للشباب المحتاج شقة سعرها قليل [الأرشيف] - موقع الدي في دي العربي

momo100010

01-04-2009, 06:03 PM

السلام عليكم ورحمة الله وبركاته
الاخوة الكرام
انا زميلكم ف المنتدى momo100010
وبقالى ف المنتدى دا حوالي سنه بدخل يوميا تقريبا(منتدى العرض)
وكل لما بدخل على قسم العقارات مش بلاقي فيه حيوية
طيب احنا عايزين يبقى فيه حيوية اكتر علشان كده
اتمنى ان الموضوع دا يتثبت
واسم الموضوع يبقى
للشباب المحتاج شقة سعرها قليل
الموضوع دا يتثبت
ويريت ميبقاش فيه الا عروض اى شاب شاف انها لقطة - توضيح لمشروع بيتعلن عنه ف التليفزيون مثلا او الراديو (وسائل العلام عامة ) واى حد مهتم راح وسال
يجي يعرفنا
انا بلف على شقة بقالى حوالى 3 سنين تقريبا
والحمد لله اكتسبت حبة خبره ف اسعار واماكن الشقق ف منطقة مدينة نصر وعندى استعداد افيد اى حد ف منطقة مدينة نصر(الشباب فقط)
يعنى مافهمش ولا ف السويسري ولا ف السفارات ولا اول عباس ولا مكرم عبيد ولا الحتت الغالية دي

وكمان عندي خلفية عن مشاريع الشباب (اوراسكوم - دجلة جاردنز - الشروق - بدر )
انا صورت لكم حبة حاجات عن مشاريع
ولو لاقيت ان في حد عايز يعرف او مهتم
انا هنزل الموضوع دا
واستازن من السادة المشرفين انهم يثبتوه

منتظر راى اتنين او تلاته على الاقل علشان ابدا ف الموضوع
ويريت لو فى اى حد برده يعرف اى حاجة
ميبخلش عالمنتدى

منتظر راى اتنني او تلاته
علشان احط المشروعات بصور المواقع
والشروط والمبالغ المطلوبة (بالتقسيط او كاش)
اسف انى طولت ومنتظر راي حضراتكم ورأي الادارة

momo100010

01-04-2009, 11:35 PM

السلام عليكم ورحمة الله وبركاته
الاخوة الكرام
احنا كلنا سمعنا عن المشروع اللى ف كل جرنال(معارضة او جمهوري)
مشروع دجلة جاردنز
وانا كنت في فرع مصر الجديدة (67 تقاطع شارع الحرية مع شارع عمر ابن الخطاب)
مبدئيا
اللى مكتوب ف الجرنال عن الاستلام اللى بعد 6 شهور وبالتحديد ف 8 / 2009
الكلام دا مش مظبوط
انا لما اعدت مع مندوبة المبيعات بتاعة الشركة قالت لى ان المرحلة اللى هتتسلم ف 8/2009 خلصت ف اول يوم
(وطبعا انا مصدقتهاش لان اللى متوقعه ان المرحلة الاولى كلها للناس المعارف)بس برده دا توقع وليس اكيد
المهم نيجي للمكان
مكان المشروع اللى بيقولوا عند 6 اكتوبر
هو على طريق مصر الفيوم وبالتحديد عند جامع هناك عالطريق قبل منطقة دهشور العسكرية
تدخل يمين وحوالى 15 دقيقة وتبقى داخل الموقع
وبرده المكان انا هقوله لكم بالتفصيل لانى رايح ان شاء الله يوم الجمعة ف الموقع
وبالمناسبة
في اوتوبيس كل يوم بيطلع من قدام الفرع اللى كتبت لكم عنوانه فوق
كل يوم الساعة 11 صباحا
يوم الجمعة الساعة 2 مساء
ودي صورة للخريطة
معلش انا مش عندى كاميرا كويسه اصورهالكم بيها
بس هتصرف ان شاء الله واطبعها عالاسكنر واحطهالكم
نيجي لطريقة السداد والكلام اللى كنا نسمعة ونقراه ف الجرنال
وتيجي تكلم الشركة على الخط الساخن
يقولوا لك (حضرتك تشرفنا بزيارتك وتفهم كل حاجة)
نظام السداد
ولو مش باين ف الصورة انا بكتبه دلوقتى ف جدول وورد
وهحطه برده
بس دي الورقة اللى ادوهالى ف الشركة بتاعة الاسعار

نيجي لمساحة الشقة
مساحة الشقة 80 متر
وبتبقى صافي 67 متر(دا اللى بيقولوه) لكن لما اروح اتفرج على الشقق هناك هشوفها واقول لكم)
وبرده
انا بكتب دلوقتى المقاسات (اللى هم كاتبينها )
مع الاسعار وهنزلها اول لما تكتمل

هكتب الحااجات اللى قلت لكم عليها واحطها لكم هنا برده
ولو في اى حد عايز يستفسر عن اى حاجه
انا تحت امره

محمد جودة
0183004609

m.bolbol

02-04-2009, 03:29 AM

انا برضة كنت بقالى كزا سنة بدور على شقة ولفيت تقريبا مصر كلها وبالأخص المدن الجديدة

والحمد لله إشتريت شقة إستثمارى فى الشروق

المهم اللى لاحظتو وهيهمكو شوية وينفع للمستقبل هى مدينة بدر
ودى فى طريق السويس حوالى 50 كيلو من القاهرة قدام مدينتى تقريبا

مدينة صناعية وفيها الجامعة الروسية بس مستوى السكان فقط هو اللى قليل شوية ومستوى التشطيب وغيرة

أسعارها كالتالى

شقق 70 متر قسطها 70 أو 100 جنية شهريا سعرها من 35الف لغاية 45 الف حسب الموقع والدور وغيرة

شقق 85 متر وقسطها حوالى 150 جنية وفيه 250 ودى سعرها من 35 الف للقسط العالى وبتوصل ل60 الف للقسط القليل

وهناك اللاف الشقق وكله عتد السماسرة كتيييييييييير وعمولة السمسار الف جنية فقط تقريبا

بس تحذير مهم فيه جهتين مختصة بالشقق هناك جهاز المدينة
والهيئة العامة لتعاونيات الإسكان اللى فى أخر مكرم

ولو إشترينا شقة خاصة بالجهة الأخيرة ناخد حزرنا إنها تمليك مش إيجار تمليكى؟؟؟

والإيجار التمليكى ده شقق متأجرة بس بمدة والمفروض تتملك لأصحابها بعد فترة بس ممكن تتاخد منهم عشان كانو واخدينها بتراب الفلوس

الشراء بيتم من الأشخاص أصحاب الشقق عن طريق السماسرة والأفضل يتم نقل ملكية فى أحد الجهتين وإبعد عن التوكيلااااااات نهائى

كنت مرة هادبس فى شقة تحفة هناك ب30 الف فقط وقسط 150 وموقعها رهيييييب بس وانا بنقل ملكية طلبو منى 40 الف قرض على الشقة بيسدد شهريا عشان تتفك وينفع تتباع لأنها مدعمة

طبعا خلعت

المهم خلصنا من بدر وأى حد عايز يستفسر أو يعرف أماكن سماسمرة كويسين يقولى وانا هارشدة انا قعدت شهوووووور الف فى بدر

وهى مدينى تستحق الزيارة

المشاركة الجاية عن مشروع أوراسكوم بتاع أكتوبر وده انا حضرتة وهو كان لسة صحراااااااء

وشكرا

momo100010

02-04-2009, 08:04 AM

ودا موضوع عن مدينة دي دجلة جاردنز
بس للامانة هو منقول

سلام الله عليكم

فيه عرض عاملاه راية سيتى

الموضوع كله انى رحت بنك الاسكان و التعمير اسال لو فيه اى مصلحة قدامهم

فلقيت المشروع ده بس

اسم المشروع راية سيتى بالسادس من اكتوبر

المساحات 63 متر مربع .. صافى

80 % م المشروع مساحات خضراء

مصعد لكل عمارة

جراج خاص لكل وحدة

سوق تجارى

مناطق خدمات

اسعار الشقة ( 108 الف - 114 الف - 119 الف ) حسب درجة التميز

جدولة السداد كالتالى

3600 دفعة حجز

8300 دفعة تخصيص

17954 دفعة تعاقد

648 قسط شهري لمدة 24 شهر

3591 قسط نصف سنوي لمدة 4 اقساط

و وقت ما تخلص من الكلام ده يكون فات سنتين و اندفع نصف تمن الشقة

و يفضل النص التانى اللى من حقك تقسطه مع البنك لو عايز او تدفعه كاش

الموقع بقى على بعد 10 كم من مدينة الانتاج الاعلامى

ايه رايكم ف الموضع ده

يعتبر مصلحة لا بلاش منه احسن

momo100010

02-04-2009, 08:28 AM

مشروع المستقبل

فى قلب الشيخ زايد ضمن المشروع القمرى للاسكان مكانة الحى الثانى عشر المجاورة الاولى مدينة الشيخ زايد على بعد 800 متر من حدايق المنهدسين

تقسيط على 7 سنين دفعة مقدم 25 الف قسط شهرى 692 وحدات سكنية 63 متر دى بقى (((((((((شاملة التشطيبات))))))))

15 دقيقة فعليا من ميدان لبنان خدمات و مرافق النسبة البنائية 20% من اجمالى المشروع
مسجد و مطاعم و سينما و مول و غيرة دى مجموعة شركات درة

2---- حى المنتزة

حى سكنى متكامل بحدايق اكتوبر وحدات 63 متر ايضا حجز و تعاقد 10 % يبدا من 12500 و قسط شهرى 660 فى الشهر

تسليم مفتاح و فية فيلات تاون هاوس 63 و المشروع على مساحة 50 فدان طبعا حدايق و جراجات و غرة و فية زيارت مديانية لمشروع

3- مصر ايطاليا الحى الايطالى

دة فية منة فى 6 اكتوبر و فية منة فى مدينة بدر و طبعا نفس الافلام الىل فاتت دى بالضبط

على فكرة انا عندى كل ارقام تليفونات الشركات دى و نزلت بيها اعلانات فى الجرايد الرسمية

دى عينة من المشاريع اللى تقريبا فى نفس المساحة و نفس الشروط

راى انا بقى ياباش مهندس بعد ما شوفت الافلام دى كلها و نصيحتى ليك انا مش باحب الكلام على ورق
انت روح بنفسك و شوف على الطبيعة

مع انى ليا وجهة نظر فى حاجتين الاول مساحة الشقة ضغيرة جدااا

ثانيا موضوع الشركات لو بتعمل الشقق دى بدون تشطيب دى مشكلة كبيرة جدااا

ثالثا مش باحب اشترى سمك فى مية ياترى شكل المشروع دة هيبقى اية الله اعلم يبقى

لازم تروح بنفسك و شوف و بعدها قرر
وربنا يقدم ليكى الى فية الخير باذن الله

منقوووووووووووول

momo100010

02-04-2009, 07:06 PM

السلام عليكم
الاخوة الكرام
اولا اعتذر انى مطبعتش الحاجات اللى قلت لكم انى هطبعها عالاسكنر
ودا لان انا مش عندى اسكنر
والمفروض انى كنت انزل اعملها النهارده ف مكتب
ولكني مكنتش فاضي خالص للأسف
المهم انى بكره ان شاء الله هكون طبعتهم عالاسكنر

ودي الجداول (بس انا اللى كاتبها
فيها اسعار الشقة ( من حيث عدد السنين )
وكمان مساحة الشقة قطاعات

وجاري انشاء موضوع عن زهراء مدينة نصر

وان شاء الله على بليل كده هكون خلصته
ويارب يكون الكلام دا بينفع حد ولو واحد بس

last_dream

04-04-2009, 03:01 PM

السلام عليكم
الاخوة الكرام
اولا اعتذر انى مطبعتش الحاجات اللى قلت لكم انى هطبعها عالاسكنر
ودا لان انا مش عندى اسكنر
والمفروض انى كنت انزل اعملها النهارده ف مكتب
ولكني مكنتش فاضي خالص للأسف
المهم انى بكره ان شاء الله هكون طبعتهم عالاسكنر

ودي الجداول (بس انا اللى كاتبها
فيها اسعار الشقة ( من حيث عدد السنين )
وكمان مساحة الشقة قطاعات

وجاري انشاء موضوع عن زهراء مدينة نصر

وان شاء الله على بليل كده هكون خلصته
ويارب يكون الكلام دا بينفع حد ولو واحد بس

الله ينور عليك انا كنت لسه حقولك ياريت تكلمنا عن زهراء مدينة نصر
لان فى حاجات رخيصه هناك بس سمعت ان عليها مشاكل مع الجيش انا نزلت الحى العاشر واتفرجت على شقق هناك وسمعت الكلام ده

دندونه7000

04-04-2009, 10:37 PM

شكرااا علي الموضوع بس كان عندي استفسار في شركه كده في مدينه نصر بتبيع شقق بدون مقدم وبدون فوائد في الشروق وبتدفع بس 1500 جنيه في الشهر ودفعه استلام 47000 دي في الشقه مساحتها 115 متر والتقسيط علي 72 شهر فانا قولت دي لقطه وكلمت خطيبي عشان يتصل يسأل فلما اتصل قالولو ان الكلام ده صح استلامها 2010 بس قالولو ان الارض اللي هتكون عليها العماره مش متسجله في الشهر العقاري وبيقولو ان جميع اراضي الشروق كده بيبقي ليها اذن مباني بس فانا بصراحه خايفه تكون شركه نصب وكمان العماره لسه مطلعتش وبيقولو انهم هيبدأو بنا فيها فاياريت اللي يغرف اي حاجه تخص الموضوع ده يقولي احسن تكون فرصه بجد وتضيع من ايدينا

momo100010

05-04-2009, 10:41 PM

شكرااا علي الموضوع بس كان عندي استفسار في شركه كده في مدينه نصر بتبيع شقق بدون مقدم وبدون فوائد في الشروق وبتدفع بس 1500 جنيه في الشهر ودفعه استلام 47000 دي في الشقه مساحتها 115 متر والتقسيط علي 72 شهر فانا قولت دي لقطه وكلمت خطيبي عشان يتصل يسأل فلما اتصل قالولو ان الكلام ده صح استلامها 2010 بس قالولو ان الارض اللي هتكون عليها العماره مش متسجله في الشهر العقاري وبيقولو ان جميع اراضي الشروق كده بيبقي ليها اذن مباني بس فانا بصراحه خايفه تكون شركه نصب وكمان العماره لسه مطلعتش وبيقولو انهم هيبدأو بنا فيها فاياريت اللي يغرف اي حاجه تخص الموضوع ده يقولي احسن تكون فرصه بجد وتضيع من ايدينا

اولا حضرتك بتقول ان في شركة بتبيع ف (مساكن الشروق)
انا الكومبيوتر بتاعي بايظ
علشان كده انا للاسف اتاخرت ف موضوع الزهراء دا
بس ان شاء الله هيكون جاهز على التلات بازن الله
المهم ان دي مبدئيا مش الشروق ولا حاجة لان الشروق بتتباع الشقة فيها بمبلغ وقدره (ودي بتبقى مساكن ضباط) وطبعا بترخيص
اما هذا المكان زيه زي اللى ف اخر مصطفى النحاس ومخازن السلاب)
طرف من اطراف عزبة الهجانة(4.5) ودا هيبقى واضح ان شاء الله ف موضوع زهراء مدينة نصر ده
اما 1500 جنيه شهريا لو حضرتك جيت تحسبها لو مثلا على 60 شهر( ودا الشائع)
يعني 30000 مقدم
و 1000 ف الشهر
الموضوع كله طريقة عرض وطريقة بيع
تحس انها فرصة
زي اللي بيبيعوا العربيات بدون مقدم
والقسط بيكون بيقطم الظهر
لكن لو ربنا فاتحها عليك وقادر انك تدفع 1500 جنيه قسط
طب ما تشتري ف حته ارقى احسن
عامة اسف انى مش عارف اتكلم برحتى ف الموضوع دا
بس موضوع الزهراء هيرد على اى استفسار لاى حد عاايز يعرف اى حاجة عن زهراء مدينة نصر

momo100010

09-04-2009, 10:49 AM

السلام عليكم ورحمة الله وبركاته
الاخوة الكرام
اعضاء ال دي في دي (وخاصة قسم العقارات ف منتدى العرض))
اولا اعتذر انى اتاخرت ف الموضوع دا ولكن والله ماكان بايدي انا مجهز الموضوع قبل دلوقتى باسبوع
ولكن للاسف الكومبيوتر باظ ولسه مصلحه امبارح
والنهارده هنتكلم عن موضوع
زهراء مدينة نصر
دا وبالاخص الاعلانات الكتير اللي بتقول لك( ارقى اماكن زهراء مدينة نصر) وعلى الرئيسي
وتلاقي سعر الشقة ال 80 متر مثلا عامل 75000 جنيه
فتقوم تقول دي فرصة
ودا طبعا لما تعرف ان الشقة ف زهراء مدينة نصر(الاصلسة)
اللى هي مشاكن الظباط غالبا
سعر الشقة ال 80 متر برده يصل الى 130 و 140 الف جنيه

اربع اطراف وهي بترتيب الشرح
القسم الاول : على طريق مصر السويس واسمها الحقيقي 4.5 او عزبة الهجانة
القسم الثاني : اخر شارع الورشة سابقا ( شارع الزهور حاليا ) وتسمى ب مساكن الشروق
القسم الثالث : الناحية الثالثة وملهاش اسم اسمها 4.5 (ولكن طبعا اتغير اسمها الى اخر مترو مصطفى النحاس شمااااال )
القسم الرابع وبرده 4.5 من ناحية رابعة (واسمها الكودي دلوقتى خلف مخازن السلاب )

طيب نتكلم بقى عن زهراء مدينة نصر اللي قصدهم عليها
قبل ما نتعرف على هذه الزهراء مدينة نصر الجديدة
لازم نبقى عارفين بعض المناطق الهامة واهمها
عــــــزبــــــة الـــــهـــــجـــــــــــــانــــة
او 4.5
وهى دي المقصود بها زهراء مدينة نصر
نشرح بالبلدي بقى
اولا عزبة الهجانة دي ماسكة اربع اطراف
هي كبيرة جدااااااا
ومنطقة عشوائية طبعاااا
جانب على طريق ( مصر - السويس )
ودا اللى ماقدرتش تغير اسمه لانه وااااااااااقع للاسف ولا يصلح انه يكون منطقة ابراج ويتغير اسسمه كما تغيرت باقي اركان الل (4.5) ودا لعدة اسباب اهمها
الموقف بتاعها
طيب
والطرف التانى هنلاقيه برده على طريق مصر السويس وهو امتداد 4.5 ناحية مساكن الشروق
او شروق النادي الاهلى
ودا كان مدخل يسمى بشارع الورشة
بتدخل يمين بعد نهاية الشارع تلاقى مساكن الشروق ( بتاعة الظباط )
وفي الشمال تلاقي امتداد 4.5 مع نهاية شارع الورشة سابقا (شارع الزهور حاليا)
ومش عارف ايه علاقة الورشة بالزهور
المهم ودي مجموعة المباني اللي بتتبني خلف الشروق (بدون ترخيص - اغلب الشقق ف حواري وعلى مناور يعنى مسجون طول عمرك )
ودي اللى الاخ الكريم اتكلم عن ال 1500 جنيه شهريا ودفعة الاستلام بتاعتها ( مع ان هي كده غالية جدا بالنسبة للاسعار اللي هناك)
لو لفيت اكتر هتلاقي احسن من الاسعر دا بكتير
وفي عربيات ربع نقل بتروح من موقف 4.5 لهناك ب 15 قرش او ربع جنيه

المهم
احنا كده مسكنا الطرفين اللى على طريق مصر السويس

وندخل بقى كده على الطرف الثالث والرابع وهما ناحية زهراء مدينة نصر الرئيسية
الطرف الثالث
وهو نهاية عزبة الهجانة من الطرف الثالث
والمنطقة المزعومة ب اخر مترو مصطفى النهاس شمااااااااال
ارقى اماكن زهراء مدين نصر
مع انك لو مشيت بالظبط ف المنطقة دي اللي هي رخيصة طبعا
ودا لان هناك في جامع وبعده في مساكن (ماعرفش صراحة بتاعة ايه بس غالبا حاجة زي مشروعات الشروق)
وبعدها ابراج عفيفى
وبعدها تبتدي تدخل بقى على الوكر الثالث او المكان الثالث
وهو جنب التبة او قريب منها
المهم ان وانت رايح المنطقة دي
لازم هتعدي عالتبة
ومع العلم برده ان في عربيات ربع نقل بتروح (زي مواصلات داخلية كده) هناك ب 1/4 جنيه
ارقى مناطق ف زهراء مدينة نصر
وبرده دي سعر الشقة فيها قريب من سعر الشقة ف الطرف بتاع مساكن الشروق ( مالم يزيد سعر الشقة ف الركن اللى ناحية الشروةق شوية لقربها من ( المنطقة النظيفة اللى( بتتلزق ) فيها
الطرف الرابع :
وهو الطرف الاخير من 4.5 وعزبة الهجانة
وهو المنطقة برده اللى ( ارقى اماكن ومواقع زهراء مدينة نصر)
خلف مخازن السلاب
ودي نهاية 4.5
بس انا كنت عايز اقول على حاجة مهمه جدا ف المنطقة دي بالزاات
انت وانت داخل ناحية مخازن السلاب اخر الشارع هتلاقي حته هو كده (بيقولوا انه هتبقى نادي الطلائع نادى قوات مسلحة مع العلم ان ليا اصدقاء ف المجال دا ومسمعوش عن النادي دا خالص )
المفروض انهم يبقوا عارفين على الاقل
المهم وانت رايح عالنادي هتلاقي شارعين
شارع يمين ودا بيوديك على اخر 4.5 ودي سعر الشقق فيها رخيص جدا
ويكاد يكون ارخص منطقة
اللى هي شارع حسني مبارك
ودا زي اللى قبله وله برده مواصلات من الموقف بتاع 4.5
ولكن
تحذيييييييييير
من الشارع اللى يمين

انا معرفش حاجة مثبته
ولكن انا كنت هناك واقف مع سسمسار
وقلت له
العمارات اللى ف اليمين
قال لى دي عليها مشاكل ما بين ناس تقيلة ف البلد
وممكن تلاقي الشقة بتاعتك اتباعت لك ولواحد تانى
وتدخل ف سكة المحاكم
انا معؤررفش مدى مصداقية الراجل اللى كنت بتكم معاه دا
بس انا رايي
لو انت قررت انك تاخد هناك
مش شرط يعنى الشارع اللى شمال دا

المنطقة دي كلها طبعا بدون ترخيص بناء
المنطقة دي كلها التسليم عالمحارة او الطوب الاحمر
المنطقة دي كلها الله وحده هو اللى اعلم مستقبلها ايه

نيجي بقى عالى المنطقة اللى انا شايف انها ابعد عن 4.5 شوية
وانا رحتها شخصيا
ونازل بكره الموقع بازن الله
وهصوره لكم
وهو نهاية الزهارء يوجد سنترال مدينة نصر 3
امامه منطقة عاملة زي المناطق اللى اتكلمنا عليها
ولكنه بعيد عن 4.5
انا رحت لاحدى الشركات
واستفسؤت منهم عن النظام
وكالعادة

هعمله ف موضوع تانى
بس كمان شوية
لان ايدي وقفت بصراحة

قبل مانسى
هتلاقوا اسعار شقق قليل
ف كل الاماكن دي
وتيجوا تسالوا
يقولوا لك التسليم ف اخر 2010 او 2011 او 2012
ودول يبيعوا سمك ف ميه
العمارة ممكن جدا تتعمل ف 6 شهور
ولكنه بياخد منك الفلوس
ويستنى لحد ما اسعار الحديد والاسمنت وغيره من مواد البناء ترخص
وبراحته بقى
وانت اللى بتفضل تجري وراه
لان انت اللى عايزه دلوقتى
علما بان الشروط الجزائية غالبا بتبقى لصالحهم
اسف انى طولت
واتمنى ان الموضوع دا يفيد ولو واحد بس
ويريت اللى يلاقي ان الموضوع يستاهل التعب دا
يدعي لي ربنا يكرمني
ويكرم الامة الاسلامية بالكامل
ويدعي ل صديقي ويقرا له الفاتحة

المفكر.

09-04-2009, 10:07 PM

ما شاء الله موضوع اكثر من رائع من شخصية متازه.
بس انا بقى كنت عاوز منك حاجه بسيطه انك فى الآخر تقول لنا ايه الاماكن المضمونه اللى بحكم خبرتك عرفت انها كويسه
و انا كمان هاشارك بحاجه بسيطه كده انا كنت مصور شوية صور من منطقة شروق النادى الاهلى هاحطهم انا كمان ان شاء الله.

momo100010

10-04-2009, 09:29 AM

ما شاء الله موضوع اكثر من رائع من شخصية متازه.
بس انا بقى كنت عاوز منك حاجه بسيطه انك فى الآخر تقول لنا ايه الاماكن المضمونه اللى بحكم خبرتك عرفت انها كويسه
و انا كمان هاشارك بحاجه بسيطه كده انا كنت مصور شوية صور من منطقة شروق النادى الاهلى هاحطهم انا كمان ان شاء الله.

اولا اشكرك اخي الكريم
ودي شهادة افتخر واعتز بيها والله

اما عن الاماكن المضمونة في زهراء مدينة نصر ( الجديدة )
انا والله المفروض نازل النهارده اشوف المنطقة اللى عند سنترال مدينة نصر 3
والمكان دا ( على كلام الراجل بتاع شركة المقولات واصحابي نظيف)
انا رحت المكا دا ك استطلاع للمكان بس
ولاقيت انه بعيد عن 4.5 خالص
لكن انا هدخله ان شاء الله النهارده
ويارب اعرف اصوره
انا هصور لكم السنترال والبعد بتاع الشوارع
بس يا رب الحق اروح النهارده
لانى المفروض رايح اشتري لي عربية محندقة كده النهارده:43: من السوق:wink::wink:
ادعولي بقى

last_dream

10-04-2009, 01:10 PM

انا متابع موضوعك بشغف جدا ومتشوق انى اعرف المزيد عن زهراء مدينة نصر
وانا ححكيلك عن تجربتى انا قريت فى الجرنان عن شقق فى زهراء مدينة نصر على شار جامعة عين شمس وشارع حسنى مبارك الرئيسى فتصلت باحدى الشركات دى وقالى انزل عند مخازن السلاب المهم انا ركبت ورحت وفعلات نزلت عند مخزن السلاب ولاقيت نقطة شرطة الحى العاشر وشارع فى اخره سور المهم مشيت فى الشارع ولاقيت شارع على اليمين طويل وشارع على الشمال برضه طويل وبصيت على اللى ورا السور دة لاقيته صحراء فرحت واخد الشارع اللى فى الشمال وقبلت واحد من الشركة اللى اتصلت بها وفرجنى على مواقع الشقق دى منهم شقه بتطل على نادى الطلائع وشقه خلف مساكن الظباط واسعارهم زى رخيصه فعلا بس سمعت بقى ان فيه خلافات على المكان ده مابين الجيش والشركات دى والواحد بصراحه مش عارف الحقيقه فين
بس المكان حلو وبينك وبين الشارع الرئيسى 5 دقيايق وتلاقى المواصلات على طول لاى حته الواحد خايف اتن تكون دى فرصه وتضيع وخايف فى نفس الوقت تكون عليها مشاكل ويتنصب عليه والله اعلم .ياريت لو حد عنده معلومات عن الحته اللى بقؤل عليها دى يقولنا وينصحنا.وشكرا لصاحب الموضوع ده وربنه يكرمه ويكرمنا جميعا

المفكر.

10-04-2009, 07:00 PM

اولا اشكرك اخي الكريم

ودي شهادة افتخر واعتز بيها والله

اما عن الاماكن المضمونة في زهراء مدينة نصر ( الجديدة )

انا والله المفروض نازل النهارده اشوف المنطقة اللى عند سنترال مدينة نصر 3

والمكان دا ( على كلام الراجل بتاع شركة المقولات واصحابي نظيف)

انا رحت المكا دا ك استطلاع للمكان بس

ولاقيت انه بعيد عن 4.5 خالص

لكن انا هدخله ان شاء الله النهارده

ويارب اعرف اصوره

انا هصور لكم السنترال والبعد بتاع الشوارع

بس يا رب الحق اروح النهارده

لانى المفروض رايح اشتري لي عربية محندقة كده النهارده:43: من السوق:wink::wink:

ادعولي بقى

ربنا يكرمك ان شاء الله وتجيب عربيه حلوه كده و تعيش معاك كتييييييييييير :blow:

المهم انا نزلت المنطقة اللى انت بتقول عليها و هى اللى قدام السنترال و بص يا باشا

المنطقه فعلا محتلفه عن اى منطقة تانيه زى مثلا شروق النادى الاهلى او الكيلو 4.5 و اسعارها تعتبر حلوه و المكان نفسه كويس انا ليا واحد صاحبى واخد هناك.
لكن المشكله برضه ان فيه اماكن هناك وضع يد و كمان لسه الصرف الصحى ما دخلش علشان كده ابقى اسال على الحاجات دى هناك

momo100010

10-04-2009, 07:28 PM

انا متابع موضوعك بشغف جدا ومتشوق انى اعرف المزيد عن زهراء مدينة نصر
وانا ححكيلك عن تجربتى انا قريت فى الجرنان عن شقق فى زهراء مدينة نصر على شار جامعة عين شمس وشارع حسنى مبارك الرئيسى فتصلت باحدى الشركات دى وقالى انزل عند مخازن السلاب المهم انا ركبت ورحت وفعلات نزلت عند مخزن السلاب ولاقيت نقطة شرطة الحى العاشر وشارع فى اخره سور المهم مشيت فى الشارع ولاقيت شارع على اليمين طويل وشارع على الشمال برضه طويل وبصيت على اللى ورا السور دة لاقيته صحراء فرحت واخد الشارع اللى فى الشمال وقبلت واحد من الشركة اللى اتصلت بها وفرجنى على مواقع الشقق دى منهم شقه بتطل على نادى الطلائع وشقه خلف مساكن الظباط واسعارهم زى رخيصه فعلا بس سمعت بقى ان فيه خلافات على المكان ده مابين الجيش والشركات دى والواحد بصراحه مش عارف الحقيقه فين
بس المكان حلو وبينك وبين الشارع الرئيسى 5 دقيايق وتلاقى المواصلات على طول لاى حته الواحد خايف اتن تكون دى فرصه وتضيع وخايف فى نفس الوقت تكون عليها مشاكل ويتنصب عليه والله اعلم .ياريت لو حد عنده معلومات عن الحته اللى بقؤل عليها دى يقولنا وينصحنا.وشكرا لصاحب الموضوع ده وربنه يكرمه ويكرمنا جميعا

الاخ الكريم اولا انا برحب بحضرتك ف الموضوع ( بتاعنا كلنا )
وطبعا دا شرف كبير جدا لاى حد ان الموضوع اللى عامله يبقى في حد متابعه
وانا قلت ف الاول والله لو في حد متابع الموضوع دا ولو واحد بس ان شاء الله

هحاول انى انقل له كل حاجة

نتكلم ف اللى الراجل المحترم last_dream بيقوله
اولا ( ودا كلام من راجل سمسار عنده فوق ال 65 سنه ف المنطقة )
المنطقة دي كلها من اول بداية زهراء مدينة نصر بعد الحي العاشر لحد الدائري واكاديمية مبارك ملك للقوات المسلحة
القوات المسلحة اقامت عليها مشروع سكني للضباط زيه زي ( مساكن الشروق - مساكن ف المعادي - مساكن في ميدان الرماية - 6 اكتوبر ......الخ الخ الخ )
المهم ان القوات المسلحة لما بنت المنطقة دي لظباطها كانت المنطقة صحرا (زي 6 اكتوبر من 6 / 7 سنين )
وطبعا كان الخدمات المعيشية مش موجودة مش جامع ونادي والكلام دا
ل( السايس والبواب )
فطبعا زحف عليها بوابين وساسة زيها زي اى منطقة ف القاهره ( واغلبهم من الصعيد )
الناس دي كانت الاول لوحدها وبعد كده جابوا ولادهم وددا عرف دا ودا عرف دا ..... لحد لما كونوا اغلبيه
وكانت ساعتها المنطقة اللى ورا مساكن الظباط بتاعة زهراء مدينة نصر ( شارع حسني مبارك - شارع جامعة عين شمس ) كلها صحراء جرداء
ف الطبيعي ان الناس دي ابتدت تعمل لها عشش هناك وبقوا يعدوا فيها هم وعائلاتهم

الكلام دا كله منطقى ومعقول جدا

نيجي للكلام اللى انا مش مقتنع بيه
هو الراجل قاله
لكنى مش مقتنع بيه
على الرغم من ان الراجل ( السمسار اللى كنت بتكلم معاه ) حلف لي وقال لى انه معاه ورق بالكلام اللى انا هقوله دا
كالاتى :-
السيد الرئيس ( وانا معرفش ازاى الرئيس عرف بيهم بالسرعة دي ودا طبعا بالنسبة لانهم اقلية )
قال ان الارض دي تتباع للناس دي بعقود ملكية وتبقى بتاعتهم
ودا مقابل مبلغ سخي جداا وضئيل جدا جدا
ولكن مش علشان البناء ولكن علشان الجلوس فيها
فراحوا سجلوا كل واحد قاعد ف حته بقت معاه عقود تثبت ملكيته للارض ده
ودا كان ردا على كلام انا قلته له ان الارض دي وضع يد
على الرغم برده من ان العقود دي سهلة جداااااااا ان اى حد يزورها
وهو دا الشق اللى انا مش مقتنع بيه

ودا في اى حال من الاحوال
المنطقة دي كلها بدون تراخيص بناء
ولول حد قال لك انه بترخيص بناء او لك حصة من الارض ف الحد دا ايا كان

كداااااااااااااب

لان المنطقة دي كلها مطلعلهاش ترخيص

وانت مفيش حاجة تثبت ان انت ليك حصة ف الارض
وطبعا العقد من اوله اساسا غلط
ان شاء الله يقول لك حتى ان العمارة كلها بتاعتك
ما بني على باطل فهو باطل

نيجي بقى لحاجة اهم
ودا لو يهمك انك تعيش ف مستوى احسن (نسبيا ) من المستوى دا
الا وهو
ان المنطقة (((( اللى المفروض كنت رايحها النهارده وكنت هصورهالكم ( المكان اللى قدام سنترال مدينة نصر 3 ) ومرحتش لانى كنت بدور على عربية ف سوق السيارات وولا لاقيت عربية:24: ولا رحت المنطقة:38: بس اوعدكم انى هروحها ف اقرب فرصة:rules: )))) المنطقة دي احسن من الحته بتاعة مخازن السلاب
لانها طرف من اطراف عزبة الهجانة ( لو قريت الموضوع بتاع زهراء مدينة نصر بتانى هتفهم اكتر )
والناحية بتاعة ( سنترال مدينة نصر 3 دي ) بعيدة عن 4.5
وكمان سعرها متقارب مع منطقة مخازن السلاب
مالم يكن زيها بالظبط

اسف انى طولت
انا محضر موضوع كامل وان شاء الله هيبقى بالصور عن المنطقة اللى قدام سنترال مدينة نصر 3
ولو حد عنده استفسار انا تحت امره

بس يريت مننساااااااااااااااااش

يريت اللى يلاقي ان الموضوع يستاهل التعب دا
يدعي ل صديقي المتوفى ويقرا له الفاتحة ( عسى اننا نجد حد يقرالنا الفاتحة )
ويدعي لي ربنا يكرمني
يكرم الامة الاسلامية بالكامل

momo100010

10-04-2009, 07:37 PM

ربنا يكرمك ان شاء الله وتجيب عربيه حلوه كده و تعيش معاك كتييييييييييير :blow:

المهم انا نزلت المنطقة اللى انت بتقول عليها و هى اللى قدام السنترال و بص يا باشا

المنطقه فعلا محتلفه عن اى منطقة تانيه زى مثلا شروق النادى الاهلى او الكيلو 4.5 و اسعارها تعتبر حلوه و المكان نفسه كويس انا ليا واحد صاحبى واخد هناك.
لكن المشكله برضه ان فيه اماكن هناك وضع يد و كمان لسه الصرف الصحى ما دخلش علشان كده ابقى اسال على الحاجات دى هناك

اشكرك اخى الكريم على النصيحة
انا هشوف الحاجات دي
واسال عليها بدقة
واقول لكم ان شاء الله

وعلى فكره انا ملاقتش عربية للاسف:38:
بس ان شاء الله هجيب من المنتدى بتاعنا برده

منتدى العرض
قسم السيارات

last_dream

10-04-2009, 08:58 PM

انا فعلا لما نزلت الحته هناك لاقيت صعيده كتير جدا وناس اصحاب بشره سوداء مش عارف سودانيين ولا صومالين ولا جنسيتهم ايه بالظبط بس منتشرين برضه وفيه شركات كتيره جدا وعمله ابراج الشارعين دول وانا كنت اتصلت بواحده منهم اسمها التوفيق ورحت شفت الابراج اللى عملها زى ماقلت قبل كده . ربنا يكرم وانزل اشوف المنطقه بتاعت السنترال دى بس دى مترخصه ولا زى التانيين ؟؟
وربنا يرحم صديقك ويسكنه فسيح جناته ويصبر اهله .

momo100010

11-04-2009, 12:03 AM

انا فعلا لما نزلت الحته هناك لاقيت صعيده كتير جدا وناس اصحاب بشره سوداء مش عارف سودانيين ولا صومالين ولا جنسيتهم ايه بالظبط بس منتشرين برضه وفيه شركات كتيره جدا وعمله ابراج الشارعين دول وانا كنت اتصلت بواحده منهم اسمها التوفيق ورحت شفت الابراج اللى عملها زى ماقلت قبل كده . ربنا يكرم وانزل اشوف المنطقه بتاعت السنترال دى بس دى مترخصه ولا زى التانيين ؟؟
وربنا يرحم صديقك ويسكنه فسيح جناته ويصبر اهله .

اولا اشكرك للدعاء لصديقي
ربنا يرحمه ياااااااارب

المنطقة كلها بدون ترخيص
حتى اللى قدام سنترال مدينة نصر 3
برده بدون ترخيص

SHAKSHAK

11-04-2009, 04:15 AM

الموضوع راااااااااااااااااااااائع
أحيك بشدة على الموضوع المفيد فعلاً
والله يا أخى الكريم أنا فعلاً سعيد للغاية بمجهودك فوق العادى فى هذا الموضوع
انا حالياً ببحث عن شقة و تعبت فعلاً من كثر الكلام و الحوارات الموجودة فى الجرائد
و موضوعك بإذن الله يكون فيه الفائدة
على فكرة انا كنت روحت و خدت جولة فى زهراء مدينة نصر و إكتشفت فعلاً إن الواحد ميأمنش فيها على نفسة
المكان الى واخد بالى منه اليومين دول هو المنطقة الى وراء النادى الأهلى فى مدينة نصر مش عارف عندك فكرة عنها ولا لأ
بقرأ إعلاناات كتير عنه, بس ليا صديق قالى إنها مش أمنه و كلها مشاكل برضة
عموماً لو عندك معلومات عنها ياريت تفدنا
شكراً شكراً شكراًُ
و ربنا يباركلك و يجعله فى ميزان حسناتك

rosebox

11-04-2009, 02:22 PM

موضوع فوق الممتاز بارك الله فيك يا أخى و رحم امواتنا و اموات المسلمين جميعا

انا بدور على شقه مناسبه يا ريت لو عندك فكره عن العبور و شروق الأهلى و النزهه الجديده تفيدنا برضه

momo100010

11-04-2009, 03:36 PM

الموضوع راااااااااااااااااااااائع
أحيك بشدة على الموضوع المفيد فعلاً
والله يا أخى الكريم أنا فعلاً سعيد للغاية بمجهودك فوق العادى فى هذا الموضوع
انا حالياً ببحث عن شقة و تعبت فعلاً من كثر الكلام و الحوارات الموجودة فى الجرائد
و موضوعك بإذن الله يكون فيه الفائدة
على فكرة انا كنت روحت و خدت جولة فى زهراء مدينة نصر و إكتشفت فعلاً إن الواحد ميأمنش فيها على نفسة
المكان الى واخد بالى منه اليومين دول هو المنطقة الى وراء النادى الأهلى فى مدينة نصر مش عارف عندك فكرة عنها ولا لأ
بقرأ إعلاناات كتير عنه, بس ليا صديق قالى إنها مش أمنه و كلها مشاكل برضة
عموماً لو عندك معلومات عنها ياريت تفدنا
شكراً شكراً شكراًُ
و ربنا يباركلك و يجعله فى ميزان حسناتك

الاخ الكريم
اولا انا اللى باشكرك على احترام حضرتك المبالغ فيه
ويارب يكون مفيد فعلا
والله انا ما اقصد بهذا الموضوع الا اعطاء كزا خيار ( للشباب الكافح اللى للاسف ولظروف ملناش دخل بيها واللى عايز شقة الى حد ما بارخص الاسعار)

وبالنسبة لموضوع شروق النادي الاهلي
ف انا اتكلمت عنه ف موضوع زهراء مدينة نصر
وهتلاقيه حضرتك ف الطرف الثاني من عزبة الهجانة
وبالاخص هتلاقي اى حد من الناس بتوع الشركات اللى عندها مناطق وشقق ف المنطقة دي
يقول لحضرتك خلف النادي الاهلي
او خلف الموقف
وهي ف الواقع :
الطرف الثاني من عزبة الهجانة

يارب اكون افدت حضرتك
وانا ان شاء الله
هعدي ف مرة على المنطقة
واصورهالكم
وانزل صورها

momo100010

11-04-2009, 03:59 PM

موضوع فوق الممتاز بارك الله فيك يا أخى و رحم امواتنا و اموات المسلمين جميعا

انا بدور على شقه مناسبه يا ريت لو عندك فكره عن العبور و شروق الأهلى و النزهه الجديده تفيدنا برضه

اولا اخى الكريم
اشكرك على وصف الموضوع
ويارب ارحم امواتنا واموات المسلمين يارب العالمين

انا بالنسبة لشروق النادي الاهلى حضرتك هتلاقيها ف موضوع زهراء مدينة نصر ( الطرف الثاني تحديدا )
اما عن النزهة الجديدة فا دي انا مادوستش فيها اوى ودا لعده اسباب :-
1/مساحاتها كلها تقريبا فوق ال 100 و 110 م :
ودا طبعا ميبقاش للشباب خالص لان انا او اى شاب محتاج شقة لبداية حياته لا يشترط المساحة اطلاقة ( الشئ اللي يزيد عن حده...... )
وزيادة المساحة مش مشكلة بس في زياده عدد الامتار وبالتالي زيادة سعر الوحده السكنية
ولكن بتفرق فــــ ( عدد الامتار - التشطيب - الاثاث)
علشان كده يفضل ان شقق الشباب تكون اقل من ال 100 م
2/ بعيدة شوية عن منطقة سكني انا وخطيبتي
ولكنى رحت هناك مرة او اتنين
والمنطقة بالاخص ( خلف حديقة بدر )
ودي برده اساسا عين شمس
ولكنهم غيروا اسمها ( زي اللى حصل ف زهراء مدينة نصر )
وبرده هي ليها قصة كده
ولكنى مش متاكد ومجمعتش عنها معلومات تكفي لعمل موضوع بيها
ولكنى هبحث عالنت واشوف كده وربنا يسهل

اما عن العبور ف برده تعتبر مشاكل النزهة الجديدة هي هي مشاكل العبور
وبعدين اظن ان العبور غالية اوى اليومين دول

بالمانسبة يا جماعة
انا عارف انى بقول الحاجات الوحشة ( سواء ف ز.م.نصر - النزهة الجديدة ..الخ )
ولكن هو دا الموجود
وعلى اد اللحاف تمد رجليك
انا استحالة اسكن ف شقة مرخصة كبناء
او استحالة اسكن ف شقة كامللة المرافق مرة واحده
اانا مقتنع ب حاجة
مفيش حد اتجوز وبدا كامل على طول
انا ان شاء الله هاخد شقة ف . م. نصر
وخصوصا امام سنترال مدينة نصر 3
دا المكان الوحيد اللي شايف ان فيه
سعر كويس بالنسبة للمنطقة
ومكان كويس بالنسبة للفلوس اللي هتتدفع فيه
ودا ما يمنعش ان المطقة فيها مشاكل ابدية ( المرافق - موقف الارض - ترخيص البناء..)
ولكن هنعمل ايه
قدرنا والحمد لله احنا احسن من غيرنا كتير

يا جماعة انا بقى ليا طلب يريت الناس متزهقش من الكلام اللى انا بحطه ف الاخر عن موت صديقي والدعاء له
دا طلبي الوحيد

يريت اللى يلاقي ان الموضوع يستاهل التعب دا
يدعي ل صديقي المتوفى ويقرا له الفاتحة ( عسى اننا نجد حد يقرالنا الفاتحة )
ويدعي لي ربنا يكرمني
يكرم الامة الاسلامية بالكامل

وغير كده انا تحت امر اى صديق ف المنتدى
و والله والله والله والله والله والله والله والله
انا ما بخلت ولا ببخل ولا هبخل على حد ف حاجة انا عارفها ان شاء الله

rosebox

11-04-2009, 05:40 PM

ربنا يكرمك و الله شغلك شغل محترفين و أخلاقك و ذوقك عاليين قوى ربنا يكرمك و يا بخت صديقك بيك بجد

دندونه7000

11-04-2009, 09:07 PM

بجد انا متشكره جدااااااااا علي الافاده وربنا يكرمك يارب وجزاك الله خيرآ وانا متابعه الموضوع للاخر ويارب نتوفق ونلاقي شقه حلوه

starsong

11-04-2009, 10:42 PM

بحييك يا باشا على المجهود الجميل ده و الاهم هو حرصك على مصلحة

اخوانك ربنا يبارك لك ..

للأسف هو ده نصيب الشباب دلوقتى مش من حقنا نسكن فى مكان متوسط المستوى

و نعيش زى مخاليق ربنا :(

انا على فكرة اخدت حقى برضوا فى البحث عن شقة لفترة طويله زيك تمام

يمكن بدور على حاجة معقوله بسعر متوسط او فوق المتوسط بشويه

اللى ممكن أقوله دلوقتى ان تقريبا احسن مكان ممكن شاب معاه بعض

الامكانيات انه يبدأ فيه هى مدينة الشروووووووووووووووق !

و اتمنى انك تاخد جوله هناك و تحط اكبر قدر من المعلومات عنها هنا

انا بقول انها الاحسن دلوقتى لانها مدينة جديدة نضيفة مش بعيدة مكانها

ممتاز ادام مدينتى المساحات كلها موجودة اسعار المتر من 1000 -1600 ج

ل 95% من الشقق هناك ! كله طبعا بتسهيلات ممتازة اوى

يمكن عيبها الوحيد انك تقضيها مواصلات فتكون

صعبة شويه او انك تجيب عربية صغننة تمشى بيها حالك

momo100010

11-04-2009, 11:08 PM

اولا السلام عليكم
ثانيا يا جماعة الناس اللي بتشكرني دي والله ربنا يخليكوا

الاخ الكريمrosebox

دندونه الاخ الكريم7000
starsong الاخ الكريم

يا جماعة دا واجب على كل مسلم انه يعرف اى حد من اخوانه كل حاجة

وان شاء الله الموضوع دا هيبقى متجدد باستمرار

وبعدين انتوا لسه ماشفتوش حاجة
انا ان شاء الله هحط صور كمان
بس والله للاسف انا بيبقى عندى كورسات ف معهد اللغات كل سبت وتلات
وان شاء الله اول لما الاقى وقت فاضي هنزل لكم صور ان شاء الله لكل الاماكن دي

اما بالنسبة للاخ starsong
اولا شكرا طبعا عالمقدمة الجميلة دى
وانا رحت بالفعل ف الشروق
واسعار الشروق مشكلتهاف انها بعيدة جدا عن بعض
يعنى انا شفت شقق ب 75 او 85 الف جنيه ( كاش طبعا ) حوالى 75 / 80 متر
ورحت ل مكتب اسمه ( سوليوشن )
وياريتني ما رحت
سعر المتر حوالى 1750 جنيه ( مش عرف ليه )
واقل مساحة 125 متر
يعنيالشقة عملت لها حوالي 270 الف جنيه
انا معايا البلان شيت بتاع المشروع كله
ولكن ما يناسبنيش انا شخصيا خاااااالص
لانه طالب مقدم 55.000
وقسط شهري 2300 جنيه

والراجل كتر الف الف الف خيره
قال لى انا ممكن اخلي لك القسط الف جنيه
واخر السنه تديني دفعة سنوية تغطي الاقساط دي

لو حد عايز يشوف البلان شيت بتاع المشروع بتاع الشركة دي
انا ممكن احطها
ولكن دا مش هيبقى للشباب المحدودي او المتوسطي الدخل

اسف عالاطالة
واعزروني لو قصرت ف متابعة استكمال المواضيع
وذلك نظرا لانشغالي والله لا اكتر ولا اقل

shalaby2001

17-04-2009, 06:57 AM

جزاكم الله خيرا ورحم صديقك وجزاك خير الجزاء لوفاءك له وجعل توقيعك كصدقة جارية كل من يراها يدعو له بالرحمه
اللهم اسكنه فسيح جناتك وجميع اموات المسلمين يارب

momo100010

17-04-2009, 12:45 PM

جزاكم الله خيرا ورحم صديقك وجزاك خير الجزاء لوفاءك له وجعل توقيعك كصدقة جارية كل من يراها يدعو له بالرحمه
اللهم اسكنه فسيح جناتك وجميع اموات المسلمين يارب

ربنا يخليك يا باشا
واللهم امين يا رب

marovona

17-04-2009, 04:55 PM

اولا السلام عليكم
ثانيا يا جماعة الناس اللي بتشكرني دي والله ربنا يخليكوا

الاخ الكريمrosebox

دندونه الاخ الكريم7000
starsong الاخ الكريم

يا جماعة دا واجب على كل مسلم انه يعرف اى حد من اخوانه كل حاجة

وان شاء الله الموضوع دا هيبقى متجدد باستمرار

وبعدين انتوا لسه ماشفتوش حاجة
انا ان شاء الله هحط صور كمان
بس والله للاسف انا بيبقى عندى كورسات ف معهد اللغات كل سبت وتلات
وان شاء الله اول لما الاقى وقت فاضي هنزل لكم صور ان شاء الله لكل الاماكن دي

اما بالنسبة للاخ starsong
اولا شكرا طبعا عالمقدمة الجميلة دى
وانا رحت بالفعل ف الشروق
واسعار الشروق مشكلتهاف انها بعيدة جدا عن بعض
يعنى انا شفت شقق ب 75 او 85 الف جنيه ( كاش طبعا ) حوالى 75 / 80 متر
ورحت ل مكتب اسمه ( سوليوشن )
وياريتني ما رحت
سعر المتر حوالى 1750 جنيه ( مش عرف ليه )
واقل مساحة 125 متر
يعنيالشقة عملت لها حوالي 270 الف جنيه
انا معايا البلان شيت بتاع المشروع كله
ولكن ما يناسبنيش انا شخصيا خاااااالص
لانه طالب مقدم 55.000
وقسط شهري 2300 جنيه

والراجل كتر الف الف الف خيره
قال لى انا ممكن اخلي لك القسط الف جنيه
واخر السنه تديني دفعة سنوية تغطي الاقساط دي

لو حد عايز يشوف البلان شيت بتاع المشروع بتاع الشركة دي
انا ممكن احطها
ولكن دا مش هيبقى للشباب المحدودي او المتوسطي الدخل

اسف عالاطالة
واعزروني لو قصرت ف متابعة استكمال المواضيع
وذلك نظرا لانشغالي والله لا اكتر ولا اقل

ماشاء اللة مجهود رائع وكلنا بنشركة على انك بتساعد الشباب
وكويس انك على دراية بالأسعار فى المدن الجديدة (الشــــروق وبدر وووووو) ربنا يوفقك يارب ويقدرك انك تساعد بكل معلومة اخواتنا الأعضاء

momo100010

17-04-2009, 06:39 PM

ماشاء اللة مجهود رائع وكلنا بنشركة على انك بتساعد الشباب
وكويس انك على دراية بالأسعار فى المدن الجديدة (الشــــروق وبدر وووووو) ربنا يوفقك يارب ويقدرك انك تساعد بكل معلومة اخواتنا الأعضاء

اشكرك اخى الكريم على هذا الكلام الجميل
وربنا يجلعنى سبب ف حل مشكلة اى حد

sasahassan

18-04-2009, 06:26 PM

جزاك الله خير
ربنا ان شاء الله يرزقنا من فضله الواسع

انا بقى سمعت من ناس جيران شغالين فى بنك الاسكان ان بنك الأسكان هاينزل ان شاء الله شقق فى التجمع الخامس
او القاهره الجديده

ياااااااااااااااااااااااااااااااااااااااااااارب

momo100010

19-04-2009, 12:39 AM

جزاك الله خير
ربنا ان شاء الله يرزقنا من فضله الواسع

انا بقى سمعت من ناس جيران شغالين فى بنك الاسكان ان بنك الأسكان هاينزل ان شاء الله شقق فى التجمع الخامس
او القاهره الجديده

ياااااااااااااااااااااااااااااااااااااااااااارب

انا كنت هعمل موضوع ب الكلام دا
وكمان ان شاء الله جاري تحضير موضوع
الـتـمـويـــل الــعـقــــاري
بس انا مش عارف الناس مش عايزة تعرفة ولا فى حد عايز ييعرفه؟

SHAKSHAK

19-04-2009, 01:05 AM

أكيد يا باشا عايزين نعرف عنه
بس أنا كنت سألت عن التمويل العقارى و عرفت إنه حرام
و بصراحة أنا محتار ما بين تحريمة و تحليلة
بس الغالبية بيحرمة
و الله أعلم

amrnader

19-04-2009, 12:56 PM

يا ريت يا جماعة تقولوا لنا اى معلومات على موضوع بنك الاسكان و مشروعاته الجديدة اللى فى التجمع و شكرا مقدما.

momo100010

19-04-2009, 04:26 PM

أكيد يا باشا عايزين نعرف عنه
بس أنا كنت سألت عن التمويل العقارى و عرفت إنه حرام
و بصراحة أنا محتار ما بين تحريمة و تحليلة
بس الغالبية بيحرمة
و الله أعلم

الاخ الكريم
او ( المشرف ) الكريم
انا عارف ان حضرتك متابع الموضوع
والله جاري استكمال بياناته
وان شاء الله
هنزله اول لما يخلص

momo100010

19-04-2009, 04:36 PM

يا ريت يا جماعة تقولوا لنا اى معلومات على موضوع بنك الاسكان و مشروعاته الجديدة اللى فى التجمع و شكرا مقدما.

الاخ الكريم amrnader
اولا برحب بحضرتك ف موقعنا ( موقع ال dvd4arab)
ودا لانى لاقيت ان مشاركات حضرتك ( 3 ) مشاركات
ف انا برحب بحضرتك كعضو واخ جديد لنا ف المنتدى
والله انا ماليه مصلحة ف الكلام اللى بقوله ابدا
ولكن تاكد ان الناس هنا كلها اخوه ( عدا القليل ) ولكل قاعدة شواذ

المهم نيجي لطلبك بقى يسيدي
ادخل على الرابط دا

http://www.hdb-egy.com/projects/project_under_const.html

وانت هتفهم منه ايه المشروعات بتاعة مشروعات بنك الاتعمير والاسكان

ومفيش حد بجد هيقدر يفيدك او يقول لك معلومات اكتر من اللى ف اللينك دا
واللى يقول لك انه يعرف حاجة اكتر من كده ( حتى تاريخ كتابتي للرد على حضرتك )
يبقى بيكدب عليك
لانى متابع الموضوع دا
خطوة بخطوة
مع العلم ان فيه شك ف حرمانيته
هو والتمويل العقاري
وجاري برده الاستفسار عن الفتوى النهائية والصحيحة من اولي الامر

amrnader

20-04-2009, 12:05 AM

[b][font="arial black"]الاخ الكريم [color="red"][size="6"]amrnader
اولا برحب بحضرتك ف موقعنا ( موقع ال dvd4arab)
ودا لانى لاقيت ان مشاركات حضرتك ( 3 ) مشاركات
ف انا برحب بحضرتك كعضو واخ جديد لنا ف المنتدى
والله انا ماليه مصلحة ف الكلام اللى بقوله ابدا
ولكن تاكد ان الناس هنا كلها اخوه ( عدا القليل ) ولكل قاعدة شواذ

متشكر على ردك الوافى و انا عارف طبعا ان نيتك خير و عايز تفيد الشباب

انا مش عارف ليه حاسس انى زعلتك و انا مش واخد بالى و لا انا متهيألى؟!

momo100010

20-04-2009, 12:21 AM

متشكر على ردك الوافى و انا عارف طبعا ان نيتك خير و عايز تفيد الشباب

انا مش عارف ليه حاسس انى زعلتك و انا مش واخد بالى و لا انا متهيألى؟!

اخى الكريم
بالرغم من انى مش فاهم انت ممكن تكون زعتني ف ايه
ولكن
لا يوجد اى نوع من الزعل
وربنا اللى اعلم انى الحمد لله مش بشيل لاى حد
تخيلوا بقى اخوانى ف المنتدى
لا يوجد شئ من هذا القبيل اخى الكريم

monir_5m

20-04-2009, 10:51 PM

انا نادرا ما بحط رد ف المنتدى بس انت راجل محترم و تستاهل كل شكر على الموضوع القيم ده.....جزاك الله خير

kanee

21-04-2009, 12:30 AM

السلام عليكم ورحمه الله
ازيك يا اخى كيف حالك
انا مش عارف والله اقولك ايه انت بجد راجل محترم لانك فعلا بتحاول تساعدنا وبتريحنا من اللف ومن حاجات كتير جزاك الله كل خير
وانا كنت عايز اقولك على حاجه انا بفكر اعملها انا روحت المساكن اللى هى فى التبه اللى حضرتك اتكلمت عنها وانا هقولك انا رحت فين لاظبط انا مشيت فى مصطفى النحاس لحد اخره لحد اما الشارع خلص وبقى فيه حته مش متسفلته كده رحت دخلت فيها ولقيت قدامى شارع مكسر كده ودخلت شمال شويه عند صيدليه كده مش فاكر اسمها ايه بالظبط جانبيها فى حاره كده على اليمين اول ماتدخل الحاره دى بتلاق بيت على الشمال وجانبيه ارض بتتبنى هى الارض دى صاحبها هيبنيها عماره مكونه من 11 دور والدور فى شقتين واحده 95 متر والتانيه 85 متر انا كلمته على الشقه ال95 متر قالى هيبقى سعرها كاش 95 الف ولو قسط هتبقى 105 الف
فانا بفكر انى اديلو مثلا 40 الف مقدم وكل شهر الف جنيه لحد اما اخلص القسط
وانا صليت استخاره وبفكر دلوقتى فمش عارف اعمل ايه انت ايه رأيك ؟؟؟؟؟

momo100010

21-04-2009, 06:06 PM

انا نادرا ما بحط رد ف المنتدى بس انت راجل محترم و تستاهل كل شكر على الموضوع القيم ده.....جزاك الله خير

اشكرك اخى الكريم
والله دي شهادة اعتز بيها
اقسم بالله من غير مبالغة
واشكر حضرتك على الكلام الجميل دا

وخير الكلام ما قل ودل

momo100010

21-04-2009, 06:37 PM

السلام عليكم ورحمه الله
ازيك يا اخى كيف حالك
انا مش عارف والله اقولك ايه انت بجد راجل محترم لانك فعلا بتحاول تساعدنا وبتريحنا من اللف ومن حاجات كتير جزاك الله كل خير
وانا كنت عايز اقولك على حاجه انا بفكر اعملها انا روحت المساكن اللى هى فى التبه اللى حضرتك اتكلمت عنها وانا هقولك انا رحت فين لاظبط انا مشيت فى مصطفى النحاس لحد اخره لحد اما الشارع خلص وبقى فيه حته مش متسفلته كده رحت دخلت فيها ولقيت قدامى شارع مكسر كده ودخلت شمال شويه عند صيدليه كده مش فاكر اسمها ايه بالظبط جانبيها فى حاره كده على اليمين اول ماتدخل الحاره دى بتلاق بيت على الشمال وجانبيه ارض بتتبنى هى الارض دى صاحبها هيبنيها عماره مكونه من 11 دور والدور فى شقتين واحده 95 متر والتانيه 85 متر انا كلمته على الشقه ال95 متر قالى هيبقى سعرها كاش 95 الف ولو قسط هتبقى 105 الف
فانا بفكر انى اديلو مثلا 40 الف مقدم وكل شهر الف جنيه لحد اما اخلص القسط
وانا صليت استخاره وبفكر دلوقتى فمش عارف اعمل ايه انت ايه رأيك ؟؟؟؟؟

بداية اشكرك اخى الكريم على الكلام الجميل دا
وطبعا انت كده رحت عند الطرف الثالث من عزبة الهجانة ( اخر مترو مصطفى النحاس )
انا للاسف ما فهمتش اوى الوصف بتاع حضرتك
بس انا هوصف لك كده
انت بعد المترو في الجامع بتدخل شمال
في شمالك ابراج عفيفي
وفي يمينك التبة
انت رحت عند انى
المهم الاتنين بداية 4.5
بس اللى عايز اعرفه من حضرتك حبة اسئلة يريت تجاوب لنا عليها علشان لو اقدر افيدك والله ما هتاخر ان شاء الله

1- الراجل اللى انت كلمته دا يطلع مين ( بواب العمارة - سمسار ف المنطقة - مكتب عقاري - صاحب العمارة )؟
2- هل حضرتك رحت له بواسطة او من طرف حد ؟
3- المنطقة عند التبة او فوقيها ( والسؤال دا مهم جدااااااا )
4- العمارة اتبنت ولا اتحط فيها اساس ولا لسه ماتبنتش اساسا؟
5- قال لك 95 و 85 صافي؟
انا على فكره رحت شفت شقق ف كل اطراف عزبة الهجانة ( اخر مترو مصطفى النحاس - مخازن السلاب - خلف مساكن الشروق )
ال 3 شقق 100 فاكتر
دخلت الشقق
من الاخر خاااالص صافي 80 متر
طبعا اتخنقت
بتاع عزبة الهجانة ( خلف مساكن الشروق ) قال لى :---

انا يا بيه بوريلك الشقة علشان اعرفك هي مساحتها اد ايه
وقال لى حاجة مهمه جدا ( ودي علشان ماتقعش فيهااا )

انا مببيعش لك الشقة بالمتر
انا بقول لك الشقة هتتكلف كزا قسط
وكزا كاش
وحضرتك بتشوفها بتقول هي مناسباك ولا لا
لذلك اخى الكريم

تحذييييييييييييييييييييييير

اوعى تكتب عقد
او تدفع فلوس
الا لما تشوف شقة ف العمارة
تدخلها وتشوفها
رجاااااااااااااااااااااء
اوعى تعمل اى حاجة
هو ممكن يخليلك من البحر طحينه
ويديلك خصومات ( ف دماغك تفتكر الراجل محترم ومؤدب وبتاع ربنا
ويقول لك انا عملت هنا كزا عمارة
وانا معروف ومش معروف والكلام دا
اوعىىىىىىىىىىىىىىى
اوعىىىىىىىىىىىىىىى
اوعىىىىىىىىىىىىى
تدفع اى مليم الا لما تشوف مساحة الشقة هتصفصف على كام
وانا من دلوقتى بقول لك
الشقة ال 95 متر ( صافيها اخره خااااالص 70 : 75 ) متر
الشقة ال 85 متر ( صافيها اخره خالص 60 : 65 ) متر
اوعى تعمل حاجة الا لما تشوف الشقة
لو شفت شقة وقال لك شقتك هتبقى زي كده
ما تصدقش
لما تدفع الفلوس
وياخد اللى هو عايزة
هيقول لك
سوري ف التعبير
مطرح ما تحط راسك حط رجليك
وهيبقى في شرط جزائي انت مش اده
والقانون لا يحمي ........

ملحوظة : اذا كنت دورت مليوووووون مرة واكتسبت خبرة لف وتدوير
فهو باااااع مليون مليووووووووون مرة واكتسب مهارة ودقة وخبرة اكتر منك كتييييييييير اوى
يريت لو حد قال لك ان الراجل دا ثقة
او اتعامل معاه
اكتب كل حاجة ف العقدوخد معاك محامى
على الرغم
من ان المبلغ اللى معاك ك مقدم
ممكن تلاقي حته احسن وافضل من دي
مش مميزات شقة
ولكن مميزات مكان من ناحية بعدها من 4.5
انا ساكن اساسا جنب 4.5
مساكن ضباط الماظة
انا شفت 4.5 اكتر من 20 سنه
وسمعت وحصل قدامي وشفت مواقف لا استطيع حكيها
ولكن انت ممكن تسكن قرب ( الزاوية - البطنية - عزبة المسلمين - .....)
ولكن نصيحة ابعدوا كل البعد عن هذه المنطقة الموبوووووووووووووووووءة

اعتذر لو كنت قلت الفاظ او امثال مش المفروض انى اقولها
ولكن اقسم بالله اللى تتهز له سبع سماوات
انا ما اقصد الا انى ادل اخى المسلم الى الطريق ( اللى من وجهة نظري ) افضل من غيره
واسف عالاطالة
وربنا يرزقني ويرزق كل الشباب المحتاج شقة

ملحوظة هامة ( انا عارف انى رغاااااي جدا )
لازم تعرف ميعاد التسليم

العمارة انشاءها من اول ما يبدا الحفر للاساسات الى التشطيب النهائي ممكن تاخد لها بتاع 5 / 6 شهور
وانت دلوقتى هتدفع مقدم
ويقول لك التسليم اول 2011
او نهاية 2010
الخ
هو المستفيد
ضمن واحد اخد الشقة
وهو من الناحية الثانية
بينتظر ( وهو متاكد )
ان سعر الحديد والاسمنت
بيرخصوا
لحد لما يلاقي السعر اللى عاجبه
وهو مش هيخسر حاجة الشقة كده كده هتتسلم ف معادها
( دا لو اتسلمت اساسا ف ميعادها )
لانه لو ما سلمهالكش ف ميعادها هتروح تشتكيه؟
ما بني على باطل ف هو باطل
الارض بدون ترخيص
وحتى لو قالوا لك انهم هيجيبولك حقك
ساعتها هتلاقيه هيسلمك الشقة ( شوف بقى هتاخد منك وقت اد ايه )

في كلا الاحوال هو الكسبان
رأيي
دور على شقة منتهية هتدفع وتستلم

وربنا يكرمك وتلاقى اللى انت عايزه
ااااااااااااااااااسف ااسف اسف عالاطالة
ارجو انى اكون افدت حضرتك
وانا تحت امرك
محمد جودة

himahamid

22-04-2009, 06:16 PM

بجد انت ما حصلتش تسلم ايدك اللى بتكتب كلام ينور الناس و ربنا يغفر لك و يرحم صديقك و المسلمين اجمعين.

momo100010

22-04-2009, 11:44 PM

بجد انت ما حصلتش تسلم ايدك اللى بتكتب كلام ينور الناس و ربنا يغفر لك و يرحم صديقك و المسلمين اجمعين.

اخي الكريم
اشكرك على الكلام الجميل دا
وربنا يخليك
ويوفقنا كلنا ويكرمنا كلنا

moso100

23-04-2009, 03:58 AM

سلامو عليكم يا جماعة انا كنت بدور على شقة و مش لاقى برده بس لاقيت اعلان عن شقة ايجار فانون قدبم فى حتة اسمها حدائق المعادى طالب 73 الف و ايجار 500 جنيه بس انا الحقيقة مش عارف الحتة ديه ليه نظامها و هل هى زى الزهراء كدة فى مدينة نصر ولا ايه يا ريت ياجماعة حد يفيدنى و الشقة مكتوب انها قريبة من شارع اسمو شارع 9

shalaby2001

23-04-2009, 05:30 AM

سلامو عليكم يا جماعة انا كنت بدور على شقة و مش لاقى برده بس لاقيت اعلان عن شقة ايجار فانون قدبم فى حتة اسمها حدائق المعادى طالب 73 الف و ايجار 500 جنيه بس انا الحقيقة مش عارف الحتة ديه ليه نظامها و هل هى زى الزهراء كدة فى مدينة نصر ولا ايه يا ريت ياجماعة حد يفيدنى و الشقة مكتوب انها قريبة من شارع اسمو شارع 9

باشا ليه
هو 73000 دول بقم خلو و 500 دول ايجار قديمممممممممممممممممممم
ينهار مش باينه ليه ملامح

momo100010

23-04-2009, 07:35 AM

سلامو عليكم يا جماعة انا كنت بدور على

شقة و مش لاقى برده بس لاقيت اعلان عن شقة ايجار فانون قدبم فى حتة اسمها

حدائق المعادى طالب 73 الف و ايجار 500 جنيه بس انا الحقيقة مش عارف

الحتة ديه ليه نظامها و هل هى زى الزهراء كدة فى مدينة نصر ولا ايه يا

ريت ياجماعة حد يفيدنى و الشقة مكتوب انها قريبة من شارع اسمو شارع 9

اخى الكريم
انا سمعت عن الاماكن دي
بس اللى ( سمعته ) برده
انها عند مزارع وارض زراعية
اللى خلى عزبة الهجانة بكل اطرافها ( تتمحك
ف زهراء مدينة نصر )
ليه الاماكن دي ما تعملش زيهم ف المعادي
مع الوضع ف الاعتبار ان دي المعادي
والسعر دا انت بجد متعرفش تاجر بيه روووووف
دا من ناحية
ومن
ناحية تانية
اكييييييييييييييييييييييييييييييد
من غير ترخيص بناء
ومن ناحية تالته بقى ومهمه
انت ممكن جداااااا
بالمبلغ دا (73 الف مقدم و ايجار 500 جنيه )
تجيب لك شقة وتبقى تمليك مش ايجار

ويريت اخى الكريم تشوف المنطقة دي ايه ظروفها

وتفيدنا

وربنا يقدم لنا اللى فيه الخير ان شاء الله

kanee

23-04-2009, 07:54 PM

بداية اشكرك اخى الكريم على الكلام الجميل دا
وطبعا انت كده رحت عند الطرف الثالث من عزبة الهجانة ( اخر مترو مصطفى النحاس )
انا للاسف ما فهمتش اوى الوصف بتاع حضرتك
بس انا هوصف لك كده
انت بعد المترو في الجامع بتدخل شمال
في شمالك ابراج عفيفي
وفي يمينك التبة
انت رحت عند انى
المهم الاتنين بداية 4.5
بس اللى عايز اعرفه من حضرتك حبة اسئلة يريت تجاوب لنا عليها علشان لو اقدر افيدك والله ما هتاخر ان شاء الله

1- الراجل اللى انت كلمته دا يطلع مين ( بواب العمارة - سمسار ف المنطقة - مكتب عقاري - صاحب العمارة )؟
2- هل حضرتك رحت له بواسطة او من طرف حد ؟
3- المنطقة عند التبة او فوقيها ( والسؤال دا مهم جدااااااا )
4- العمارة اتبنت ولا اتحط فيها اساس ولا لسه ماتبنتش اساسا؟
5- قال لك 95 و 85 صافي؟
انا على فكره رحت شفت شقق ف كل اطراف عزبة الهجانة ( اخر مترو مصطفى النحاس - مخازن السلاب - خلف مساكن الشروق )
ال 3 شقق 100 فاكتر
دخلت الشقق
من الاخر خاااالص صافي 80 متر
طبعا اتخنقت
بتاع عزبة الهجانة ( خلف مساكن الشروق ) قال لى :---

انا يا بيه بوريلك الشقة علشان اعرفك هي مساحتها اد ايه
وقال لى حاجة مهمه جدا ( ودي علشان ماتقعش فيهااا )

انا مببيعش لك الشقة بالمتر
انا بقول لك الشقة هتتكلف كزا قسط
وكزا كاش
وحضرتك بتشوفها بتقول هي مناسباك ولا لا
لذلك اخى الكريم

تحذييييييييييييييييييييييير

اوعى تكتب عقد
او تدفع فلوس
الا لما تشوف شقة ف العمارة
تدخلها وتشوفها
رجاااااااااااااااااااااء
اوعى تعمل اى حاجة
هو ممكن يخليلك من البحر طحينه
ويديلك خصومات ( ف دماغك تفتكر الراجل محترم ومؤدب وبتاع ربنا
ويقول لك انا عملت هنا كزا عمارة
وانا معروف ومش معروف والكلام دا
اوعىىىىىىىىىىىىىىى
اوعىىىىىىىىىىىىىىى
اوعىىىىىىىىىىىىى
تدفع اى مليم الا لما تشوف مساحة الشقة هتصفصف على كام
وانا من دلوقتى بقول لك
الشقة ال 95 متر ( صافيها اخره خااااالص 70 : 75 ) متر
الشقة ال 85 متر ( صافيها اخره خالص 60 : 65 ) متر
اوعى تعمل حاجة الا لما تشوف الشقة
لو شفت شقة وقال لك شقتك هتبقى زي كده
ما تصدقش
لما تدفع الفلوس
وياخد اللى هو عايزة
هيقول لك
سوري ف التعبير
مطرح ما تحط راسك حط رجليك
وهيبقى في شرط جزائي انت مش اده
والقانون لا يحمي ........

ملحوظة : اذا كنت دورت مليوووووون مرة واكتسبت خبرة لف وتدوير
فهو باااااع مليون مليووووووووون مرة واكتسب مهارة ودقة وخبرة اكتر منك كتييييييييير اوى
يريت لو حد قال لك ان الراجل دا ثقة
او اتعامل معاه
اكتب كل حاجة ف العقدوخد معاك محامى
على الرغم
من ان المبلغ اللى معاك ك مقدم
ممكن تلاقي حته احسن وافضل من دي
مش مميزات شقة
ولكن مميزات مكان من ناحية بعدها من 4.5
انا ساكن اساسا جنب 4.5
مساكن ضباط الماظة
انا شفت 4.5 اكتر من 20 سنه
وسمعت وحصل قدامي وشفت مواقف لا استطيع حكيها
ولكن انت ممكن تسكن قرب ( الزاوية - البطنية - عزبة المسلمين - .....)
ولكن نصيحة ابعدوا كل البعد عن هذه المنطقة الموبوووووووووووووووووءة

اعتذر لو كنت قلت الفاظ او امثال مش المفروض انى اقولها
ولكن اقسم بالله اللى تتهز له سبع سماوات
انا ما اقصد الا انى ادل اخى المسلم الى الطريق ( اللى من وجهة نظري ) افضل من غيره
واسف عالاطالة
وربنا يرزقني ويرزق كل الشباب المحتاج شقة

ملحوظة هامة ( انا عارف انى رغاااااي جدا )
لازم تعرف ميعاد التسليم

العمارة انشاءها من اول ما يبدا الحفر للاساسات الى التشطيب النهائي ممكن تاخد لها بتاع 5 / 6 شهور
وانت دلوقتى هتدفع مقدم
ويقول لك التسليم اول 2011
او نهاية 2010
الخ
هو المستفيد
ضمن واحد اخد الشقة
وهو من الناحية الثانية
بينتظر ( وهو متاكد )
ان سعر الحديد والاسمنت
بيرخصوا
لحد لما يلاقي السعر اللى عاجبه
وهو مش هيخسر حاجة الشقة كده كده هتتسلم ف معادها
( دا لو اتسلمت اساسا ف ميعادها )
لانه لو ما سلمهالكش ف ميعادها هتروح تشتكيه؟
ما بني على باطل ف هو باطل
الارض بدون ترخيص
وحتى لو قالوا لك انهم هيجيبولك حقك
ساعتها هتلاقيه هيسلمك الشقة ( شوف بقى هتاخد منك وقت اد ايه )

في كلا الاحوال هو الكسبان
رأيي
دور على شقة منتهية هتدفع وتستلم

وربنا يكرمك وتلاقى اللى انت عايزه
ااااااااااااااااااسف ااسف اسف عالاطالة
ارجو انى اكون افدت حضرتك
وانا تحت امرك
محمد جودة

اولا يا اخى انا بشكرك على ردك واهتمامك وبجد يا اخى ربنا يباركلك وجزاك الله كل خير وانا اسف جدا انى ماعرفتش ارد عليك كل ده عشان ماكنتش بدخل على النت للاسف غصب عنى

انا هقولك يا اخى بالظبط انا روحت فين بالظبط انا رحت شارع اسمه جمال حمدان اللى هو اخر مصطفى النحاس يعنى اخر شارع مصطفى النحاس بتلاقى التبه العاليه دى فى وشك بتدخل قبلها شمال وان شاء الله هحاول اصورلك المنطقه والبيوت اللى هناك

-1 الراجل اللى انت كلمته دا يطلع مين ( بواب العمارة - سمسار ف المنطقة - مكتب عقاري - صاحب العمارة )؟

الراجل ده صاحب العماره وبانى هناك كذا عماره

2- هل حضرتك رحت له بواسطة او من طرف حد ؟

انا رحتله عن طريق واحد صاحب بابايا ساكن هناك ويعرف الراجل ده وقالى انا اضمنه برقبتى

3- المنطقة عند التبة او فوقيها ( والسؤال دا مهم جدااااااا )؟
لأ تحت التبه العاليه هو الشار عمودى على مصطفى النحاس مباشره

4-
العمارة اتبنت ولا اتحط فيها اساس ولا لسه ماتبنتش اساسا؟
العماره اتحط الاساس بتاعها وكان بيرمى الخرسانه يعنى لسه كان بيعمل فى البدروم

5- قال لك 95 و 85 صافي؟

اه صافى وورانى رسم بيانى بالشقه ومقاسات الغرف والحمامات وكل حاجه وقالى انا ملتزم اسلمك بالسنتميتر

وبجد ياباشا انا مش عارف اقولك غير جزاك الله كل خير وربنا يقدرك وتقدر تساعدناوانا قولتلك كل اللى عارفه عن الشقه ومنتظر ردك بفارغ الصبر

moso100

24-04-2009, 12:25 AM

بلنسبة يا جماعة للايجار القديم ايه رايكم فيه انا بفكر فيه بجد بس مش عارف حاسس ان فيه حاجة غلط ايه الى يجبر صاجب عمارة جديدة انو يخليها كده و انا معروض عليا شقة ايجار قديم برده فى شبرا على 40 الف و ايجار 600 جنيه

momo100010

24-04-2009, 01:43 AM

[QUOTE=kanee;1057999018]اولا يا اخى انا بشكرك على ردك واهتمامك وبجد يا اخى ربنا يباركلك وجزاك الله كل خير وانا اسف جدا انى ماعرفتش ارد عليك كل ده عشان ماكنتش بدخل على النت للاسف غصب عنى

انا هقولك يا اخى بالظبط انا روحت فين بالظبط انا رحت شارع اسمه جمال حمدان اللى هو اخر مصطفى النحاس يعنى اخر شارع مصطفى النحاس بتلاقى التبه العاليه دى فى وشك بتدخل قبلها شمال وان شاء الله هحاول اصورلك المنطقه والبيوت اللى هناك

-1 الراجل اللى انت كلمته دا يطلع مين ( بواب العمارة - سمسار ف المنطقة - مكتب عقاري - صاحب العمارة )؟

الراجل ده صاحب العماره وبانى هناك كذا عماره

الاخ الكريم
بداية :-
ربنا يخليك ويجزينا كلنا خير
ولا يهمك
ويارب المانع يكون خير
نيجي بقى للمهم

-1 الراجل اللى انت كلمته دا يطلع مين ( بواب العمارة - سمسار ف المنطقة - مكتب عقاري - صاحب العمارة )؟

الراجل ده صاحب العماره وبانى هناك كذا عماره

عــــــــــــادي جداا
ومش دا اللي يخليك مطمئن

2- هل حضرتك رحت له بواسطة او من طرف حد ؟
انا رحتله عن طريق واحد صاحب بابايا ساكن هناك ويعرف الراجل ده وقالى انا اضمنه برقبتى

سيبك من الكلام دا
وقت الجد
مفيش حد بيعرف حد
( انا جربت الموضوع دا بس مش ضمان بالرقبة ضمان بحاجات اكتر بكتييييييير )
ف عربية
ولحد دلوقتى مش عارف اخلصها
والضامن والمضمون
خرجوا برا الحوار
وكل حاجة مع الوقت بتتنسي

3- المنطقة عند التبة او فوقيها ( والسؤال دا مهم جدااااااا )؟
لأ تحت التبه العاليه هو الشار عمودى على مصطفى النحاس مباشرة

4.5 اخى الكريم
وبالمناسبة
حصل معايا النهاده مووقفين وانا ف 4.5
انا كنت راجع من بره على طريق مصر - السويس
وعندنا كوبري بيتبني فلازم اعدى من قدام 4.5 علشان الف وادخل منطقتي
المهم اخويا كان عايز كارت شحن
فقال لى اان عارف واحد هنا
وطبعا استنيته ف العربية ومدي انتظار

والله والله والله والله والله والله دا حصل وربنا على ما اقول شهيد
لاقيت واحد جاي بيقول لي

بني يا باشا
قلت له نعم!!!
ومش مجمع
لاقيته بيقول لى بني؟
وبيشاور لي على سجارة
فطبعا فهمت انه اصده على .........
كلنا عارفين طبعا
ولما اصريت انى ماليش ف السجاير حتى
قال لى بس خد رقم ال ت بس
وانا ف الخدمة
ولما اخويا رجع وحكيت له
وروحنا مالاقاش الموبيل
ومانعرفش اذا كان بتاع السجارة البني ولا الراجل اللى اخويا اشترى منه الكرت
لانه متوقع ان الراجل بتاع الستنرال هو اللى اخده
وبيحلف لى انه حاسس ان بتاع الستنرال
والله لحد مانا بكتب التعليق دا اخويا هنااااااك واقف ف 4.5 بيدور على الموبيل وبيحاول يلاقيه

انا لله وانا اليه راجعون

4-
العمارة اتبنت ولا اتحط فيها اساس ولا لسه ماتبنتش اساسا؟
العماره اتحط الاساس بتاعها وكان بيرمى الخرسانه يعنى لسه كان بيعمل فى البدروم

الله اعلم هتخلص امتى
ولا قال لك ميعاد تسليم ؟ برجاء التوضيح

5- قال لك 95 و 85 صافي؟

اه صافى وورانى رسم بيانى بالشقه ومقاسات الغرف والحمامات وكل حاجه وقالى انا ملتزم اسلمك بالسنتميتر

اسف ف اللفظ
بس ابقى قابلني
ومرة اخرى

اذا كنت دورت مليوووووون مرة واكتسبت خبرة لف وتدوير
فهو باااااع مليون مليووووووووون مرة واكتسب مهارة ودقة وخبرة اكتر منك كتييييييييير اوى

وربنا يوفقك اخى الكريم
وتلاقى الشقة اللى انت عاييزها
ويارب اكون نقلت لك وجهة نظري
ما اقوله راي
وما تتخذه قراااااار

وانصحك بالاستخااااارة قبل اى شئ

starsong

24-04-2009, 03:53 AM

طيب يا جماعة هل حد لف فى التجمع التالت فى المحليات التالته او الرابعه او الخامسه و شاف مساكن الشباب و الشقق الاستثمارى نظامها ايه ؟؟؟؟؟؟؟؟

انا كده من فترة كنت دخلت شقق الشباب ال 70 م و الشهادة لله ال 70 م

هناك و اخده حقها جدا زيها زى شقة 100-110 م فى م نصر حيث الحراميه ! هناك انا عرفت ان الشقق بتوكيلات و تمنها فى حدود 100-130
الف مع قسط 80ج لمدة 20 سنة بالنسبه لشقق الشباب ال 70

و على فكرة المنطقة هناك جميله جدا جدا و مواصلاتها كتير يعنى و لا تقولى زهراء و لا 4.5 و لا المناطق التعبانة دى

momo100010

24-04-2009, 11:08 AM

بلنسبة يا جماعة للايجار القديم ايه رايكم فيه انا بفكر فيه بجد بس مش عارف حاسس ان فيه حاجة غلط ايه الى يجبر صاجب عمارة جديدة انو يخليها كده و انا معروض عليا شقة ايجار قديم برده فى شبرا على 40 الف و ايجار 600 جنيه

انا هقول لك رأيي
ومن وجهة نظري اللي بياجر شقة ايجار قديم
اللي ياجر شقة ايجار قديم بيبقى كسباااااااان جدااااااااا
واكتر من اللي بيبيع بمرااااااااااااحل كتييييييييير اوي
مثلا :-
الراجل بيخليك تدفع 40.000 مقدم
ودا ممكن يجيب له تمن بناء الدور
يعني الراجل هياخد حقه من المقدم
ويبقى القسط
600 جنيه * 59 سنه
ولا 900 جنيه * 10 سنين
اكيد الاولى
600 جنيه * 59 سنه
ومش بس كده
لا كمان لما بتنتهي المدة المحددة
بيرجع له العقار كاااااااامل متكامل
يعني دخل ثابت مالا يقل عن 10.000 جنيه شهري
لمدة 59 سنه
وبعد كده بيرجع له ملكه تانى
وانا من رأيي
انت تضغط على فسك 50 / 60 شهر
تدفع بدل 600 900
وتجيب شقة
تمليييييييييك

وطبعا دا وجهة نظري

momo100010

24-04-2009, 11:11 AM

طيب يا جماعة هل حد لف فى التجمع التالت فى المحليات التالته او الرابعه او الخامسه و شاف مساكن الشباب و الشقق الاستثمارى نظامها ايه ؟؟؟؟؟؟؟؟

انا كده من فترة كنت دخلت شقق الشباب ال 70 م و الشهادة لله ال 70 م

هناك و اخده حقها جدا زيها زى شقة 100-110 م فى م نصر حيث الحراميه ! هناك انا عرفت ان الشقق بتوكيلات و تمنها فى حدود 100-130
الف مع قسط 80ج لمدة 20 سنة بالنسبه لشقق الشباب ال 70

و على فكرة المنطقة هناك جميله جدا جدا و مواصلاتها كتير يعنى و لا تقولى زهراء و لا 4.5 و لا المناطق التعبانة دى

يريت لو انت لفيت
تنقل لنا الصورة كاملة ف موضوع
او تشرحه لنا على الاقل
ال 70 متر ب 130 الف + 80 جنيه؟
هو دا اللى اصد حضرتك عليه؟
طيب ما اللى يخلي معايا 130 الف جنيه
مانا اجي شقة بقى اخلص
الموضوع دا يا اخى الكريم
للشباب اللى معاه مقدم لا يزيد عن ال 50 الف
وممكن يقسط
يريت تنقل لنا الصورة واضحة
ونشكرك على تعاونك

rolex2

24-04-2009, 03:11 PM

جزيل الشكر للاخ صاحب الموضوع ولكل من قدم معلومة وجزاهم الله جميعا خيرا وانا متابع للموضوع واستفدت كثيرا .

hisamrain

24-04-2009, 04:44 PM

الف شكر لحضرتك على موضوعك المفيد والرائع انا برده دورت على شقة فى زهراء مدينة نصر والحمد لله انى معجبنيش حاجة فيها والفترة دى فى ناس بتقولى متشوف فى فيصل بس اللى انا بسمعه عن فيصل ان فيها مشاكل فى التراخيص والمياه والكهرباء وطبعا المواصلات فهل حضرتك رحت هناك وسالت عن المناطق الكويسة اللى فى فيصل واسعارها فى حدود كام ياريت حضرتك تفدنى عن الموضوع ده لو عند حضرتك معرفة عن المناطق اللى هناك

وشكرا لحضرتك

momo100010

24-04-2009, 09:16 PM

الف شكر لحضرتك على موضوعك المفيد والرائع انا برده دورت على شقة فى زهراء مدينة نصر والحمد لله انى معجبنيش حاجة فيها والفترة دى فى ناس بتقولى متشوف فى فيصل بس اللى انا بسمعه عن فيصل ان فيها مشاكل فى التراخيص والمياه والكهرباء وطبعا المواصلات فهل حضرتك رحت هناك وسالت عن المناطق الكويسة اللى فى فيصل واسعارها فى حدود كام ياريت حضرتك تفدنى عن الموضوع ده لو عند حضرتك معرفة عن المناطق اللى هناك

وشكرا لحضرتك

اخى الكريم
بداية انا برحب بحضرتك ف الموضوع بتاعنا
ويارب يكون افادك ف شئ
وبالنسبة لفيصل انا كنت بفكر فيها
الهرم كله ملياااااان شقق ( وبالاخص فيصل )
ولكن انا بعدت عنها للاسباب الاتية :-
1- بعدها عن محل العمل ( اللى صعبي انه يتغير ف الوقت الحالى او بعد 5 سنين على الاقل ( مدينة الشروق ))
2- ما سمعته من صعوبة كبيرة ف ان العمارة كلها يدخل لها المرافق من مياة وكهرباء وتليفونات ....الخ
اظن انه تم حل موضوع التليفونات باللتليفونات الهوائية اللي زي الموبيلات بشبكة ولكنك بتحاسب عليها كانك تليفون منزل )
لكن الكهرباء - المياة - الصرف ...الخ لسة مفيش اى اخبار عنها
3- موضوع كده كنت سمعت عنه الا وهو
المياة الجوفية اللى مالية فيصل لدرجة ان واحد صحبي قال لى ان خاله ه و والاسرة بتاعته راح اجر ف مكان وساب الشقة بتاعته ( ف فيصل ) بسبب المياة الجوفية
ولكن انا ماعرفش مدى صحة الكلام دا
وعلشان كده انا ماتعاملتش مع فيصل الا بالحدود دي
وعلى فكره
اظن ان الاسعار متقاااربة جدااااااااااا بينها وبين زهراء مدينة نصر
واتمنى انى اكون وضحت لحضرتك وجهة نظري

يا جماعة هااااانت
قربت اخلص جمع المعلومات عن التمويل العقاري
وان شاء الله قبل بداية شهر 5 هيكون موجود
والله الموفق

hisamrain

25-04-2009, 12:49 AM

الف شكر ليك وربنا يكرمك إن شاء الله لانك بتفيد ناس كتير بموضوعك ده

mansour_tamer

25-04-2009, 02:34 AM

جزاك الله خير

momo100010

25-04-2009, 01:51 PM

يا جماعة هااااانت
قربت اخلص جمع المعلومات عن التمويل العقاري
وان شاء الله قبل بداية شهر 5 هيكون موجود
والله الموفق

ـ®ـkInG eGyـ®ـ

25-04-2009, 06:34 PM

مشكور ع الموضوع الرائع دة
وجعله الله فى ميزان حسناتك

roshi_xp

26-04-2009, 08:49 AM

فعلاً . موضوع رائع احييك عليه وبشدة .. ولو عند حد فكرة عن منطقة حدائق الأهرام يا جماعة ياريت يقولنا شوية معلومات عنها والاسعار اخبارها ايه هناك

basskhalas

26-04-2009, 04:15 PM

اولا جزاك الله خيرا ورزقك ما تتنمنى و|أكثر
ورحم الله صديقك وأسكنه فسيح جناته وربنا يظلكما فى ظله يوم الحساب ان شاء الله

وانا رحت بالفعل ف الشروق
واسعار الشروق مشكلتهاف انها بعيدة جدا عن بعض
يعنى انا شفت شقق ب 75 او 85 الف جنيه ( كاش طبعا ) حوالى 75 / 80 متر
ورحت ل مكتب اسمه ( سوليوشن )
وياريتني ما رحت
سعر المتر حوالى 1750 جنيه ( مش عرف ليه )
واقل مساحة 125 متر
يعنيالشقة عملت لها حوالي 270 الف جنيه
انا معايا البلان شيت بتاع المشروع كله
ولكن ما يناسبنيش انا شخصيا خاااااالص
لانه طالب مقدم 55.000
وقسط شهري 2300 جنيه

والراجل كتر الف الف الف خيره
قال لى انا ممكن اخلي لك القسط الف جنيه
واخر السنه تديني دفعة سنوية تغطي الاقساط دي

لو حد عايز يشوف البلان شيت بتاع المشروع بتاع الشركة دي
انا ممكن احطها

هأستاذنك وبشدة ف البلان شييت
وجزاك الله خيرا
وان شاء الله تلاقى اللى يناسبك ف الشقة والعربية

WANTED45

27-04-2009, 12:32 PM

مبدئيا انا بشكرك بشده على الموضوع الاكثر من رائع ويا ريت تكلمنى اكتر عن منطقه 6 اكتوبر لانى ناوى قريب انى اشترى فيها وياريت تقولى على موقعين او تلاته اقساطهم ونظامهم معقول

momo100010

27-04-2009, 04:57 PM

فعلاً . موضوع رائع احييك عليه وبشدة .. ولو عند حد فكرة عن منطقة حدائق الأهرام يا جماعة ياريت يقولنا شوية معلومات عنها والاسعار اخبارها ايه هناك

اخى الكريم
اولا اشكرك على الكلام الجميل دا
ولكن انا شخصيا ماعنديش فكرة عنها
الا ان اقل مساحة هناك 100 متر ان وجدت
يعني اظن انها اكتر من 100 متر كمان
ولكن
المتر غالي
اغلى من 1000 جنيه
بكتيير
يعني سعر الشقة هيبقى اكتر من 130 الف جنيه
على الاقل
والموضوع دا احنا عاملينه
علشان الشباب اللى محتاج شقق سعرها ( رخيص )
يعني مقدم لا يزيد عن 40.000 جنيه
وقسط شهري لا يزيد عن 700 جنيه
واتمنى لو في حد دخل هنا ويعرف اى حاجة عن الموضوع بتاع حدائق الاهرام
يدل حضرتك
وان شاء الله ربنا يكرمك
وتلاقي الشقة اللى حضرتك بتتمناها
اعتذر لك مرة اخرى لعدم قدرتي على افادتك

momo100010

27-04-2009, 05:12 PM

اولا جزاك الله خيرا ورزقك ما تتنمنى و|أكثر
ورحم الله صديقك وأسكنه فسيح جناته وربنا يظلكما فى ظله يوم الحساب ان شاء الله

هأستاذنك وبشدة ف البلان شييت
وجزاك الله خيرا
وان شاء الله تلاقى اللى يناسبك ف الشقة والعربية

اخى الكريم
اولا اشكرك وبشدة على دعاءك لصديقي ولى
وان شاء الله
انا هاصور لك البلان شيت بتاعة المشروع
وانا كنت واخد سي دي فيها الواجهات
انا بدور لك عليها والله
لكن مش لاقيها حاليا
وانا بكتب لحضرتك الاسعار والمساحات وهحطه ف ملفات وورد
وانزلهم هنا ان شاء الله
وهيكون جاهز لحضرتك
ف مدة اقصاها
بكره عصرا
وهبعت لحضرتك رسالة خاصة
لما استكمل ارفاق الصور والملفات المطلوبة

اما بالنسبة للاخ الكريم wanted45
بعد الترحيب بحضرتك كعضو جديد ف المنتدى عامة
وف الموضوع خاصة
فاانا برحب بحضرتك مبدئيا
واعتذر لك ايضا
انى ماعرفش اوى عن 6 اكتوبر ومناطقها
ودا للاسف لظروف تم ذكرها من قبل
واتمنى ان حد هنا يقدر يساعدك
وان شاء الله ربنا يوفقك
وتلاقي طلبك باذن الله

واشكر كلا من الاخ roshi_xp والاخ kingegy على متابعة الموضوع
شكرا لمروركم

HeEsH@M

28-04-2009, 03:57 PM

الف شكر على الموضوع

و انا يا باشا عندى استفسار محدد

هل ممكن الاقى شقة فى القاهرة او المدن الجديدة بمقدم من 10 الى 15 الف جنية ؟؟

و ممكن تقولى اسعار القانون الجديد فى حدود كام فى مدينة نصر بس تكون منطقة كويسة

و شكرا يا باشا مقدما

monir_5m

28-04-2009, 04:41 PM

مجهود رائع وفي انتظار التمويل العقارى لانه موضوع مهم و المعلومات فيه قليلة...

بالنسبة لحدائق الاهرام..انا ضفتلكوا نبذة عن المنطقة من اعلان شركة عقارية شغالة هناك..

الاعلان

هي منطقة سكنية فقط محددة بحرم خاص وحراسة وأمن ولها ستة بوابات أشهرها بوابة خوفو،خفرع,ومنقرع.
الخدمات والمحلات التجارية بمولات وأسواق منفصلة عن المناطق السكنية ويقع بداخل المنطقة مدارس وفندق7 نجوم ونادي إجتماعي ورياضي ومولات بالإضافة لخدمات أخرى .
حدائق الاهرام تبعد مسافة 1.5كم عن ميدان نادي الرماية بالهرم {منطقة الفنادق} كما إنها على بعد خمس دقائق من المنطقة التجارية بشارع فيصل وشارع الهرم الرئيسي وكذلك فهي تتوسط المحور الدائري ومحور المنيب مما ييسرالإنتقال بين مناطق القاهرة والجيزة كما تقع حدائق الاهرام أمام مدخل المنطقة السياحية الجديد وأمام متحف الحضارة وأمام مدرسة مصر للغات وعلى بعد 15 دقيقة من ماجيك لاند ودريم بارك .
تتـميز حدائق الاهرام بأن ارتـفاع المباني خمسة ادوار والمبـاني على 50% من المساحة والباقي مسطحات خضراء كما تتـميز حدائق الأهرام بالهدوء والمناخ الجاف والهـواء النقي.

راى الخاص فى المكان

المنطقة من مميزاتها القرب من الهرم وفيصل والخدمات و مواصلاتها سهلة ومنطقة مناسبة جدا للناس اللى شغلها فى محافظة الجيزة وكمان الدائرى بيخليك فى ميدان لبنان بسرعة فلو شغلك فى القاهرة برضه معقوله

من عيوبها الزحمة الزائدة عن الحد خصوصا بمنطقة الرماية الهرم ووفيصل..

الاسعار

غالبا معظم الشقق هناك اكثر من 100 متر زى ما قال momo

سعر المتر الكاش يتراوح من 950 لحد 1300 على حسب المميزات كالقرب من البوابات بحرى ولا قبلى الخ...

سعر المتر للتقسيط بيكون من 1300 لحد 1500 وغالبا بيكون فترات قصيرة يعنى سنتين او تلاتة مثلا...

الاسعار اللى فاتت طبعا للشقق نصف تشطيب كمان فى هناك منطقة لكابلات الكهرباء يفضل الشقة تكون بعيده عنها وهتلاقوا معظم الاعلانات يقولك بعيده عن كابلات الضغط العالى...

بس خلاص وربنا يوفق الجميع

momo100010

28-04-2009, 11:57 PM

الف شكر على الموضوع

و انا يا باشا عندى استفسار محدد

هل ممكن الاقى شقة فى القاهرة او المدن الجديدة بمقدم من 10 الى 15 الف جنية ؟؟

و ممكن تقولى اسعار القانون الجديد فى حدود كام فى مدينة نصر بس تكون منطقة كويسة

و شكرا يا باشا مقدما

اخى الكريم
اولا اشكرك على الرد
واهلا بك ف الموضوع
وصراحة يا باشا علشان ما ابقاش كداب
انا مش تاجر عقارات
ولكنى من كتر ما لفيييييييييييييت
كتيييير اوى
ف الحمد لله عندى خبرة قليلة بحاول انقلها للناس على اد ما اقدر
ولكن للاسف ما اضحكش عليك
صعب جدا جدا جدا
انك تلاقى شقة بلمقدم دا
الا لو دورت كتيييير اوى
بص؟
انت ممكن تلاقى بس انا ماعرفش والله في بالظبط
اسف انى ما قدرتش افيدك
ولكنى هدور واسال لك وان شاء الله هتلاقى نتيجة
وما تقلقش ولا تفقد الامل
اكييييييد في
بس ممكن تلاقيه ايجار قديم وليس تمليك
والمنطقة هتكون شعبية شوية
وربنا يقدم اللى فيه الخير
ولكن تاكد ان
ربنا ما بينساش حد
وكلنا زيك والله

basskhalas

29-04-2009, 07:02 AM

[QUOTE=momo100010;1058059224][font="arial
وانا بكتب لحضرتك الاسعار والمساحات وهحطه ف ملفات وورد
وانزلهم هنا ان شاء الله
وهيكون جاهز لحضرتك
ف مدة اقصاها
بكره عصرا
وهبعت لحضرتك رسالة خاصة
لما استكمل ارفاق الصور والملفات المطلوبة[/

font]
جزاك الله خيرا وف الانتظار

momo100010

29-04-2009, 04:30 PM

اخى الكريم
basskhalas
دا اول فايل لشركة سوليوشن
وجاري استكمال الكتابة
اعتذر انى اتاخرت
ودا لظروف شغلي
انا صورت لك القائمة بتاعة الاسعار
بس هى مش واضحة فكتبت جزء منها دلوقتى
والجزء التانى بكتبه
وان شاء الله هنزله على بليل

momo100010

29-04-2009, 04:46 PM

بداية اعتذر انى ماعرفتش اعدل المشاركة الى فاتت
لان عدى الوقت المحدد لتعديلها
دي صور لقائمة الاسعار وفي ملفات وورد معاها لو مش واضحة
دا بناء على طلب الاخ العضو basskhalas

الصورة الاولى :-

http://www.iraqup.com/uploads/20090429/Q28Jh-kRf0_577600537.JPG (http://www.iraqup.com/)

الصورة الثانية :-

http://www.iraqup.com/uploads/20090429/Ckq5g-2XR2_95998855.JPG (http://www.iraqup.com/)

الصورة الثالثة :-

http://www.iraqup.com/uploads/20090429/127SG-gujJ_633304466.JPG (http://www.iraqup.com/)

الصورة الرابعة :-

http://www.iraqup.com/uploads/20090429/1tIar-L52K_226390933.JPG (http://www.iraqup.com/)

الصورة الخامسة :-

http://www.iraqup.com/uploads/20090429/1qT2N-v6oF_14527797.JPG (http://www.iraqup.com/)

ملحوظة :
انا مش عارف احط الصور ف المرفقات
ودا لان حجمها كبير جداااااااا
لو حد يعرف ازاى اصغرها
يريت يقول لى وانا هعملها لكم ف مرفقات

roshi_xp

01-05-2009, 01:59 AM

أخي momo100010 الف شكر ليك إنتا ولمجهودك الكبير اللى انتا عاملة ده , وربنا يجعله في ميزان حسناتك ان شاء الله

وأخي monir_5M , أشكرك كثيراً لردك السريع واستجابتك وشرحك الرائع لمنطقة حدائق الأهرام لإني كنت بسمع عنها كثير ومش عارف اى معلومة بخصوصها وذلك لظروف سفري خارج مصر , فلك مني كل التحية والتقدير

ولو انها طلعت غالية فعلا بالنسبة لينا كشباب في بداية الطريق وربنا يوفقنا جميعا الى الخير حيثما كان.

j.sark

01-05-2009, 08:05 PM

مشكوووووووووووووور

momo100010

01-05-2009, 08:24 PM

اشكر الاخوة الاعضاء roshi_xp و الاخ j.sark على المتابعة
وان شاء الله يبقى متجدد باستمرار

دكترة2010

01-05-2009, 08:45 PM

انا مش مصدق ان فى حد لسه فى القاهرة بيقطع من وقته عشان يساعد الناس!!!!!!!!!!!
اجزل الله لك العطاء والثواب...
اريد ان اعرف ما هى المناطق التى تنطبق على الموضوع..
يعنى مقدم اقل من 40000 بتقسيط شهرى معقول بحيث اقدر اختار منها اللى يناسب مكان عملى اللى هو فى غمرة يعنى حاجة مواصلاتها كويسة

raadson

02-05-2009, 08:20 PM

السلام عليكم ياشباب
أولا أحيكم وأحي أ/ محمد جوده علي المجهودات اللي بتعملوها
أنا أول مرة أشترك النهارده وعايز أعرف معلومات عن مشروع دجله جاردنز وهل هي كاملة التشطيبات ولا لا وجزاكم الله خيرا

momo100010

03-05-2009, 07:56 PM

انا مش مصدق ان فى حد لسه فى القاهرة بيقطع من وقته عشان يساعد الناس!!!!!!!!!!!
اجزل الله لك العطاء والثواب...
اريد ان اعرف ما هى المناطق التى تنطبق على الموضوع..
يعنى مقدم اقل من 40000 بتقسيط شهرى معقول بحيث اقدر اختار منها اللى يناسب مكان عملى اللى هو فى غمرة يعنى حاجة مواصلاتها كويسة

اشكرك اخى الكريم
لا يزال الخر في امتي حتى تقوم الساعة
وبالنسبة لاستفسار حضرتك
ال 40 الف مقدم تمام
والقسط حوالى اد ايه؟
وهل يناسبك زهراء مدينة نصر ولا بعيدة؟

وبالنسبة للأخ الكريم
raadson
طبعااااا انا برحب بيك ف المنتدى
وبرده شرف كبير ان اول مشاركة حضرتك تحطها تبقى هنا ف الموضوع دا
وبالنسبة لمشروع دجلة حضرتك هتلاقي تفاصيله كلها بالمرفقات ف الموضوع ف الصفحة الاولى ان شاء الله
ولو في اي استفسار تانى
حضرتك ممكن تسالنى فيه
وانا ان شاء الله لو اعرفه هقول لك ولو ماعرفهوش هديلك نمرة التليفون بتاعتهم وانت تكلمهم

mohamedzakiibra

04-05-2009, 12:44 AM

thank you very much very good effort

basskhalas

04-05-2009, 01:39 PM

جزاك الله خيرا عنى وعن كل مار وقارئ للموضوع خير الجزاء
غفر الله لصديقك
وجمع بينك وبين زوجتك عاجل غير آجل ان شاء الله

momo100010

04-05-2009, 04:48 PM

جزاك الله خيرا عنى وعن كل مار وقارئ للموضوع خير الجزاء
غفر الله لصديقك
وجمع بينك وبين زوجتك عاجل غير آجل ان شاء الله

اخى الكريم
انا والله ماعارف اشكر حضرتك ازاى على الدعوة الحلوة دي
الكلمة الطيبة صدقة
والله انا لو ينفع انزل ادور مع حضرتك
انا مستعج
ورقم تلسيفوني موجود
ةيارب تقبل منك يا رب

koshi

04-05-2009, 07:42 PM

alf shokr ya basha

المفكر.

05-05-2009, 08:14 AM

طب حد يا جماعه شاف الشقق اللى ورا المحمكة الدستورية العليا اللى فى المعادى او اللى قدام شويه ورا الكورنيش، الأسعار هناك حلوه بس انا بصراحه ما اعرفش النظام ايه هناك.
كنت سمعت واحد قبل كده بيقول ان المنطقه دى برضه وضع يد و ما فيهاش خدمات
لو حد يعرف حاجه يا ريت يفيدنا.

egy_lion

05-05-2009, 01:00 PM

شكرا علي المجهود الرائع
نسأل الله لك دوام التوفيق

hany_online3

05-05-2009, 11:09 PM

شكرا على الموضوع الجميل

momo100010

06-05-2009, 12:14 AM

اشكر الاخوة الافاضل
hany_online3
و
egy_lion
و
koshi
على المشاركة ف الموضوع
واتمنى انه يكون افاد حضراتك
اعتذر عن عدم نزول موضوع التمويل العقاري
وذلك لظروف الشغل
وان شاء الله يبقى جاهز قريب

أشرف رمزي

06-05-2009, 03:33 AM

لايمكن رؤية هذا المرفق الا بعد الرد على الموضوع

warstar

06-05-2009, 12:26 PM

thxxxxxxxxxxxxxxxxxxxxxxxxxx

momo100010

06-05-2009, 12:56 PM

لايمكن رؤية هذا المرفق الا بعد الرد على الموضوع

الاخوة الافاضل اللى بيدخلوا على الموضوع دا
انا والله ما عملت خاصية اخفاء المرفقات لحين الرد
الكلام دا من الادار ة
وانا ماليش دخل ف الموضوع دا
وسيتم رفع طلب بالغاء هذا الموضوع

mimoo2000

06-05-2009, 03:24 PM

موضوع ممتـــــاز

shemnem_

06-05-2009, 07:51 PM

shokran ya basha 3al maghod

mode1985

07-05-2009, 12:03 AM

alf shokr ya basha

dr.mada

08-05-2009, 03:31 PM

الله يكرمك ويجازيك خير عشان أنا برضة شاب مطحون و بدور على شقةز

mady007

08-05-2009, 07:25 PM

بجد انا كنت محتاج اعرف معلومات عن الموضوع دا
الف شكر

momo100010

08-05-2009, 08:50 PM

عفوا اخى الكريم
واتمنى انه يكون افادك

دكترة2010

08-05-2009, 10:41 PM

انا قصدي ايها الاخ الفاضل يعنى فى حدود 1000_1200 مثلا
(معلش انا اتأخرت فى الرد)

mahmoud_eng85

09-05-2009, 12:17 AM

tthx ya maaaaaaan

ahmed_lama

09-05-2009, 01:09 PM

شكرا للموضوع الرائع

last_dream

09-05-2009, 09:54 PM

فى اهرام الجمعه فى مشروع جديد على طريق مصر اسماعيليه الصحراوى اسمه(جاردنزالصبحى) ,بس انا حاسس انها لسه صحراء وقدامها سنتين على الاقل
حد عنده معلومات عنه.؟؟

shfshfshf

09-05-2009, 11:52 PM

موضوع هايل شكرا على مجهودك

mmnet_moh12345

10-05-2009, 08:37 AM

أخي الكريم
أريد شقة تمليك نصف تشطيب أو على الطوب الأحمر بالتقسيط الميسر بمقدم ما يزيد عن 60 ألف وقسط شهري ما يزيد عن 2500 جنية وشكرا

nobies

10-05-2009, 03:01 PM

السلأم عليكم

يا جماعه من فضلكم
انا عايز اجيب شقه بمقدم 20 الف وقسط ال1200
لو حد يعرف مكان ممكن اتعامل معاه او اروح اتعاقد منه
ممكن يدلنى

شكرا

Angel_88

10-05-2009, 04:24 PM

يا جماعة بجد موضوع هايل ربنا يكرمكم و يوفقنا و اياكم..

freesamurai2004

10-05-2009, 06:13 PM

موضوع فوق الممتاز

momo100010

10-05-2009, 07:13 PM

انا قصدي ايها الاخ الفاضل يعنى فى حدود 1000_1200 مثلا
(معلش انا اتأخرت فى الرد)

اخى الكريم
افضل اماكن بالنسبة للسعر : زهراء مدينة نصر ( امام سنترال مدينة نصر 3 )
انت بتستلمها عالطوب الاحمر
قسطها بيبقى حوالى 700 جنيه
وال 500 الباقيين تدخل جمعية تقبضها توضب بيها الشقة
اتمنى انى اكون افادت حضرتك

واشكر الاعضاء الاخوة الاتى اسماءهم لاشتراكهم بالموضوع واتمنى انه يكون افاد حضراتكم:
mimoo2000
shemnem
mode1985
dr.mada
mady007
mahmoud_eng85
ahmed_lama
Angel_88
freesamurai2004
shfshfshf
وبالنسبة للأخ
last_dream

فى اهرام الجمعه فى مشروع جديد على طريق مصر اسماعيليه الصحراوى اسمه(جاردنزالصبحى) ,بس انا حاسس انها لسه صحراء وقدامها سنتين على الاقل
حد عنده معلومات عنه.؟؟
طريق مصر الاسماعيلية الصحراوي انا شغلي عنده وانا شغلى ممتد من اول موقف العاشر وحتى مدينة العاشر من رمضان ( طريق مصر - الاسماعيلية ) الصحراوي
توجد مساكن بتتبني هناك بالفعل ولكنها بجوار المركز الطبي العالمي
وانا احذرك منها لانه ف حته مقطووووعة مقطووووووعة مقطوعة ولم يصل لها اى وسيلة من وسائل المرافق ( الكهرباء بمولدات والمياة براميل )
وتعتبر قبل وصلة الروبيكي التى تصل بين طريق مصر الاسماعيلية ومصر السويس
ولكنها اقرب لطريق مصر الاسماعيلية تكاد تكون بجواره
ولكنى احذرك منها

أخي الكريم
أريد شقة تمليك نصف تشطيب أو على الطوب الأحمر بالتقسيط الميسر بمقدم ما يزيد عن 60 ألف وقسط شهري ما يزيد عن 2500 جنية وشكرا
اخى الكريم

mmnet_moh12345

اعتذر ان طلب حضرتك مش عندي ودا لان الموضوع دا للشباب اللى محتاج شقة سعرها ضعيف بالكاد 50 الف مقدم وقسط 1000 جنيه
اكتر من كده توجد اماكن كثيرة ولكنى ماعرفهاش لانها لا تناسبني
وان شاء الله ربنا يكرمك وتلاقى اللى انت عايزه

السلأم عليكم

يا جماعه من فضلكم
انا عايز اجيب شقه بمقدم 20 الف وقسط ال1200
لو حد يعرف مكان ممكن اتعامل معاه او اروح اتعاقد منه
ممكن يدلنى

شكرا

بالنسبة للاخ الكريم
nobies
حضرتك لو قرأت الموضوع بصفحاته السبعة
ان شاء الله هتلاقي اللي انت بتدور عليه

Ka3bOoL

10-05-2009, 11:36 PM

thxxxxxxxxxxxxxxxxxxxxxxxxxxxxxxxxxxxxxxx

alaa82mohamad

11-05-2009, 07:10 PM

لرؤية الصور

momo100010

11-05-2009, 07:12 PM

عفوا الاخ الكريم Ka3bOoL
اتمنى ان الموضوع يكون افاد حضرتك

mosomodo

11-05-2009, 10:21 PM

thanxxxxxxxxxxxxxxxxxxxxxxxxxxxxxxxxxxxx

m1f1e

11-05-2009, 10:43 PM

wonderfull man thanks

hamdy999

12-05-2009, 03:36 PM

مشكوووووووووووور

sanhoty2000

12-05-2009, 07:39 PM

مشكور على المجهود الرائع وبارك الله فيك

a-faheem

12-05-2009, 09:32 PM

Okkkkkkkkkkkkkkkkkkk

نوجة rm

13-05-2009, 01:10 PM

السلام عليكم
انا نفسى اشترى شقة فى 6 اكتوبر او الشيخ زايد

maadi2

13-05-2009, 03:48 PM

ياريت يا جماعه لو فيه معلومات عن شقق مقدم 30 وقسط ما يذيدش عن 500 جنيه

جزاكم الله خيرا

momo100010

13-05-2009, 04:20 PM

ياريت يا جماعه لو فيه معلومات عن شقق مقدم 30 وقسط ما يذيدش عن 500 جنيه

جزاكم الله خيرا

اظن ان ما فيش الا ز مدينة نصر او فيصل
هما اللى هتلاقيهم بالمبلغ دا

hassanhamdi2

13-05-2009, 11:03 PM

شكرا ياباشا على الموضوع ، بس أنت ايه رأيك فى القاهرة الجديدة ؟؟
أنا اسمع أن اسعارها معقولة ومفيهاش مشاكل .. صح ولا غلط ؟؟

momo100010

14-05-2009, 12:29 AM

شكرا ياباشا على الموضوع ، بس أنت ايه رأيك فى القاهرة الجديدة ؟؟
أنا اسمع أن اسعارها معقولة ومفيهاش مشاكل .. صح ولا غلط ؟؟

انا ان شاء الله نازل بكره القاهره الجديدة وبالاخص ( التجمع الاول )
هنزل اشوف الشقق عاملة ايه
وايه نظامها
هى مشكلتها المبدئية ان مساحتها صغيرة
ان شاء الله هنزل اشوف كده
واكتب لكم كل حاجة
ولو كان في نصيب انى اشوف اي شقة ولا حاجة
هصورهالكم ان شاء الله
ولكن التصوير مش هيبقى تمام اوى يعني
ادعووووووووووولي

m1f1e

14-05-2009, 05:24 AM

السلام عليكم ورحمه الله وبركاته
كبدايه احب اشكرصاحب الموضوع والله الموضوع اكثر من رائع ومجهودك فيه او باقى الاخوه واضح
وكان ليه بعض الاستفسارات عن نظام بنك التعمير والاسكان لان الموقع مش موضح نظام التعامل بيكون ازاى وهل لابد انك علشان تحصل على شقه يكون لك حساب فى البنك
هل فى مشاريع غير مشاريع البنك بس تكون مضمونه وتكون برده نظام تقسيط بحيث لايتعدى المقدم 40.000 و القسط 1500
لو عندك اى معلومه فى الحدود دى والف شكر ليك

ch.sherif

14-05-2009, 09:52 AM

انا نزلت مع واحد صاحبى عند خلف حديقة بدر فى جسر السويس ( اركب من العباسية اى حد بيقول عرب جراج او العاشر .. قوله نزلنى عند حديقة بدر) انت اول ما تنزل هتلاقى عمارات و ابراج بالهبل ورا الحديقة على طول .. و الاسعار هناك معقولة المتر بيتراوح بين 800: 1000 جنية و ممكن كمان دورنا اكتر هنلاقى اقل من كدة .. الميزة هناك عمارات طالعة بالهبل و فى اللى على الشارع و فى جوة شوية و المنطقة عموما فى رأى متوسطة بس انا شايفها حلوة للشباب فى بداية حياته ..

بس كنت عايز اعرف يا جماعة حد سأل عن نظام التمويل العقارى .. او اى حد يعرف حاجة عنه .. لاتى بجد عايز اعرف نظام الناس دى ايه؟؟

ch.sherif

14-05-2009, 09:59 AM

و معلش هتقل عليكوا شوية .. انا بسمع ان بنك الاسكان و التعمير بينزل شقق بالتقسيط .. فياريت لو اى حد يعرف حاجة فيوضحها ؟

ch.sherif

14-05-2009, 10:00 AM

الاخ momo وانت نازل التجمع .. برده انت ممكن تسأل فى جهاز المدينة لانه بينزل عروض شقق بالقسط كل فترة ..

a-faheem

14-05-2009, 11:38 AM

انا اشكر حضرتك جدا علي هذه المعلومات القيمه
وجعلها الله في ميزان حسناتك ونفع بك ان شاء الله
لاني مش موجود في مصر باستمرار فدي معلومات فادتني كتير وخليتني اعيد تقييم حاجات كتير من اللي كنت بقراء عنها في الجرائد
مره اخري شكرا وجزاك الله خيرا

dandona

14-05-2009, 03:54 PM

مشكووووووووووووووووور

madaz_ice

14-05-2009, 06:49 PM

thxxxxxxxxxxxxxxxxxxxxxxxxxxxxxxxxxxx

momo100010

15-05-2009, 12:50 AM

السلام عليكم ورحمه الله وبركاته
كبدايه احب اشكرصاحب الموضوع والله الموضوع اكثر من رائع ومجهودك فيه او باقى الاخوه واضح
وكان ليه بعض الاستفسارات عن نظام بنك التعمير والاسكان لان الموقع مش موضح نظام التعامل بيكون ازاى وهل لابد انك علشان تحصل على شقه يكون لك حساب فى البنك
هل فى مشاريع غير مشاريع البنك بس تكون مضمونه وتكون برده نظام تقسيط بحيث لايتعدى المقدم 40.000 و القسط 1500
لو عندك اى معلومه فى الحدود دى والف شكر ليك

اشكرك اخى الكريم
وردا على الاستفسارات :-
اولا لازم يكون لك رصيد ف البنك او وديعة او شهادات او حاجة من الحاجات بتاعة البنوك دي ف البنك اللى بتشتري منه الشقة
ودا هتلاقيه ف الموقع مذكور لك تحت كملحوظة ان
اولوية الحجز هتكون للى عامل حاجة من الحاجات دي
وطبعا دا الاساسي يعنى هو بيقول لك من الاخر مش هتاخد الا لما يبقى عندك حاجة من الحاجات دي
وثانيا انا شفت مشروع هما شغالين فيه حاليا
هو امام الرحاب
ولكنه هيبقى غالى جداا جدا جداا
ومفيش حد يعرف عنه حاجة لحد دلوقتى
اتمنى انى اكون افادتك

momo100010

15-05-2009, 01:04 AM

انا نزلت مع واحد صاحبى عند خلف حديقة بدر فى جسر السويس ( اركب من العباسية اى حد بيقول عرب جراج او العاشر .. قوله نزلنى عند حديقة بدر) انت اول ما تنزل هتلاقى عمارات و ابراج بالهبل ورا الحديقة على طول .. و الاسعار هناك معقولة المتر بيتراوح بين 800: 1000 جنية و ممكن كمان دورنا اكتر هنلاقى اقل من كدة .. الميزة هناك عمارات طالعة بالهبل و فى اللى على الشارع و فى جوة شوية و المنطقة عموما فى رأى متوسطة بس انا شايفها حلوة للشباب فى بداية حياته ..

بس كنت عايز اعرف يا جماعة حد سأل عن نظام التمويل العقارى .. او اى حد يعرف حاجة عنه .. لاتى بجد عايز اعرف نظام الناس دى ايه؟؟

اخى الكريم
التمويل العقاري وبعض شروطه
لا يصلح الا لمحدودي الدخل :-
يعني محددة كالاتى :---
المتزوجون : اقل من 1500 جنيه دخل ثابت
الاعزب : اقل من 1000 جنيه دخل ثابت

ولا يصلح الا على الاراضي المسجلة او القابلة للتسجيل :---
يعني من الاخر ولا ينفع ف زهراء مدينة نصر بكل جوانبها ( عزبة الهجانة يعني - ولا ينفع ف فيصل - ولا ينفع ف خلف حديقة بدر لانها مناطق بدون ترخيص )
وبالنسبة للتمويل العقري المدعم الشقة ما ينفعش انها تكون ازيد من 95.000 جنيه :---
يعني لو الشقة اكتر من المبلغ دا ماتنفعش
وهو بالمناسبة بيشيل منك 10.000 جنيه كدعم من السيد الرئيس \ محمد حسني مبارك
وطبعا حته ال 95.000 دي مش جهجهونى
بينزل معاك مندوب من الشركة هو اللى بيقيم تمن الوحدة
يعني مفيش اطول من كده دا انت تكون حوشت علشان تجيب فيلا
ومشكوك فيها من ناحية الحرمانية حيث عند تدخل اكتر من طرفين ف عمليه البيع والشراء فتعتبر ربا
باختصار لانه موضوع كبير
البنك بيدفع الفلوس لصاحب العقار
وانت بتدفع للبنك اكتر من المبلغ اللى دفعة لصاحب العقار ( فلوس بفلوس اكتر منها )
ربا
اكتر من طرفين ( صاحب العقار - البنك - المواطن الغلبان )
ودا طبعا بالنسبة للتمويل العادي
وفي بقى تمويل تانى
وبرده مشكوك فيه
هتتعقد شوية
ولكن لو عايز تشوفه ادخل هنا (http://www.egyptmortgagehome.com/AlmasriahCompany.asp)

momo100010

15-05-2009, 09:19 AM

الاخ momo وانت نازل التجمع .. برده انت ممكن تسأل فى جهاز المدينة لانه بينزل عروض شقق بالقسط كل فترة ..

اخى الكريم
انا روحت الجهاز وسالت على شقق هناك
وقالوا لى ان مفيش عندهم حاجة حاليا
ومايعرفوش فى حاجات هتنزل ولا لا

وطبعا اشكر الاخوة الكرام على المرور ف المنتدى
madaz_ice
dandona
واتمنى ان الموضوع يكون افاد حضراتكم

وردا على كلام الاخ a-faheem
انا اشكر حضرتك جدا علي هذه المعلومات القيمه
وجعلها الله في ميزان حسناتك ونفع بك ان شاء الله
لاني مش موجود في مصر باستمرار فدي معلومات فادتني كتير وخليتني اعيد تقييم حاجات كتير من اللي كنت بقراء عنها في الجرائد
مره اخري شكرا وجزاك الله خيرا
اتمنى انك ترجعلنا مصر وتنورها
ولو في اى حاجة عايز تسال عليها انا ممكن اشوفهالك ان شاء الله ومفيش اى مشكلة

يا جماعة انا نزلت امبارح التجمع وكنت ناوى انى اعمل الموضوع امبارح ولكن اعذروني لانى مكنتش فاضي امبارح خالص الا على الساعة 2 الصبح
عامة انا بجهز الموضوع وان شاء الله قبل صلاة الجمعة هيكون الموضوع خلصان
وانا صورت حبة صور للمنطقة واتمنى انه يفيد اى حد

momo100010

15-05-2009, 10:08 AM

بداية انا رحت التجمع الاول واللى مايعرفش التجمع الاول دا جزء من القاهرة الجديدة اللى هي ( التجمع الاول - الثالث - الخامس )
مزايا التجمع الأول :
التجمع الاول اللى انا شايفه انه ليه ميزات كتيرة زي انه
1- اعاره مناسبة للشباب
2- منطقة اهلة بالسكان والكثافة السكانية جميلة جدا ( متوصلش لحد الزحمة )
3- العمارات معمولة بشكل كويس ( بعضها ) .
4- طبعا كلها بتراخيص بناء لانها مشروعات شباب وكده.
5- مساحات كبييييييييرة جدا بين العمارات وبعضها بحيث ان مفيش عمارة بتجرح التانية
وشقتك هيدخلها الشمس مش على مناور ولا هتسلم على جارك من الشباك.
6- يوجد بها جميع الخدمات وعلى اعلى مستوى .
7- المواصلات هناك شغاله زي الفل 10/10 و 24 ساعة
8- ليست بعيدة عن وسط المدينة زي الشروق - بدر - 6 اكتوبر والعاشر من رمضان
9- ميزة انا شايف انها جميلة جدا ( الطرسيق منها الى اى مكان مش زحمة نهااااااائي ) يعني مش هتحمل هم اى حاجة وانت نازل من بيتك
وتنزل قبليها بساعتين علشان المواصلات وزحمة الطريق
اما عن عيوبها فهي كالاتى :
1- مساحات الشقق محدودة .
2- المفروض انه ما ينفعش تتباع وكان الجهاز بينزل منه ناس تتحرى ما اذا كان الشاب اللى واخد الشقة مأجرها او بايها وبيدفعوه غرامة ( ولكن انا رحت الجهاز وسالت واحدة ست قالت لى ان الكلام دا بقاله زمن ماتعملش ومفيش حد بينزل ولكن هى مارضتش تقول لى خد فيها علشان ماقلش ان واحده من الجهاز قالت لى وقالت
انا ماعرفش الغيب يبني ولكن ف الفترة اللى فاتت مفيش حاجة من الحاجات دي حصلت وكله بيبيع
3- البيع ليس بعقد بيع نهائي ( في بعض الشقق ) وليس كلها وف الشقق التى لا يصلح ان تكتب عقد بيع بيتم كتابة ( توكيل للبيع للنفس والغير )
الراجل هو اللي قال لى كده ويريت اى حد يدخل هنا ويعرف حاجة عن النقطة دي يقولهالنا.
4- يوجد فارق كبير ف اسعار الشقق حسب المناطق وحسب ترتيب الادوار ( ودا هيتم شرحة او وضعه كملحوظة ف الاخر ) .
بعد الانتهاء من المميزات والعيوب
ندخل على تقسيم التجمع الاول ونقول
ينقسم التجمع الاول الى 6 مناطق او اماكن :
1- الشباب الجنوبي .
2- الشباب الشمالي .
3- البلوكات .
4- عمارات البنك .
5- الاكان العائلي .
6- الإستثماري .
انا همسك جزء جزء من الخمس مناطق وهيبقى كل جزء معاه الصور بتاعته
الشباب الشمالى والجنوبي نفس النظام
الفارق ان الشمالى ناحية اكاديمية مبارك للامن والجنوبي ناحية طريق مصر السويس او العكس مش مهم يعني المهم ان الشمالى نفس الجنوبي ف مواصفات الشقة - المساحة - المبلغ )
اولا وثانيا : اسكان الشباب ( الشمالي والجنوبي ) :----
1- بداية الاسعار اللى هتكلم عنها هي دور ارضي ودا لان للأسف اللى بيبيع بيبيع اللى ف الارضي
2- اللى بتلاقيه بيبيع اى دور غير الارضي فاكر نفسه انه بيبيع فيلا ( غير مناسبة للشباب ) .
3- دا الجزء الوحيد ف اجزاء التجمع الأول اللى لا يصلح فيه عقد البيع النهائي ( توكيل بيع للنفس واغير ).
4- بتدفع من 60-65 الف وتكتب العقد وبيتبقى انك تكمل اقساط الشقة اللى هى من 300 : 350 شهريا لمدة 20 سنة .
ودي بعض الصور ليها

http://www.iraqup.com/uploads/20090515/20Sut-U8Uo_776693871.JPG
http://www.iraqup.com/uploads/20090515/oIAk6-1T5g_933676270.JPG
http://www.iraqup.com/uploads/20090515/p7L7c-2cYB_651966318.JPG
http://www.iraqup.com/uploads/20090515/5TJ3V-ja2r_40043761.JPG
http://www.iraqup.com/uploads/20090515/F2vdw-A74B_553177298.JPG
http://www.iraqup.com/uploads/20090515/5WUW0-wwb4_211705506.JPG
http://www.iraqup.com/uploads/20090515/k68Y7-PaVm_246104722.JPG

يتبع

momo100010

15-05-2009, 10:31 AM

ثالثا البلوكات :---
وهي منطقة اقل ف الرقي عن اى منطقة من مناطق التجمع الاول حيث ان تشطيبها اردأ
وسطها اقل
اهلكت جداااا
وطبعا دا بينزل سعرها علشان يكون
من 55 : 60 الف
ومن 60 : 120 جنيه شهريا لمدة 20 سنه
ودي بعض الصور لهذه المنطقة

http://www.iraqup.com/uploads/20090515/N1j66-AwOk_646379258.JPG

http://www.iraqup.com/uploads/20090515/Ia5d4-NM0n_649308539.JPG

http://www.iraqup.com/uploads/20090515/2tVVL-d17a_89519195.JPG

http://www.iraqup.com/uploads/20090515/XG40H-3bvo_823562111.JPG

http://www.iraqup.com/uploads/20090515/MhdP6-06Hy_888736578.JPG

رابعا عمارات البنك
ودي لانها بيتعمل لها عقد بيع
فهي 75 : 80 الف
اقساط من 500 : 600 جنيه لمدة 20 سنة
وهي بتتميز بان جانب من اجناب العمارة مكتوب عليه( B ) والصور هتوضح
http://www.iraqup.com/uploads/20090515/5d0mR-QD1t_825833533.JPG

http://www.iraqup.com/uploads/20090515/ov0A7-HB3j_472729256.JPG
خامسا الاسكان العائلي :-----
مش هدخل فيه كتير
هو فيه شقق بتتباع فيه
بس الشقه 130 متر وكده
واسعار المتر ممكن توصل ل 3500 للمتر من غير تشطيب
ودي طبعا ماتنفعش للشباب اللى زيينا

انا ما صورتهاش

سادسا واخيرا الاستثماري :---
انا وضحت لحضراتكم ف البداية ان الجهاز كان بينزل يعمل تحريات اول لما ابتدا الشباب موضوع البيع دا
لما كان بيعمل تحريات ويعرف ان في شاب باع شقته
بيسحب الشقة
ويبيعها استثماري
معنى كده ان الاستثماري دا ف الشباب برده ولكنه هيبقى فيه عقد بيع ودا اسعاره بتبقى

70 : 75 الف
اقساط من 400 : 600 جنيه على 20 سنه
وطبعا صوره هي هي اسكان الشباب الشمالى والجنوبي

اتمنى ان الموضوع يكون افاد اى حد هنا
واللى عنده استفسار انا تحت امره
بس متنسوش تدعولي انا
وتدعو لصديقي اللى انا كاتب عنه ف التوقيع بتاعى
وتدعو لامى وابي وان ربنا يكرمني والاقي الشقة
محمد جودة
0183004609
0110775006

ch.sherif

15-05-2009, 02:30 PM

بجد موضوعك جااااااااااااااامد يا momo

ممكن اعرف بالنسبة لعمارات البنوك .. اروح احجز فين ؟؟ و الشقة كام متر ؟؟

momo100010

15-05-2009, 02:57 PM

بجد موضوعك جااااااااااااااامد يا momo

ممكن اعرف بالنسبة لعمارات البنوك .. اروح احجز فين ؟؟ و الشقة كام متر ؟؟

اخى الكريم
لو قصد حضرتك على العمارات اللى مبنية
فدي خلاص الناس استلمتها من زمان
وانت لو هتشتريها
هتشتريها من مالكها
والاسعار والاجراءات مكتوبة اعلاه
اما لو قصد حضرتك على المنطقة اللى انا شفتهم شغالين فيها
انا ماعرفش عنها اى حاجة صراحة
انا هسال كده
ولو عرفت اكيد هبلغك

وطبعا الموضوع جامد جداااا مش جامد بس
ودا علشان الاعضاء المحترمين والحلوبن اللى زيك هما اللى بيحلوه وبيخلوه جامد

last_dream

15-05-2009, 03:28 PM

حقيقى مجهود هايل تستحق الثناء عليه, على فكره القاهرة الجديده اسعارها عاليه بس هى احسن من المدن الجديده واقرب لوسط البلد,والعمليه كدة بتتعقد
والمناطق اللى تناسب ظروفنا بتكون بدون ترخيص وبدون مرافق . لااملك الا ان ادعو ربنا ييسرها عليك وعلينا وعلى الجميع ونلاقى الشقة اللى تناسبنا.

ch.sherif

15-05-2009, 03:39 PM

اخى الكريم
لو قصد حضرتك على العمارات اللى مبنية
فدي خلاص الناس استلمتها من زمان
وانت لو هتشتريها
هتشتريها من مالكها
والاسعار والاجراءات مكتوبة اعلاه
اما لو قصد حضرتك على المنطقة اللى انا شفتهم شغالين فيها
انا ماعرفش عنها اى حاجة صراحة
انا هسال كده
ولو عرفت اكيد هبلغك

وطبعا الموضوع جامد جداااا مش جامد بس
ودا علشان الاعضاء المحترمين والحلوبن اللى زيك هما اللى بيحلوه وبيخلوه جامد

ما تزعلش نفسك يا momo .. موضوعك جااااااااااااااااامد جدااااااااااااا:great: جدااااااااااا :great:جدااااااااااااااااااااااااااااااااااااااااا ااااااااااااا:lol:

بس لو مش هتقل عليك .. طيب مافيش اى بنك منزل شقق هناك و اقدر احجز فيها.. او حتى تعرف حد عايز يبيع (اهالى) شقته بالقسط ... او حتى تليفون سمسار يعرف حد عايز يبيع هناك ..

fantommib

15-05-2009, 04:08 PM

شكرا على المجهود وربنا يكرميكم بشقه حلوا جميعاويكرمنى

kabotshy

15-05-2009, 05:05 PM

جميل جدا جدا

kabotshy

15-05-2009, 05:41 PM

رائع حدا جدا

momo100010

15-05-2009, 06:55 PM

ما تزعلش نفسك يا momo .. موضوعك جااااااااااااااااامد جدااااااااااااا:great: جدااااااااااا :great:جدااااااااااااااااااااااااااااااااااااااااا ااااااااااااا:lol:

بس لو مش هتقل عليك .. طيب مافيش اى بنك منزل شقق هناك و اقدر احجز فيها.. او حتى تعرف حد عايز يبيع (اهالى) شقته بالقسط ... او حتى تليفون سمسار يعرف حد عايز يبيع هناك ..

هدور واقول لك ان شاء الله يا باشا

amrnader

15-05-2009, 09:39 PM

الحقيقة لازم اشكرك تانى على المجهود الكبير ده كله، انا بقالى زمن بسمع عن التجمع و الشقق الاستثمارى اللى فيه، موضوعك و صورك وضحتلى الدنيا جدا.

يا ترى طليت على التجمع التالت ( او ناوى ) لأنى برضه بسمع هناك عن شقق استثمارى جنب الجامعة الالمانية.

momo100010

15-05-2009, 10:25 PM

الحقيقة لازم اشكرك تانى على المجهود الكبير ده كله، انا بقالى زمن بسمع عن التجمع و الشقق الاستثمارى اللى فيه، موضوعك و صورك وضحتلى الدنيا جدا.

يا ترى طليت على التجمع التالت ( او ناوى ) لأنى برضه بسمع هناك عن شقق استثمارى جنب الجامعة الالمانية.

لا شكر على واجب اخى الكريم
والله انا بعتبر كل السادة الاعضاء هنا ف المنتدى عامة وف الموضوع خاصة اخوة لى
وبحاول اساعدهم والله لانهم زي اخواتى
وان شاء الله انا نازل التجمع التالت يوم الخميس اللى جاى
ودا لان للاسف اليوم الوحيد العطلة عندى هو الخميس
ان شاء الله هنزل واعمل نفس اللى عملته ف التجمع الاول
واتمنى ان كل واحد يلاقي الشقة اللى بيحلم بيها ياااااااارب

razar

16-05-2009, 12:19 PM

على الفكرة الموضوع دة جامد اوى وشكرا لصاحب الموضوع
وكنت عايز اسأل عن اسعار الشقق فى اسكندرية يعنى فى الاماكن اللى مش عاليا يعنى اللى فى قبلى عموما

razar

16-05-2009, 12:23 PM

وبردة اسعار الشقق اللى فى القاهرة اللى سعر مناسب جدا ....لاى شاب لسة بيبدأ حياتة.....وبشكرك تانى على موضوعك الجامد دة

momo100010

16-05-2009, 04:22 PM

على الفكرة الموضوع دة جامد اوى وشكرا لصاحب الموضوع
وكنت عايز اسأل عن اسعار الشقق فى اسكندرية يعنى فى الاماكن اللى مش عاليا يعنى اللى فى قبلى عموما

اولا اخى الكريم برحب بيك ف الموضوع
ثاني الف شكر على الكلام الجميل دا
ثالثا انا للاسف ماعرفش اى حاجة ف الاسكندرية زدا
لانى مش تاجر عقارات ولا سمسار للاسف
انا بدور على شقة زيي زي الشباب اللى محتاجين
ولما لاقيت نفسي لفيت كتير
والحمد لله اكتسبت خبرة كبيرة الى حد ما
قلت اعمل موضوع اساعد فيه اخوانى
لعلي اكون سبب لارشاد احد الاخوة هنا للطريق اللى بعيد عن خم وضحك السماسرة وكده

وبردة اسعار الشقق اللى فى القاهرة اللى سعر مناسب جدا ....لاى شاب لسة بيبدأ حياتة.....وبشكرك تانى على موضوعك الجامد دة

حضرتك اقرا الموضوع من اوله وان شاء الله هتلاقي كل حاجة انت عايز تستفسر عنها
وانا برده تحت امرك ف اى حاجة

yazz

17-05-2009, 04:03 AM

مشكور اخى الكريم

captain-alan

17-05-2009, 05:49 AM

شكرا جزيلا اخي على المعلومات

العـنـتـيـل

17-05-2009, 09:39 AM

موضوع أكتر من رائع

بجد مجهود جبااااار

تسلم إيدك أخي الفاضل

tito55

17-05-2009, 01:20 PM

مشكووووووووووووووووووووووووووووووووووووووووووووور

mmr0000

17-05-2009, 06:10 PM

مشكوووووووووووووور

momo100010

17-05-2009, 06:47 PM

اشكر كلا من الاخوة
yazz
captain-alan
العـنـتـيـل
tito55
mmr0000
على المرور
واتمنى ان الموضوع يكون افادكم

oota2

18-05-2009, 02:54 AM

الموضوع راااااااااااااااااااااائع
أحيك بشدة على الموضوع المفيد فعلاً

doha20

18-05-2009, 01:29 PM

شكرااا على المعلومات

Mohammed Lotfy

18-05-2009, 01:51 PM

بصراحة الأخ مومو مجهودك فوق الوهم و الخيال ما شاء الله عليك
ربنا يبارك فيك و ربنا يسخرك فى طاعته و فى خدمة الأخوة بإذن الله

Hendawy-99

18-05-2009, 02:34 PM

thxcxxxxxxxx

momo100010

18-05-2009, 04:07 PM

اشكر كلا من الاخوة
Hendawy-99
doha20
oota2
على متابعة الموضوع
وشكر خااااااااااص جدا للاخ Mohammed Lotfy
على الكلام الجميل
وانا والله عامل الموضوع دا علشان اى حد له استفسار وانا اقدر احله له او اقول له رأيي
ف انتظار الاستفسارات للاعضاء

basel_bmd

18-05-2009, 09:46 PM

السلام عليكم
انا بصراحة بدور في كل المنتديات على سكن وكدة ولقيتك ماشاء الله ليك خبرة فحابب اعرف منك واستفسر عن حاجة

مين احسن دجلة جاردنز ولا تاون فيو ولا الحي الأيطالي ب 6 اكتوبر ؟

ياريت نتواصل
شكرااااااا

momo100010

18-05-2009, 10:43 PM

السلام عليكم
انا بصراحة بدور في كل المنتديات على سكن وكدة ولقيتك ماشاء الله ليك خبرة فحابب اعرف منك واستفسر عن حاجة

مين احسن دجلة جاردنز ولا تاون فيو ولا الحي الأيطالي ب 6 اكتوبر ؟

ياريت نتواصل
شكرااااااا

بداية ارحب بيك ف الموضوع
وارحب بيك ف المنتدى

وجهة نظري :---
على ما اعتقد ان
التلاته اوحش من بعض
ودا لان
اولا : ما بني على باطل فهو باطل ودي بيندرج تحتها بندين الا وهما :-
1- ان نظام التقسيط بتاعهم مبني على الربا الفاحش المستفز جداااااااا وطبعا انت بتشتري شقة للعمر يعني للسكن تخيل بقى لو بدايتك انت عارف انها حرام وبتعملها ( الشقة ) .
2- كلامهم غير افعالهم : بمعنى انهم يجوا يقولوا لحضرتك سعر الشقة ( دجلة جاردنز مثلا ) 98.000
ويمكن تقسيمها حتى 15 سنه
وف الاخر
يطلع انها بتتزايد كل سنه عن التانية
علشان توصل ف الاخر ل 165.000 جنيه
تخيل انت قى ناس ضحكت عليك ف الاول مش هتضحك عليك ف الاخر؟؟؟؟؟
اسف لو كنت سودتها حبتين ف وشك
ولكن دا رأيي والقرار ف الاول والاخر ليك
بس نصيحة ابعد عن حاجة انت واثق 1000000000000% انها حرام
وانا ايميلي
goda_100010@hotmail.com
goda_1000100@yahoo.com

goda_100010@hotmail.com

goda_1000100@yahoo.com

وطبعااااااااا تنور الايميل

kiro2000

19-05-2009, 01:03 AM

راى اخى ان دجلة هى الافضل من حيث السعر و الجدية فى الاداء ويكفى اخى انها تابعة للمرشدى

best_eng

19-05-2009, 09:40 PM

thanksssssssssssssssssssssssssssssss

osamaos20022

19-05-2009, 11:20 PM

شكرا للمجهود
انا تابعت الومضوع كله
ايه رايك في ابراج غفيفي
ربنا يرحم صاحبك
ويسكنه فسيح جناته
ويرحم موتي المسلمين

geamge1

20-05-2009, 12:14 AM

thanxxxxxxxxxxxxxxx

islamelkady

20-05-2009, 03:35 AM

شكرا على مجهودك

momo100010

20-05-2009, 04:40 PM

اشكر كلا من الاخوة الكرام
islamelkady
geamge1
best_eng
على المرور ومتابعة الموضوع

شكرا للمجهود
انا تابعت الومضوع كله
ايه رايك في ابراج غفيفي
ربنا يرحم صاحبك
ويسكنه فسيح جناته
ويرحم موتي المسلمين

اشكرك اخى الكريم
واتمنى انه يكون افادك
وربنا يتقبل منك على دعاءك لصديقي
ويارب يرحم الامه الاسلامية بالكامل

قصد حضرتك اللى بعد مصطفى النحاس شمال
اللى قبل 4.5

جميلة جدا
بس اظن انها غالية شويتين

osamaos20022

20-05-2009, 10:48 PM

شكرا للرد
هي دي قصدي انا اشتريت فيها بس قبل ما الاسعار تشد وكنت عاوز اعرف رايك بس لاني بفكر ابيع ولا لا

momo100010

20-05-2009, 11:59 PM

شكرا للرد
هي دي قصدي انا اشتريت فيها بس قبل ما الاسعار تشد وكنت عاوز اعرف رايك بس لاني بفكر ابيع ولا لا

اولا طبعا الف مبروك على شراءها ( ولو انها متاخرة شوية )
ورأيي انك اوعى تسيبها لانها منطقة مميزة جدا ( ماشاء الله اللهم لا حسد ) ونظيفة وهادية وجميلة
يعني فيها كل الاركان اللى تخليك تعيش فيها حياة جميلة

فبالطبع نصيحتي ليك انك متبيعهاش

الكميائى

21-05-2009, 11:47 PM

الحقيقه موضوع ممتاز وشكرا ليك جدا وربنا يكرمك

فى سؤال عندى فى صوره مساله كلاميه زى امتحان الاعداديه

انت دلوقتى معاك فى حدود 35 الف كده ومرتبك تقدر تظبط منه 800 جنيه
وساكن فى الجيزه ونفسك تاخد شقه

ايهما تفضل فيصل والزحمه ولا زايد واكتوبر والاسعار النار
ولا امبابه وضوحيها زى بشتيل وكده

ولا تروح حدايق المعادى

شقه تمليك فى حدود 80 الى 100 متر مقدم والباقى قسط
ايه رايك ؟
الحلم طلع واسع شويه ؟
شكرا
:21:

momo100010

22-05-2009, 12:00 AM

الحقيقه موضوع ممتاز وشكرا ليك جدا وربنا يكرمك

فى سؤال عندى فى صوره مساله كلاميه زى امتحان الاعداديه

انت دلوقتى معاك فى حدود 35 الف كده ومرتبك تقدر تظبط منه 800 جنيه
وساكن فى الجيزه ونفسك تاخد شقه

ايهما تفضل فيصل والزحمه ولا زايد واكتوبر والاسعار النار
ولا امبابه وضوحيها زى بشتيل وكده

ولا تروح حدايق المعادى

شقه تمليك فى حدود 80 الى 100 متر مقدم والباقى قسط
ايه رايك ؟
الحلم طلع واسع شويه ؟
شكرا
:21:

اولا اخى الكريم شكرك على شكرك للموضوع
ثانيا انا برده مش فاهم يعني انت بتفضل ايه
انا رأيي ابعد عن فيصل
ومادام انت شغلك قريب من 6 اكتوبر
يبقى افضل حاجة 6 اكتوبر
في شقق هناك رخيصة مووووت
انا مش عارف الاماكن بالظبط
لانى ما دستش فيها
ولكن ..........
احسن وافضل ( من ناحية السعر اللى معاك )
وطبعا انت الادرى

momo100010

22-05-2009, 12:11 AM

يا جمااااااااعة انا النهارده رحت السوبحي جاردنز( اللى الاعلان بتاعه نزل ف الجرنال من اسبوعين تقريبا ) ف مقر الشركة بالدقي
وبعديها رحت ل الموقع
انا فهمت كل حاجة فيه
وعلى استعداد انى احط موضوع بيه
حد عايز يعرف؟
يريت لو حد هياخد اى خطوة ف المشروع دا يقول لى
لانى اكتشفت حاجة مهمة جدااااااااا
علشان محدش يقع فيها
اللهم انى بلغت اللهم فاشهد

hassanhamdi2

22-05-2009, 01:16 AM

دوس يا معلم ... وكلنا سامعينك :)
بس انت مش قلت أنك هتنزل التجمع الثالث والخامس الخميس ده ؟

roshi_xp

22-05-2009, 02:41 AM

تسجيل متابعة يا momo100010

وبشغف كمان .. انتا بتاخد رأينا .. دوس ولا يهمك . :yipi:

ربنا يباركلك يارب

HESHAM20020

22-05-2009, 03:04 AM

السلام عليكم
الاخوة الكرام
اولا اعتذر انى مطبعتش الحاجات اللى قلت لكم انى هطبعها عالاسكنر
ودا لان انا مش عندى اسكنر
والمفروض انى كنت انزل اعملها النهارده ف مكتب
ولكني مكنتش فاضي خالص للأسف
المهم انى بكره ان شاء الله هكون طبعتهم عالاسكنر

ودي الجداول (بس انا اللى كاتبها
فيها اسعار الشقة ( من حيث عدد السنين )
وكمان مساحة الشقة قطاعات

وجاري انشاء موضوع عن زهراء مدينة نصر

وان شاء الله على بليل كده هكون خلصته
ويارب يكون الكلام دا بينفع حد ولو واحد بس

الله ينور يا باشا

جزالك لله كل خير بجد

HESHAM20020

22-05-2009, 03:34 AM

طيب اية رايك فىى حى المنتزه يا باشا كويس وللا اى كلام ؟

الكميائى

22-05-2009, 04:06 AM

شكرا على الرد
انت ممكن تعمل موضوع مغلق لكتاب جميع المعلومات
وموضوع تانى للاسئله وللشكر وترد فى الموضوع المغلق بس

علشان الموضوع يبقى مركز

ويبقى ايه اخبار شقق اكتوبر ياريت لو حد يعرف يقول اكتوبر وزايد

ramy_t2

22-05-2009, 10:08 AM

شكرااااااااااااااااااا

last_dream

22-05-2009, 10:30 AM

[QUOTE=momo100010;1058550109][font="arial black"][b]يا جمااااااااعة انا النهارده رحت [color="red"][size="7"]السوبحي جاردنز( اللى الاعلان بتاعه نزل ف الجرنال من اسبوعين تقريبا ) ف مقر الشركة بالدقي
وبعديها رحت ل الموقع
انا فهمت كل حاجة فيه
وعلى استعداد انى احط موضوع بيه
حد عايز يعرف؟
يريت لو حد هياخد اى خطوة ف المشروع دا يقول لى

ما هو دة اللى كنت اعلنت عنهفى الصفخه 8 تقريبا ان مشروع جديد بيتعمل على طريق مصر اسماعليه الصحراوى,بس كويس انك نزلت وشفت لانك وفرت عليه المشوار ياريت بقى تحكيلنا اللى انت شفته لانى انا اعرف ان الحته دى لسه صحرا
وربنا يكرمك وتلاقي الشقة اللى انت بتحلم بيها

momo100010

22-05-2009, 11:01 AM

بداية اشكر كلا من الاعضاء :
ramy_t2
HESHAM20020
roshi_xp
hassanhamdi2
على تسجيل المتابعة

شكرا على الرد
انت ممكن تعمل موضوع مغلق لكتاب جميع المعلومات
وموضوع تانى للاسئله وللشكر وترد فى الموضوع المغلق بس

علشان الموضوع يبقى مركز

ويبقى ايه اخبار شقق اكتوبر ياريت لو حد يعرف يقول اكتوبر وزايد
فكرة اكثر من رااااائعة
انا بعتت رسائل خاصة لكل مشرفي منتدى العرض
لطلب فك الموضوع الى موضوعين
بالفعل فكره جميلة من انسان محترم

بالنسبة للعضو المحترم HESHAM20020
ردا على استفساره

طيب اية رايك فىى حى المنتزه يا باشا كويس وللا اى كلام ؟
اعتذر انى ماقدرش افيدك
لانى ماعرفش عنه حاجة والله متاسف

من قال لا اعلم فقد افتى

وبالنسبة للاخ last_dream
ما هو دة اللى كنت اعلنت عنهفى الصفخه 8 تقريبا ان مشروع جديد بيتعمل على طريق مصر اسماعليه الصحراوى,بس كويس انك نزلت وشفت لانك وفرت عليه المشوار ياريت بقى تحكيلنا اللى انت شفته لانى انا اعرف ان الحته دى لسه صحرا
صراحة مش هو
المشروع دا لسه منشورة اعلاناته ف الجرنال

وجاري استكماله
وان شاء الله بعد صلاة الجمعة هيكون منتهى ومحطوط لسادة الكرام
اعضاء المنتدى

last_dream

22-05-2009, 03:03 PM

فى اهرام الجمعه فى مشروع جديد على طريق مصر اسماعيليه الصحراوى اسمه(جاردنزالصبحى) ,بس انا حاسس انها لسه صحراء وقدامها سنتين على الاقل
حد عنده معلومات عنه.؟؟

دى كانت مشاركتى اللى كانت فى الصفحة السابعة ياصديقى العزيز بس يمكن انا شقلبت الاسم ,والمشروع دة نزل فى الجمعه اللى قبل اللى فاتت وانا منتظر رايك عن المشروع

mindvision

22-05-2009, 03:41 PM

تم ايقاف العضو momo_syam نهائيا وحذف مشاركته للسب والاهانة..

momo100010

22-05-2009, 08:06 PM

تم ايقاف العضو momo_syam نهائيا وحذف مشاركته للسب والاهانة..
اشكرك المشرف الكريم
على رد كرامة الاعضاء

يا جماعة انا متاسف
الموضوع هيبقى على بليل
علشان انا لسه ماكملتهوش
متاسف عالتاخير

zidane2004

23-05-2009, 12:25 AM

فكرة ممتازة وانا فعلا بدور على شقه ويارب استفيد من الموضوع
شكرا ليك

gadix

23-05-2009, 03:02 PM

thxxxxxxxxxxxxxxxxxxx

ayman_elanany

23-05-2009, 04:00 PM

شكراً على الموضوع

momo100010

23-05-2009, 07:17 PM

السلام عليكم ورحمة الله وبركاته
الخوة الكرام
بما انى بقيت رغاي جداااااااا
وحاسس ان الناس زهقت مني
ف انا هدخل ف الموضوع على طول
اسم المشروع : السبحي جاردنز
موقع المشروع :----
اللي مكتوب : بالنص
( السبحي جاردنز تقع على طريق مصر الإسماعيلية الصحراوي مباشرة قبل مدينة العاشر من رمضان وامام مدينة الشروق واستيلا مصر الجديدة .
10 دقائق من مدينتي وسوق العبور وكارفور العبور وموقف السلام والطريق الدائري .
15 دقيقة من مطار القاهرة ومصر الجديدة . 35 دقيقة من ميدان التحرير ورمسيس والعباسية . و 40 دقيقة من ميدان لبنان ) .
دا اللى مكتوب ف البلان شيت
ودي صورة للكلام دا من البلان شيت
http://www.iraqup.com/uploads/20090524/35H2k-ojMQ_611551064.JPG
وهتلاقو كليب مرفوع ف المرفقات لو الصورة دي مش واضحة
نيجي بقى لرحلة العذاب تاعتي يوم الخميس اللي فات
واللى ابتدت ب انى
كلمت الشركة واخدت العنوان ف الدقي واخدت رقم تليفون احدى العاملين بخدمة العملاء
علشان انا مش هبقى عارف الطريق ف يوصفلي
وفعلا بعد عناء ( لا يذكر بالنسبة للى حصللي ف الاخر )
المهم اعدت معاه وقال لى على المشروع كموقع
زي مانا كتبته لكم فوق
ونقول :
نظام بيع الوحدات
دي صورة للي هكتبة كله ولكنه علشان مش واضح ف انا هكتبه

أولاالنقدي كاش :-
يبدأ من 79.900 جنيه إلى 84.900 جنيه بالإضافة إلى 10.000 جنيه دعم الدولة عند الإستلام ( على دفعات خلال 12 شهر بدون فوائد ) .
ثانيا التقسيط لمدة تصل إلى 15 عـــــام :
http://www.iraqup.com/uploads/20090524/k6fY6-O0Ku_715996558.JPG

ثالثا الأوراق المطلوبة للحصول على الوحدة :--
1-
أ- شهادة دخل للاعزب اقل من 1750 جنيه شهريا ( على اعتبار ان دا كده محدود الدخل ) .
ب- شهادة دخل للاسرة أقل من 2500 جنيه شهريا .
2- صورة الرقم القومي وألا يقل سن المتقدم عن 20 عاما ولا يزيد عن 50 عام .
3- مفردات مرتب معتمدة للعاملين بالقطاع العام والحكومة .
4- شهادة من التأمينات بالمرتب معتمدة ومختومة للعاملين بالقطاع الخاص .
5- للذي تجاوز سن ال عشرين ولا يستطيع إثبات الدخل ، يجوز ان يتولى أحد الوالدين أو الأقارب السداد وضمان المستفيد .
6- أصحاب العمل ، تقديم السجل التجاري والبطاقة الضريبية .
7- تقديم صور الشهادات الرسمية المثبتة للحالة الإجتماعية ( بيان الحالة الإجتماعية أو صور من وثيقة الزواج وشهادات الميلاد للأبناء ) .

انا كتبت الكلام علشان لما صورته ما ظهرش اوي
وعامة دي صورة لل
اوراق المطلوبة للحصول على الوحدة
http://www.iraqup.com/uploads/20090524/vs15Y-AE6y_831390643.JPG

انا كده خلصت اللى حصل لى ف الجزء الاول من الرحلة

يتبع الجزء الثاني

roshi_xp

23-05-2009, 07:41 PM

انا شايف ان لحد كده المشروع ده كويس

ومبلغه في حدود الشباب اللى زينا .. بس اللى مخوفنى اللى انتا قلته في الأول عن المشروع .. متابعة بشغف لمعرفة باقي التفاصيل

وملايين كلمات الشكر لن تكفي لتقديرك وتقدير مجهودك.

ولا نملك الا الدعاء لك بظهر الغيب.

momo100010

23-05-2009, 07:50 PM

بعض النقاط التى يجب توضيحها :---
1- سعر الشقة :
يبدأ من 79.900 جنيه إلى 84.900 جنيه بالإضافة إلى 10.000 جنيه دعم الدولة عند الإستلام ( على دفعات خلال 12 شهر بدون فوائد ) .
هو سعرها 94.800 جنيه كالاتى
79.900 + 4.900 + 10.000 = 94.800 جنيه

2- موضوع شركة التمويل :
وهو دا اللى فيه جزء الكلام الكبير قوووووي
انا اتكلمت مع الراجل ف النقطة دي على اساس ان الراجل قال لى ان انت بتتعامل مع شركة التمويل وحبيت اعرف ايه هي شركة التمويل
قال لى هو بيبقى في كزا بنك
انا قلتله طيب ايه البنوك
قال لى هو بنك دلوقتى واحد ولكن ان شاء الله هيبقى في بنوك تانية ( ابقو قابلوني )
3- كيفية تحديد ال قسط الشهري :
ولما سالته انتوا حددتوا ال 399 جنيه دي على اى اساس ما ادانيش عنقاد نافع
قعد يتكلم ف حوارات مالهاش علاقة ب( كيفية تحديد ال 400 جنيه )
المهم انا سالته ايه البنك دا قال لى
البنك الاهلى جنرال سوستية
قلت له يعني انا المفروض اروح دلوقتى اعرف انا هسدد ازاى باقي تمن الشقة ( 50.000 جنيه ) قال لى انت بتروح للبنك بعد 6 شهور احنا بنبعت له الورق بتاعك وبتعد مع اى حد من مسئولي التمويل العقاري وهو يقول لك ايه طريق السداد بتاعتك
قلت له طيب وانت هيبقى لك عندي ايه بعد ال 35.000 جنيه المقدم
قال لى احنا بنسلمك الشقة ( والحدق يفهم )
هو بياخد ال 35.000 جنيه منك
وبياخد ال 50.000 من البنك
وهو يبقى كده دوره خلص

طريقة السداد مع البنك
انا بصراحة مكدبتش خبر
وقلت وانا سخن كده اروح اشوف البنك الاهلى جنرال سوستيه
واشوف طريق السداد ازاى لان الفار ابتدى يلعب ف عبي لما عرفت ان كده الشركة ملهاش حاجة عندى قلت ايه اللي هيجبرهم على انهم يسلمونى ف ميعادهم ويدوني كمية الخدمات اللى قالوا عليها واعلنوا عنها دي
المهم رحت للبنك الاهلى جنرال سوستيه
وقعدت مع مسئول التمويل العقاري
وقلت له اللى حصل كزا وكزا وكزا
وانا كنت عايز اطمئن واعرف انا لما ادفع ال 35.000 جنيه
واتحول لكم
هدفع القسط ازاى ؟
وكانت هذه الصدمة الكبرى
قال لى انت الاساسي بتاع المرتب بتاعك كام
قلت له وحسب لي الحسبة
وقال لى
الكلام دا مش مظبوط
انا ماقدرش ااعدك بالتمويل العقاري ب 50.000 جنيه
قلت له امال كام
قال لى انت اخر مبلغ ليك 32.000 جنيه
قلت له والباقي
قال لي انت بتدفعه كاش

بصراحة لما عرفت الكلام دا انا تهت
واتدربكت
ولما سالته طيب بفرض انى دفعت ال 16.000 جنيه كاملين طريق سداد ال 32.000 ازاى ؟
قال لى 691 او رقم شبيه لكده لمدة 7 سنوات
ولما قلت له لا انت فهمتنى غلط
انا جاى تمويل عقاري لمدة 15 سنه
قال لى لا مفيش كده
انت اقصى تمويل عقاري ليك 32.000 جنيه
واقصى مدة دفع ليه 7 سنوات
انا اخدت منه ورق بالكلام دا
الورق دا انا اديته لواحد زميلي علشان يشوفه
هجيبه منه النهارده بليل ان شاء الله واحطه لكم
طبعا انا اتصدمت وقلت
لو دفعت 35.000 جنيه
وبعدها 16.000 جنيه
وقسطت 691 جنيه على 7 سنوات
عادى اهو انا عايز اجيب شقة واخلص بقى
وحصلت الصدمة الكبرى الكبرى الكبرى الكبرى
انا كده خلصت الجزء التانى من الرحلة

يتبع الجزء الثالث والاخير

momohegazy

23-05-2009, 10:04 PM

ايه الحلاوة دى يا جودة جامد جدا يا مان

momo100010

23-05-2009, 10:05 PM

انا شايف ان لحد كده المشروع ده كويس

ومبلغه في حدود الشباب اللى زينا .. بس اللى مخوفنى اللى انتا قلته في الأول عن المشروع .. متابعة بشغف لمعرفة باقي التفاصيل

وملايين كلمات الشكر لن تكفي لتقديرك وتقدير مجهودك.

ولا نملك الا الدعاء لك بظهر الغيب.

اولا اشكرك
ثانيا انتظر
ماتديش راي الا لما تشوف الجزء الثالث

جاري تحضير الجزء الثالث

يا جماعة ربنا اللى عالم انا بتعب اد ايه وبكتب الموضوع دا ف اد ايه وباخد من وقت ايه علشان اعمله
انا كل اللى طالبه انكم تقرأوا الفاتحه للمرحوم محمد اسامة
ربنا يرحمه ويجمعنا بيه ف الجنة ان شاء الله ويصبر والده ووالدته

momo100010

23-05-2009, 10:27 PM

الاخوة الكرام
مبدئيا اعتذر عن تاخير الجزء الثالث والاخير
ودا لظروف خارجة عن ارادتي
المهم اكمل لكم الجزء التالت من الرحله
انا رحت البنك الاهلى جنرال سوستيه ( اللى بياخد الفايدة اتنين فايدة عادية وفايدة مركبة ) اللى عند نادى هليوبوليس اللى ف روكسي
ونظرا لوصف الراجل المحترم اللى قال لى ما بينها وما بين مدينتي 5 دقائق ونظرا لان انا ساكن على طريق مصر السويس
فقلت انا هروح من طريق مدينتي او الشروق ولم احدد
ولما بصيت ف الخريطة الجميلة اللى هما مدينهالي
قلت هدخل دخلة الشروق اللى بتخرجني من السويس الى الاسماعيلية واعدت ماشي مالا يقل عن 1/2 ساعة من اول طريق مصر السويس الى ان خرجت على نصف طريق مصر الاسماعيلية
وكل شوية اسال الاخ المحترم بتاع خدمة العملاء يقول لى بعد كمان شوية
المهم الحمد لله بعد عناء وصلت و
ما شاء الله ما شاء الله
دخلة المشروع مكتوب يافتة مكتوب عليها
القاهرة 50 كم
المهم انا دخلت المشروع
ولاقيت حاجة غريبة جدا
انا هسيب الصور والفيديوهات تشرحلكم وتقوللكم اللي انا شفته
ولكن انا بس ليا تشبيه بسيط
الاخ بتاع خدمة العملاء وقف كده واعد يقول لى هنا هنعمل كزا و كزا و كزا و كزا
وهنا هنعمل كزا و كزا و كزا و كزا
المهم الراجل دا فكرني بفيلم محمد صبحي لما كان واقف ف الصحرا بشورت وعمالى يقول هنا هنعمل كزا وكزا وهنا هنعمل كزا وكزا بتاع ( هب كؤ كؤ كؤ فوق )
المهم المكان صحراء جرداء لا زرع بها ولكن في ماء ( طلمبة صغنونة كده بتطلع ميه )
وكام مهندس شغالين ف حته وكام عامل شغغال ف حته
المهم انى اتعقدت لما سالته انا هستلم الشقة امتى ؟
قال لى ف المرحلة الاولى من التسليم ( اول 15 عمارة ) طيب وهتبقى فيها الخدمات اللى انتوا كاتبنها دي
قال لى برده بعد سنه ونص قلت له تيجي ازاى
قال لى احنا مش هنديلك شقتك كده من غير خدمات
هنشجرهااالك ونظبطهااااالك ونروقهااالك
وانا عمالى اقول له تماااااااام
ربنا معاكم
وطبعا اتخنقت المهم هسيبلكم الصور والفيديوهات ف المرفقات
على فكرة معلش الفيديوهات هتبين انا كنت قرفان اد ايه
معلش بقى
وكمان على فكره
انا كل دا ماشي بالعربية
وخارج من اول الموقع
يعني كل دا الموقع ف الصحرااااااااا

اه نسيت برده في صور لتقسيمة الشقة
وصورة صورتها من البلان شيت ل مساحات الشقة
لو مش ظاهرة قولوا لى وانا هكنبهالكم عالوورد واحطهالكم
دي المساحات
http://www.iraqup.com/uploads/20090524/Na2y1-KIe3_211246796.JPG
http://www.iraqup.com/uploads/20090524/KOSrn-d727_151242344.JPG
ودي تقسيمة الشقة
http://www.iraqup.com/uploads/20090524/t5Tw1-W2xE_723971029.JPG

تحذييييييييييير
الموضوع فيه حرمانية بحته بحته بحته
البنك بياخد فوائد مستفزة
الموضووووع حرااااااااااااااااام حراااااااااااااااااااااااااام حراااااااااااااااااااااااااااااااااااام
متنسوووووووووووووووش
انا كل اللى طالبه انكم تقرأوا الفاتحه للمرحوم محمد اسامة ( اللى ف التوقيع بتاعي )
ربنا يرحمه ويجمعنا بيه ف الجنة ان شاء الله ويصبر والده ووالدته

momo100010

23-05-2009, 10:33 PM

الاخوة الكرام
مبدئيا اعتذر عن تاخير الجزء الثالث والاخير
ودا لظروف خارجة عن ارادتي
المهم اكمل لكم الجزء التالت من الرحله
انا رحت البنك الاهلى جنرال سوستيه ( اللى بياخد الفايدة اتنين فايدة عادية وفايدة مركبة ) اللى عند نادى هليوبوليس اللى ف روكسي
ونظرا لوصف الراجل المحترم اللى قال لى ما بينها وما بين مدينتي 5 دقائق ونظرا لان انا ساكن على طريق مصر السويس
فقلت انا هروح من طريق مدينتي او الشروق ولم احدد
ولما بصيت ف الخريطة الجميلة اللى هما مدينهالي
قلت هدخل دخلة الشروق اللى بتخرجني من السويس الى الاسماعيلية واعدت ماشي مالا يقل عن 1/2 ساعة من اول طريق مصر السويس الى ان خرجت على نصف طريق مصر الاسماعيلية
وكل شوية اسال الاخ المحترم بتاع خدمة العملاء يقول لى بعد كمان شوية
المهم الحمد لله بعد عناء وصلت و
ما شاء الله ما شاء الله
دخلة المشروع مكتوب يافتة مكتوب عليها
القاهرة 50 كم
المهم انا دخلت المشروع
ولاقيت حاجة غريبة جدا
انا هسيب الصور والفيديوهات تشرحلكم وتقوللكم اللي انا شفته
ولكن انا بس ليا تشبيه بسيط
الاخ بتاع خدمة العملاء وقف كده واعد يقول لى هنا هنعمل كزا و كزا و كزا و كزا
وهنا هنعمل كزا و كزا و كزا و كزا
المهم الراجل دا فكرني بفيلم محمد صبحي لما كان واقف ف الصحرا بشورت وعمالى يقول هنا هنعمل كزا وكزا وهنا هنعمل كزا وكزا بتاع ( هب كؤ كؤ كؤ فوق )
المهم المكان صحراء جرداء لا زرع بها ولكن في ماء ( طلمبة صغنونة كده بتطلع ميه )
وكام مهندس شغالين ف حته وكام عامل شغغال ف حته
المهم انى اتعقدت لما سالته انا هستلم الشقة امتى ؟
قال لى ف المرحلة الاولى من التسليم ( اول 15 عمارة ) طيب وهتبقى فيها الخدمات اللى انتوا كاتبنها دي
قال لى برده بعد سنه ونص قلت له تيجي ازاى
قال لى احنا مش هنديلك شقتك كده من غير خدمات
هنشجرهااالك ونظبطهااااالك ونروقهااالك
وانا عمالى اقول له تماااااااام
ربنا معاكم
وطبعا اتخنقت المهم هسيبلكم الصور والفيديوهات ف المرفقات
على فكرة معلش الفيديوهات هتبين انا كنت قرفان اد ايه
معلش بقى
وكمان على فكره
انا كل دا ماشي بالعربية
وخارج من اول الموقع
يعني كل دا الموقع ف الصحرااااااااا
في كليب بيبين المشروع ككل بس مساحته كبيرة مش عارف ازاى انزله يري لو حد يعرف يقول لى وانا هنزله
اه نسيت برده في صور لتقسيمة الشقة
وصورة صورتها من البلان شيت ل مساحات الشقة
لو مش ظاهرة قولوا لى وانا هكنبهالكم عالوورد واحطهالكم
دي المساحات
http://www.iraqup.com/uploads/20090524/Na2y1-KIe3_211246796.JPG
http://www.iraqup.com/uploads/20090524/KOSrn-d727_151242344.JPG
ودي تقسيمة الشقة
http://www.iraqup.com/uploads/20090524/t5Tw1-W2xE_723971029.JPG

تحذييييييييييير
الموضوع فيه حرمانية بحته بحته بحته
البنك بياخد فوائد مستفزة
الموضووووع حرااااااااااااااااام حراااااااااااااااااااااااااام حراااااااااااااااااااااااااااااااااااام
متنسوووووووووووووووش
انا كل اللى طالبه انكم تقرأوا الفاتحه للمرحوم محمد اسامة ( اللى ف التوقيع بتاعي )
ربنا يرحمه ويجمعنا بيه ف الجنة ان شاء الله ويصبر والده ووالدته

momo100010

23-05-2009, 10:35 PM

ايه الحلاوة دى يا جودة جامد جدا يا مان

ايه دا يا حجازي؟
انت عضو هنا كمان ؟
ايه الحلاوة دي
والله انت نوووووورت الموضوع
ويارب يكون عجبك وافادك
علشان لو حلو نحطه لشباب المنطقة كلهم
اهو ثواب

aymangoda

24-05-2009, 10:08 AM

موضوع جميل معلومات عامة

SHAKSHAK

24-05-2009, 11:36 AM

ربنا يباركلك يا صديقى
والله إنت بطل على المجهود الكبير الى بتعمله
أنا أخيراً إستقريت على يا إما حدائق الأهرام .. أو الحى العاشر مدينة نصر أو زهراء المعادى
واحدة من الثلاثة .. بس ربنا يسهلها
شكرا يا غالى على الموضوع التحفة فعلاً و ربنا يجعله فى ميزان حسناتك

amrnader

24-05-2009, 02:22 PM

ربنا يباركلك يا صديقى
والله إنت بطل على المجهود الكبير الى بتعمله
أنا أخيراً إستقريت على يا إما حدائق الأهرام .. أو الحى العاشر مدينة نصر أو زهراء المعادى
واحدة من الثلاثة .. بس ربنا يسهلها
شكرا يا غالى على الموضوع التحفة فعلاً و ربنا يجعله فى ميزان حسناتك

يا راجل يا طيب، انت كدة معتبر نفسك استقريت :3d smile (21):

ده انت جايب من الشرق للغرب و اسعار المناطق دية متفاوتة جدا.

amrnader

24-05-2009, 02:23 PM

متشكرين يا أخ momo على المجهود الجبار، و طمعانين فى اللى بعد كدة ( انت اللى عودتنا بقى)

exelence

24-05-2009, 04:25 PM

ربنا يباركلك يا صديقى
والله إنت بطل على المجهود الكبير الى بتعمله
أنا أخيراً إستقريت على يا إما حدائق الأهرام .. أو الحى العاشر مدينة نصر أو زهراء المعادى
واحدة من الثلاثة .. بس ربنا يسهلها
شكرا يا غالى على الموضوع التحفة فعلاً و ربنا يجعله فى ميزان حسناتك

اخى الكريم انا موافق معاك على حدائق الاهرام و الحى العاشر لان اسعارهم تقريبا زى بعض.
لكن زهرء المعادى دى انا ما اعرفش عنها حاجة خالص او حتى اسعارها عامله ايه ؟
يا ريت لو تقول لنا عن تجربتك هناك و تقول لنا الاسعار لانى بصراحه كان نفسى اخد اى حاجه قريبة من المعادى زى زهراء المعادى او حتى المكان اللى جنب الشهر العقارى.

a-faheem

24-05-2009, 08:11 PM

شكرا جزيلا اخي الفاضل
اسال الله ان ينفعك وينفع بك
ويرحم صديقك وموتي المسلمين

وربنا يباركلك في وقتك وصحتك اللي بتستثمرهم لخدمه اخوانك

mohtech

24-05-2009, 11:59 PM

حرام حرام حرام

omarzyead

25-05-2009, 10:22 AM

Thank U Mnnnn

polymorf

25-05-2009, 11:38 AM

شكرا على الاهتمام بهذا الموضوع الجميل و المفيد

samehbakr

26-05-2009, 09:30 AM

مشكوووووووووووووووووووووووووور

magant

26-05-2009, 02:36 PM

thanks a lot for all your efforts

magant

26-05-2009, 02:43 PM

thank you so much

spirit_30

27-05-2009, 06:51 AM

اعملو حساب الشباب اليه لسه فى بدايت حيتو يعنى جليكو فى الاماكن اليه30 الف معقوله

m1f1e

27-05-2009, 08:27 PM

السلام عليكم ورحمه الله وبركاته
احيك والله اخى فى الله واشكرك بشده على اهتمامك بالرد على سؤالى واسف على التاخير فى الرد وبالتوفيق دائما

momo100010

28-05-2009, 01:52 AM

اولا اعتذرلا على عدم متابعة الموضوع
لان النت كان فاصل
المهم اشكر كل الاخوة الكرام اللى ردوا على الموضوع

انا نازل بكره التجمع الخامس
منطقة الشباب
وممكن جدا ادخل احدى الشقق
هعرف تفاصيل اكتر عن الموضوع
واكتبه لكم
ادعوليييييي

okijuh

28-05-2009, 11:11 AM

ارجو الحصول علي معلومات يااستاذي عن مشروع جرين فيو بالعاشر من رمضان نظرا لرخص سعره وعدم وجود فايدة فابالتالي مافيش ربا وانا اللي مقلقني ان كل مرحله سته عمارات فقط والمرحله التانيه بعد تلات سنين يعني في تلات سنين يبنوا ست عماير فقط رقم قليل جدا يدل علي صغر حجم الشركة وارجو اعرف ما راياك اذا كانت هذه الشقة للاستثمار وليست للسكن

momo100010

28-05-2009, 01:16 PM

ارجو الحصول علي معلومات يااستاذي عن مشروع جرين فيو بالعاشر من رمضان نظرا لرخص سعره وعدم وجود فايدة فابالتالي مافيش ربا وانا اللي مقلقني ان كل مرحله سته عمارات فقط والمرحله التانيه بعد تلات سنين يعني في تلات سنين يبنوا ست عماير فقط رقم قليل جدا يدل علي صغر حجم الشركة وارجو اعرف ما راياك اذا كانت هذه الشقة للاستثمار وليست للسكن

جاري الاستفسار عنها
وان شاء الله لما اعرف هبعت لك رساله عالخاص

ramy1985

28-05-2009, 06:39 PM

مشكور
جداجدا

SHAKSHAK

28-05-2009, 10:10 PM

يا جماعه .. حد عنده فكرة عن منطقة كفر الجبل فى منطقة الأهرم ؟

كنت قرأت إعلان عنها بأسعار غرررررررريبة جداً شقق 90 متر ب 60 ألف و حاجات غريبة كده

ناس بتقول مبنية بأخطاء هندسية .. و ناس بتقول موجودة فى منطقة شعبية جداً و ناس بتقول كلها عصابات و أوكار مخدرات ..

ياريت لو حدة عنده أى معلومات يفيدنا .. و أنا إن شاء الله لو محدش يعرف عنها حاجة .. هروح أزورها و هصورها و هضيفها للموضوع الرائع ده ..
تحية كبيرة لصاحب الموضوع المبدع :)

و ياريت يا جماعه كلنا نتحرك و نساعد بعض .. الى يروح مكان .. يحاول يصورة .. فيديو , صور بالموبايل أى حاجة ينقل بيها صورة للواقع .. و يكتب تفاصيل زيارتة و الى عرفه فيها من معلومات و يضيفها للموضوع لأن ديه الطريقة الوحيدة الى فعلاً هنساعد فيها بعض

شكراً و تقبلوا فائق تحياتى

momo100010

29-05-2009, 12:06 PM

يا جماعه .. حد عنده فكرة عن منطقة كفر الجبل فى منطقة الأهرم ؟

كنت قرأت إعلان عنها بأسعار غرررررررريبة جداً شقق 90 متر ب 60 ألف و حاجات غريبة كده

ناس بتقول مبنية بأخطاء هندسية .. و ناس بتقول موجودة فى منطقة شعبية جداً و ناس بتقول كلها عصابات و أوكار مخدرات ..

ياريت لو حدة عنده أى معلومات يفيدنا .. و أنا إن شاء الله لو محدش يعرف عنها حاجة .. هروح أزورها و هصورها و هضيفها للموضوع الرائع ده ..
تحية كبيرة لصاحب الموضوع المبدع :)

و ياريت يا جماعه كلنا نتحرك و نساعد بعض .. الى يروح مكان .. يحاول يصورة .. فيديو , صور بالموبايل أى حاجة ينقل بيها صورة للواقع .. و يكتب تفاصيل زيارتة و الى عرفه فيها من معلومات و يضيفها للموضوع لأن ديه الطريقة الوحيدة الى فعلاً هنساعد فيها بعض

شكراً و تقبلوا فائق تحياتى

الاخ الكريم
انت شغلك فين
وعايز شقة ف حدود كام؟
وانا ان شاء الله اقول لك على احسن مكان [/color][/size][/font][/b]

momo100010

29-05-2009, 12:17 PM

اسف انى نسيت اكمل
انا سمعت عن كفر الجبل دي انها وكر من الاوكار
وبيحاولوا يغيروها
ولكن هي بعيدة جدااااا عن العمار
ورخيصة جدا لان مفيش حد بيامن على زوجته ونفسه فيها

SHAKSHAK

29-05-2009, 04:00 PM

شكراً يا غالى على إهتمامك
أنا يا سيدى شغلى فى المعادى .. و بالنسبة للشقة .. عايز حاجة يكون المتر فيها فى حدود 1200 أعلى أو أقل فى حدود المعقول .. و يكون نظام الدفع على أقساط .. مقدمة فى الأول و أقساط لمدة من 3 سنوات لغاية 5
أنا بدور على أى حاجة تكون قريبة من الدائرى و تكون بالمواصفات ديه .. و المساحة ما تقلش عن 100 متر
بس تقريباً كده أنا مش هروح أشوف كفر الجبل ديه .. خصوصاً بعد كلامك و كمان أنا جبت مكانها من على ويكيبيدا .. و مكانها محدوف حدفه يعنى بجد فعلاً حاسس إن الأمان هيكون معدوم فيها
شوف هنا على الخريطة
http://wikimapia.org/#lat=29.9582066&lon=31.1450762&z=18&l=0&m=a&v=2

عموماً ربنا يسهل .. و يكرم إن شاء الله عن قريب .. و انا أى مكان هروحة هضيفة هنا للموضوع ..

شكراً

momo100010

29-05-2009, 08:12 PM

عفوا اخى الكريم
وف انتظار عروض الاعضاء
نظرا لكبر الموضوع
ونظرا لرؤيتي ف موضوع ز مدينة نصر انه عايز يتعمم
هعمل اقتباس لموضوع ز م نصر
واعمله ف موضوع لوحده هنا ف المنتدى
علشان اللى عايز يستفسر عنها
انا موجود
واتمنى ان دا يكون ف صالح الاعضاء

elbably

30-05-2009, 12:07 AM

ربنا يجازيكم خير انتم بتوفروا علينا وقت و مجهود رهيب

hisamrain

30-05-2009, 05:24 AM

ايه راى حضرتك فى عمارات ايجيكو بالتجمع التالت هل المنطقة هناك كويسة واسعار الشقق فى حدود كام وشكرا لحضرتك

akram_zoro

30-05-2009, 02:40 PM

thaaaaaaaaaaaanks

momo100010

30-05-2009, 04:36 PM

ايه راى حضرتك فى عمارات ايجيكو بالتجمع التالت هل المنطقة هناك كويسة واسعار الشقق فى حدود كام وشكرا لحضرتك

انا نزلت التجمع التالت
ولفيتها كويس
يريت تقول لى ف انى حته بالظبط
وان شاء الله اقدر افيدك

hema_3310

30-05-2009, 07:02 PM

thanxxxxxxxxxxxxxxxxxxxxxx

johndimtry

30-05-2009, 09:01 PM

شكرا جزيلا

hisamrain

30-05-2009, 09:40 PM

انا نزلت التجمع التالت
ولفيتها كويس
يريت تقول لى ف انى حته بالظبط
وان شاء الله اقدر افيدك
شكرا على ردك العمارات دى موجودة خلف سنترال القطامية امام مسجد فاطمة زهراء التجمع التالت وفى اعلانات نزله فى النت عليها

momo100010

30-05-2009, 10:00 PM

شكرا على ردك العمارات دى موجودة خلف سنترال القطامية امام مسجد فاطمة زهراء التجمع التالت وفى اعلانات نزله فى النت عليها

جارى الابحث والاستفسار
وسيصلك الرد باذن الله ف رسالة خاصة او على العام

amrnader

30-05-2009, 10:30 PM

انا نزلت التجمع التالت
ولفيتها كويس
يريت تقول لى ف انى حته بالظبط
وان شاء الله اقدر افيدك

طب يا باشا بما انك لفيت هناك كويس، ايه اخبار الشقق الاستثمارى اللى عند الجامعة الالمانية، انا بشوف عنها اعلانات كتير عالنت.

momo100010

31-05-2009, 12:49 AM

جاري البحث عنها
والله انا اول مرة اسمع عنها
بس يريت اللى يقول على مشروع يا جماعة يقول تفاصيله اللى عارفها
وانا ان شاء الله اشوفهاله على اد ما اقدر

karembasha

31-05-2009, 02:16 AM

مشكور على الموضوع

tamerash

31-05-2009, 04:05 PM

thanxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxx

thelancer

31-05-2009, 07:23 PM

thanxxxxxxxxxxxxxxxx

abo esslam

31-05-2009, 09:19 PM

frfrffrfvrfvrftrfrfrf

wesamany

31-05-2009, 09:52 PM

انا مش مسدق نفسي انها بالسهولة دي

senaway

01-06-2009, 01:15 AM

والله يا اخى لك جزيل الشكر ولكن ياريت تعطينا تفاصيل اكتر عن انظمة السداد بباقى المشاريع

samovich_5

01-06-2009, 01:32 PM

شكرا انا كنت بفكر انى اروح اشوف جاردينا بس لما انت قولت بتصفى 67 متر مش هقدر اروح دا انا شوفت اكبر من كدا و كنت حاسس انها صغيرة

momo100010

01-06-2009, 06:39 PM

انا كده يعتبر خلصت الموضوعات الموجودة ف السوق حاليا
وجاهز لاى استفسار للاعضاء سواء كان
عام
خاص
تليفونيا
ايميل
واتمنى ان كل واحد يلاقى الشقة اللى بيدور عليها

samovich_5

02-06-2009, 10:01 AM

شكرااا على الموضوع الجامد جدااا وزى ما انا قولت انا كنت هاروح اشوف جاردينا بس للاسف موضوع انها 63 متر ديه صعبه شويتين هى غاليه فعلا بس فى ناس مش بتقدر دا المهم يا جماعة انا كنت عاوز من الاعضاء و خصوصا الناس اللى شغلهم فى المعادى و اللى ساكنين هناك يقولولنا ايه نظام الشقق فى طره هى اسمها صعب شويه بس انا سامع عنها انها فيها شقق كويسه و مش مبالغ فى تمنهاهى شقق تمليك و ايجار قديم و انها الايام اللى جايه هترتفع كمان لان هيعملوا مديريه امن حلوان هناك و هتعلى جداااا كمان لو حد يعرف فى منطقه اسمها ابراج منتصر هى على الكورنيش بعد المعصرة برضه فيها شقق كتير تمليك و ايجار قديم بس انا اسمع ان اللى على الكورنيش طبعا اغلى ياريت حد يرد علينا فى اسرع وقت عن المناطق ديه و ربنا يوفق الكل

samovich_5

02-06-2009, 12:36 PM

انا قصدى اللى شغلين فى المعادى او ساكنين هناك لانهم قريبين جدا من طره

momo100010

02-06-2009, 03:50 PM

اتمنى ان حد يبقى عارف عن المنطقة دي
ويفيدنا

samovich_5

03-06-2009, 11:18 AM

شكرااا على الموضوع الجامد جدااا وزى ما انا قولت انا كنت هاروح اشوف جاردينا بس للاسف موضوع انها 63 متر ديه صعبه شويتين هى غاليه فعلا بس فى ناس مش بتقدر دا المهم يا جماعة انا كنت عاوز من الاعضاء و خصوصا الناس اللى شغلهم فى المعادى و اللى ساكنين هناك يقولولنا ايه نظام الشقق فى طره هى اسمها صعب شويه بس انا سامع عنها انها فيها شقق كويسه و مش مبالغ فى تمنهاهى شقق تمليك و ايجار قديم و انها الايام اللى جايه هترتفع كمان لان هيعملوا مديريه امن حلوان هناك و هتعلى جداااا كمان لو حد يعرف فى منطقه اسمها ابراج منتصر هى على الكورنيش بعد المعصرة برضه فيها شقق كتير تمليك و ايجار قديم بس انا اسمع ان اللى على الكورنيش طبعا اغلى ياريت حد يرد علينا فى اسرع وقت عن المناطق ديه و ربنا يوفق الكل

اتمنى يا جماعة حد يرد علينا كمان فى منطقه على كورنيش المعادى اسمها اندريا هى وراء المحكمة الدستوريه المفروض انها فيها شقق باسعار الى حد ما كويسه بس ياريت حد يكون راح المناطق ديه يقولنا ظروفها ايه فى المياه و الكهرباء و الشوارع كبيرة او صغيرة الاسعار المساحات اللى هناك الامان

zazabazaza

03-06-2009, 04:31 PM

الف الفف شكر بجد مجهود رائع

momo100010

03-06-2009, 04:43 PM

اتمنى يا جماعة حد يرد علينا كمان فى منطقه على كورنيش المعادى اسمها اندريا هى وراء المحكمة الدستوريه المفروض انها فيها شقق باسعار الى حد ما كويسه بس ياريت حد يكون راح المناطق ديه يقولنا ظروفها ايه فى المياه و الكهرباء و الشوارع كبيرة او صغيرة الاسعار المساحات اللى هناك الامان

يريت تقول الاسعار ف حدود كام
ولو الاسعار مناسبة
انا ممكن اروح اشوفها
منتظر ردك

zazabazaza

03-06-2009, 06:59 PM

انا لسه مستني الموضوع الى قلت انك هاتعمله عن منطقة النزهه الجديده لأنى سامع ان المنطقه دى قريبه و أسعارها حلوه

أرجو انك تفيدنى بأى معلومه عنها

مع بالغ الشكر

momo100010

03-06-2009, 08:19 PM

انا لسه مستني الموضوع الى قلت انك هاتعمله عن منطقة النزهه الجديده لأنى سامع ان المنطقه دى قريبه و أسعارها حلوه

أرجو انك تفيدنى بأى معلومه عنها

مع بالغ الشكر

حضرتك قول لى انت عايز تستفسر عن ايه
وانا اللى اعرفه هقوله لك ان شاء الله

ملحوظة
الموضوع هيتم متابعته دوريا اعتبارا من يوم 11 / 6 / 2009
لعدم الاستمرار ف التواجد كالسابق

samovich_5

04-06-2009, 10:24 AM

يريت تقول الاسعار ف حدود كام
ولو الاسعار مناسبة
انا ممكن اروح اشوفها
منتظر ردك

انا معرفش الاسعار هناك تقريبا كام بس تقريبا الايجار القديم بيبدء من 25000 و هو دا كل اللى انا اعرفه و كان واحد صاحبى قال ان المتر تمليك من 900 الى 1000 بس مش عارف الكلام دا مظبوط و لا لا

nosasaksaka

04-06-2009, 04:03 PM

gooooooooooooooooooooooooood

zazabazaza

05-06-2009, 08:38 PM

انا بس عايز اعرف هى منطقه حلوه ولا لأ و لو فيها اى عيوب فيها كهربا و ميه و غاز و كده و ايه شكل المنطقه هناك معلومات بس عنها و لك جزيل الشكر على المجهود اللى بتبزله بجد

SlaVe.Of.AllaH

05-06-2009, 08:52 PM

ربنا يبارك لك يا ريس .

modern academy

05-06-2009, 11:31 PM

انت راجل عشرة علي عشرة
بجد انا استفدت جامد من الموضوع دة
بجد شكرا اوي يا باشا

momo100010

06-06-2009, 03:14 PM

اشكر كل الاخوة الاعضاء الذين يتابعوا الموضوع
واتمنى انه يكون افادكم

avokatoooo

08-06-2009, 11:50 AM

كان ليا استفسار صغير ياريت لو حد يعرف حاجه عن هرم سيتي مساحات قد ايه والمكان والتعاقد والاقساط

momo100010

08-06-2009, 04:17 PM

كان ليا استفسار صغير ياريت لو حد يعرف حاجه عن هرم سيتي مساحات قد ايه والمكان والتعاقد والاقساط

المساحة 63 متر
ممكن تزورهم وتسالهم
لانهم مش بيقولوا حاجة لحد ف التليفون

amfmm

09-06-2009, 12:03 PM

السلام عليكم
الاخوة الكرام
اولا اعتذر انى مطبعتش الحاجات اللى قلت لكم انى هطبعها عالاسكنر
ودا لان انا مش عندى اسكنر
والمفروض انى كنت انزل اعملها النهارده ف مكتب
ولكني مكنتش فاضي خالص للأسف
المهم انى بكره ان شاء الله هكون طبعتهم عالاسكنر

ودي الجداول (بس انا اللى كاتبها
فيها اسعار الشقة ( من حيث عدد السنين )
وكمان مساحة الشقة قطاعات

وجاري انشاء موضوع عن زهراء مدينة نصر

وان شاء الله على بليل كده هكون خلصته
ويارب يكون الكلام دا بينفع حد ولو واحد بس

شكرا يا اخي مجهود اكتر من رائع وجزاكم الله خيرا

AERO

09-06-2009, 12:32 PM

Thxxxxxx man

المنياوى2010

09-06-2009, 12:49 PM

شكرااااااااااااااااااااااااا

alyahmed

09-06-2009, 08:16 PM

مشكووووووووووور أخي علي المجهود الرائع

medos!

10-06-2009, 11:21 AM

جزاك الله خيرا