عاجل جدا لو سمحت

[نوكيا159753]

انا قدمت فى كورس جمعية جيل المستقبل والحمد الله نجحت فى الاختبار بس قالولى هتبقة فى جامعة القاهرة وانا كنت عاوز اركيديا بس هيا هتبدى فى شهر 7 وانا كنت عاوز حاجة بدرى فجامعة القاهرة فى 5 فانا عاوز اخد رائيكم هل جامعة القاهرة كويسة وبتدى انجليش كويس زى اركيديا ولا استنى الشهرين واروح اركيديا انا ممكن احول خلال اسبوع
وعاوز اعرف رائيكم بالكورس دة وفعلا هيجبلنا شغل فى اخر الكورس ولا كلة كلام وخلاص ياريت تجاوبنى

[ahmedwahba]

نصيحة منى احسن فرع هو جامعة القاهرة جامد موووووووووووووووت وكل الناس اللى هناك برلتظز برده ومن الاخر جامعة القاهرة انا واخد القرص فيها كان طلقة والله واسمك فى جامعة يا عم

[manau]

طيب ما حد يقولنا ايه المطلوب علشان التقديم و ايه الكورسات المتاحه و كده يعنى كل المعلومات اللى تعرفوها قولوها و شكرا مقدما

[نوكيا159753]

يعنى هيوفر لنا شغل طيب بعد منخلصة ولا هيبقة اربع اشهر ونرجع ندور تانى ولا اية النظام انا بجد خايف اوى

[kholoud_1985]

حد يقول تفاصيل
نقدم ازاى؟كورسات اية؟الاماكن فين؟
ياريت حد يوضح؟؟؟؟؟؟؟

[نوكيا159753]

بصى ياخلود انتى اول حاجة خريجة تقدمى شهادة الؤهل وصورتين شخصيتين وصورة البطاقة طبعا كل دة صور من الاصل وتروحى تقدمى فى جامعة القاهرة فى مبنى جيل المستقبل هيدويكى ابليكشن تكتبى فية بياناتك وبعديها هتخشى تمتحنى اسئلة على الكمبيوتر هايفة جدا مضارع بسيط وماضى بسيط وبعديها هتسمعى محادثة فى الميك وتحلى اسئلة عليها سهلة جدا وبعديها لما تنجحى بيعملك انترفيو عشان يحددلك مستوى الانجليزى بتاعك وبس ولما بتنجحى بتتدفعى بعديها باسبوع 230 رسوم الكورس اللى اساسا تمنة لو خدتية برة بيقولوا ب8000 جنية