unknowngrave
16-06-2009, 06:03 PM
بسم الله الرحمن الرحيم والصلاة والسلام على اشرف المرسلين وآله الطيبين الطاهرين ..
الاول انا عملت بحث سريع عن اللعبة هنا فى المنتدى وملقيتش اى نتايج ليها فقولت ضرورى جدا اعمل موضوع عشان كل الناس تعرفها لانها لعبة عبقرية فعلا وممتعة جدا وعايزة تخطيط وشغل وتعاون مستمر ...
أولا هى لعبة قتالية اونلاين وهى ملهاش اى صلة بالالعاب الاستراتيجى ..
من النظرة الاولى يمكن تحس ان تقنية المعارك بتاعتها مش متطورة اوى بس لما تستمر فى اللعبة كام يوم هتعرف انك مش محتاج اكتر من التقنية دى ...
اللعبة فيها آلاف من الناس من العالم كله بيلعبوها ... حتى الآن اعرف ان ليها 3 سرفرات انجليزى والمانى وروسى ( طبعا انا بلعب فى السرفر الانجليزى ) لكن على ما اعتقد ان السرفر الالمانى والروسى اقوى لانهم تقريبا اقدم وفيهم لاعبين اكتر ...
فكرة اللعبة ان فيه عالمين مختلفين معاديين لبعض humans و magmars ... المفروض انك بتختار عالم من الاتنين وتبدأ حياتك وطبيعى انك اوتوماتيك بتكون عدو للعالم الآخر ...
فيه انواع كتير اوى من الوحوش انت بتحاربها وكل ما تقتل وحش بتاخد score وده طبعا بيزود ال level بتاعك وبتاخد فلوس ( 100 برونز = 1 فضة , 100 فضة = 1 دهب ) ... طبيعى انك تحارب وحوش فى نفس المستوى بتاعك او اقل منك لان اللى اعلى منك هيقتلك بسهولة ...
لكن مميزات اللعبة الجميلة جدا بقى انك ممكن تطلب مساعدة من اى حد وبالتالى يجيلك ناس فى المعركة يساعدوك ...
احيانا لما تقتل وحش بيرمى ليك حاجة زى هدية او كده , ممكن تكون قيمة او تافهة وطبعا ممكن تبيعها فى السوق او فى المزاد ...
حاجة تانية مهمة جدا ضرورى انك تكون بتعملها علطول الا وهى ال quest وهى المهمات اللى بيكلفك بيها فرسان ومحاربى العالم اللى انت عايش فيه والمهمات بتختلف ممكن تكون عبارة عن مشاوير وتوصيل رسايل بين المحاربين او تكليف بإحضار اجزاء من أجسام الوحوش وفى الحالة دى طبعا هتروح تحارب وكل ما بتخلص المهمة او ال quest المحارب بيديلك هدية ممكن تكون عبارة عن مشروب طاقة تشربه اثناء المعركة يزود النقط اللى فقدتها اثناء المعركة او يديلك قطعة اثرية ممكن تكون غالية او رخيصة وممكن استخدام بعض القطع الاثرية فى انتاج اشياء تانية قيمة بعد خلطها مع مواد بتشتريها من المحل او المزاد ...
بيتم تخييرك بين تلات مهن تشتغل واحدة منهم ( صياد سمك , جامع اعشاب , جامع جواهر ) والشئ اللى انت بتجمعه او بتصطاده اما انك تبيعه مباشرة او تشترى مواد تانية تخلطها وتعمل منتج جديد غالى وبعد كده تبيعه ...
عدد مستويات اللعبة 12 مستوى .. فى الاول هتخلص ليفل 1و2 بسرعة , ليفل 3 نوعا ما بطئ , ويبدأ الشغل الجد من ليفل 4 ... كل ليفل له الاسلحة بتاعته والاسلحة غالبا بتكون غالية , ممكن طبعا تستخدم سلاح قديم فى ليفل جديد بس بيكون مش مناسب للوحوش الجديدة لانها قوية , لكن اسلحة المستويات العالية مش متاح استخدامها فى المستويات الصغيرة حفاظا على توازن اللعبة
لو انت مثلا فى عالم البنى ادمين وقتلت واحد من عالم الماجمارز بيتحسبلك فى البروفايل بتاعك انك قتلت واحد منهم
اللعبة ليها مرشد للاماكن navigator بتستخدمه عشان يوصلك للمكان اللى عاوزه والانتقال من مكان للتانى بياخد 15 ثانية او 25 ثانية حسب ابتعادك عن ميدان المدينة city aquare او dartrong square ...
الشات بيكون فى الربع الاسفل من الصفحة والكتابة لازم تكون بالانجليزى وممنوع اى كلام خارج والماستر له صلاحية انه يخفى الكلام بتاعك كنوع من العقاب حسب المدة اللى هو يقدرها ...
لو اتقتلت فى معركة مينفعش تدخل المعركة اللى بعدها الا لما تتعالج والعلاج بيكون عن طريق انك تروح المعبد وساعتها بترجع سليم تانى ...
معلومة مهمة جدا وهى انك لازم تستنى بعد كل معركة لحد ما الطاقة بتاعتك تتشحن تانى عشان متدخلش المعركة اللى بعدها والطاقة بتاعتك ناقصة ...
احيانا لما تتقتل من وحش تقيل ممكن تتجرح وساعتها بيظهر جنب اسمك صليب لونه احمر لو دوست عليه بالماوس بيفتحلك صفحة فيها معلومات عن الجرح ومدة شفاؤه( ممكن تحارب وانت مجروح لكن بتفقد الطاقة بتاعتك اسرع من لما تكون سليم ) , مش بالضرورة تستنى مدة شفاء الجرح لانك ببساطة بتروح ميدان المدينة وهناك بيكون فيه healers وهما لاعبين عاديين زينا بس عندهم خاصية معالجة الجروح , غالبا هو بيعالج الجرح من نفسه من غير انت ما تطلب منه لكن على ما اسمع ان فى المستويات العالية بيطلب من الشخص المجروح فلوس عشان يعالجه لان هو بيدفع فلوس كتير عشان يبقى معالج وبيدفع فلوس برضه عشان يجيب مواد يعالج بيها اللاعبين ...
مش متاح لناس من نفس العالم انها تحارب بعضها ...
احيانا بقى وانت بتتجول فى طرقات ومدن العالم اللى انت فيه بتلاقى بالصدفة واحد من العالم الاخر دخل العالم بتاعكو غلط وده بيكون واحد من اتنين يا اما لعيب مبتدأ وللاسف دخل غلط عشان يلقى حتفه او لعيب تقيل اوى وجاى متعمد عشان يقتل ناس من العالم بتاعك وساعتها بتبقى معركة حلوة لان اللعيبة كلها بتتلم عليه وهاتك يا ضرب ... واحيانا مصممين او مديرين اللعبة بينطموا معركة بين البنى ادمين والماجمارز ودى بتبقى تقيلة اوى اوى اوى وممكن المعركة تستمر لمدة ساعتين او تلاتة لانك بتلاقى اعداد مهولة من اللاعبين من كل المستويات كله بيعجن فى كله ....
ممكن تفضل علطول تلعب لوحدك لكن نشاطك هينحصر مع الوحوش الصغيرة لانك قطعا هتبقى محتاج مساعدة من لاعبين تانيين لو حاربت وحش تقيل وبالتالى اغلب اللاعبين بيعملوا clan او جروب دائم وبيكون ليهم شارة موحدة وبيكون فيه رئيس الكلان وساعتها بتنظموا نفسكوا هتحاربوا مين وفين وازاى ...
ممكن تشترى وحش ضخم اوى اسمه zorb وعشان تقدر تشتريه بتحارب اربعة منه فى معركة واحدة بس المعركة مش صعبة اوى لو جبت معاك summons ودول محاربين انت بتشتريهم من مكان معين بس بعد ما بتحصل على نقط معينة من الخبرة والسمعة القتالية , المهم انك بعد ما تقتل الاربعة دول بيكون ليك الحق تشترى zorb وده بيكون قوى جدا وبتركب على ضهره فى المعركة وهو بيحارب معاك وبينفعك منفعة كبيرة جدا لكن مشكلته الضخمة ان تمنه 50 قطعة دهب وده رقم خيالى ان حد يحوشه ....
احيانا بيكون فيه مهمة احد خطواتها انك تدخل ارض العالم الاخر تجيب حاجة او تعمل حاجة وترجع بسرعة جدا قبل ما حد منهم يحاربك ....
ممكن تعمل معركة تجريبية فى الصفحة الرئيسية للموقع ولما تيجى تعمل اكاونت بيخيرك عاوز شكل بنت ولا راجل ولون العينين والشعر ولون البشرة
طبيعى انك فى الاول تتعقد شوية من اشكال الاسلحة اللى مع اللاعبين الجامدين بس معلش هو الموضوع لازم ياخد وقت ودى حاجة انا شايفها كويسة جدا عشان تستمتع باللعبة اكتر ...
اهم حاجة فى الموضوع ان اللى يعمل اكاونت لازم يكون بيعرف يتكلم انجليزى كويس يا جماعة لتلات اسباب الاول ان اللعبة كلها بالانجليزى وفيها اوبشنز ورسايل كتير نوعا ما والسبب التانى انك لازم كده كده تتكلم مع الناس اللى فى اللعبة لاى غرض اما لطلب مساعدة او للسؤال عن حاجة مش عارفها والسبب التالت ان مش مسموح بالكلام بأى لغة اخرى ...
انا عارف انى شرحت بالتفصيص الممل جدا بس الحقيقة اللعبة تستاهل شرح اكتر لانها مليااااانة اوبشنز ومحدش بيفهمها من اول كام يوم ولانها لعبة فعلا جميلة ولعبة جماعية بمعنى الكلمة ... رجائى الوحيد بجد ان الناس تتجاوب مع الموضوع وانا مش هستفيد اى حاجة اطلاقا من حد يكتبلى كلمات شكر على الموضوع والشرح , انا حتى مش عاوز ردود انما اللى عاوزه ان الناس تجرب اللعبة لان النتيجة هتكون انك هتلعبها فى اليوم مش اقل ابدا من 8 ساعات ... الرد اللى هنتظره فعلا هيكون من واحد جرب اللعبة ومحتاج يعرف معلومة وعنده اسئلة , وعلى فكرة لو حد عاوز يتفرج على فيديو للعبة هيلاقيها على يوتيوب ( يبحث على كلمة warofdragons ) وارجو ان محدش يقارن اللعبة دى بأى لعبة قتالية تانية هو بيلعبها لانها فعلا مختلفة تماما وفكرتها مش بسيطة لا هى فعلا معقدة ومحتاجة شغل ومجهود كتير اوى وفى النهاية انت هتستمتع بلا ادنى شك ... ارجو انكوا تعملوا اكاونتات وابدؤوا فيها وانا هساعد اى حد عنده اى اسئلة , ده رابط موقع اللعبة بالانجليزى والالمانى
www.warofdragons.com
www.warofdragons.de
والسلام عليكم ورحمة الله وبركاته
الاول انا عملت بحث سريع عن اللعبة هنا فى المنتدى وملقيتش اى نتايج ليها فقولت ضرورى جدا اعمل موضوع عشان كل الناس تعرفها لانها لعبة عبقرية فعلا وممتعة جدا وعايزة تخطيط وشغل وتعاون مستمر ...
أولا هى لعبة قتالية اونلاين وهى ملهاش اى صلة بالالعاب الاستراتيجى ..
من النظرة الاولى يمكن تحس ان تقنية المعارك بتاعتها مش متطورة اوى بس لما تستمر فى اللعبة كام يوم هتعرف انك مش محتاج اكتر من التقنية دى ...
اللعبة فيها آلاف من الناس من العالم كله بيلعبوها ... حتى الآن اعرف ان ليها 3 سرفرات انجليزى والمانى وروسى ( طبعا انا بلعب فى السرفر الانجليزى ) لكن على ما اعتقد ان السرفر الالمانى والروسى اقوى لانهم تقريبا اقدم وفيهم لاعبين اكتر ...
فكرة اللعبة ان فيه عالمين مختلفين معاديين لبعض humans و magmars ... المفروض انك بتختار عالم من الاتنين وتبدأ حياتك وطبيعى انك اوتوماتيك بتكون عدو للعالم الآخر ...
فيه انواع كتير اوى من الوحوش انت بتحاربها وكل ما تقتل وحش بتاخد score وده طبعا بيزود ال level بتاعك وبتاخد فلوس ( 100 برونز = 1 فضة , 100 فضة = 1 دهب ) ... طبيعى انك تحارب وحوش فى نفس المستوى بتاعك او اقل منك لان اللى اعلى منك هيقتلك بسهولة ...
لكن مميزات اللعبة الجميلة جدا بقى انك ممكن تطلب مساعدة من اى حد وبالتالى يجيلك ناس فى المعركة يساعدوك ...
احيانا لما تقتل وحش بيرمى ليك حاجة زى هدية او كده , ممكن تكون قيمة او تافهة وطبعا ممكن تبيعها فى السوق او فى المزاد ...
حاجة تانية مهمة جدا ضرورى انك تكون بتعملها علطول الا وهى ال quest وهى المهمات اللى بيكلفك بيها فرسان ومحاربى العالم اللى انت عايش فيه والمهمات بتختلف ممكن تكون عبارة عن مشاوير وتوصيل رسايل بين المحاربين او تكليف بإحضار اجزاء من أجسام الوحوش وفى الحالة دى طبعا هتروح تحارب وكل ما بتخلص المهمة او ال quest المحارب بيديلك هدية ممكن تكون عبارة عن مشروب طاقة تشربه اثناء المعركة يزود النقط اللى فقدتها اثناء المعركة او يديلك قطعة اثرية ممكن تكون غالية او رخيصة وممكن استخدام بعض القطع الاثرية فى انتاج اشياء تانية قيمة بعد خلطها مع مواد بتشتريها من المحل او المزاد ...
بيتم تخييرك بين تلات مهن تشتغل واحدة منهم ( صياد سمك , جامع اعشاب , جامع جواهر ) والشئ اللى انت بتجمعه او بتصطاده اما انك تبيعه مباشرة او تشترى مواد تانية تخلطها وتعمل منتج جديد غالى وبعد كده تبيعه ...
عدد مستويات اللعبة 12 مستوى .. فى الاول هتخلص ليفل 1و2 بسرعة , ليفل 3 نوعا ما بطئ , ويبدأ الشغل الجد من ليفل 4 ... كل ليفل له الاسلحة بتاعته والاسلحة غالبا بتكون غالية , ممكن طبعا تستخدم سلاح قديم فى ليفل جديد بس بيكون مش مناسب للوحوش الجديدة لانها قوية , لكن اسلحة المستويات العالية مش متاح استخدامها فى المستويات الصغيرة حفاظا على توازن اللعبة
لو انت مثلا فى عالم البنى ادمين وقتلت واحد من عالم الماجمارز بيتحسبلك فى البروفايل بتاعك انك قتلت واحد منهم
اللعبة ليها مرشد للاماكن navigator بتستخدمه عشان يوصلك للمكان اللى عاوزه والانتقال من مكان للتانى بياخد 15 ثانية او 25 ثانية حسب ابتعادك عن ميدان المدينة city aquare او dartrong square ...
الشات بيكون فى الربع الاسفل من الصفحة والكتابة لازم تكون بالانجليزى وممنوع اى كلام خارج والماستر له صلاحية انه يخفى الكلام بتاعك كنوع من العقاب حسب المدة اللى هو يقدرها ...
لو اتقتلت فى معركة مينفعش تدخل المعركة اللى بعدها الا لما تتعالج والعلاج بيكون عن طريق انك تروح المعبد وساعتها بترجع سليم تانى ...
معلومة مهمة جدا وهى انك لازم تستنى بعد كل معركة لحد ما الطاقة بتاعتك تتشحن تانى عشان متدخلش المعركة اللى بعدها والطاقة بتاعتك ناقصة ...
احيانا لما تتقتل من وحش تقيل ممكن تتجرح وساعتها بيظهر جنب اسمك صليب لونه احمر لو دوست عليه بالماوس بيفتحلك صفحة فيها معلومات عن الجرح ومدة شفاؤه( ممكن تحارب وانت مجروح لكن بتفقد الطاقة بتاعتك اسرع من لما تكون سليم ) , مش بالضرورة تستنى مدة شفاء الجرح لانك ببساطة بتروح ميدان المدينة وهناك بيكون فيه healers وهما لاعبين عاديين زينا بس عندهم خاصية معالجة الجروح , غالبا هو بيعالج الجرح من نفسه من غير انت ما تطلب منه لكن على ما اسمع ان فى المستويات العالية بيطلب من الشخص المجروح فلوس عشان يعالجه لان هو بيدفع فلوس كتير عشان يبقى معالج وبيدفع فلوس برضه عشان يجيب مواد يعالج بيها اللاعبين ...
مش متاح لناس من نفس العالم انها تحارب بعضها ...
احيانا بقى وانت بتتجول فى طرقات ومدن العالم اللى انت فيه بتلاقى بالصدفة واحد من العالم الاخر دخل العالم بتاعكو غلط وده بيكون واحد من اتنين يا اما لعيب مبتدأ وللاسف دخل غلط عشان يلقى حتفه او لعيب تقيل اوى وجاى متعمد عشان يقتل ناس من العالم بتاعك وساعتها بتبقى معركة حلوة لان اللعيبة كلها بتتلم عليه وهاتك يا ضرب ... واحيانا مصممين او مديرين اللعبة بينطموا معركة بين البنى ادمين والماجمارز ودى بتبقى تقيلة اوى اوى اوى وممكن المعركة تستمر لمدة ساعتين او تلاتة لانك بتلاقى اعداد مهولة من اللاعبين من كل المستويات كله بيعجن فى كله ....
ممكن تفضل علطول تلعب لوحدك لكن نشاطك هينحصر مع الوحوش الصغيرة لانك قطعا هتبقى محتاج مساعدة من لاعبين تانيين لو حاربت وحش تقيل وبالتالى اغلب اللاعبين بيعملوا clan او جروب دائم وبيكون ليهم شارة موحدة وبيكون فيه رئيس الكلان وساعتها بتنظموا نفسكوا هتحاربوا مين وفين وازاى ...
ممكن تشترى وحش ضخم اوى اسمه zorb وعشان تقدر تشتريه بتحارب اربعة منه فى معركة واحدة بس المعركة مش صعبة اوى لو جبت معاك summons ودول محاربين انت بتشتريهم من مكان معين بس بعد ما بتحصل على نقط معينة من الخبرة والسمعة القتالية , المهم انك بعد ما تقتل الاربعة دول بيكون ليك الحق تشترى zorb وده بيكون قوى جدا وبتركب على ضهره فى المعركة وهو بيحارب معاك وبينفعك منفعة كبيرة جدا لكن مشكلته الضخمة ان تمنه 50 قطعة دهب وده رقم خيالى ان حد يحوشه ....
احيانا بيكون فيه مهمة احد خطواتها انك تدخل ارض العالم الاخر تجيب حاجة او تعمل حاجة وترجع بسرعة جدا قبل ما حد منهم يحاربك ....
ممكن تعمل معركة تجريبية فى الصفحة الرئيسية للموقع ولما تيجى تعمل اكاونت بيخيرك عاوز شكل بنت ولا راجل ولون العينين والشعر ولون البشرة
طبيعى انك فى الاول تتعقد شوية من اشكال الاسلحة اللى مع اللاعبين الجامدين بس معلش هو الموضوع لازم ياخد وقت ودى حاجة انا شايفها كويسة جدا عشان تستمتع باللعبة اكتر ...
اهم حاجة فى الموضوع ان اللى يعمل اكاونت لازم يكون بيعرف يتكلم انجليزى كويس يا جماعة لتلات اسباب الاول ان اللعبة كلها بالانجليزى وفيها اوبشنز ورسايل كتير نوعا ما والسبب التانى انك لازم كده كده تتكلم مع الناس اللى فى اللعبة لاى غرض اما لطلب مساعدة او للسؤال عن حاجة مش عارفها والسبب التالت ان مش مسموح بالكلام بأى لغة اخرى ...
انا عارف انى شرحت بالتفصيص الممل جدا بس الحقيقة اللعبة تستاهل شرح اكتر لانها مليااااانة اوبشنز ومحدش بيفهمها من اول كام يوم ولانها لعبة فعلا جميلة ولعبة جماعية بمعنى الكلمة ... رجائى الوحيد بجد ان الناس تتجاوب مع الموضوع وانا مش هستفيد اى حاجة اطلاقا من حد يكتبلى كلمات شكر على الموضوع والشرح , انا حتى مش عاوز ردود انما اللى عاوزه ان الناس تجرب اللعبة لان النتيجة هتكون انك هتلعبها فى اليوم مش اقل ابدا من 8 ساعات ... الرد اللى هنتظره فعلا هيكون من واحد جرب اللعبة ومحتاج يعرف معلومة وعنده اسئلة , وعلى فكرة لو حد عاوز يتفرج على فيديو للعبة هيلاقيها على يوتيوب ( يبحث على كلمة warofdragons ) وارجو ان محدش يقارن اللعبة دى بأى لعبة قتالية تانية هو بيلعبها لانها فعلا مختلفة تماما وفكرتها مش بسيطة لا هى فعلا معقدة ومحتاجة شغل ومجهود كتير اوى وفى النهاية انت هتستمتع بلا ادنى شك ... ارجو انكوا تعملوا اكاونتات وابدؤوا فيها وانا هساعد اى حد عنده اى اسئلة , ده رابط موقع اللعبة بالانجليزى والالمانى
www.warofdragons.com
www.warofdragons.de
والسلام عليكم ورحمة الله وبركاته