حد يساعدنى

[mshmsh_99]

ارجوا المساعده فى الحيره الى انا فيها
الاول هكتب امكانيات الجهاز بتاعى
المازر msi 848 LGA فرى
كارت الشاشه GeFroce 4 MX4000 128 Mb
الرمات 512 ddr1
نيجى بقى للمشكله ..انا حبيت احدث كرت الشاشه والرامات لما سألت لقيت ان فى نوعين من كرت الشاشه agp , pci
والكارت الى راكب على جهازى من نوع AGP
والى عرفته انه الى ماشى فى السوق دلوقتى الكروت الى من نوع PCI
كمان فرق السعر كبير يعنى الكارت ال PCI ارخص بكتير من ال AGP
حتى انا لسه سائل امبارح لقيت فى كارت 512 عامل 290ج كنت هتجن عليه بس طلع من نوع PCI

المشكله بقى ان انا مش عارف ان المازر بورد بتاعى ممكن تشغل الكروت الى من نوع PCI ولا لا
وخايف اجيب كارت من نوع PCI وميشتغلش
وللذكر انا جايب البورده من حوالى سنه وكان جاى مع المازر كتلوج فيه نوع الكروت الى بتدى احسن اداء على البورده بس طبعا ضاع الكتلوج

كمان انا لما دخلت الى السيت اب بتاع البورده لقيت فى خيار الفيجا نوعيين ال PCI ال AGP
فحتارت اكتر
ياريت حد يكون عارف البورده دى هيا ممكن تشغل الكروت الى من نوع PCI ولا لا
ولو مش بيشتغل ايه يكون افضل كارت من نوع ال AGP

[™ KiiNgZooN PeS]

الماذر بتاعتك قديمة جداً
بص انت محتاج جهاز جديد ماعدا الهارد و الدفيدي درايف
لان كروت الشاشة ال pci مش هاتشتغل عندك و عشان تشتغل محتاجه
ماذر جديدة و الماذر الجديدة محتاجه رامات جديدة + بروسيسور جديد
+ ممكن كيسة جديدة لو اللي عندك صغيرة و الباور اللي فيها ضعيف

[mshmsh_99]

قديمه جدا وجايبها االسنه الى فاتت على كده بقى الواحد لازم يحدث كل شهر ولاحاجه

شكرا للرد

[™ KiiNgZooN PeS]

قديمه جدا وجايبها االسنه الى فاتت على كده بقى الواحد لازم يحدث كل شهر ولاحاجه

شكرا للرد
اللي قالك ان الجهاز ده كويس و جديد يا إما حاجه من اتنين ،، يا ضحك عليك ، يا نصب عليك
ده انا جهازي القديم كنت جايبه سنة 2005 و كان بوردة 865 رام 1 جيجا كارت شاشة 6200
يعني احسن من المواصفات اللي انت كاتبها
و جهاز الجديد جبته في نص 2008 لما لقيت معظم الالعاب مش شغالة على الجهاز القديم
يعني انا ماحدثتش كل شهر ولا حاجه ..

[khaled ebrahem]

بص انت تحدث التحديثه الانا حقولك عليها ومش حتحتاج تحدث تانى بس هيا حتكلفك مبلغ كبير شويه
تشترى بورده x58 وبروسسور i7 ورامات 2*2 جيجا ddr3 باص 1333 وتشترى هاردين كل هارد 1 ترا بلاك وكارت شاشه GTX295
صدقنى بعد كده مش حتحتاج تحدث تانى ابدا خالص بتاتا بس المبلغ حيكون كبير شويه من 10 الى 11 الف جنيه

هههههههه طبعا انا بهزر معاك

[MasterPC]

بص انت تحدث التحديثه الانا حقولك عليها ومش حتحتاج تحدث تانى بس هيا حتكلفك مبلغ كبير شويه
تشترى بورده x58 وبروسسور i7 ورامات 2*2 جيجا ddr3 باص 1333 وتشترى هاردين كل هارد 1 ترا بلاك وكارت شاشه gtx295
صدقنى بعد كده مش حتحتاج تحدث تانى ابدا خالص بتاتا بس المبلغ حيكون كبير شويه من 10 الى 11 الف جنيه

هههههههه طبعا انا بهزر معاك

اتمني ان يكون صاحب الموضوع لا زال بعافية من هول الصدمة

[mshmsh_99]

طيب اجيب انا 10 الف جنيه منيين بقى
حد ياجماعه يكتبلى مواصفات جهاز اجيبه ويكون فى حدود المعقول