ساعدونى من فضلكم

[White Cat]

فرح اخويا يوم 10/7 الجاى وانا جبت الفستان والشنطة
بس دلوقتى فيه حاجات كتيرة ناقصانى مش عارفة اجيبها منين؟ ولا عارفة اروح لمين؟
اولا انا دورت على صورة فستانى على النت مش لقيته بس لقيت نفس الاستايل بالوان مختلفة
صورة الفستان اهى


http://upload.7bna.com/uploads/dea7848a34.gif

بس مش نفس اللون ده هو الحرملة سودا شيفون ومن جوة الفستان اوف وايت ستان
دلوقتى انا محجبة ومحتاجة كام حاجة
* اولا البادى اجيبه اوف وايت ولا اسود؟ واجيبه منين؟ يعنى فيه اماكن معينة ممكن اجيب منها حاجة مخصوصة للسواريه؟
* الطرحة اكيد هاعملها سبانيش ، بس مش عارفة اجيب كام طرحة والوان هاتبقى ازاى بمعنى هل الاوف وايت فوق ولا الاسود هو اللى فوق او هاتبقى ازاى ، خصوصا ان حجم وشى صغير ومدور وانا خمرية مش بيضا؟
* المكياج ، هل فيه حد معين او كوافير معين ممكن واحدة تنصحنى بيها اروحلها عشان تساعدنى فى لفة الطرحة؟؟ والمكياج هايبقى عامل ازاى؟
* نظام الاكسوارات هايبقى عامل ازاى؟

ياريت لو حد يقدر يساعدنى ينجدنى

[ღ♥ღ J€ŜŜY ღ♥ღ]

اولا الف الف مبروك يا قمر
بالنسبة للنقط الى ذكرتيها
اولا حكاية البدى
انا شايفة انة بما انك محجبة يبقى بلاش فكرة البدى دى
بتبوظ كتير من شكل الفستان
تفدرى تفصلى او تشترى بلورو سوارية هيكون شيك جدا جدا و هيخللى شكل الفستان تحفة و بالنسبة للون فيبقى اسود
زى الاشكال دى

http://img32.imageshack.us/img32/5936/kamar010828546.jpg (http://img32.imageshack.us/i/kamar010828546.jpg/)



http://img246.imageshack.us/img246/4888/kamar020836046.jpg (http://img246.imageshack.us/i/kamar020836046.jpg/)



http://img198.imageshack.us/img198/6223/kamar050850160.jpg (http://img198.imageshack.us/i/kamar050850160.jpg/)



http://img248.imageshack.us/img248/1513/kamar080862508.jpg (http://img248.imageshack.us/i/kamar080862508.jpg/)




و بالنسبة للطرحة لازم تكونى عاملة حسابك فى اكتر من 3 طرح لان الكوافير مش بيستخدم كل الطرح بيجرب و بينقى منها اللى يبقى شكلة احسن
و ماتشغليش بالك انتى باللفة الكوافيرة هى اللى هتلفهالك و هى اللى هتنسق الالوان و هتغيرلك اللفة لو ماعجبتكيش اوى


الاكسسوارات تبقى رقيقة جدا لو الفستان فى تطريز واضح
و تبقى باللون الفضى

بالنسبة للكوافير فى كوافيرات كتير كويسين
فى كذا كوافير فى السراج مول حلوين اوى و فى نانيس سليم فى مصر الجديدة بس غالى شوية
لو فى اى استفسارات تانية قولى يا قمر و ان شاء الله اقدر اساعدك

[White Cat]

ميرسى ليكى ياقمر ربنا يخليكى على سرعة الاستجابة
وان شاء الله عقبالك انتى كمان
بصى المشكلة ان الفستان مش توبليس عشان اجيبله بلوزة صغيرة ، وكمان فيه تطريز حلو اوى على الحمالات
وكمان مش فيه وقت اجيب بلوزة ليه للاسف
البادى هايحللى ازمة جامدة بس برضه محتارة هل اجيبه اوف وايت ولا اسود؟
وبالنسبة للطرحة انا محتارة اجيب الوان ايه لان الفستان لونين
هل مثلا اجيب بندانة سيلفر او فيها الماظ وطرحة شيفون اسود وتحتها ستان اوف وايت؟
وبالنسبة للكوافير انا كلمت ناس وكده عشان لفات الطرح والمكياج بس ، بس انا ساكنة فى الجيزة ومحتاجة حاجة رقيبة بحيث اروحلها وارجع عشان نتحرك كلنا على الفرح

[ღ♥ღ J€ŜŜY ღ♥ღ]

بصى يا قمر بالنسبة للون البادى يبقى اسود الاوف وايت مش هيبقى حلو
الاسود هيكون اشيك
و لو جيبتى البدى اسود يبقى خللى اخر طبقة فى الطرحة شيفون اسود
و بالنسبة لاول طبقة فى الطرح ماينفعش تكون مليانة تطريز لازم تكون سادة او فيها شغل بسيط جدا و من نفس اللون مش فضى او الماظ

انتى ممكن تعملى لفة زى دى و تحاولى تلاقى طرحة زى اللى فى الصورة خصوصا الاخيرة بس تبقى سودا


http://img14.imageshack.us/img14/2111/7821f9f6ce5708375.jpg (http://img14.imageshack.us/i/7821f9f6ce5708375.jpg/)

[ღ♥ღ J€ŜŜY ღ♥ღ]

بالنسبة للكوافير اان بصراحة مش عارفة اى كوافيرات فى الجيزة بس لو قدرت اعرف هقولك ان شاء الله

[White Cat]

بجد مش عارفة اقولك ايه ياقمر الف الف الف شكر ليكى
موضوع البادى ده كان محيرنى جدا كنت عاوزة اجيبه اسود بس اتقالى هايغمقنى
بجد ميرسى ليكى ياقمر وبالنسبة للكوافير فانا جبت من مجلة حجابى اسماء كام كوافيرة منهم واحدة موجودة فى المنيل بس كنت عاوزة اشوف لو فيه حد تانى فى المهندسين او الدقى او حتى المعادى
معلش انا اسفة اخر سؤال وانا عارفة انى تقلت عليكى اوى
ايه رايك فى الفستان؟ هههههه
ميرسى لكيى ياقمر بجد وجزاكى الله الف خير

[ღ♥ღ J€ŜŜY ღ♥ღ]

العفو يا حبيبة قلبى :love:
ما شاء الله الفستان جميل اوى يا قمر و شيك اوى اوى
و ان شاء الله هتكونى زى القمر

[White Cat]

العفو يا حبيبة قلبى :love:
ما شاء الله الفستان جميل اوى يا قمر و شيك اوى اوى
و ان شاء الله هتكونى زى القمر


ربنا يخليكى ياحبيبة قلبى ويكرمك باذن الله وعقبالك