ارجوكم دلوني اقدم في الشركه دي ولا لا؟

[bahaa.bebo]

السلام عليكم
شفت اعلان امبارح ان في شركهmultinationaطالبه ناسcostumer serviceوtele sales
بس هما طالبين ناس معاهم لغتين
فاتصلت بيهم قالولي هنتصل بيك بالليل نقلك عالمعاد اللي هتيجي فيه وفعلا اتصلوا وقالولي تعالي بكره الساعه5عشان تمتحن وعرفت منهم انمم عباره عن شركه hrاسمهاla scoula vivaفي مدينه نصر وكان المفروض انهم هيعملوا امتحانين روحت النهارده عشان امتحن لقيتهم بيقولوا عاوزين30جنيه رسوم الامتحان لو نجحت هيرشحوني لشركات محتاجه لغاتي واروح اشتغل علطول ولو منجحتش في الامتحانات يبقي خلاص شكرا فبصراحه انا قلقت وحسيت انها ممكن تبقي نصب او كده فاتحججت اني مش عامل حسابي وكده قالولي خلاص هنتصل نحدد معاد تاني معاك انا بقي مش عارف لو دفعت ونجحت ايه اللي يضمنلي انهم هيشغلوني زي ماقالوا
فياريت تدوني رايكم اعمل ايه

[Izzak]

والله يا باشا انا ما انصحاكش تروح بصراحة طالما بياخدو فلوس يبقي اي كلام وحتي لو جابولك سفرية مثلا بره مش بتبقي كويسه حتي لو كان مرتبها مغري بتروح هناك بتلاقي شغل مختلف خالص عن اللي انت رايح عشانه بس عارف لو كانت مجانا كنت قولتلك روح اهو مش هتخسر حاجة وفي نفس الوقت بتعرف نظام الإمتحانات ازاي.
لكن هما ماشيين علي نظام ياخدوا منك 30 ومن غيرك 30 ويعملوا ثروه ويشغلوها في بنك واي اعلان في الجرنان ولا مواقع نت يقولك روح الشركة دي عاوزه ناس بس كده.

خد بالك الشركات دي مش تحط عليها امل اوي وربنا يوفقك يارب

[bahaa.bebo]

وعلى فكرة هما على كلامهم اللى عرفته منهم ان الاختبارين واحد انجليشwritten
والتانىoralمع خبير اجنبي
ولما تنجح في دلوقت شركه اشاعات وادويه اجنبيه طالبه ناسcostumer service
هنشتغل فيها
وقالى ان اى شركه hrبيبقي ليها رسوم كده زيهم يعنى مش هما بس
وانا بصراحه مقتنعتش وقلت اسالكم يمكن تكونوا جربتو الكلام ده

[The man who Unbowed]

لا ياباشا اوعى تدفع الفلوس دول نصابين مفيش شركات كول سنتر بتاخد فلوس

[bahaa.bebo]

خلاص تمام كويس انكم دلتونى الف شكر ليكم يا شباب وربنا يجعله في ميزان حسناتكم

[Izzak]

عارف يا باشا صدقني لو كانت من غير فلوس لاكنت قولتلك روح علشان تتعلم نظام الإنتر فيو ازاي وكده لكن بفلوس لا