المساعد الشخصي الرقمي

مشاهدة النسخة كاملة : *¤ô§ الاقتناع في الحب §ô¤*

fox_09
18-02-2009, 04:13 PM
*¤ô§ الاقتناع في الحب §ô¤*


النهاردm خدتنا الكاميرا بتعتنا علي مشهد مهم جدااااااا
هوا الاقتناع باللي بتحبه

هندخل بالكاميرا بتعتنا علي شله من الاصدقاء
هما 3 شباب و4بنات
محمد ومصطفي ومحمود ومي و مني ونهال ونوال
محمد ومي مرتبطين ببعض
ومني خارجه من قصه حب
مي بتغيب عن المحاضرات فتره علشان مامتها تعبانه
مني حزينه وغامضه وغريبه شويه

محمد بيتكلم مع مني في الفتره دي اصحاب بقي
كلامه بيكتر كل يوم عن اللي قبله مع مني
بداء يتشد ليها قصتها الغريبه
بقي معجب بيها هي كمان بقت معجبه بيه

طيب ومي هيعملوا معاها ايه ...؟

محمد انا هقولها اننا مننفعش لبعض
مني انا هقف جنبك و هفضل معاك طبعا
وهنا هنعمل استوب ونوقف الصوره علي المشهد ده

---------------------------------------------

ياتره محمد بقي حب وارتبط بمي ليه
لما ممكن اي انسانه تتكلم معاه يتشد ليها ويسيب مي علشانها
يبقي ده مش كان حب ده كان مجرد محطه فقط
ويمكن مني تبقي نفس المواقف
وممكن نهال او نوال يبقوا عليهم الدور لو قعد شويه معاهم واتكلم معاهم

يبقي ده حب يا ناس
فين بقي الاقتناع
الاقتناع بالشخص اللي بتحبه
مهوا لو محمد كان مقتنع بمي من الاول مكنش ده حصل

حتي لو اتكلمت مع سميره سعيد
ومحدش يسئلني اشمعنا سميره سعيد ههههههه

هتبقي مي هي حبه الاول والاخير
فيييييييييين ايام زمان لما كان الواحد يبقي مقتنع باللي بيحبه
ويفضلها علي اي حد مهما كان حتي لو كانت " مارلين مارلوا "

--------------------------------------------------

من الاخر انت او انتي ممكن لو مرتبط بأنسان وبتحبه
وجه اي حد كبير حتي لو كان محترم جداااااا ومشهور
وطلب انه يرتبط بيك رغم انه عارف انك مرتبط بشخص

تسيب اللي بتحبه وتوافق .....؟

ياتره انت او انتي مقتنع بالانسان اللي بتحبه ...؟

ياتره ممكن تتجوز او تتجوزي حد مش مقتنع بيه ...؟

الاقتناع بس مش في الشخصيه
لا ده في الشكل وفي حالته الاجتماعيه
و الشخصيه والعادات والتقاليد والاسلوب

ملحوظه
المشهد مش ضد الولد او البنت
المشهد بيتكلم عن المشكله بعيد بقي
عن مين اللي غلطان في المشهد
بس كده
fox 2007
18-02-2009, 04:26 PM
:22:

اولا الف شكر على الموضع الرائع ويشرفنى ان اكون اول واحد يرد عليه

ثانيا الحكاية دى انتشرت اوى دلوقتى وبقى خلاص الشاب ممكن يمشى مع دى شوية وبعد كدة يسيبها لدى لما تساله ليه يقولك بروش او كبر يا عم

الشباب بقوا شايفين الحب لعبة يلعب بيها شوية وبعد كدة يرميها
هو من البداية نحبش علشان يبقى فى اقتناع بمن يحب

تقبل تحياتى
matador_sinator
18-02-2009, 04:31 PM
موضوع جميل يا احمد ودة فعلا من اسباب فشل الكتير من العلاقات..
عدم الاقتناع بالاخر ...
بالنسبالي انا مش ممكن ارتبط بواحدة الا اذا كنت مقتنع تماما بيها...
ومش ممكن ابدا هفكر اني ابص لواحدة غيرها ...
موضوع جميل .....
turbocharger
18-02-2009, 07:42 PM
دة اصلا ميبقاش اسمة حب

ازاى اكون بحب واحدة ولما اشوف واحدة تانية ونتكلم اعجب بيها !!!!!!!!!

لو انا بحب بجد اللى بحبها هتبقى مالية عينيا وشايفها الدنيا وما فيها

ولو مين كانت بتحبنى عمرى ما هحس بحبها لانى اصلا مش شايفها

هيبقى كل تفكيرى فى حبيبتى وبس علشان بحبها

ومادام بحبها فانا مقتنع بيها بكل مميزاتها وعيوبها دة لو انا شايف فيها عيوب اصلا

لان اللى بيحب مبيشوفش عيوب فى حبيبة وعمرة ما بيقارن بينة وبين اى حد تانى

موضوع جميل والف شكر علية
starsong
19-02-2009, 01:13 AM
هو سؤال واحد يا فوكس

يعنى انت جبت الشله كلها للمسرح علشان تمثل المشهد بتاعك

فين بقى دور مصطفي ومحمود ونهال ونوال فى المسرحية بتاعتك ؟ :51::shocked:


بص يا فوكس تعليقى على المشهد ده : كله لعب عيال x لعب عيال
dead man walken
19-02-2009, 02:10 AM
الاقتناع في الحب
انا مش ممكن افكر ان في اتنين بيحبوا بعض بجد
و في طرف مش مقتنع بالطرف التاني
يعني انا شايف ان ده شيء صعب جداً
و في نفس الوقت مؤلم يعني انا لما اكون مش مفتنع بشخص
يبقي انا تقريباً مش راضي عنة او عن تصرفاتة
يبقي صعب تربطني بية علاقة
و كمان انا لو مش مقتنع بشخص يبقي مش هاقتنع بارائة
و لا تصرفاتة ولا اي حاجة هايعملها
يبقي صعب حد اكون مش مقتنع بية يكون صاحبي
او تكون حبيبتي صعب اوي يا احمد يكون في اي علاقة بين طرفين
مش مقتنعين ببعض

شكراًَ يا احمد علي الموضوع و النقاش الجامد
و تقبل تحياتي...
زميل زمالك
19-02-2009, 02:52 AM
تسلم ايدك يا فوكس على الموضوع
اتمنالك التوفيق
Mariooom
19-02-2009, 09:02 PM
الف شكر جدااا على الموضوع الرائع دا
وطبعا ماينفعش تكون علاقه من اى نوع سوا صدااقه او ارتباط
لانها مش حتستمر اكيد

عجبنى جدا المشهد الانت كاتبه فى الاول قرب الصوره جامد
ميرسى ليك مره تانيه