المساعد الشخصي الرقمي

مشاهدة النسخة كاملة : انقذونى عندى امتحان فى ميناء القاهرة الجوي

the_star700
24-04-2009, 03:45 PM
السلام عليكم ورحمة الله وبركاته

شباب عندي امتحان في معهد اللغات للقوات المسلحة في اللغة
الانجليزية كيف تكون الامتحانات هل هي شفوي ام تحريري وانا قدمت في وظيفة اخصائي حاسب الي ,,,,,
nor_islam
24-04-2009, 05:18 PM
بيبقى 100 سؤال على جهاز الكمبيوتر وكلهم اختيار من متعدد

50سؤال استماع بتسمع السؤال وتعلم على الاجابات اللى قدامك

ومدة كل سؤال 17 ثانية

و 50 سؤال بتظهر لك الاسئلة والاجابات تحتها ودى وقتها مفتوح

مدة الامتحان كامل 50 دقيقة

وربنا يوفقك وبالنجاح ان شاء الله

ودعواتك لينا


لا الة الا الله..... محمد رسول الله
the_star700
24-04-2009, 05:33 PM
اشكرك اخي والله يبارك فيك

وحضرتك دخلت الامتحان ده قبل كده وبيكون سهل وهل في نماذج ممكن الواحد يذكرها لمثل هذه الامتحانات
nor_islam
24-04-2009, 05:47 PM
انا فعلا دخلت الامتحان قبل كدة والحمد لله نجحت فية..

وهو فعلا متحان صعب ومحتاج تركيز جامد وسرعة اجابة لان كتير من اللى دخلو معايا

مش لحقوا يخلصوا ونصيحة ليك حاول تحل الاسئلة الاولى بسرعة لانها بتكون سهلة

وهى عبارة عن قواعد واستفيد بالوقت اللى هتوفرة للاسئلة الاخيرة لانها بتكون

صعبة..

وفى نماذج للامتحانات دى على النت مشابهة ليها..

بيقى حوالى 65 سؤال بتحلهم فى 40 دقيقة تقريبا وقدامك عداد تنازلى..

دور على الموقع دة على جوجل وحلهم وهتستفيد جامد منة..

اكتب اختبارات الجامعة الامريكية او جامعة كامبريدج او نماذج اختبار انجليزى


ودعواتك لينا اخويا الكريم

لا اله الا الله ...... محمد رسول الله
the_star700
24-04-2009, 06:17 PM
شكرا لك اخي الكريم والله يبارك فيك على الافادة , ممكن ان تضع لي ايميلك لكي اتواصل معك وحضرتك الحمد لله اشتغلت في ميناء القاهرة الجوي
nor_islam
24-04-2009, 07:43 PM
تم الرد على الخاص

الحمد لله على كل شىء بس مفيش نصيب ليا فى شغل المطار على الرغم من اللى نجحوا

فى الامتحان بتاعى كانوا 41 واحد فقط من الالاف اللى قدموا .. (( تخيل ))

كل شىء فى ايدى المولى عز وجل ولو ليك نصيب فى الشغل هتاخدة باذن الله .

بس انا مش عايز احبطك بس الشغل فى المطار بنسبة كبيرة للوسايط يعنى لازم تدعم

تقديم ونجاحك فى الاختبارات بالواسطة.


انا قعدت فى موضوع المطار دة 6 شهور مقابلات واختبارات ورايحة وجاية وعلى فكرة

مش هتلاقى واحد يقولك على معلومة فى المطار ومحدش هيرد على تليفوناتك.

ربنا يعلم ان تعبت اد اية علشان اعرف المعلومات اللى بقولها ليك دى وعلى

استعداد اجاوب على اى سؤال منك.

بس بردة هتاخد خبرة وهتستفيد وهتنفعك بعد كدة ويمكن ربنا يكرمك وتتقبل..

وارمى موضوع المطار على جنب واسعى وشوف شغل تانى ومش تستناة..

قبلت يبقى حير وبركة...مقبلتش يبقى مش خسرت حاجة واسمك شغال فى شركة تانية

وربنا يوفقك..



بس ادعيلى كدة بدعوة حلوة
the_star700
25-04-2009, 12:21 AM
شكرا لك اخي وبالتوفيق
the_star700
27-04-2009, 02:01 AM
السلام عليكم

هل احد امتحن