المساعد الشخصي الرقمي

مشاهدة النسخة كاملة : الاخ ahlawy 4 ever ممكن تكلمنا عن ال95 8جيجا بتاعك

THE RETURN
12-03-2009, 12:15 AM
ممكن تعملنا ريفيو فعلي عن ال95 8جيجا بتاعك

كلمنا عن كل حاجة فيه

الصوت وجودة الكاميرا وجودة الفيديو والوان الشاشة

وسرعة الجهاز

وهل حجمه بيدايقك

وهل حاسس انك كان ممكن تجيب عدة تانية افضل زي 85

وهل بتقدر تحطه في جيبك ولا صعب

وهل جربت ال تيفي اوت وهل جربت تلعب العاب بالسينسور

وما رأيك في الجهاز ككل

وياريت لو ترفعلنا كام صورة من الجهاز عشان نشوف جودة الكاميرا

ولو تقدر كمان فيديو يبقى عملت واجب


مستنيك تشرف الموضوع :glasses:
ahlawy 4 ever
12-03-2009, 04:11 PM
السلام عليكم ورحمة الله وبركاتة
الاخ العزيز the returm في البداية انا بتاسف علي التاخير في الرد
ثانيا انا كنت محتار زيك كده قبل ما اجيب الموبايل كنت محتار زي حلاتك كده بس الحمد له ربني اكرمني وجبت ال 95 8جيجا اللي بجد تليفون تحفة وجميل جدا
بالنسبة اول حاجة للصوت بجد والله تحفة صوت عالي ونقاء مالهوش حل
يبهر كل اللي بيسمعه
يعني عندك مثلا كان ال 73 بيضرب بيه المثل في نقاء وعلو الصوت في نوكيا
الكلام ده كان زمان قبل ال 95 8 جيجا لان ال73 جنبه لاشئ بصراحة
اما بالنسبة للكاميرا فالكام الخلفي 5 ميجابكسل يعني روعة الروعة
وفلاش قوي تقدر تصور بيه في اماكن ضلمة
يعني مش هتحتاج لاضاءة
الزوم فيها لحد 20
اما بالنسبة للكام الامامي فهي 2.8 ميجا بكسل وصورتها جميلة بس محدش بيحتاجها في حاجة الا عشان الواحد يشوف الزبلايط مطظبط ولا لا
وبالنسبة للشاشة بتاعته فوالله انا مش عارف الصورة الي جايبنها مقارنة بين ال 85 وال 95 جايبنها منين
صورتها افضل من كده بكتير طبعا
والهدف منها هو دعاية لل 85 ودا ميمنعش ان 85 حلوه بس ال 95 شاشاتها مش وحش يعني
دا كفاية حجمها ووضوحها الجامد جدا
وبالنسبة لتصوير الفيديوفي ال95 فانا شايف انه بجد والله احلي حاجة في الموبايل هو تصوير الفيديو
تحس وانت بتصور انك بتاخد جزء من الواقع تحطة في الموبايل
ولا بتحس ان ده تصوير موبايل وبيكون الفلاش وهو شغال لونه احمر
وبيطلع جودة في الصوت والصورة رائعة
دا غير ان الفيديو فيه صورته مش بتقطع ولا بتعمل خيالات زي كل الموبايلات
اما بالنسبة لحجمة فمش مزعج اوي يعني وهتحب انك تفضل شايله في ايديك طبعا لان كل شيك جدا
وجذاب اوي وهيشد اي واحد ويخليه يسالك عن لموبايل اللي معاك حتي لو واحد مالوش في الموبايلات
اما بالنسبة لحكاية الجيب
فهو علي حسب بنطلونك يا باشا اذا كان جينز وواسع حطه وتوكل علي الله
انما لو غير كده يبقي شيله في ايدك
وبصراحة انا عمري ما افكر اغير حاليا لاني مش شايف حاجة حاليا في النوكيا افضل منه
ولعلمك انا مجبتهوش الا بعد مليون استفسار ومقارنات بينه وبين كل الوبايلات التوب في النوكيا
وطبعا كل موبايل ليه ميزاتة وعيوبة
ولقيت ان ال95 هو الاقل عيوبا
لان طبعا مفيش حاجة كاملة
بس بصراحة هو جهاز سريع وجميل وشيك
وبالنسبة لحكاية tv out فالحكاية بسيطة اوي التليفون بيجي معاه كابل بتوصله بالموبايل والطرف التاني من الكابل في 3 جاكت
جاك للفيديو و2جاك خاصين بالصوت طبعا بتوصلهم بالتلفزيون وبتعرض كل اللي علي الموبايل في اي حاجة والاغاني كمان بتشغلها علي التلفزيون والصور وكل حاجة
وجربته اول ماجبت الموبايل
اما بالنسبة لحكاية السينسور فاا والله مجربتهاش بس هي موجودة بالموبايل يعني متقلقش
وانا من رايي اتوكل علي الله وهات 95 8 جيجا
واهو انتاسكندراني اخبطلك مشوار لحد الشناوي ويكون تليفون مضمون وهتاخده وانت مغمض
ومتقعدتش تركز في الصور والمقارنات لانها مش هتفيدك بحاجة والله
وفي النهاية اب اشكرك علي ثقتك الغالية فيا
واشكر حبيبي واخويا حمادة الشاعر اللي رد عليك لما اتاخرت في الرد
وحبيبي احمد سلطان اللي نور الموضوع
THE RETURN
12-03-2009, 08:11 PM
مش حقدر اقول غير بجد ربنا يطمن قلبك

وانا فعلا خلاص نويت وجاري تكميل المبلغ

^_^
ahlawy 4 ever
13-03-2009, 02:45 AM
مش حقدر اقول غير بجد ربنا يطمن قلبك

وانا فعلا خلاص نويت وجاري تكميل المبلغ

^_^
ربنا يخليك يا باشا وانا تحت امرك
بالنسبة لسعره انا شاريه من الشناوي الاسبوع اللي فات ب 2610
والف مليون مبروك مقدما :he:
soltanfriend
13-03-2009, 04:11 AM
شكرا جدا على زوقك يا ahlawy 4 ever وانت بجد انسان محترك جدا جدا
والزميل العزيز THE RETURN الف مبروك مقدما على الجهاز وعقبال ما نبارك ليك على حاجة اكبر ان شاء الله
ahlawy 4 ever
13-03-2009, 12:54 PM
شكرا جدا على زوقك يا ahlawy 4 ever وانت بجد انسان محترك جدا جدا
والزميل العزيز THE RETURN الف مبروك مقدما على الجهاز وعقبال ما نبارك ليك على حاجة اكبر ان شاء الله
د من زوقك بسوالله يا سلطان
وبجد لو ذكر الاحترام يبقي ذكر احمد سلطان
يعني ذكرت بورسعيد
بس كان في مشكلة مضايقاني يا سلطان ياريت لو تقدر ساعدني فيها
الا وهي حكاية الشهادات انا عندي شوية برامج منزلها ربعها اتصطب والباقي لا
فلو تعرف لاول تفهمني ايه حوار الشهادات ده الاول ولو تعرف تعملي شهادة اكون شاكر ليك
والسلام عليكم ورحمة الله وبركاتة
THE RETURN
13-03-2009, 05:31 PM
دا سعره رخص بقى على كده

مع ان الشناوي كاتب في موقعه انه ب2700((اكيد نسى يعمل ابديت للموقع))

وبالنسبة لموضوع الشهادة فده فعلا من الحاجات الخنيقة وفيه طرق لكسر الحماية

حديلك رابط لطريقة

http://www.mobile4arab.com/vb/showthread.php?t=633553&page=1

وعلى فكرة انتا لو مستعملتش السينسور لغايت دلوقتي يبقى فاتك كتير اوي في الجهاز فحاول انك تكسر الشهادة وتتمتع بالحاجات دي
THE RETURN
13-03-2009, 05:34 PM
معلش يا سلطان نسيت اشكرك على ذوقك و ردك الجميل ده

والله يبارك فيك