كل العقارات وقعت يا بلد الغلاء بدون سبب

[aymanalem2003]

عقبال الباقى

يا جماعه بالعقل
الصيف ده اغلب العماله اللى بره (المصريين العاملين فى الخارج) مطرودين من وظايفهم مسرحين لتقليص معظم العماله فى العالم

طيب هييجو بقه فى الكساد هيصرفو فلوسهم ولا يدارو على قرشهم ويحوشو الفلوس فى الكساد ده
الاجابه معروفه

طيب بالعقل برده

الامتحانات تخلص فى 7 ورمضان فى نص 8 منين بقه العقارات تنتعش

بالعقل برده

دنيا العقارات كلها واقعه فى العالم واللى بيبيع دلوقتى بالسعر الجديد المخفض هوه اللى فهم ازاى يتعامل مع الازمه الحاليه بواقعيه

ومتقبل المكسب المتوسط المعقول بدل الجشع والمكاسب الخياليه والطفاسه والطمع

على العموم الاسعار هتنزل عن كده بكتير فوق ما الناس متخيله ومتوقعه واللى هيستنا على عقار عشان طمعان فى فلوس اكتر هيخسر اكتر
العقار فى البلد دى هيرجع تانى يتباع فقط لغرض السكن والعيشه فيه مش بغرض التجاره والمرابحه واستغلال الناس اللى بتقع فى النص
معهاش تقاوم


انتظروا ايام لاخر شهر 6 لو عدا بدون ازدهار(وهوه ده اللى هيحصل ان شاء الله)
يبقى العقار من بعد الصيف ده هيدخل فترة الركود الطويل خلى السماسره يعملو بقه فرق سعر على هدومهم ويروحو يدورولهم على شغلانه حقيقيه فيها نفع للناس مش استغلال

والكلام ده للغالبيه العظمى الا من رحم ربى منهم


السلام عليكم

[a_khamis]

ياريت يحصل كدا
و ياريت الناس اللي عايزا تشتري تستنا شوية علشان غصب عنهم هينزلو السعر

[momo100010]

موضوع يخلي اللى يقراه يتفاءل
يارب دا يحصل
ومجهود رائع
وكلام منطقي جدااا

[zoalla]

مش شارى حاجةاما نشوف اخرتها ايه مع مصاصين الدماء

[SHAKSHAK]

والله كلامك جميل
و انا كمان أتضامن معاكم .. و مش هشترى لغاية ما شهر 6 ينتهى إن شاء الله
و أدينا قاعدين و لما نشوف أخرتها

[koje_go2002]

ياريت ده يحصل

[الغواصة الزرقاء]

Ya Rab da ye7sal

[up.all]

م علشان حضارتك ما بنتوش حاجه او بمعني اصح ملكوش عقار ف بتقولو كده لاكن الناس اشترت الحديد وهو غالي جدا و فجاه الثمن نزل في الارض و مش عايزينهوم يبيعو غالي !! ما لازم هيبيعو ب اسعار عاليه مدام همي شارين بالغالي ... و اسف للاطاله

[aymanalem2003]

م علشان حضارتك ما بنتوش حاجه او بمعني اصح ملكوش عقار ف بتقولو كده لاكن الناس اشترت الحديد وهو غالي جدا و فجاه الثمن نزل في الارض و مش عايزينهوم يبيعو غالي !! ما لازم هيبيعو ب اسعار عاليه مدام همي شارين بالغالي ... و اسف للاطاله
الباشا عرف منين بقه ان كل الناس دى معندهاش عقارات ولا بانيين انا حاطط فلوس كاستثمار فى العقار من ايام الحديد ما كان ب7000 لحد دلوقتى مااخدتش فلوسى ولا فى ربح ليا وربنا يعينى لكن مش معنى كده ان المقاولين ميكسبوش هما اصلان اغلبهم سفاحين ومبيرحموش حد الغالبيه منهم
بس الناس دى كسبت بزياده اوى فوق طاقة الناس وهما حتى زى ما الاخ بيتكلم شاريين غالى طب احسب كانو بيبيعو بكام ويسقعو الاراضى وبتقف عليهم الالرض بكام برده فى الاخر والشقه يا جماعه على سعر المتر الحديد مكان ب10
كانت الشقه تقف تكلفه عليهم ال150 متر ب 40 الف بدون حساب الارض ولا التشطيب

يا جماعه المبنى ال5 ادوار وارضى يتسلم بدون تشطيب على مساحة 300 متر الدور يعنى الدور على شقتين كل شقه 150 متر المبنى يتكلف ايام الحديد
ب10000
يتكلف المبتى 850 الف بالمدخل بالسلم والواجهه

وبيبيعو الشقه 350 الف فى 12 شقه

احسب يا باشا بقه كسب كام وقول تمن الارض 1,5 مليون

يعنى اجمالى تكاليف مليون2,3

وباع ب4,2 مليون يعنى مكسب الضعف تقريبا 2 مليون

وده لو عنده ضمير وباع بالسعرالعادى معملش شغل على الزبون وزود سعر على ده وشتغل ده فى مبلغ اعلى من السوق وضحك على ده فى فلوس ميه زياده او دفعة صيانه او اسانسير


دلوقتى باسعار الان
ب550,000
+
تمن الارض 1,2مليون
=1,75مليون
عشان الاسعار رخصت شويه فى الارض

بيبيعو بكام دلوقتى بقه ب300,000*12 شقه الف بدل 350
وعاملين انهم نزلو الاسعار
=3,6مليون
يعنى المكسب عدى معاهم ال2 مليون

فين خسارتهم ياناس دول عايزنا نعتقد كده بالعكس حتى اللى بنى فى الغالى كسب واللى بيبنى دلوقتى وبيبيع ده مش عايز يكسب بس ده عايز يدبح الناس ويفطس من كتر الربح

اعذرونى على شدة الكلام لكن انا كنت سمسار وعارف بيكسبو ازاى وبعدين سبت السمسره لان اغلبها ارف وفلوس مش تمام
وبعدين رحت للعقارات والبنا واكتشفت انها حلال لما الناس تراعى ربنا وترحم بعض شويه وتكسب بالمعقول
وبعدين احنا فى الاخر بنشترى شوية تراب والهدف السكن وخلاص العمليه مش مستاهله ندى العقارات اكتر من حجمها ونخلى كل من هب ودب ونصاب يحاول يدخل لعبة البنا واللعب بالعقارات عشان يطلع اى فلوس من الناس باسم الاستثمار فى العقارات

طولت عليكو

ملاحظه تقييم الاسعار اللى انا كاتبها حقيقى زى ما انا قولت انا كنت مطلع على حسابات البنا من اكتر من سنه ونص
والمنطقه الللى مذكور اسعارها هيه منطقة المعراج كارفور المعادى

السلام عليكم ورحمة الله

[الغواصة الزرقاء]

أستاذ أيمن الفاضل ربنا يكرمك وكويس أوي إنك وضحت صورة الجشعين ومصاصي الدماء
العالم كله أسعار العقارات (تمليك وإيجار) نزلت بشدة ومع ذلك سوق العقارات لم ينتعش مع أن التخفيض وصل أكثر من ٣٥%
لوجود خوف عام من الأزمة المالية العالمية
المفروض فعلاً إن سوق العقارات في مصر ينتعش بخفض حقيقي في الأسعار
مرة أخرى، أشكرك

[maamsh1977]

متفق معك اخى الكريم
و من هنا دعوه لمقاطعه العقار خلال هذا الصيف
و أفتكر ده من حقنا فى ظل الاسعار الخياليه و المكاسب الهائله للسماسره


سبحانك اللهم و بحمدك

أشهد أن لا إله إلا أنت
استغفرك ربى و أتوب إليك

[H@SS@N]

تسلم يا ايمن على موضوعك
كلامك منطقي جدا
ونفس الكلام للسيارات وقولتو كتير
ربنا يسهل ان شاء الله

[khalefa14]

طب يا جماعه لما احنا دلوقتى وبنقول ان العقارات لسة مش نزلت وان الاسعار لسة غاليه وده فى ظل الازمه العالميه

طب لما الازمه العالميه تخلص وسوق العقارات ينتعش تانى هيعملو فينا اية الشقه هتبقى بكام ؟؟؟!!!!!

[aymanalem2003]

لازم الناس تثق فى نفسها شويه وتتاكد انها لو اتحدت واجتمعت على اى حاجه هتعملها باذن الله وقيس على كده اى حاجه عايزه تعديل الامر مبقاش يتسكت عليه اكتر من كده احنا ملينا بقه ده اقل حقوقنا
كفايه بقه ضعف واستكانه وتكبير دماغ واستسهال

[chahine]

ازمة ايه اللى هتنتهى و العقارات هترجع تنتعش
الازمة لسة ما بدأتش
و كلام ايمن مظبوط و هيتحقق باذن الله
و ان شاء الله فعلا العقارات هترجع للسكن تانى مش للاستثمار و تكديس الاموال
انا لسة رادد دلوقتى على موضوع لاخ بيبيع شقة 60 متر فى مدينتى و طبعا ربنا يوفقه فى البيع بس الحرامية اللى باعولوا الشقة عاملين نظام قسط يخلى اجمالى تمن الشقة 320.000 جنيه يعنى المتر يقف فوق الخمسة الاف جنيه و الفلوس فى الاخر تروح لسوزان تميم و من على شاكلتها

[aymanalem2003]

الازمه يا جماعه متضرش اهل بلدنا فى شىء
الا
المقاول اللى مش عايز يكسب بالمعقول
والتاجر الجشع اللى مش عاجبه مكسبه المعقول
والسمسار اللى عايز يعمل على العقار مبلغ (اوفرover) يعنى يقاسم المالك فى حاجته ومكسبه ويستغله احسن استغلال
يضر مستثمرين الاراضى الزراعيه اللى بطلوا يزرعو وبقوا سماسرة اراضى زراعيه وبطلوا يزرعوها
دى الناس المضروره

ربنا يهديهم ولو مكتبلهمش الهدايه ربنا يعمل فيهم زى ما عملوا فى الناس وياخدهم بعيد عنا

والازمه دى ربنا هيورينا فيها اياته ان شاء الله
انا عن نفسى متوقع لحد 2011 ركود حتى مع نزول الاسعار
وبعدين شويه بشويه الناس ترجع للسكن فقط ويدورولهم على حاجه مفيده يستثمرو فلوسهم فيها

[chahine]

من المصرى اليوم http://www.almasry-alyoum.com/article2.aspx?ArticleID=213760&IssueID=1427

سوق العقارات تعيش حالة «خمول صيفى»

كتب أمير حيدر ٥/ ٦/ ٢٠٠٩

أكد خبراء عقاريون أن السوق العقارية المصرية تواجه اختباراً حقيقياً خلال أشهر الصيف الحالى لتخطى حالة الركود التى تعرضت لها فى أعقاب الأزمة المالية العالمية، متوقعين تعرض السوق لـ«هزة» ترجئ تحركها إلى الصيف المقبل حال فشل الشركات فى تحريك المبيعات، مما يدفع بالأسعار إلى الانحدار بنسب تصل إلى نحو ٣٥٪.

وقال الدكتور ماجد عبدالعظيم، رئيس شركة «إيدار للتسويق العقارى»، إن العديد من شركات العقارات تضع آمالاً كبيرة على الصيف الحالى لتحريك المبيعات اعتماداً على العمالة المصرية المقبلة من الخارج، التى غالباً ما تلجأ لشراء وحدات عقارية أو أراض بهدف السكن أو الاستثمار، مؤكداً أن الأشهر الماضية شهدت استعلاماً عن أسعار العقارات أكثر من اتخاذ قرارات حقيقية بالشراء.

وأشار إلى أن حالة السوق تتسم حالياً بثبات الركود لأن البائع لا يريد تخفيض الأسعار، وسط موجة تجتاح السوق بعدم تخفيض الأسعار من قبل الكثير من المستثمرين، كما أن المشترى ينتظر المزيد من تخفيض الأسعار.

وأوضح أن هناك تراجعاً نسبياً بسيطاً فى الأسعار يتراوح بين ١٠ و٢٠٪ بعد هذه الطفرة الكبيرة فى الأسعار خلال السنوات الماضية التى تراوحت بين منتصف ٢٠٠٤ ومنتصف العام الماضى ٢٠٠٨ بين ٢٠٠ و٣٠٠٪.

وأكد أنه فى حال عدم تحرك السوق خلال الصيف الحالى فإنه ستتعرض لهزة، وستضطر معها لانتظار الصيف المقبل لعودة الحراك، الأمر الذى قد يدفع الأسعار إلى التراجع بنسب تصل إلى ٣٥٪.

وأضاف أن المناطق الجديدة تعد الأكثر ترشيحاً لتراجع الأسعار، لارتفاع نسبة المعروض فيها من العقارات بخلاف المناطق التى تواجه ندرة فى المعروض مثل التجمع الخامس وأكتوبر وزايد والشروق والعبور والسادات وبدر والعاشر.

وفى هذا السياق، أكد الدكتور حسين جمعة، رئيس جمعية الحفاظ على الثروة العقارية، أن السوق لاتزال تواجه حالة من الترقب، مشدداً على ضرورة طرح الشركات وحداتها بأسعار منطقية دون مغالاة.

ومن جانبه، اعترف مصطفى يسرى، رئيس الشركة العربية للاستثمارات العقارية، بأن وضع السوق «لايزال سيئاً» على الرغم من بدء فصل الصيف، موضحاً أن شهر يونيو الحالى يفترض أن يكون بداية الانتعاش فى كل عام.

[SlaVe.Of.AllaH]

كده كده هنستنا لغاية ما ربنا يكرمنا بثمن شقة ونمتى من الله أن الأسعار تنزل فعلا .

[DreAmO5005]

في ناس بتقول انها بنت ايام ما كان الحديد غالي .. عشان كدة بتبيع غالي

ارد عليهم اقولهم مش كل الناس بنت فى الغلاء

دة اللي عنده بيت ولا شقة من ايام الجنيه الجبس .. داخل فى الزحمة ورافع السعر هو كمان

وبعدين هو العقار معمول كله من حديد يعني !! ؟

انا بصراحة مش شايف اي مبرر لارتفاع اسعار العقارات والايجارات .. سواء في ازمة او مفيش ازمة


وخلي العفاريت تسكن الشقق بتاعتهم .. هو الواحد معاه كام 100 الف عشان يحوطها فى شقة .. وكمان شقة مش على مزاجه .. دة لو قدر يوفر المبلغ دة اساساً

[aymanalem2003]

وحتى لو بنوا فى الغلا هما كانوا رحمو الناس فى الرخصد

خليهم يشوفوا الناس اللى بتتعب فى القرش بجد بيحصلهم ايه

نسبة زيادة الحديدمتساويش اللى عملوه فى الاسعار وزيادتها الحديد زاد فى العماره الخمس ادوار وارضى فيها 13 شقه 155 متر ب100000 جنيه يعنى نصيب كل شقه 7000 جنيه من الزياده تقريبا مش مبلغ يعنى بس هما بيشتغلوا الناس بس دى القصه والناس هيه المسئوله عن الزياده فى الاخر برده احنا اللى بنديهم الحبل يخنقونا بيه ومبندافعش عن نفسنا لا ده احنا كمان بنلتمسلهم العذر كمان

يا بلد دلوقتى وقتنا لازم نلتزم ومنشتريش محدش حاله واقف الا الطماع بس

وكمان الحكومه زودت تقدير وتثمين الاراضى وضع اليد المقننه الصحراويه عارفين الحكومه بتبيع الصحرا للشباب بكام عارفين الفدان وصل تقديره فى اعفن الاماكن كام
الفدان وصل تقديره 25 بحد ادنى واطلع لاعلى سعر للتقدير لحد مايتقصم ضهر الشباب ادى يا عم الحكومه اللى بتسهل للشباب فى الازمه الاقتصاديه وتسهل عليهم
السرقات بالاكراه بدات تنتشر بطريقه فظيعه الاس بتقتل عيالها والستات مش لاقيه تتجوز والنهايه معروفه لاى واحده مش هتلاقى جواز يا اما هتجنن او هتفسد
الشباب بتوع الجامعه شغالين فى شركات النظافه وشوى الضره فى الطرقات
وبيبيعوا مخدرات
عايزين اى وسيله للكسب ودول لسه قله تتزايد حاليا طب بعد كده هيفضلوا قله
وده اللى قالنا عليه الحبيب المصطفى صلى الله عليه وسلم ان مفيش زمن يعدى الا واللى بعده اشر منه

ربنا يستر علينا
الاوبئه جتلنا لحد بيوتنا واحنا مصرين على الجشع والنوم
امتى بقا يا بلد