شقه 60 متر للبيع بمدينتي

[DrAhmd]

شقه 60 متر ف مدينتي حجز 7/2008 اقساط شهري 1170 لمدة 17 سنه وسنوي 11700 اول اربع سنين بس.اجمالي المدفوع 35100 معروضه للبيع لأعلى سعر اللي عنده سعر يقول انا هبيع في اقرب فرصه يعني يمكن خلال الاسبوع ده اللي عايز يخلص يتصل على 0118117489.ربنا يعلم انا محتاج فلوس قد ايه هو وحده اللي يدرى بيا انا عمري ماكنت ناوي ابيع بس ربنا يجازي اللي كان السبب.

[roshi_xp]

شقه 60 متر ف مدينتي حجز 7/2008 اقساط شهري 1170 لمدة 17 سنه وسنوي 11700 اول اربع سنين بس..

ربنا ييسرلك الحال ويرزقك بأحسن منها ان شاء الله

بس ياريت توضح ازاى قسط شهري 1170 لمدة 17 سنة ورجعت تقول 11700 اول اربع سنين بس

وحضرتك طالب فيها كام تحديداً , وان شاء الله تسليمها امتي وهل السعر ده شامل التشطيب والا لأ؟

[DrAhmd]

حضرتك نظام السداد فيه 1170 لمدة 17 سنه. وفيه دفعه سنويه في اول اربع سنين بس 11700 بعد كده باقي ال 13 سنه بتدفع 1170 كل شهر من غير دفعه سنويه.ارجو اكون وضحت الصوره لحضرتك.صراحه انا مستعجل في البيع فأنا أعلى سعر هسمعه هبيع بيه وياريت حضرتك تقول لو هتشتري هتشتري على كام التسليم يوليو 2013 بس هم غالبا بيسلموا قبلها بسنه او سنه ونص والسعر بدون تشطيب.

[DrAhmd]

ياجماعه الشقه دي ممكن تتحول لنظام تقسيط 12 سنه بمعنى انو انت ممكن تدفع دلوقتي كاش 21 الف جنيه عن آخر 5 سنين ويبقى السداد على 13 سنه بدل 17 وبنفس القسط الشهري والاربع اقساط السنويه.حد يتصل يقول يشتري على كام؟

[chahine]

انت بتتكلم جد؟
شقة 60 متر بـ320.000 جنيه
ده فعلا يستاهل اعدام

[DrAhmd]

مانا هقول لحضرتك الاماكن اللي زي دي بتبقى لناس معينه يعني فئه محدده من الناس ممكن تدفع اي حاجه عشان يعيشوا في مكان راقي جدا وعندهم ثقه في الاختيار ده يعني ناس مش بيبصوا انها كاش ب 320 الف وهي اصلا كاش مش ب 320 هي كاش اقل من كده بكتير انا ماسألتش بس يعني اكيد هتكون بالكتير اوي 200 وممكن تكون اقل من كده ومع ذلك هي قسطها بالنسبه لإنك تكون في شقه في مكان زي ده يعتبر ممتاز وفي الجون ومع ذلك الشقه دي يوم ماتستلمها وتقول ياإيجار اقل ايجار هيجيلك فيها 2000 ان ماكانش اكتر معلش الشرا في الأماكن دي بيكون لناس محدده يعني مش لأي حد معلش ماتزعلش نفسك ممكن اجيبلك شقه ف عين شمس 60 متر ب 50 الف لو عايز تكيشها دلوقتي واهي هتستلمها وقتي ولاتستنى ولايحزنون واهي برضو يعني فيها كل المميزات عن شقتي يعني كفايه المنطقه والناس اللي هتكون عايش معاهم والمساحات الخضرا اللي هتكون حواليك في عين شمس والتخطيط والنادي طبعا.لعلمك والله انا مش زعلان عادي جدا بس كنت بقولك اني بتكلم جد شفت بقى؟

[chahine]

و الله انا مش زعلان منك ابدا
بالعكس انا بدعيلك ربنا يوفقك فى بيعها و ما تخسرش
انا بس حزين على مستوى الاسعار اللى وصلت لمستويات غير مقبولة
بغض النظر عن نوعية الخدمات و مستوى الجيران
و مش شرط مستوى الجيران فى مناطق غالية السعر يكون مرتفع
مرة تانية بتمنالك التوفيق فى البيع

[DrAhmd]

للـــــــــــــــرفع

[anwer2010]

طيب هو حضرتك دافع كام قسط والي فاضل كام بالظبطويريت تبعتلي علي النهائي طلباتك فيها والف شكر ليك

[DrAhmd]

طيب هو حضرتك دافع كام قسط والي فاضل كام بالظبطويريت تبعتلي علي النهائي طلباتك فيها والف شكر ليك


تم ارسال التفاصيل على الخاص

[DrAhmd]

ياجماعه مطلوب 40 ألف يعني اقل من 4 آلاف جنيه أوفر لأن في قسط هدفعه في نص الشهر ده.

[DrAhmd]

السعر قابل للتفاوض

[DrAhmd]

للـــــرفع