حكايتى مع ( شركة بترول تطلب مهندسين كهربا) [الأرشيف] - موقع الدي في دي العربي

مشاهدة النسخة كاملة : حكايتى مع ( شركة بترول تطلب مهندسين كهربا)

eng_shadyahmed

24-03-2009, 03:02 PM

الاعلان ده شفته فى موقع الوسيط ومعاه رقم موبيل
اتصلت بالرقم وكلمنى واحد وخد منى بياناتى بالتفصيل
وقال كلمنى بكره عشان تعرف النتيجة المبدأية؟؟
كلمتهم تانى يوم ورد نفس الواحد وقالى انى نجحت مبدأيا
وكلمنى بكره تانى عشان تتأكد من النتيجة النهائية
بينى وبينكم شميت ريحة شياط ..قصدى..نصب بس قولت اكمل
واتصلت تالت يوم (انهارده) وقالى انى نجحت وخلاص هتعين
وفضل يتكلم عن الشركة ومزاياها وانى هسافر توشكى طيران
بس هدفع نسبة من تمن التذكرة حوالى الف جنيه
طبعا ياحلو بانت لبتك واتأكدت من شعورى انه نصاب
ماخلتهوش يكمل واديته اللى فيه النصيب من الكلام

انا حبيت احكيلكم عشان محدش يقع مع حد زى ده
وعلى فكرة ده الرقم 0182509712 عشان لو حد متابع معاه مايكملش
وشكرا

medo11medo11

24-03-2009, 04:15 PM

شكرا على التحذير وحسبي الله ونعمة الوكيل

hadidi4ever

25-03-2009, 04:44 PM

حسبنا الله ونعم الوكيل

art-mind

25-03-2009, 10:40 PM

شكرا على هذا التحذير وفعلا الاعلان شوفته نزل اكتر من 3 مرات في الوسيط وربنا يوفقك في وظيفة محترمة ان شاء الله

hazemsakr

26-03-2009, 06:00 AM

هههههههههه حصلت مع واحد صحبي من قيمة 4 شهوووور

shabana1979

27-03-2009, 06:31 AM

ربنا ينتقم من الاشكال دية

eng_shadyahmed

27-03-2009, 11:24 AM

ده كويس انها جات على اد المكالمة
لانه لو كان قالى انترفيو وطلع نصب
كنت ولعتلهم فى المكتب هناك

تامر الشبراوى

27-03-2009, 05:26 PM

على فكرة يا جماعه انا فعلا شفت الاعلان دا بس كانوا طالبين كيميائيين برقم مختلف تانى ( فودافون لانى مسحت الرقم ) واتصلت بيهم وقالى نفس الكلام بالظبط وطلبت منه اعرف مكان المقابله قالى لا كله من خلال التليفون وتبعتلى نص تمن التذكره واحنا هنبعتلك العقد ، وطبعا عرفت اللى فيها وماكملتش ، وعلى ماعتقد ان فيه كتير اتنصب عليهم فى حركه زى دى ، ربنا ينتقم منهم جميعا