المساعد الشخصي الرقمي

مشاهدة النسخة كاملة : مطلوب للعمل بفنادق شرم الشيخ و الغردقة و طابا و دهب بخبرة وبدون

Morphixx
12-02-2009, 10:35 PM
بسم الله الرحمن الرحيم

اخواني الاعزاء

انا لاقيت الاعلان ده علي النت و رحت اول مقابلة و ان شاء الله

فيه مقابلة تانية ليا يعني لسه مش متأكد من جدية الموضوع

بكرر تاني ( انا قدمت زيي زي الناس اللي هتقدم و غير متأكد من

جدية الموضوع و مليش دخل بأدارة الشركة دي )

نص الاعلان كان الاتي :

مطلوب للعمل بفنادق شرم الشيخ و الغردقة و طابا و دهب

و سيناء بخبرة و بدون خبرة ، ومن يرغب في العمل الاتصال علي

علي الرقم التالي :

0100855424 او 22962449 الاستاذ ابو الحسن

العنوان :

3 حارة سيد الدجوي بشارع الخليل ابراهيم متفرع من شارع

مصطفي حافظ - عين شمس الشرقية . اسمها (المؤسسة الدولية للتوظيف)
----------------------------------

اللي فهمتوا عن الشركة دي من خلال اول مقابلة انهابتعينك

في الفنادق الكبري في البلاد اللي قلت عليها حسب مؤهلاتك

و امكانياتك

و بجد يا جماعة بلاش حد يقدم فيها لو اللغة عنده

ضعيفة عشان شفت بنفسي ناس اتمسح بيها الارض هناك في الانترفيو

يعني ازاي معكش لغة و عايز تشتغل في مجال السياحة ؟؟؟
صحيح يعني معاهم حق ، و الشركة بتاخد منك 15 ج رسوم طلب

الابليكيشن و لما تشتغل ان شاء الله بتاخد منك 30% من قيمة

المرتب اللي جابتهولك يعني لو جابتلك شغل ب 1000 ج

هتاخد منك 300 ج قبل ما تسفرك علي الشغل و بعدها خلاص

يعني هتدفع مرة واحدة قبل ما تسافر و بعدها توكل علي الله

وانا قلت انشر الموضوع عشان تعم الفائدة و ربنا يوفق الجميع

و لما اروح المرة الجاية هاجي اقول ايه اللي تم معايا و ياريت

اي حد يروح يحكيلنا اللي حصل معاه يا شباب ياريت ننفع

بعضنا عشان ربنا يكرمنا جميعا وبلاش الانانية .
------------------------------------------------

فيه حاجة كمان ... مقر الشركة جوة حارة و هيا شقة صغيرة

يعني مش مبني كبير ولا فخم ولا الكلام ده ، و عايز اقول يا شباب

لو اي حد واجه اي مشكلة من اي نوع مع الشركة دي ياريت يقول

هنا او يبعتلي رسالة خاصة عشان لو اتضح انهم نصابين يبقي

ربنا يسهل نقفلهالهم و نستريح ، اللي يقابل مشكلة معاهم يبعت

رسالة خاصة يا شباب عشان احنا كلنا زي بعض مش مستحملين

نتشعلق في احلام و اوهام و الاخر نقع علي جدور رقابينا

رغم اني لما رحت شفت ناس كانت معاهم شنطهم و مسافرين خلاص

واحد اشتغل مساعد مدير و مؤهله ليسانس حقوق و التاني

بكالوريوس سياحة و اشتغل برضه يعني كلو هيشتغل بأذن الله

و اتمني منكم تدعولي بالتوفيق في الوظيفة دي واتمني

لكل اللي يقدم ان ربنا يوفقه يمكن نشتغل في مكان واحد سوا

مع تحياتي و الله الموفق يا شباب

حسام السقا
Morphixx
12-02-2009, 10:50 PM
يارب اقدر اساعد الناس

و أكون نقطة في بحر المساعدات اللي بتقدمها اختي العزيزة

art-mind

ادعولها و ادعولي بالتوفيق

ملحوظة كمان : مواعيد الشركة دي من 11 ص الي 5 م
Morphixx
14-02-2009, 01:27 AM
105 مشاركة بدون دعوة حلوة

شكرا جزيلا المهم ربنا يوفق الجميع
Morphixx
15-02-2009, 10:59 PM
المشاهدات بقت 213 و مفيش واحد دعالي دعوة حلوة

و تزعلوا لما الواحد يعمل الملف مخفي

ربنا يوفق الجميع
art-mind
15-02-2009, 11:16 PM
اهلا بيك يامورفكس في منتدى الوظايف .. بقالك زمان مختفى .. اولا بشكرك انك بتشارك المعلومات دى مع اعضاء المنتدى واتمنى ربنا يوفقك في مجال الاعلام .. ثانيا انا متشكرة جدا على كلامك اللى انت كاتبه وعايزة اقولك بلاش تنتظر ردود أو شكر من حد .. ده امر عادى بس يكفي انك عارف انك بتفيد الناس من غير ما تنتظر شكر من حد ويكفى انهم يفتكروك بدعوة أو انك تبقى سبب في ان حد فيهم يلاقى وظيفة مناسبة .. "ولو انى بصراحة مقلقة من الشركة دى اصلك بتقول انها في حارة وبتاخد فلوس على الطلب" بس احنا بنجرب فيك :) وليك الاجر والثواب..بانتظار المزيد من مشاركاتك
moamenasd
15-02-2009, 11:19 PM
ربنا يعطيك على ما فى نيتك
Morphixx
16-02-2009, 12:04 AM
اهلا بيك يامورفكس في منتدى الوظايف .. بقالك زمان مختفى .. اولا بشكرك انك بتشارك المعلومات دى مع اعضاء المنتدى واتمنى ربنا يوفقك في مجال الاعلام .. ثانيا انا متشكرة جدا على كلامك اللى انت كاتبه وعايزة اقولك بلاش تنتظر ردود أو شكر من حد .. ده امر عادى بس يكفي انك عارف انك بتفيد الناس من غير ما تنتظر شكر من حد ويكفى انهم يفتكروك بدعوة أو انك تبقى سبب في ان حد فيهم يلاقى وظيفة مناسبة .. "ولو انى بصراحة مقلقة من الشركة دى اصلك بتقول انها في حارة وبتاخد فلوس على الطلب" بس احنا بنجرب فيك :) وليك الاجر والثواب..بانتظار المزيد من مشاركاتك

اختي العزيزة

اشكرك علي ردك الطيب و خاصة انه اول رد في موضوعي

و اشكرك علي تمني الخير لي في مجال الاعلام الا اني قررت

اني اسيبه فترة لانه بجد ( مبيأكلش عيش )

والله اشتغلت في جريدة البلاغ الجديد و عملت تحقيق ملهوش حل

و جبت ورق فيه فساد اداري و مالي في مستشفي حكومي غير ييجي 50

صورة منها صور معدات طبية ملوثة جوا غرفة العمليات ... عارفة ايه

اللي حصل ؟

1- متنشرتش ولا كلمة من اللي انا كاتبه
2- رئيس التحرير حط المستندات و الصور في درج مكتبه ليه معرفش
3- نزلوا اسم زميل ليا في الموضوع معايا رغم انه مشتغلش اصلا!
4- زميلي كتب الموضوع من جديد و كلو فبركة و كلام محصلش ، وبرغم انو دفعتي و قلتله كده مفيش مصداقيه يا احمد ايه اللي بتقوله ده رد وقاللي ياعم كل عيش بقي و سيبك من الشعارات دي !!!
5- عرفت ان مكافأتي للموضوع اللي اتنشر 50 ج بس مع اني صارف عليه اكتر من 300 ج والله !!!!
6- و دي القشة التي قضمت ظهر السقا وهيا ان الموضوع اللي كان هينزل علي صفحتين نزل خبر صغير 4سم في 4 سم .

بالنسبة لموضوع الشركة فأنا شايف معاملاتهم مع الناس محترمة و كويسة ولكن الحرص واجب و ان شاء الله هتابع في موضوعي كل جديد يحصل معايا .

وكل اللي كنت طالبه من الاعضاء مش كلمة شكر اكثر من اني اقرأ دعوة حد ليا بالتوفيق عشان ترفع معنوياتي شوية

أشكرك علي مرورك الطيب الكريم والله يا دكتورة ويارب اشوفك دايما بخير
Morphixx
16-02-2009, 12:06 AM
ربنا يعطيك على ما فى نيتك

يارك الله فيك و موفق بأذن الله

أشكرك من أعماق قلبي اخي الكريم :)
aslaha saso
16-02-2009, 12:45 AM
شكرا على الموضوع وعلى نيتك انك تساعد غيرك وربنا يوفقك لوظيفه احسن من الى كنت فيهاوتزعلش من حاجه حصلت لان اكيد الخير جايلك
Morphixx
16-02-2009, 05:10 AM
شكرا على الموضوع وعلى نيتك انك تساعد غيرك وربنا يوفقك لوظيفه احسن من الى كنت فيهاوتزعلش من حاجه حصلت لان اكيد الخير جايلك

شكرا جزيلا علي كلماتك الطيبة الرقيقة ياباشمهندسه

و أتمني للجميع التوفيق و يعلم الله

مشكورة علي مرورك الكريم
hamadam2002
16-02-2009, 05:38 AM
الف شكر ليك
وربنا يجازيك كل خير يا رب عشان بتساعد الناس وعشان نيتك
وماتزعلش على شغل الاعلام هذه هي الحياة
تفتح اذرعها للفساد والرشوة و لتذهب القيم والمبادئ للجحيم
وتقبل تحياتي
egypt4egypt90
19-02-2009, 01:07 AM
بسم الله الرحمن الرحيم

اخواني الاعزاء

انا لاقيت الاعلان ده علي النت و رحت اول مقابلة و ان شاء الله

فيه مقابلة تانية ليا يعني لسه مش متأكد من جدية الموضوع

بكرر تاني ( انا قدمت زيي زي الناس اللي هتقدم و غير متأكد من

جدية الموضوع و مليش دخل بأدارة الشركة دي )

نص الاعلان كان الاتي :

مطلوب للعمل بفنادق شرم الشيخ و الغردقة و طابا و دهب

و سيناء بخبرة و بدون خبرة ، ومن يرغب في العمل الاتصال علي

علي الرقم التالي :

0100855424 او 22962449 الاستاذ ابو الحسن

العنوان :

3 حارة سيد الدجوي بشارع الخليل ابراهيم متفرع من شارع

مصطفي حافظ - عين شمس الشرقية . اسمها (المؤسسة الدولية للتوظيف)
----------------------------------

اللي فهمتوا عن الشركة دي من خلال اول مقابلة انهابتعينك

في الفنادق الكبري في البلاد اللي قلت عليها حسب مؤهلاتك

و امكانياتك

و بجد يا جماعة بلاش حد يقدم فيها لو اللغة عنده

ضعيفة عشان شفت بنفسي ناس اتمسح بيها الارض هناك في الانترفيو

يعني ازاي معكش لغة و عايز تشتغل في مجال السياحة ؟؟؟
صحيح يعني معاهم حق ، و الشركة بتاخد منك 15 ج رسوم طلب

الابليكيشن و لما تشتغل ان شاء الله بتاخد منك 30% من قيمة

المرتب اللي جابتهولك يعني لو جابتلك شغل ب 1000 ج

هتاخد منك 300 ج قبل ما تسفرك علي الشغل و بعدها خلاص

يعني هتدفع مرة واحدة قبل ما تسافر و بعدها توكل علي الله

وانا قلت انشر الموضوع عشان تعم الفائدة و ربنا يوفق الجميع

و لما اروح المرة الجاية هاجي اقول ايه اللي تم معايا و ياريت

اي حد يروح يحكيلنا اللي حصل معاه يا شباب ياريت ننفع

بعضنا عشان ربنا يكرمنا جميعا وبلاش الانانية .
------------------------------------------------

فيه حاجة كمان ... مقر الشركة جوة حارة و هيا شقة صغيرة

يعني مش مبني كبير ولا فخم ولا الكلام ده ، و عايز اقول يا شباب

لو اي حد واجه اي مشكلة من اي نوع مع الشركة دي ياريت يقول

هنا او يبعتلي رسالة خاصة عشان لو اتضح انهم نصابين يبقي

ربنا يسهل نقفلهالهم و نستريح ، اللي يقابل مشكلة معاهم يبعت

رسالة خاصة يا شباب عشان احنا كلنا زي بعض مش مستحملين

نتشعلق في احلام و اوهام و الاخر نقع علي جدور رقابينا

رغم اني لما رحت شفت ناس كانت معاهم شنطهم و مسافرين خلاص

واحد اشتغل مساعد مدير و مؤهله ليسانس حقوق و التاني

بكالوريوس سياحة و اشتغل برضه يعني كلو هيشتغل بأذن الله

و اتمني منكم تدعولي بالتوفيق في الوظيفة دي واتمني

لكل اللي يقدم ان ربنا يوفقه يمكن نشتغل في مكان واحد سوا

مع تحياتي و الله الموفق يا شباب

حسام السقا

هههههههههههههههههه

طابا


الرسالة دى بئى للعاوز يشتغل فى طابا

يا اخواننا عشان تبقوا على نور

كل الزبائن فى طابا له اسرائليليين

وانا ترك الشغل فى طابا لانى ما كنتش اعرف ان الزبئن هناك اسرائيليين
ويمكن صاحب الاعلان يكون منهم :004_shappy:


هههههههههه
Morphixx
19-02-2009, 07:17 PM
الف شكر ليك
وربنا يجازيك كل خير يا رب عشان بتساعد الناس وعشان نيتك
وماتزعلش على شغل الاعلام هذه هي الحياة
تفتح اذرعها للفساد والرشوة و لتذهب القيم والمبادئ للجحيم
وتقبل تحياتي

شكرا جزيلا علي كلماتك الطيبة اخي الكريم

وربنا يوفق الجميع ان شاء الله
Morphixx
19-02-2009, 07:20 PM
هههههههههههههههههه

طابا


الرسالة دى بئى للعاوز يشتغل فى طابا

يا اخواننا عشان تبقوا على نور

كل الزبائن فى طابا له اسرائليليين

وانا ترك الشغل فى طابا لانى ما كنتش اعرف ان الزبئن هناك اسرائيليين
ويمكن صاحب الاعلان يكون منهم :004_shappy:


هههههههههه

فعلا اغلب سياحة طابا من اسرائيل

وحكاية اني منهم دي بقي خسارة ارد عليك يا محمد يا فايد

لانك بجد " انسان مبتفكرش اصلا قبل ما تتكلم "
Morphixx
19-02-2009, 07:25 PM
علي العموم دي رسالة للناس زي ما وعدتكم

ترشيحي جه لمطعم 5 نجوم في طابا و ان شاء الله مسافر الليلة

وحجزت التذكرة خلاص

الموضوع فعلا حقيقي يا شباب محدش يقلق من الشركة

وعلي العموم ان شاء الله هراسلكم بكرة او بعده من هناك

و هبلغكم بالمستجدات عشان كلنا نبقي في الصورة

و مضطر اكررها تاني عشان لو حد اتعمي ومقراش كلامي في الاول

يقرأه تاني و مع الاعتذار للناس المحترمة اللي هنا

انا زيي زيكم وقدمت في الوظيفة دي و انا مش صاحب شركة التوظيف

بل والله العظيم انا دافع فلوس زيي زي اي حد هيروح

و مليش علاقة بالشركة سواء من بعيد او قريب

و نشرت الاعلان علي المنتدي بهدف تعميم الفائدة فقط

لو حد ناوي يقول كلام تجريح يبقي بلاش منو لو سمحتم عشان

الكلمة الطيبة صدقة وانا مش مستحمل كلام من حد

ربنا يوفق الجميع
mido612
20-02-2009, 04:11 AM
ربنا يوفقك ان شاء الله ....يامورفكس انا كنت قريت نفس الاعلان ده من فترة واتصلت بيهم و أخدت العنوان بس ما روحتش بس لو الموضوع كويس ياريت تتابع معانا تطورات الشغل هناك ايه و النظام ماشى ازاى وياريت لو ممكن تبعتلى رقم موبايل على الخاص علشان عاوز استفسر منك عن شوية حاجات هناك و ربنا يوفقك ان شاء الله
انا اسمى أحمد من الاسكندرية
hezma
20-02-2009, 05:34 AM
الله معاك يا مورفيكس...ومن جد وجد...
hassanhamdi2
20-02-2009, 09:43 AM
ا باشا الف مبرووك على الوظفة الاول
تانى حاجة : هنجرح فيك ليه يا جميل منت عايز تفيدنا مش أكتر
بس أحب اقولك حاجة ... بالنسبة للسياحة وموضوع اللغة ده اركنه على جنب شوية .. هتقولى ليه ، أقولك ان اغلب اللى شغالين فى السياحة بتكلموا كلمتن على بعض بالعافية وكله عارف كده كويس ، يعنى انزل شرم او الغردقة هتلاقى كل الخرتية فى البازارات وكل المنادب اللى فى شركات السياحة لغتهم رايحة النار :(
وده شئ طبيعى جدا فى السياحة ، ياراجل ده حتى فى حج صاحب مكتب ترجمة بنقله شغالين فى الساحة وكده ، قال الترجمة عايزة لغة صح مش لغة السياحة !!


المهم احكيلنا اخبار الحياة معاك ايه ؟؟ :)
elchefmohamed
20-02-2009, 04:01 PM
اولا احب اشكر الاخ صاحب الاعلان لانة بيحاول يفيد الشباب
ثانيا الاخ اللى اتكلم ان طابا فيها اسرائليين وهوا ترك الشغل هناك
فهو رجل فعلا وجزاة الله خيرا لاننا مستحيل نخدم ناس ملطخة ايديهم بدماء اخونا فى فلسطين .
ثالثا فى كلام معجبنيش من كاتب الموضوع فى الجزئية الخاصة بموضوع اللغة يعنى بصراحة ضايقتنى جدا وهوا بيقول يجماعه اللى ميعرفش لغة كويس ميقدمش لاحسن بيتمسح بيهم الارض يا اخى الكريم فى ناس شغالين فى السياحة زى ما قال بعض الاعضاء مبيعرفوش يتكلموا عربى صحيح مش انجليزى دا غير اللى مش خريج كليات او معاهد فندقية وبعدين شركات التوظيف دى هيا اللى محتاجالك لانها بتاخد منك فلوس ويوم ما اكون بعمل اى مقابلة فى اى مكان سواء كان شركة توظيف اى مكان الشغل نفسة واى حد يتكلم بلفظ او بطريقه مش كويسة اقولهم فى داهية الشغلانة دى اللى تزل صاحبها وياريت الشباب اللى بيفكر يشتغل فى مجال السياحة ياخد باله ان المكان اللى بيشتغل فية يكون لا يوجد فية خمورا اطلاقا
Morphixx
23-02-2009, 10:25 PM
شكرا للجميع

و بالنسبة لرد الشيف محمد اقول حاجة واحدة :

انا قصدي محدش يحرج نفسه عشان انا فعلا شفت ناس اتبهدلت هناك

يعني مؤهلات عليا و لغتهم رايحة في داهيه و سمعوا كلام زي السم

و عامة انا سافرت طابا و رحت استلمت الشغل و مع مين ؟؟؟؟؟

مع ابن اخت نجيب ساويرس بس مكملتش غير 24 ساعة ورجعت

عشان مرضتش اشتغل علي البار دا غير ان عدد الاسرائيليين هناك

مش كبير اوي زي ما كنا بنقول

ربنا يوفق الجميع و تحياتي لكل اللي رد
elchefmohamed
23-02-2009, 10:38 PM
ربنا يرزقك افضل من الشغل اللى تركتة وتذكر دائما انة ومن يتق الله يجعل له مخرجا ويرزقة من حيث لا يحتسب
lovestory11
24-02-2009, 10:35 PM
شكرا للجميع

و بالنسبة لرد الشيف محمد اقول حاجة واحدة :

انا قصدي محدش يحرج نفسه عشان انا فعلا شفت ناس اتبهدلت هناك

يعني مؤهلات عليا و لغتهم رايحة في داهيه و سمعوا كلام زي السم

و عامة انا سافرت طابا و رحت استلمت الشغل و مع مين ؟؟؟؟؟

مع ابن اخت نجيب ساويرس بس مكملتش غير 24 ساعة ورجعت

عشان مرضتش اشتغل علي البار دا غير ان عدد الاسرائيليين هناك

مش كبير اوي زي ما كنا بنقول

ربنا يوفق الجميع و تحياتي لكل اللي رد

اولا احب اشكر حضرتك على الموضوع الجامد دة
ثانيا احب اعرف نظام الشغل هناك كان اذاى و المرتب و كدة يعنى و كام ساعة و كل حاجة يعنى
و شكرا استاذ حسام
hassan010
23-07-2009, 09:41 AM
شكرا ليك على الاعلان
انا قدمت برضه مرة فى شركة من دول بس مكملتش لانى لاقيت ناس كتير وانا قاعد بييجو يقولو ان المرتب طلع ضعيف وفى نفس الوقت مش زى الكلام الى كانو بيقولوه ليهم
ده ميمنعش ان فى شركات محترمة
وربنا يوفق الجميع ومش عيب ان الواحد يسعى لغاية مايلاقى حاجة كويسة
وربنا يكرمنا كلنا