المساعد الشخصي الرقمي

مشاهدة النسخة كاملة : سؤال محيرنى ؟لماذا يقولون ديما ان البنت بتخن بعد الجواز؟ وهل دى حقيقى ثابته؟

جواد 2010
10-03-2009, 06:27 PM
بجد العمليه دى محيرانى اوى والسؤال موجه للبنات علشان الموضوع يخصهم هما ليه بقا ديما يقلك مثلا لو خطبت بنت نحيفه شويه يقولك انها هتملى او هتتخن بعد الجواز وهل ده حقيقه ثابته يعنى البنت ديما بتتخن بعد الجواز
بالله عليكم اصل انا خاطب بنت عسول ومتدينه بس نحيفه شويتين ففيه امل انها تتخن بعد الجواز ان شاء الله؟
وللبنات برده ايه الى ممكن تلبسه فى البيت ويكون لايق معااها تمام وسبحان الله احنا كعرب بنبص للبنت النحيفه انها مش حلوه مع انى بشوف 70فى الميه من اللممثلات الاجانب نحيفات
romanza
12-03-2009, 02:08 AM
البنات بتتخن بعد الزواج لاختلاف الهرمونات في جسمها

خاصة لو بتستخدم الهرمونات كموانع للحمل

اللي هي الحبوب يعني

ده أكيد بيتخنها كتير وغصب عنها بغض النظر عن طريقة أكلها

نسبة كبيرة بيتخنوا لكن مش كلهم لو ماكنوش بيستخدموا هرمونات منع الحمل

يعني أنا لية صديقات وزنهم زاد
وصديقات وزنهم مازادش ده بيعتمد أكتر على طبيعة جسمها هي

غير انها لما تتجوز ونفسيتها تبقى أحسن بعد الزواج ده ممكن يساعد في فتح نفسها على الأكل وبالتالي تتخن

ده متوقف عليك انت بقى

بالنسبة للبس البيت دي حاجة حسب الزوج يعني هي تشوف انت بتحب إيه وهي تجيبه مثلا

وللا تقصد تلبس إيه يتخنها؟؟

ممكن تشوف الموضوع ده فيه نصائح بالنسبة لطبيعة جسمها يليق عليه إيه

http://dvd4arab.maktoob.com/showthread.php?t=755251

خليها تشوف طبيعة جسمها إيه من الموضوع وتشوف اللبس المناسب ليها
rruuppyy_2007
14-03-2009, 03:44 PM
الســــــــلام عليكم ورحمة الله وبركاتة،،،
بص ياسيدى انا كنت بردو فى الأول زيك كدة معرفش مالهومبيضربوا بعد الجواز كدة لية!!1
لكنى أكتشفت أحد أسباب الزيادة فى وزن الزوجة بعد الجواز طبعاً بالأضافة للكلام أللى قالتة الأخت رومانزا
وخصوصاً أنى كاتب كتاب حالياً وقريب أن شاء الله هاتجوز
وهواالتقارب بين الزوجين فى فراش الزوجية لانة دة بيمثل لهم متعة جنسية
بتخليهم يزيدوا فى الوزن ...وعلى فكرة أوقات الزوج كمان بيزيد ودة راجع باالأضافة لهرومات الزوجين زى ما تفضلت الأخت رومانزا بية
أتمنى أنى أكون أفدتك فى أستفسارك
أخوك محمد صلاح
™Möhammed Ëzz
15-03-2009, 03:08 PM
ده بيكون راجع لاكتر من سبب منهم طبيعة الجسم نفسها و وكمية وانواع الهرمونات و الادوية اللي بتتناولها المرأة كل ما بتكبير في السن.
وده طبعا غير حاجة مهمة جدا وهي طبيعة الاكل و كميته و قلة او ندرة ممارسة المرأة عندنا للرياضة بعد الزواج او حتى قبله.

لكن موضوع التقارب بين الزوجين فى فراش الزوجية ملوش علاقة بموضوع انها تتخن و مفيش اي دليل علمي سمعت بيه او قرأته في الخصوص ده، وممكن يكون الدليل على صحة كلامي هو ان المراة الاروبية على سبيل المثال مش بتتخن بالشكل اللي زي عندنا وده بيرجع لاختلاف نوعية التغذية و ممارسة الرياضة و برضه طبيعة الجسم وخاصة جسم الام لان في الغالب بيمون في علاقة رواثية في النقطة دي.
©® Del Piero ®©
16-03-2009, 04:09 AM
السلام عليكم و رحمة الله وبركاتة

انا مثل mohammed ezz لا أرى الصلة بين تقارب أثنين و زيادة الوزن !!

الأجـابة بسيطة جدا

أولاً : هرمونات زى ما قالتلك رومانزا و قالك محمد عز

ثـانيا : الحمـل
طبيعة ربنا أنهم يحملوا وينجبوا فلازم وزنها يزيد مش هنتوقع يعنى ان البنت تكون حامل و مانيكان كدة عادى و خصوصاً انها لازم تتغذى كويس فترة الحمل عشان الطفل ميتولدش ضعيف او ناقص نمو لا قدر الله


ثالثا: ثقافتنا كشعب و بالأضافة للماديات

يعنى بناكل بالكـم مش بالكيـف

و كمان مش كل عيلة أو أسرة صغيرة ( زوج و زوجتة )عندهم المقدرة يروحوا جيم
أو يتبعوا حمية غذائية قد تكون مكلفة مادياً
™Möhammed Ëzz
16-03-2009, 03:48 PM
كلام صح يا دلبيرو و برضه موضوع الحمل من الاسباب لان برضه الست في الغالب مش بتفكر في الاهتمام بوزنها او جسمها بعد الحمل زي مثلا في اول الجواز او قبل الجواز، بس طبعا دي مش قاعدة عامة.