علي كلا من الاعضاء hesso وsultan friendالحضور حالا

[ahlawy 4 ever]

بسم الله الرحمن الرحيم
السلام عليكم ورحمة الله وبركاتة
اهلا بكم اعضاء الديفيدي
انا اشتريت ال 95 8 جيجا بس بصراحة لسه مجاليش لاني كنت موصي واحد حبيبي يجيبهولي معاه من اسكندرية بس هو لسه مجاش
والمحل هو الشناوي طبعا المحل ده موثوق ومفيهوش كلام
بصراحة كده حمادة الشاعر كان واعدني ببرامج وشوية حجات للموبايل بس بصراحة مش عارف هو فين مش ظاهر بقاله كام يوم
ولا حتي بيفتح الايميل
فلو يا سلطان تعرف تليفونه او هو مش بيدخل ليه يا ريت تقولي يعني
ولو عندك اي اضافة علي ال 95 ياريت تتكرم وتقولها
بس المشكلة اني عندي الجهاز دلوقتي عليه فيرس وخايف اول التليفون بيه مش عارف اعمل ايه

[soltanfriend]

بص يا سيدى بالنيبة لل95 فهو طبعا جهاز ممتاز ومن اقوى الاجهزة فى الهرد وير بس عشان تحافظ عليه اتبع التعليمات دى :
لو ها تحطة فى جراب يبقى هاتله جراب الى هو زى الجراب دا واوعى تجيبلة الجراب الازاز ولااى جراب يكون بيمسك فيه لأنه بتجرح بسهولة
ما تحاولش تفح وتقفل السلايد كتير عشان تحافظ عليه اطول فترة ودا نظرا للضعف النسبى فى السلايد بتاعه
اوعى اوعى اوعى توصلة بالكمبيوتر عن طريق وضع نقل البيانات وانت عندك ادنى شك ان فيه فيرس على الكمبيوتر عشان دى فيها حرق زاكرة الجهازوش وطبعا انت عارف ان مش بيتفكلو ميمورى
يعنى لو عايز توصلة بالكمبيوتر يبقى عن طريق وضع الNokia PC Suite ودا اضمن حاجه صحيح هو بطئ شوية بس على الاقل ها تضمن ان مهما يكون الكمبيوتر متفيرس مش ها يحصل للموبايل حاجه
ابقى اعملة التحديث الاخير ودا نظرا للميزات اللى سمعتها عنه
اخيرا بقى على البركة يا سيدى وربنا يباركلك فيه وبالنسبة لأميل حمادة ورقمة ها ابعتهولك على الخاص

[soltanfriend]

انت ليه عامل وضع عدم تلقى رسائل على الخاص على العموم بقى هو رقمة 0128011475 واميله hamada_elsh3er@hotmail.com

[ahlawy 4 ever]

انت ليه عامل وضع عدم تلقى رسائل على الخاص على العموم بقى هو رقمة 0128011475 واميله hamada_elsh3er@hotmail.com
بجد متشكر ليك اوي يا سلطان انت بجد شخص محترم ووالله مش بقول كده عشان انتا رديت عليا لكن والله هيا دي الحقيقة وحمادة ميختلفش عنك كتير
وبالنسبة بقي لموضوع عدم تلقي الرسائل ده انا والله ما عملت حاجة هههه
بس انتا مقولتليش هل الشناوي مضمون 100% ولا فيه شك

[ahlawy 4 ever]

بالنسبة يا حمادة لحكاية pc suite هل الطريقة دي بتقلل فعلا فرص الاصابة بالفيرس ولا ايه بالظبط انا مش فاهم ياريت توضحلي
لاني مش شاكك ان الجهاز عندي متفيرس دا انا متاكد مليون المية
ودا اللي مزهقني عشان التليفون جاي يوم الخميس ومش هعرف احط عليه حاجة من الفيرس ده

[hessoo]

السلام عليكم ورحمة الله وبركاته
أنا بعتذر عن التأخير بس أنا والله موجود وبدخل كل يوم
لكن إمبارح كان النت قاطع ودي نادر لما بتحصل عندي
وعاوز أشكر أحمد سلطان أخويا وصاحبي وحبيب قلبي على إهتمامه بالموضوع في غيابي
وبالنسبة لصاحبي محمود الديب المشكلة إنك عندك فيروس على جهازك
ودي مش بس مشكلة دي حاجة تخنق وتعكر
خصوصاً لما تكون هتجيب نوكيا أو أي تليفون هتحتاج إنك تتعامل بين الكمبيوتر وبينه دايماً
لكن الحل إنك ياإما تاخد الهارد بتاعك وتروح لحد من صحابك يكون عنده أنتي فيروس كويس زي الأفيرا 2009 كده ويعمل ليك سكان من جهازه
ويطلع الفيروسات اللي عندك ودي غالباً هتكون في الألعاب والبرامج
عموماً اللي يروح من عندك هيكون أكيد متفيرس
إنما لا أغاني ولا فيديوهات هتروح من الجهاز
بعد كده هتحط ويندوز جديد ويبقى جهازك نضيف 100 %
وتسطبله أنتي فيروس قوي يكون شغال أون لاين
الحاجة التانية اللي إنت عاوزها وهي البرامج اللي هتلزمك في ال 95
دي لسه فيها كلام كتير أوي
وبالنسبة لسلطان هو عنده حق في حكاية ال Pc Suite
بس زي ماانت عارف إن ال Pc Suite
من أرخم البرامج اللي عملتها نوكيا عشان تقيل في النقل وفي الفتح
وفي عمل فولدر جديد وف كل حاجة
واللي إنت ماتعرفوش كمان إن ال 95 ال 8 جيجا بينزل معاها إسطوانة إسمها Ovi وده برنامج جديد الناس مفكرة إنه أحسن من ال Pc Suite
لكن هو أرخم بكتير لأنه بينزل بكذا برنامج معاه
وعشان تتعامل بيه وتيجي تفصل التليفون من الكمبيوتر بيخنقك أوي لدرجة إنك ممكن تضطر تقفل الكمبيوتر لما تيجي تفصل الجهاز من الكمبيوتر
يبقى كده آأمن وضع هو وضع نقل البيانات لأنه بيديلك سرعة في النقل وكل حاجة بتبقى تمام والمعامله معاه سهله
كأنك مركب Mp4

[ahlawy 4 ever]

السلام عليكم ورحمة الله وبركاتة
في البداية احب اشكركم يا احمد سلطان و حمادة الشاعر
انتم الاتنين والله غالين علي قلبي وبجد شاكر ليكم علي اهتمامكم
وبالنسبة لمشكلة الفيروسات اللي قولتلك عليها يا حمادة خلاص خلصت
روحت عند واحد فحصلي الكمبيوتر كله وشال النسخة
وكان ولله الحمد متبهدل فيروسات وضربت كل البرامج اللي عندي
بس ياريت لو عندك برنامج افيرا 2009 ترفعهولي انزله عندي عشان ميحصلش حاجة تاني
وبالنسبة لموضوع ال pc suite انا عارف انه خنيقة ع الاخر ومجربه كذا مرة في تليفون اختي 73 م فبطر اني اشغله علي ناقل البيانات
ودا اسرع
وبالنسبة لبرنامج oviخنيقة بس هيقدر يحمي التليفون من اي فيرس او خلل
وبجد كلمة متشكر قليلة اوي عليكم انتم الاتنين

[hessoo]

العفو يامان
إنت لو إحتاجت أي حاجة هكون أنا وسلطان أخويا الكبير في الخدمة
في أي وقت يامحمود
وبالنسبة للأفيرا 2009 هبعتلك لينكاته على الميل

[ahlawy 4 ever]

شكرا يا حمادة
انا نزلت الافيرا وشغلته وبرنامج ماشاء الله تمام اوي
وكله تحت السيطرة دلوقتي