع لرائسة الوزراء ايه رايكم فيه ارجو الرد حيث اني بقي ليه سنتين في موضوع الكورسات دي لحد متخنقت

[arrowxen]

السلام عليكم ورحمة الله وبركاته

لو سمحتم ياجماعة أنا عاوز حد يفيدنى فى معلومة، أنا معايا MCTS فى ال Windows وال Web وعاوز أدخل امتحان 70-529 فى ال Distributed Applications وفى على النت إصدارين لكتب ال ActualTests فى شهر 8-2006 و شهر 3-2007 أنا مش عارف الامتحان فى مصر يخص أى اصدار منهم علما بأن الWindows وال Web كانوا الإصدار بتاع شهر 11-2006 مش إصدار 2007 يعنى مش أخر إصدار علشان ال Test Engine إتغير بالنسبة للإمتحان فى أوروبا لكن فى مصر كان لسه ماتغيرش وده معناه ان مش دايما أخر إصدار بيبقى هو المطلوب لكن المهم الاصدار اللى إمتحانه موجود فى البلد اللى بتمتحن فيها، ودلوقتى أنا مش عارف آ إصدار اللى المفروض أذاكره.
ياريت حد يفيدنى أو يصحح لى المعلومة لو فيها غلط.
وده الميل بتاعى لو حد يبعت لى الكتاب المطلوب أو يبلغنى بأى معلومة
جزاكم الله خيرا
Arrowxen@hotmail.com