المساعد الشخصي الرقمي

مشاهدة النسخة كاملة : نأمل التثبيت صفحه لرينو ميجان لاستفساراتها بالكامل

aymanalem2003
27-05-2009, 10:34 AM
نأمل التثبيت صفحه لرينو ميجان لاستفساراتها بالكامل

يا جماعه انا مسئول ان اى حد يعوز اى حاجه تخص العربيه دى انا مسئول عنها اماكن قطع غيار

تصليح

تسعير بيع شراء

عربيات حوادث بيع وشراء


اى حاجه وانا مسئول عن الرد والمساعده
khalefa14
27-05-2009, 10:54 AM
عربيه تحفه بمعنى الكلمه ولا تقولى لانسر ولا تويوتا مع واحد عارفه ماشاء الله بجد العربيه مالهاش حل ربنا يباركله فيها

مش عارف الناس لية ماسكة فى اللانسر والكورولا

ربنا يوفقك يا باشا
aymanalem2003
02-06-2009, 02:23 PM
ياجماعه عايزين اى استفسارات بخصوص الموضوع
anwer2010
02-06-2009, 07:10 PM
بعد ازنك ليا استفسار عندك ليه كل مالكين الرينو بيبعوها برخص التراب مستعمل علي عكس كل الانواع الي في نفس الفئه
ويريت توضيح فعلي لقطع غيار العربيه دي فعلا
fa2016
03-06-2009, 02:35 PM
باشا انا الاستفسار عند واحد صاحبي عندهم العربية موديل 2006 لما ييجي يحط الكارت العربية متشتغلش وبيضطر يطلب التوكيل ييجو يحطوا الكمبيوتر ويلعبوا فبه شوية وياخد 1200 جنية
وعلي راي المثل الي معاه رينو ربنا يعينو
ليه بقي
MOHAMED YUSEF
03-06-2009, 05:53 PM
السلام عليكم

بعد إذن صاحب الموضوع هرد على كلام الاعضاء الكرام و أسف لو كنت أقحمت نفسى لكنها شهادة حق يجب ان ابلغها .

مع أحترامى لكل كلام الاعضاء عن الرينو عامة و الميجان خاصة
العربية ديه من راى الشخصى احسن عربية نزلت مصر خلال الـ 5 سنين اللى فاتت ...

بس محتاجة عناية محترمة مش اى كلام و متروحش لاى حد غير الوكيل ... و وكيل رينو بقولها و الحمد لله واثق من كلامى أحسن وكيل فى مصر ... لو انت متابع معاهم الصيانة الدورية و اى مشكلة فى العربية تروحلهم هترتاح و مش هتصرف مليم واحد فى الهوا

حصلى قبل كده موقف فى تكيف الكليو 2004 كان محتاج تصليح تكلفتة ما لا يقل عن 3400 جنية و الله العظيم التوكيل قالى ( حضرتك علشان متابع معانا الصيانة فى مواعيدها و تاريخ العربية كله عندنا فقطع الغيار مجانا ) و كل اللى دفعته 800 جنية ثمن الايدى العاملة فقط لا غير فى حين ان العيب ده لو صلحتة بة كان هيدخل فى 4000 جنية عمرك تتوقع كده من اى وكيل تانى ؟؟؟

بلاش وكيل رينو مصر موقف تانى حصل مع رينو الام كانت فى مشكلة فى العربية و غيرت البوجيهات و كان لسة عمرها الافتراضى مخلص و كنت مغيرها فى التوكيل المهم دفعت تمنهم و غيرتهم و هما تمنهم بسيط بس انا اضيقت جدا جدا فبعت ايميل للشركة الام و فية رقم الشاسية صورة الايصال و شرحت كل حاجة بالظبط بعد 3 ايام لاقيت واحد من رينو مصر بيكلمنى و بيقولى بخصوص الايميل اللى حضرتك ارسلتة للشركة الام احنا نعتذر جدا لكن مش هنقدر نرجع فلوس لكن حضرتك فى ميعاد الصيانة القادمة ثمن البوجيهات يعتبر مدفوع .


هااااااااااا فى كده و بكل صراحة ؟؟؟

رينو علامة راقية لكن للى يقدرها و يتعامل مع الوكيل ففقط لا غير

على فكرة انا مش شغال فى التوكيل علشان محدش يقول بدافع عنهم ديه شهادة حق فقط لا غير و بالمناسبة انا محامى مش مهندس و لا حاجة :he:
رفعت الجلسة :he:
أخوكم محمد يوسف

رينو ميجان ( 1 ) 1999
رينو كليو 2004
aymanalem2003
08-06-2009, 12:09 PM
يا باشا انتا بتتكلم فى ايه دى
اكتر عربيه فيها عيوب صناعه
وتوكيلها بقه انا كتبتلكوا عنه 5 صفح بس المنتدى طيره وانا بضيفهم كرد

المهم انا عندى يا جماعه ميجان 2007
كان فيها كل عيوب الصناعه اللى تتخيلها وطلعونى بره الضمان عشان ميغيروش حاجه فيها تانى
ظلم وحسبى الله ونعم الوكيل

يا جماعه الكلام على الميجان بدءان من 2005 بس وكمان الكلام على التوكيل الاثنين زباله مع بعض قطع غيار اغلى من كريسلر ايه فى ايه
العربيه تمام وعلى العين والراس
بس يا جماعه العربيه محتاجه مراعيه دائمه زى الزوجه
فى ناس تنفع فيه وفى ناس لا
aymanalem2003
08-06-2009, 12:15 PM
باشا انا الاستفسار عند واحد صاحبي عندهم العربية موديل 2006 لما ييجي يحط الكارت العربية متشتغلش وبيضطر يطلب التوكيل ييجو يحطوا الكمبيوتر ويلعبوا فبه شوية وياخد 1200 جنية
وعلي راي المثل الي معاه رينو ربنا يعينو
ليه بقي



عند مصطفى شيخون واى حد عايز نصيحه تفصيليه يكامنى وانا مش عايز حاجه من اى حد انا من المعادى
وعامل الموضوع ده عشان انا اتخنقت من العربيه دى بس مش عشانها لا عشان قلة الناس اللى بتفهم فيها وكتر الحرميه اللى بيتعاملوا فيها وقطع غيارها المختلفه واللى لازم تكون مظبوطه
aymanalem2003
08-06-2009, 12:25 PM
وعلى فكره انا كمان بعت للشركه الام على عيوب الصناعه اللى فى عربيتى ومحدش نفعنى وقررت انى اعتمد على الله ومع نفسى

التوكيل عايز يربط كل مشترى للعربيه دى بالتوكيل لحد ما يبقا عبد لا يروح ولا يفهم فيها ولا يعرف حد بيصلحها حتى
aymanalem2003
08-06-2009, 12:39 PM
بعد ازنك ليا استفسار عندك ليه كل مالكين الرينو بيبعوها برخص التراب مستعمل علي عكس كل الانواع الي في نفس الفئه
ويريت توضيح فعلي لقطع غيار العربيه دي فعلا

لان الناس اتعودت مع العربيه دى على التوكيل بس وطبعا العربيه دى بذات عايزه صيانه ومتابعه دائما

والتوكيل طبعا حرميه كلاب فلوس مينفعوش مع عربيه زى دى

جهل الناس بالاماكن اللى بتصلح العربيه دى هوه السبب التكميلى التانى

الناس لو تعرف تصلحها طبيعى وبدءت السمعه بتاعتهاتتعرف عنها بانها بتتصلح باسعار عاديه ومفيهاش كيميا

كل حاجه ساعتها هتتظبط