من كتر حبى فيك انا قربت اكرهك !!!

[mr_lonely2006]

حبيتها و بحبها و مش هحب غيرها ..

بشوفها كل يوم ..

و اليوم اللى مش بشوفها فيه ببقى هموت ...

بتحبنى و بتموت فيا ..

بغير عليها من الهوا الطاير ..

مش بشوف فى عينيا غيرها ..

معاها فى الفرح و الحزن و فى كل الاوقات ..

طب و بعدين !!!

اديتها كل حاجة و خدت منها كتير !!

الحب بدأ يتحول الى ملل

الملل فى الحب !!

http://www.quizilla.com/user_images/E/EM/EMO/Emo.Midget/1204201786_sEmoCouple.jpg

تعمل ايه لو حسيت بالملل من الشخص اللى بتحبه ..

و لو كنت تعرضت لكدة عملت ايه عشان تخرج من الشعور ده

مستنى ردودكم و مناقشتكم على الموضوع ده

[™Siňbąd]

الحب لو أصابه الملل
تأكد إن دا موش حب حقيقي
ممكن تقول إنها فتره إعجاب وعدت
دمت بخير
في رعاية الله

[batsha_back]

الحب لو أصابه الملل
تأكد إن دا موش حب حقيقي
ممكن تقول إنها فتره إعجاب وعدت
دمت بخير
في رعاية الله


انا متفق مع مودى فى وجهه نظره
لو ملل يبقى مش حب حقيقى
وبص حاول تبعد عنها فتره وشوف ايه اللى هيحصللك

[♥МẼЯẪ♥]

معتقدش انا الحب بيتحول الى ملل
ولو وصل المرحله دى بيبقى اكيد العيب من اى طرف فيهم
وباالتالى يبقى لازم نغير شويه فى المعامله
فى الطريقه بس للاحسن مش الاسوء

[monnem82]

اكيد طبعا بيحصل ملل ده طبيعى..حتى لو كانوا روميو وجولييت دى طبيعة بشرية لما تلاقى الحاجة اللى انت عايزها قوى موجودة ومتاحة فى اى وقت بتفقد شغفك بيها..لكن مش بتسيبها!

لكسر الملل فى الحب ممكن تعمل الاتى:

1- اعملوا الحاجات اللى كنتوا بتعملوها زمان وتفكركم بزمان..زى مثلا اغنية معينة اسمعوها سوا..كلام معين كان بيتقال فى مسج..مكان معين زى كافيه او مطعم كنتوا بتروحوه وليكم فيه ذكريات

2- فكر تعمل حاجات الطرف الاخر مش متعود عليها زى مثلا خروجة او فسحة مختلفة مرحتوهاش قبل كده

3- حسس اللى قدامك بحبك بهدية او مفاجأة

4- اديله اهتمام واتكلم معاه عن ذكرياتكم وافتكروا سوا

5- اتجننوا شوية يا جماعة .. الحياة حلوة مع شريك حياتك اللى بتحبه..عيشوا لحظات الحب بطرق مختلفة..انا مثلا ممكن تطق فى دماغى فكرة وانفذها حتى لو صعبة او مجنونة مش لازم كل حاجة نحسبها بالورقة والقلم

6- اهم حاجة من وجهة نظرى تغيير الجو المحيط..شوفوا حتت جديدة سوا واتصوروا وكده

7- خلوا علاقتكم الخاصة فيها تجديد .. ركز فى التفاصيل زى الورد..برفان .. وفى حاجات تانية كتير ممكن تجدد بيها العلاقة

[lady cat]

لو الاتنين اللي بيحبوا بعض حسوا بملل ، يبقى لازم حد فيهم يغير معاملته مع التاني لحد ما التاني يرجع طبيعي مرة تانية ويخرج من حالة الملل دي يعني لازم حد فيهم يضحي علشان يخرج التاني من الملل دة

[™Möhammed Ëzz]

هو بشكل عام اي حاجة بتزيد عن حدها بتكون سلبيه، وده اكيد برضه بينطبق على الحب، يعني المبالغة مثلا في الكلام و تكراره عمال على بطال اكيد هيخنق عاجلا ام اجلا وبالاخص لو بيتقال في اوقات غير مناسبة.

[Semyo Alex Here]

اعمل اى حجة و خليها متشوفكش مدة متقلش عن اسبوعين او تلاتة كمان

وخلى كلامك مختصر فى الموبايل

عاملة ايه كويسة طيب الحمد لله انا لازم اقفل احسن ورايا شغل كتير او اى حجة بقى

اول مرة حتشوفها بعد المدة دى كأنها اول مرة تشوفها فيها فى حياتك

احساس جميل لما تمسك ايديها حتلاقى اكنك اول مرة بتمسكها