سمكى الوحش زيله متقطع

[samer_hendy2005]

يا جماعه حد يقولى اعمل ايه علشان انا خلاص زهقتتتتتت:icon2800:

عندى سمك الجولد زيله متقطع وحطيت الدواء معملش حاجه
انا حوضى 80
35 وارتفاع50

جيبت له سخان 70 ودرجه الحراره عندى على طزل ثابته ولما تتغير بنزغرط :clap0000: ونصقف بتكون ما بين28:30

يبقى من ايه بقى:schmoll0: :no000000:

[tamerfouad]

اهداء بص فى كذا سبب ممكن تكون وقعت فية اولا ان يكون هناك مرض بياكل فى ازيل السمك ودة وارد بص حط
ملح وبص ممكن تكون سمك معادى يعنى سمكة تكون هى الى عملت كدة ودة سعات بيحصل بص قلى انت عندكانواع اة بجانب النوع المصاب وممكن تكون حالة نفسية للسمك نتيجة للاهمال ومتستغربش
وممكن من الجوع بردة فى حجات كتيرة بس ادنى تفصيليات اكتر عشان اقدر افيدك سلامى لك

[Bibomk]

اخي العزيز الرجاء كتابة المعلومات التالية
1. عدد الاسماك في الحوض وانواعه
2. نوع الفلتر المستخدم و سعته
3. طريقة التغيير الدورية لماء الحوض لديك
4. عدد الاسماك المصابة
5. هل لديك حوض اخر ام لا
6. اخر مرة اشتريت فيها سمك او اي ديكور او نباتات للحوض

و بعد هذه المعلومات يمكننا ان نجد الحل مع بعض باذن الله

[samer_hendy2005]

كرا على مروركم اخوانى الكرام

انا عندى 3شبنكلو4فانتيلو3ليون هيدو1ريد كاب و2سلفر شارك و2بنجسيوس و5انجل و4جرامى و1ريمبو شارك و1 البينو شارك و1بيرسكيل و4كوىو15كات فيش

عندى فلتر ارضى وفلتر كهرباء

بغير ثلث مايه الحوض كل اسبوعين

وكمان انا لسه منضف الحوض وغسله ومخليه زى الكريستاله والله:shiny000:
عندى 4سمكات تعبانين

بس انا لما غسلت الحوض حطيت الدواء لكن الملح لا
علشان عمو بتاع السمك قالى ان الانجل مبيحبش الملح فى المايه

اخر مره اشتريت سمك كان من شهرين ولسه مغير ديكورات الحوض لما نضفت الحوض من اسبوع بس الديكورات كلها قبل ما حطتها الحوض نقعتها نصف يوم فى مايه سخنه وملح

وبعد كده شطفتها بمايه عاديه:fish0000: :schmoll0: :bye10000: وشكرا لكم

[Bibomk]

اخي العزيز سبب الامراض عندك هو كثره عدد اسماك الحوض الخاص بك وخصوصا الجولد والكوي هل تعلم اخي ان السمكه من دول تحتاج مالا يقل عن 30 لتر ماء عشان تعيش كويس من دون امراض يعني السمك بتاعك دا لازم يكون في حوض سعته حوالي 700 لتر او اكثر وهو حوض مهول في حين ان الحوض الخاص بك سعته تقريبا 120 لتر وهذا يتسبب في سرعة اتساخ الماء وموت السمك المفاجيء وكثرة الامراض
انصحك اخي بتقليل عدد الاسماك في الحوض هذا هو الحل الوحيد الذي ينفع
في هذه الحالة اذا وضعت الدواء اليوم و خفت سمكة ستجد غدا عشرة مريضين
وتعيش مع الهواية ليس الا معالج لامراض السمك وستمل من ذلك

[samer_hendy2005]

شكرا على نصيحتك اخى Bibomk
وانا بالفعل جيبت حوض كبير حجمه متر 30 سنتيمتر اعتقد انه كبير وارتفاعه45 وعرضه35
بالتوفيق......
سامر هندى

[مسترموسى]

الاخ tamerfouad والاخ bibomk مشكورين على المعلومات الجميله والمنظمه واحب انبه لحاجه كمان........العزيز samer_hendy2005 انت قلت ان درجه الحراره فى الحوض القديم ئابته مابيت 28 و 30 الحراره كدة كتير قوى محتاج سخان اقل يا باشا علشان الموضوع مايخشش فى عروق حمراء بالزيول والجسم وبعد كدة موت محقق.

[مسترموسى]

الاخ tamerfouad والاخ bibomk مشكورين على المعلومات الجميله والمنظمه واحب انبه لحاجه كمان........العزيز samer_hendy2005 انت قلت ان درجه الحراره فى الحوض القديم ثابته مابين 28 و 30 الحراره كدة كتير قوى محتاج سخان اقل يا باشا علشان الموضوع مايخشش فى عروق حمراء بالزيول والجسم وبعد كدة موت محقق. الجرامى (احيانا") بيحب يعضعض فى زيول الجولد من باب الرزاله خلى عينك عليهم برضه.

[samer_hendy2005]

شكرا اخى العزيز وانا بالفعل غيرت السخان وبقيت على حوالى 10سمكات فى الحوض الهلمه ده

[SLICE]

هلمة ايه يا ساموراى دا كان اوتوبيس يا راجل
المهم انا عندى انثى fighter ديلها مفتل يعنى كامل بس كل شوكه لوحدها بدون غشاء يربطه مع الاشواك الاخرى انا مش شايف انه تاكل لكن اريد الرد عاجل وشكرا
سلام