ممكن أراءكم بخصوص أفضل جهاز في الوقت الحاضر ؟

[hawana]

السلام عليكم ورحمة الله

أن بصراحه محتار جامد يا جماعه ومش عارف أجيب أنهي جهاز , أنا مقيم في النمسا يعني أي جهاز موجود جديد ومستعمل إستعمال جيد جداً , أنا كنت ناوي أشتري إما Iphone أو black berry بس رجعت عن قراري مش بسبب السعر وإنما بسبب إللي قريته عنهم , فأنا عايز نصيحة أي حد متخصص , أنا عايز جهاز فيه الآتي

مالتيمديا ممتاز , صوته عالي , تاتش سكرين ,سيستم ويندوز وبطارية خرافية , بزنس موبايل بعض الشئ , ياريت يكون فيه إستقبال تليفزيوني ومش مهم يكون فيه كاميراً أصلا بس أنا عارف بالمواصفات ده أكيد هيكون فيه كاميرا. و السعر مش مهم خالص , برضه مش مهم يكون نوكيا أنا بعرف أتعامل مع أي سيستم

منتظر آراءكم بفارغ الصبر, و أنا عارف أنه لولا إختلاف الآراء لبارت السلع , بس برضه ما خاب من إستشار

[hawana]

مش ممكن يكون الطلب صعب للدرجة ده أنا عارف , بالنسبه لنظام الشتغيل أنا أقصد يكون ويندوز أو ماك, مش النظام القديم يعني , وبالنسبه لكونه بزنس , يعني عايز يكون فيه Calender و منبه و ملاحظات كتابيه وصوتيه وآله حاسبه و الكلام ده , مش لازم يكون فيه لا وورد ولا إكسل لأني معايا لابتوب مش محتاجها كمان على الموبايل ,

كمان يقدر يرسل و يستقبل الملفات بالبلوتوث , ويكون فيه 3G , و GPS , ولو مفيش حاجه موجوده بالمواصفات ده كلها حد يرشح لي أي تليفون وأنا هدور على عيوبه ومميزاته

أو حتى حد يشاركني نعمل إحنا التليفون ده :ange:

[aleemon]

omnia or xperia

[soltanfriend]

انا عن نفسى مش شايف اسهل ولا احلى من السيمباين فى ال5800

[THE RETURN]

يا عزيزي انتا فعلا بتتكلم عن ال5800 اعلى صوت في العالم بجد بس هوا في التصوير فاشل

لو يهمك التصوير يبقى استنى الاومنيا الاتش دي

[matrix8802000]

شوف لو انت مش بتحب التتش سكرين

n82 & N85

بس الافضل N85

[1versace]

you cannot go wrong with Black Berry
I have the Curve and I love it

[soltanfriend]

حضرتك ممكن دلوقتى تراجع موقع gsmarena بخصوص الاى فون لأن فيه تعديلات جديدة فى السوفت بتاعه ممكن التعديلات دى تكون مفيدة ليك ولو حضرتك ممكن تنتظر فتره يبقى ممكن تجيب الn97 ودا ممكن يكون احسن اختيار على الاطلاق

[hawana]

بسم الله الرحمن الرحيم


أشكر كل المشاركات الجميله إللي بجد كل واحده فيهم أفادتني على حده , شكراً ليكم كلكم

آخر ما توصلت له كان Iphone 3g وعرفت الإختلافات بينه وبين الجيل اللي قبله

واضح إنهم عرفوا بعض أخطاءهم و حاولوا يصححوها

توكلنا على الله الذي لا إله دونه ,

أشكركم مره ثانيه على الإهتمام بالرد عليا

السلام عليكم

ويمكن للمشرف إغلاق الموضوع