انترفيو السكة الحديد جميع التخصصات

[ahmed_dod]

السلام عليكو جميعاااااااااااااااااا
اهلا وسهلا بيكوا عاوزين يا جماعه نساعد بعض ونحاول نبسط الامور شويه
بخصوص الامتحان بتاع السكة الحديد اى حد عنده اى معلومة او اى حاجه حتى لو شايف انها مش مفيده يدخل هنا ويكتبها اكيد المعلومة ديه هتساعد غيره
علشان ربنا يكرمنا جميعا ونساعد بعضنا ويكتبهلنا فى ميزان الحسنات

[ahmed_dod]

انا عرفت النهاردة ان الامتحان ان شاء الله هيكون شفوى interview يعنى مش هيكون تحريرى زى امتحان المصرية للاتصالات ...
وهيكون فيه لجنة مكونه من 3 افراد اللجنه ديه هيه ال هتجرى معك الانترفيو الاسئلة هدور حول مشروع التخرج واسئلة فى التخصص ومعلومات عامة ....وغيره
ده بس ال انا عرفته لكن لسه معرفتيش الاسئلة هتكون ايه اى حد عنده جديد يبلغنا وشكرا

[ahmed_dod]

انا عندى انترفيو يوم الاحد القادم 22/3 ان شاء الله تخصص اتصالات سكة الحديد دعواتكم معايااااا
انا من اسكندرية

[ahmed_dod]

حد عاوز يضيف اى حاجه بخصوص الامتحان ؟؟؟؟؟

[simpa]

بالنسبة للوظائف جميع المحافظات واخر ميعاد ليها امتى

[ahmed_dod]

التقديم معاده انتهى فى شهر 2

[golden mask]

هو السؤال اللى انا اتسألته ازاى ممكن تطور السكه الحديد بالاتصالات
انا كنت عايز اعرف بس ايه نظام المرتبات ؟؟؟

[sharplaserbeam]

بص مرتبات السكة الحديد بتتراوح ما بين 300 الى اقصى حاجة للمستجدين اقصى حاجة بالبدلات 550 جنيه وكمان بيعملولك اشتراك مجانى تركب بيه القطارات مجانا وتذاكر مجانيه لاسرتك

[golden mask]

بجد 300 جنيه انتى بتهزر 300 جنيه للمهندسي ازاى يعنى انت عرفت منين قولنا

[ahmed_dod]

معقولة 300 جنيه
انا سمعت ان المرتبات بتبدأ من 1000 جنيه هل الكلام ده صح ولا لآ وده مع اشتراك مجانى فى القطار ؟؟؟؟؟؟
300 جنيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟




محدش عرف اى جديد عن الاسئلة ؟
بخصوص تطوير السكة الحديد ايه هيه الخطوات لتطوير السكة الحديد باستخدام الاتصالات

[sharplaserbeam]

بص اكيد فى الاول عمر ما المرتب + الحوافز والبدلات عمره ما هيزيد عن 550 بص السكة الحديد لازم الصبر وتشوف بعد 6 شهور ايه اللى هيحصل

[golden mask]

انت شغال هناك يعنى ؟؟؟؟
ولا ليك حد شغال

[golden mask]

انهارده فى حد هيمتحن انهارده 21/3
ربنا معاكم ان شاء الله
وطمنونا اما تيجو ان شاء اله

[ahmed_dod]

السلام عليكو ورحمة الله وبركاته
انا لسه راجع من امتحان السكة الحديد الامتحان كان لذيذ جداا والناس كانوا محترمين جدا جدا جدا ............
اول حاجه بيدخلوا اتنين اتنين بس بيدخلوا البنات الاول وبعد كده بيدخلو الشباب
اول حاجه تقدم نفسك ب الانجليش طبعااا حاول تطول وانت بتتكلم انجليش
بعد كده يقلك انت من واقع تخصصك ازاى تقدر تفيد السكة الحديد وتقدر تطورها
وبعدين يديك كارت فيه سوال ممكن تغيره لو حبيت
السوال ال جالى عاوز يعرف frequency &wavelength ؟؟ لل UHF&VHF&HF
فيه اسئلة تانيه زى مميزات وعيوب ال optical fiber
no. of channels of GSM
شوية اختصرات زى PSTN GPS GPRS ADSL GSM ...... ie
بس هى ديه كل الاسئلة ال عرفتها
حاولوا تبقوا هاديين وواثقين من نفسكم وان شاء الله خيير

[golden mask]

انت من محافظه ايه ؟؟؟

[golden mask]

الاسكندريه معلش انا اسف
الله يطمنك شكل الانترفيو كده ان المرتبات محترمه انتو كنتو كام واحد

[sharplaserbeam]

بص هما تقريبا واخدين وجه بحرى الاول وبعدين يدخلو على الباقى

[ahmed_dod]

انا من محافظة اسكندرية تخصص اتصالات

انت محافظة ايه وتخصص ايه ؟؟

[ahmed_dod]

كنا حوالى 40 بس ال انا سمته انهم عاوزين 5 مهندسين تخصص اتصالات

[golden mask]

انا من القاهره اتصالات برده
خمسه من الاسكندريه مش كده

[golden mask]

البنات كانو كتير مش كده اكتر من الولاد

[ahmed_dod]

اه فعلا 5 من اسكندرية
لا البنات مكنوش كتير خالص كانوا حوالى 6

[golden mask]

معرفتش حاجه عن المرتب ؟؟
طب اللى قبل دلوقت فى الاحتحان هيعمل ايه هيستنى جواب ولا ايه ؟

[ahmed_dod]

بخصوص المرتبات لا معرفش والله

لما يخلصوا الامتحانات هيبعتوا جوابات الناس ال هيختروهم
هو امتحانك امتى ؟؟

[eng_hala]

جزاك الله خيرا
لو سمحت ممكن توصف مكان الامتحان لانى مش عارفه
لو انا هركب المترو انزل فين

[nourorcl]

سلامو عليكم
انا مهندس اتصالات وكان امتحانى امبارح بخصوص المرتب بيقولى حوالى ما بين 350 الى 400

[ahmed_dod]

جزاك الله خيرا
لو سمحت ممكن توصف مكان الامتحان لانى مش عارفه
لو انا هركب المترو انزل فين






هو حضرتك من محافظة ايه ؟؟؟

لو هتركبى القطر تركبى الساعة 5.55 صباحا ده يوصل القاهرة على الساعة 9 صباحا تخرجى من بوابات المحطة على الشارع تسالى اى حد فين مجمع السكة الحديد هيقلك على الكوبرى قدام هتمشى شوية بسيطة مش كتير هتلاقيه على الشمال مكتوب عليه هيئة السكة الحديد هو الامتحان فى الدور الارضى بس تسال على البوابه الدخول (الآمن) ............

[eng_hala]

مش هينفع اركب قطر
ممكن لو تعرف اسم محطة مترو القربية من مجمع السكة الحديد

[ahmed21005]

أسمها أحمد عرابى بس أتأكدى برضه

[ahmed_dod]

والله معرفش مترو قريب من السكة الحديد ممكن يبقى رمسيس او التحرير بس اتكدى برده لان ده تخمينى

[golden mask]

محطه السكه الحديد
رمسيس او حسنى مبارك
انتى من الاسكندريه وهتمتحنى فى القاهره ؟

[golden mask]

بخصوص المرتبات لا معرفش والله

لما يخلصوا الامتحانات هيبعتوا جوابات الناس ال هيختروهم
هو امتحانك امتى ؟؟

هو انت نسيتنى يا بشمهندس ولا ايه انا امتحنت خلاص
انا من القاهره اتصالات طيران انا اللى قولت ازاى تطور السكه الحديد

[golden mask]

سلامو عليكم
انا مهندس اتصالات وكان امتحانى امبارح بخصوص المرتب بيقولى حوالى ما بين 350 الى 400

انت محافظه ايه؟؟
ومين اللى قالك انه 400 جنيه ؟
ولا ده الاساسى وفيه زيادات

[ahmed_dod]

هو انت نسيتنى يا بشمهندس ولا ايه انا امتحنت خلاص
انا من القاهره اتصالات طيران انا اللى قولت ازاى تطور السكه الحديد



اهاااااااااا سورى معليش نسيت اهلا وسهلا بيك
انا النهاردة سئلت عن موضوع المرتب ده قالولى بيعدى الالف فى بدايه التعين معرفش الكلام ده صح ولا غلط ؟؟

[golden mask]

اهاااااااااا سورى معليش نسيت اهلا وسهلا بيك
انا النهاردة سئلت عن موضوع المرتب ده قالولى بيعدى الالف فى بدايه التعين معرفش الكلام ده صح ولا غلط ؟؟

سألت مين قولنا ؟؟؟
احكى بالتفصيل
ولا اقولك هات ايميلك

[ahmed_dod]

مفيش تفاصيل ولا حاجه
قابلت مهندس فى السكة الحديد فسالته على المرتبات قالى الكلام ده بس
على العموم ده ايميلى لو عاوز اى استفسار جديد اهلا وسهلا
dod.ahmed@yahoo.com

[hany_elkashef]

مرتبات السكة الحديد اتحسنت عن الاول بكتير
انا شخصيا شغال فى السكة الحديد وكان واول مرتب اخذتة منها هو 160 جنية الكلام دة من 14 سنة دلوقتى فى حاجة اسمها حوافز وبدلات ممكن تزود المرتب وتخلية معقول نسبيا
ودلوقتى الحمد اللةمرتبى فعلا بيعدى الاف جنية فلو انت من دلوقتى حتسال على المرتب انسى الوظيفة الحكومية وربنا ويوفقكم جميعا

[golden mask]

الله يبارك لك يارب
احنا نرضى بقضاء الله فى مسأله الرزق لكن بستفسر بس

[golden mask]

الله يبارك لك يارب
احنا نرضى بقضاء الله فى مسأله الرزق لكن بستفسر بس
هو حضرتك تخصص ايه ؟؟محافظه ايه ؟؟

[eng_hala]

مش اخبار جديدة عن الانترفيو
انا عندى بكرة

[ahmed_dod]

مش اخبار جديدة عن الانترفيو
انا عندى بكرة


ربنا يوفقك ان شاء الله ياريت لما ترجعى من الانترفيو تبقى تقليلنا حصل ايه وبالتوفيق ان شاء الله لينا كلناا (,")

[eng_hala]

امتحنت النهاردة زى مااقولت بس الاسئله كانت عن microwave
و optical fiber

[ahmed_dod]

امتحنت النهاردة زى مااقولت بس الاسئله كانت عن microwave
و optical fiber


معرفتيش النتيجة هتبان امتى ؟؟
هوه حضرتك محافظة ايه ؟؟

[eng_hala]

سالت قال فى شهر 6

[اسيرالدموع]

السلام عليكم ورحمة الله وبركاته
سلامى لكل المهندسين الى ف المنتدى انا عندى بكره ان شاء الله (التلات) امتحان ف السكه الحديد اتصالات برضوا
وكنت عاوز اسأل المنهدسه هاله بما انها لسه ممتحنه ايه كانت الاسئله ونظامها ولو كان فى اسأله زياده عن الى المهندس كان زكرها ف الأول
وجزاكى الله خيرا

[eng_hala]

اول introduce your self
بعدك كدة يسالك سوال سؤال كان لاسئلة عن ال microwave ,ptical fiberيسالك ازى تقدر تفيد السكة بتخصصك
يعطيك كارت فيه سوال ممكن تغير السؤال لو معرفتوش

[eng_hala]

زكزو على الاختصارات فى سؤال عن الاختصارات
ربنا يوفقنا جميعا
يارب

[اسيرالدموع]

جزاكى الله خيرا يابشمهندسه وربنا يوفق الجميع ان شاء الله

[ahmed_dod]

ايه يا جماعة محدش عنده اخبار جديدة ولا ايه
ايه السكوت الفظيع ده ؟؟؟؟؟؟؟؟؟؟؟؟

تعالوا نتناقش حتى فى اى حاجه ؟؟؟

[حمادهالجن]

فية اخبار بتقول انهم بيسالو فى ال microwave
ياترى اية اللى ممكن يتسال فية.

2- ماهى ال freqs و wavelength لل hf-vhf-UHF
3- how many chs in 2g and 3g gsm

4- ماهى ال TDD- FDD

ياريت لو حد يعرف اى معلومة يفيدنا عشان عندى امتحان .وجزاكم اللة خيرا.

[toto25]

ياجماعة بالنسبة للمرتبات بتكون حوالي 400 جنية وبعد 6 شهور بيبتدي ينزلك حوافذ وبدلات بيوصل مرتبك ما بين 700 و800 وده كلام أكيد من مصادر جوه الهيئة

[SUN_GIRLEE]

ياريت ياجماعة اللى يعرف اى اجابات على الاسئلة اللى جات فى المنتدى وجازاكم الة خيرا

[امة العزيز]

السلام عليكم

انا من الشرقية و امتحاني السبت 12 ابريل

ادعوا لي

هي كل الاسئلة gsm و fiber optics بس

[امة العزيز]

امبارح رحت الانترفيو

قالوا لي عرفي نفسك بالانجليزي

سالوني عن تعريف gps و عدد الاقمار و اقل عدد للاقمار

ادوني ورقة سالوني عن اختصار isdn و tcdma و pcm و سالوني سؤال مش فاكره , في سؤال t1 analog و لا digital

[اميره السيد]

ازيكم ياجماعة
انا اخدت الاسئله اللى على المنتدى والخاصة باامتحان السكه الحديد وحاولت اجاوب على قد ما اقدر منها وياربانتم فى الامتحان هتدخلوا تلاته تلاته

2- هيكون فى 3 رجاله فى اللجنه

واحد منهم ادارى

والتانى يعتبر رئيس اللجنه

والتالت هو اللى هيسال

3- اول حاجه انك تقدمى نفسك بالانجليزى

هتقولى اسمك وعمرك وانت خريجة جامعة ايه وكلية ايه وقسم ايه وتخصص ايه

وتقديرك ايه ومشروعك ايه وتقديره ايه

4- هيكون بعد كده سؤال شفوى لكل واحد منكم

أ- سؤال عن ال optical fiber

اولا هو عباره عن وسط تنتقل من خلاله الاشاره الضوئيه

مميزاته

1- high BW حيث انه = 10 اس 14

2- noise immunity

3- low loss

4- less weight and volume

5- high security

6- economics

عيوبه

1- يحتاج تكاليف مؤامات

2- اقل فى القوه من coaxial cabel

دورى فى النت ازاى لو حصل قطع فى optical fiber ازاى اصلحه

كمان الoptical fiber بيتصنع من السيليكون يعنى بيتصنع من الرمل

ممكن نصنع فى مصر عن طريق شركات السويدى

السؤال التانى

انواع الانتينات

السؤال التالت

ايه اللى انتى تعرفيه عن GPS ( مهم جدا ) لكن انا بصراحه ماعنيش عنه فكره غير اختصاره ايه بس

بعد كده اعطو لكل واحده منا ورقه فيها اسئله فى الوش وظهر الورقه هو هيقول لك جاوبى على وجه واحد من الورقه

انا الاسئله اللى انا جاوبت عليها كانت

1- (890-915)up link frequency of p- GSM MHZ

(down link frequency of p- GSM (935-960

2- PCM : pulse code modulation

3- fdm : frequency devitio multipluxing





وفى اسئله تانيه كانت على النت وهى

1- ماهو الطول الموجى والتردد لكل من

HF , vhf , uhf

hf: high frequency

مداه من 3ميجا هيرتز الى 30 ميجا هيرتز

الطول الموج له= سرعة الضوء / التردد

اذن هو يتراوح من 10 متر الى 100 متر

VHF : very high frequency

مداه من 30 ميجا هيرتز الى 300 ميجا هيرتز

والطول الموجى من 1 متر الى 10 متر

UHF : ultra high frequency

مداه من 1 سم الى 1 متر

2- hom many no of channels in GSM 900

= 124 channels

3- in GSM 1800

374 channels

4- ماهى اختصارات الاتى

PSTN : puplic switched telephone network

GPS : global positioning system

GPRS : general packet radio service

ADSL : asymmetric digital subscriber line

DSL : digital subscriber line

GSM : global system for mobile communication

UMTS : دورى على النت

5- ازاى اقدر اطور السكه الحديد

6- لو انا فى منطقه صحراويه اقدر احدد مكان القطر

الاجابه نعم عن طريق القمر الصناعى

يوفقنى كلنا

[اميره السيد]

السلام عليكم جميعا
ياجماعه ممكن تقولولي ايه اخبار السكة الحديد احنا هنعرف نتجة الامتحان ازاى فيه حد عرف انه اتعين فيها اصلا وكمان تفاصيل الوظيفه هل كل واحد هيتعين فى محافظته
يارب يوفقنا كلنا

[sosi cat]

السلام عليكم جميعا
ياجماعه ممكن تقولولي ايه اخبار السكة الحديد احنا هنعرف نتجة الامتحان ازاى فيه حد عرف انه اتعين فيها اصلا وكمان تفاصيل الوظيفه هل كل واحد هيتعين فى محافظته
يارب يوفقنا كلنا

السلام عليكم
أنا كمان يا جماعه إمتحنت في 7/4 و سألت عن ميعاد النتيجه قالولي في شهر 6 لأن الإمتحانات هتنتهي في نصف شهر 5 وتسأل على النتيجه إما في مكان ممتحنت أو في مكان ما قدمت و بالنسبه للتعيين أكيد كل واحد في محافظته وربنا يوفق الجميع

[&Hassan_pirlo&]

جميع التخصصات يعني عايزين خريجي تجاره ولا كله هندسه اتصالات وبس ممكن الافاده والتقديم بيكون ازاي وامتي ولا خلص؟؟

[eng_hala]

السلام عليكم
مفيش اخبار عن النتيجة

[eng_hala]

مفيش اخبار عن النتيجة قالو فى اول شهر 6
والشهر بدا
مفيش حد راح سال عن النتيجة

[sosi cat]

السلام عليكم
أنا عرفت من أحد الزميلات المتقدمين بالسكه الحديد إن النتيجه هتبان في نصف 6 وكمان هما إلي هيتصلوا بالناس المقبولين لإحتمالية وجود إمتحان تاني و الله الموفق .

[hazemsakr]

ايه ياجماعه
مفيش جديد ولا ايه ؟؟؟؟

[amreco]

اخوانى الاعزاء انا سئلت عن النتيجة قالوا انهم هيبعتو جوابات للناس اللى اتقبلت
ويخطروهم بمعياد امتحان تانى

اتمنى للجميع التوفيق
eng / amr

[sakalans85]

فيه حد يا جماعة وصله حاجة بالبريد؟؟؟؟
يعني اعلنوا النتائج ولا ليه ؟

[sakalans85]

ما فيش اخبار جديدة يا جماعة؟؟؟؟؟؟؟

[sosi cat]

السلام عليكم ورحمة الله وبركاته
إزيكم جميعا .
إيه يا جماعه السكوت ده . و الله الواحد من كتر الإنتظار مل بس يله هوه ده الروتين . الظاهر كده إن محدش وصله لسه أي جوبات أو حد عرف حاجه . ياريت ياجماعه يكون فيه تواصل شويه على الأقل نعرف نهايه للموضوع ده وياريت لو حد عرف جديد يقول .ويطمن الناس .
سلااااااام

[sosi cat]

[ السلام علبكم و رحمة الله
إيه الأخبار يا جماعه . محدش وصله جديد و لا إيه !!!!!!!!!!!!
وبعدين فين التواصل . مفيش حد سائل ليه .
على كل حال إحنا خلاص كده نص 7 المفروض يبان نهايه للموضوع ده بإه.
ليه طلب ياإخواني ياريت أي حد من القاهره يسأل على الموضوع ده ويعرفنا قالوا إيه
وجزاكم الله خيرا

[eng_hala]

فى جوابات وصلت ولا اية
اخر الموضوع اية؟؟؟؟؟؟؟؟؟؟؟؟؟؟؟؟؟؟؟؟؟

[dodi4200]

اللى انا اعرفه ان تم اختيار المهندسين بس لسا محدش استلم وظيفته
واللى اعرفه كمان ان هتكون فيه مسابقه كمان قريبا
يعنى خليكم متابعين وربنا يقدم مافيه الخير

[sakalans85]

الحمد لله انا وصلني خطاب من السكة الحديد وحددولي امتحان يوم 3/8/2009 مهندس ميكانيكا في القاهرة
عقبالكم ان شاء الله

[sakalans85]

يا جماعة حد بقى عارف ظروف الشغل
يعني في الورش ونظام ورادي ولا في الادارة وبتحضر وتمشي معاهم؟
ونظام المرتبات ايه ؟

[dodi4200]

اولا الف مبروك يابشمهندس
وان شاء الله عاوزينك تطمنا عليك اول لما تستلم الشغل
اولا طبيعه العمل بتعمتد على المنطقه اللى انت شغال فيها وغالبا هيكون شغلك فى الورش
شغل الورش دا ممتع جدا وخصوصا لان بتجيلك كل يوم جرارات كتير فيها عوارض مختلفه وبتتعامل مع كافه انواع العوارض وطبعا اكيد فى مهندسين اكبر منك فى السن هيقوموا بمهمه التدريب ليك فى خلال فتره معينه
ونظام الشغل طبعا بيكون فى الورش وبنظام الورادى بس الورديه بتكون فى حدود من 6 الى 8 ساعات
وطبعا اماكن الورش اللى موجوده فى القاهره هيه (ورش ديزل الفرز) ودى بين القاهره وشبرا وبتعتبر ثانى اقوى ورشه فى الجمهوريه وهتتعلم فيها حاجات كتير جدا بالاضافه ان جنبها ورش التوربينى وبعدها فرز البضائع يعنى منطقه كبيره اللى ان ينقصها نظام العمرات
ونظام العمرات دا تلاقيه فى اقوى ورش فى الجمهوريه وهى (ورش ديزل بولاق المركزيه)ودى فعلا تعتبر فخر الورش المصريه لانها عباره عن مدينه متكامله وفيها ازاله عوارض برضه بالاضافه الى عمل العمرات على الوحدات المتحركه سواء عمرات جسيمه او متوسطه او خفيفه
على العموم انا مش هطول عليك بس عاوزينك تطمنا عملت ايه وربنا معاك

[dodi4200]

وبخصوص الرواتب مدورش دلوقت على الرواتب انت بس ثبت نفسك واثبت جدراتك فى الشغل وبعدين انت كمهندس بتتعين على الدرجه الثالثه لانك مؤهلات عليا
وعلى العموم الراتب هتلاقيه ضعيف فى الاول يعنى ممكن يكون 300-350 جنيه بس بص للحوافز هيه اللى بتبقى حلوه والبدلات كمان
على العموم انت بس طمنا عليك وربنا ييسرلك الحال

[sosi cat]

الحمد لله انا وصلني خطاب من السكة الحديد وحددولي امتحان يوم 3/8/2009 مهندس ميكانيكا في القاهرة
عقبالكم ان شاء الله

ألف ألف مبروك يا بش مهندس وربنا يوفقك وعقبالنا يارب جميعا ياترى لسه فيه أمل أنا عرفت إني نجحت بالإمتحان الأول بس مش بعتوا لحد دلوقتي أي شئ

[aymannab]

انا وصلنى التليغراف امبارح وميعاد الانترفيو بتاعى 3/8 وانا الكترونيات

[The_Rocky]

وانا كمان يا رجاله جانى جواب بمقابلة تانية يوم 5/8/2009 ميكانيكا بس مش عارف يعنى ايه مقابلة تانية اللى رايحين يوم 3 يا ريت يقولولى ايه اللى حصل وفيه اسئلة ولا دى خلاص تعيين ولا ايه النظام بالظبط ممكن تردوا عليا بسرعة يا مهندسين عشان انا قلقان قوى م المقابلة التانية دى ولو فيه اسئلة ممكن تكون ايه

[aymannab]

انا وصلنى التليغراف امبارح وميعاد الانترفيو بتاعى 3/8 وانا الكترونيات

انا اسف يا جماعه انا امتحانى يوم 6/8 فياريت يا جماعه اللى امتحانه قبلى يقول عمل اه فيه

[aymannab]

فين يا جماعه الناس اللى كان اجتماعهم النهارده يا ريت بس اعرف الامتحان كان عباره عن اه

[ahmed_dod]

السلام عليكم

ايه يا جماعة محدش راح الانتحان ولا ايه ياريت ال راحل يقول ايه ال حصل معاه بالتفصيل وياريت اعرف تخصصه ايه وهل كام فيه اسئلة تخصص ولا لآ ارجو الافادة وان شاءالله يكون خير لينا جميعا يارب وربنا يوفقنا

[future2010]

يا جماعة انا كنت مقدمه وما جاليش حاجه يا ريت الناس اللي جالهم الجوابات يقولوا همه كانوا مقدمين امتهوالناس اللي راحوا امتحنوا يقولوا همه عملوا ويسالوا فيه ناس ما راح لهاش جوابات ليه

[aymannab]

اسف على التاخير بس الوندوز كان واقع..................
انا روحت الانترفيوا كان ميعادى الساعه 10.00 ورحت فى ميعادى لاقيت فى ناس كتير وكلهم الكترونيات
فى واحد هناك خد منى البطاقه وقلى استنا عشان تخش تمتحن المهم
عرفت ان كل اللى هناك الكترونيات من جميع انحاء الجمهوريه وكنا 53 واحد واللى عرفته انهم عوزين 4 او 5 بس
وبعدين الراجل اللى خد البطاقه نادى على مجموعه كده وانا كنت فيهم عرفت ان المجموعه دى هيا منطقة وسط الدلتا
وكنا 9 (7من المنوفبه و2 من الدقهليه) وهيختاروا مننا واحد
المهم جه عليا الدور ودخلت امتحن (كانت الساعه 11.30) لانهم بينادوا منطقه منطقه
دخلت
السؤال الاول :انتا اسمك ايمن ؟
السؤال التانى:انتا خريج جامعة المنصوره؟
السؤال التالت:انت اشتغلت قبل كده فين؟
السؤال الرابع :انت مقيم فين دلوقتى؟
شكرا .....العفو
يعنى امتحانى كان دقيقه تقريبا
ومعلش انا طولت عليكم .........سلام

[royal.toon]

ربنا يوفقكم ياباشمهندسين

[ahmed_dod]

ياجماعة محدش النهاردة امتحن ولا ايه يا ريت ال امتحن يقول ايه الحصل معاه بالتفصيل وربنا يكرم

بخوص مكان الامتحان انا من اسكندرية وامتحانى بكرة برده اتصالات بس اعتقد انه مش فى نفس المكان ال امتحنا فيه لان المكان ال امتحنا فيه الامتحان الاول بره المحطة فوق نفق شبرا وكان الدور الارضى انما الامتحان ده مكتوب فى الجواب انه هيبقى فى الدور التانى فى مبنى محطة مصر يعنى جوه المحطة فى مبنى معين مش عارف ياريت لو حد عنده معلومات عن المكان والامتحان يفيدنا
وربنا يكرمنا اجمعين

[ahmed_dod]

السلام عليكم
انا النهاردة امتحن الامتحان التانى فعلا نفس الاسئلة سنة التخرج من الكلية انت بتشتغل فين محل الاقامة كده بس ديه كل الاسئلة

الاهم لو حد يعرف النتيجة هتبان امتى وهيبعتوها ازاى ارجو الافادة