المساعد الشخصي الرقمي

مشاهدة النسخة كاملة : هدية لأعز صديقة ..محتاجة رأيكم أشتري أيه في حدود أقصاها 1200 جم

nabeela moon
04-03-2009, 08:01 PM
السلام عليكم .. تحياتي ..

أنا محتاجة رأيكم .. سأهدي هدية لأعز صديقة لي خلال ايام (عيد ميلادها).. هي بتحب نوكيا جدا وأنا معايا مبلغ في حدود 1000 جنيه .. أقصاها يعني 1200جنيه .. رأيكم أجيب لها أيه

أنا معايا نوكيا 3110 كلاسيك ومرتاحة معاه أوي ومعايا من شهور من غير أي مشاكل بس الكل بيقول عنه وحش لذلك ما أقدرش أجيب لها حاجة الناس كلها بتقول عنها وحشة أحسن تصدف ويبوظ معاها وبالتالي فهو مستبعد

الموبيلات التاليه لي تجارب معها وهي مستبعده نهائيا من دائرة الاختيار ..
3500
5220 ميوزك إكسبريس
5310
5320 ميوزك إكسبريس
5130 ميوزك إكسبريس

ساعدوني رجاء ..الموضوع يهمني أكثر من لو هأجيب موبايل لنفسي وعيد الميلاد بعد يومين .. وعلى فكره هي مش بتحب أي حاجة سلايد ولا أي حاجة بتنفتح وتنقفل زي النوكيا 2760 أو 2660 (مقتنعة إنهم بيبوظوا بسرعة ومافيش فايدة تغير رأيها).. وكمان السامسونج بأنواعه مستبعد نهائيا وتماما

أنا مش عارفة أعمل أيه ومحتارة والاختيارات قليلة عشان الفلوس ..عشان كدة أنا محتاجاكم .. معلش أنا حبيت أقولكم عن الحاجات إللي خارج دائرة الاختيار عشان أسهل الأمور شوية .. أنتم رأيكم أيه .. أشتري أيه
eyehia
04-03-2009, 08:39 PM
5320 ميوزك إكسبريس
nabeela moon
04-03-2009, 08:43 PM
5320 ميوزك إكسبريس

شكرا على ردك واهتمامك لكن سبق وأشرت أن 5320 ميوزك مستبعد من دائرة الاختيار
samozaen91
04-03-2009, 08:46 PM
نوكيا 3120 كلاسيك
nabeela moon
04-03-2009, 08:54 PM
نوكيا 3120 كلاسيك

موبايل محترم وأختي معاها واحد بس البطارية ضعيفة وبتحتاج شحن كل يوم ونص تقريبا
nabeela moon
04-03-2009, 10:41 PM
أخبرتني صديقة لي الآن أن نوكيا 6300 معروض بحوالي 900 جم ..أيه رأيكم في الموبايل ده من الناحية التاليه حسب ترتيب الأهمية

البطارية(عمرها حسب الاستخدام المتوسط)
السوفتوير واستقراره
الصوت وتشغيل الأغاني والقرآن
الكاميرا ودرجة نقاء الصورة

أنا دخلت على النت وعرفت مواصفاته على الورق ..أنا محتاجة رأيكم أنتم وهل جربه أحد منكم؟؟
nabeela moon
05-03-2009, 03:02 AM
أيه يا جماعة .. معقول مافيش حد جرب النوكيا 6300 أو حتى يعرف حد جربه ...؟؟؟!!!!

رجاء حاولوا تساعدوني
ورقة الخريف
05-03-2009, 02:47 PM
أنا فهمت قصدك إنتي عاوزة حاجة تبيض الوش ، بالنسبة للنوكيا أعتقد إن أقرب حاجة تبيض الوش ممكن تكون N73 بس على حد علمي هو خارج الميزانيه (1200 جنيه)

إنتي ذكرتي إنها بتحب النوكيا وإن السامسونج مستبعد ولسته لا بأس بها من النوكيا مستبعدة

طيب أيه موقف السوني إريكسون ، أنا مش قصدي حاجة ضد النوكيا بس إنتي ممكن تلاقي حاجة كويسة أوي في السوني في حدود الميزانية المتاحة
TheInfernal
05-03-2009, 04:54 PM
ال6300 ميزته الوحيدة هي شكله. غير كده هو أسوأ من معظم الموبايلات اللي حضرتك مستبعداها.

و الموبايلات اللي حضرتك مستبعداها في أول Post هي للأسف أحسن حاجة بتقدمها نوكيا في الفئة السعرية دي.

أنا عارف اني هسمع كلام مش ظريف على الكلام اللي هقوله دلوقتي (خصوصا و اني في منتدى النوكيا نفسه), بس كل موبايلات نوكيا اللي في الرينج ده سعرها مبالغ فيه مقارنة بالماركات التانية و فيها عيوب أهما جودة التصنيع.
مثلا الN73 الموبايل الموازي له من سوني اريكسون الK800 ب1150 جنيه, و من سامسونج الD900i ب850 جنيه.

و لكن في الفئات الأعلى (بداية من ال6220 ب1575 جنيه و طالع) النوكيا أحسن بكتير من المنافسة.
لو صاحبتك عاوزة نوكيا فرأيي اما تزودي الميزانية, أو تقنعيها ببدايل من سوني اريكسون أو سامسونج.
nabeela moon
05-03-2009, 06:54 PM
ال6300 ميزته الوحيدة هي شكله. غير كده هو أسوأ من معظم الموبايلات اللي حضرتك مستبعداها.

و الموبايلات اللي حضرتك مستبعداها في أول Post هي للأسف أحسن حاجة بتقدمها نوكيا في الفئة السعرية دي.

أنا عارف اني هسمع كلام مش ظريف على الكلام اللي هقوله دلوقتي (خصوصا و اني في منتدى النوكيا نفسه), بس كل موبايلات نوكيا اللي في الرينج ده سعرها مبالغ فيه مقارنة بالماركات التانية و فيها عيوب أهما جودة التصنيع.
مثلا الN73 الموبايل الموازي له من سوني اريكسون الK800 ب1150 جنيه, و من سامسونج الD900i ب850 جنيه.

و لكن في الفئات الأعلى (بداية من ال6220 ب1575 جنيه و طالع) النوكيا أحسن بكتير من المنافسة.
لو صاحبتك عاوزة نوكيا فرأيي اما تزودي الميزانية, أو تقنعيها ببدايل من سوني اريكسون أو سامسونج.

ألف شكر على ردك

وهتسمع كلام ليه !!!..إنت بتقول رايك وبتقترح بدائل في حدود الميزانية المتاحة مع إمكانيات جيدة ..وعلى العموم أنا بسبب إني لم أتلقى ردود من الزملاء فعلا اتكلمت مع صديقتي عن السامسونج والسوني على أساس إني هأشتري موبايل لي انا وحسيت كده إنها مازالت رافضة السامسونج لكن رأيها محايد بالنسبة للسوني ..

"طبعا أنا وإنت سبق واتناقشنا في موضوعي في منتدى السوني وعلى فكرة حقيقي السامسونج D900i موبايل محترم في المواصفات الخاصة بيه لكن دي هدية مافيهاش مجال للتجارب يا صديقي
غالبا هترسي على السوني K770i إللي مع أخيك ..وعلى فكرة كلامك عنه شجعني عليه كتير

شكرا مرة تانيه على ردك إنت واالزملاء إللي نوروني في موضوعي
amr2020eg
06-03-2009, 10:05 AM
طالما ال5320 مستبعد فكرى فى نوكيا 6120 كلاسيك تقريبا نفس مميزات ال5320
THE RETURN
06-03-2009, 09:06 PM
انا شايف 6220 كلاسيك عامل 1500

بس تليفون يكاد يكون بنفس مواصفات ال95

5ميجا كاميرا

فلاش زينون يعني مفيش حاجة اسمها بليل او الصبح

بطارية طوييييلة مع الإستعمال القوي 3ايام او يومين ومع المتوسط 4ايام او اكتر

صوت كويس مش حقول عالي اوي

شاشة 16 مليون لون غاية في الوضوح

رامة 128 ويتبر من اسرع اجهزة نوكيا عشان كده مش حيهنج

وانا شايف انك تزودي ال300 جنيه دول لأن صراحة كل التليفونات الذكرتيها لا تقارن بيه .....دا 5ميييييييييييجا كاميرا((يعني كاميرا ديجيتل في جيبك))

والخيار ليكي ^_^
THE RETURN
12-03-2009, 12:07 AM
لا حياة لمن تنادي
j2m_love
12-03-2009, 11:57 AM
انا-رأي-6120-الجهاز-جامد-جدا
زاكرة-داخلية-45-ميجا
زاكرة-خارجية-حتي-8-جيجي-بس-انا-كنت-مشغلة-4
كاميرا-2-ميجابكسل
الصوت-مش-عالي-قوي-بس-نقي-جدا-ويتسمع-في-الشراع
الثمن-حاليا-1100
الرامات-243:tux: