المساعد الشخصي الرقمي

مشاهدة النسخة كاملة : ممكن واحد يشرحلنا ال FM transmitter الموجودة في احدث اجهزة نوكيا دلوقتي

THE RETURN
09-03-2009, 04:47 PM
FM transmitter

وهي ميزة جديدة تهتم بها نوكيا حاليا وعاوز اعرف اكتر عنها

ارجو التفاعل
ahmedabady2005
09-03-2009, 05:28 PM
بتسمع الاغانى الى فى التليفون على اى راديو قريب منك بدون ما توصل اى اسلاك
بمجرد ما تجيب الموجة الى انت محددها من التليفون
بالظبط زى الى بيركب فى ولاعة العربية

تقبل تحياتى
THE RETURN
09-03-2009, 05:31 PM
يعني قصدك ان اي اغنية عندي ممكن ارفعها على موجات الراديو على تردد معين

بس فيه حاجة

هوا لازم احط اغنية اغنية ولا ممكن اعمل بلاي ليست

وهل لازم يكون الراديو جامبي يعني له مجال مثلا ولا اي راديو يقدر يجيبه
active!
09-03-2009, 11:21 PM
السلام عليكم
بص يا معلم الموضوع كله باختصار أهو:
تخيل الموبايل بتاعك ان هو محطة نجوم fm , محطة نجوم بتعمل ايه , بتبث اشارة fm لكل الناس الى فى مجالها وبتشغل الى هى عايزاه والناس بتسمعه , تمام لغاية دلوقتى ؟!, الموبايل بقه هو بيكون المحطة الى بتبث الصوت الى طالع منه على شكل موجات fmبتردد انت الى بتختاره , طب هى مصممه ليه أساسا ؟, عشان تقدر لو عايز تسمع أغانى فى العربية مثلا من غير أسلاك ولا وجع دماغ أو لو انت فى مكان فى راديو وعايز تسمع الناس حواليك الى عندك على الموبايل .
بالنسبه بقه لحكاية البلاى ليست دى انت ليك تحكم كامل فى الميوزيك بلاير يعنى تشغل بلاى ليست تقلب انت فى الأغانى براحتك , بس لازم تكون عارف ان وانت مشغل fm trasmitter موبايلك مش هيطلع صوت , هيستقبل مكالمات اه لكن هو نفسه مش هيطلع صوت من الميوزيك بلاير الى هو بيبثه , يعنى الصوت ساعتها بيطلع بس من الراديو الى بيستقبل الأشارة من الموبايل, وكمان مينفعش تشغل الراديو وتستقبل أى محطة وانت بتبث , مينفعش ال2 فى نفس الوقت , نوكيا بتقول ان مدى fm transmitter حوالى 3 متر , بس أنا جربته بموبايلى N78 جاب أكتر من كده ب5 متر تقريبا بس بشرط ميكونش فى عوائق , وكمان نوكيا بتقول ان كل ما تبث الأشارة بتردد أعلى هيكون جودة الصوت أحسن بس الأفضل انك متبثش اشارة على نفس تردد محطة موجودة أصلا أو قريب منها عشان ميحصلش تداخل .
تقريبا يا برنس دى كل المعلومات الى ممكن تعرفها عن الحوار ده , ولو فى أى استفسار تانى , اسأل متتكسفش.
joseph_khaled
10-03-2009, 12:59 AM
طب يا جماعة استفسار صغير الخاصية دى موجودة فى n95
THE RETURN
10-03-2009, 08:15 AM
مرسي جدا ليك بجد شرح وافي وكامل وممتاز وتستحق عليه الشكر

والحمد لله فهمته مية مية

وبالنسبة لإستفسار العضو عن ال95 فللأسف ال95 مفهوش الخاصية دي
joseph_khaled
10-03-2009, 04:57 PM
مشكور يا مان
active!
13-03-2009, 01:33 AM
تحت أمرك يا مان