سؤال عن بيض الجمبرى

[hero2004_5]

الحمد لله انا عرفت افرخ سمك تيجر :clap0000: :clap0000:
وعرفت ان احسن حاجه ياكلها سمك التيجر فى فقس بيض الجمبرى فرحت لمحل بيع السمك و سالته عن بيض الجمبرى فادانى ازازه صغيره ب 8جنيه وفيها حاجات زى الرمل
وقالى احط البيض ده فى ماء و ملح و احطله سكريه هواء فى الماء و هو هايفقس بعد 12 _24 ساعه فعملت زى ما قالى ولاكن محصلش حاجه :no000000: :no000000: :schmoll0: فرجعتله تانى و رجعت الازازه وكانت فيه مشكله جامده بس الحمد لله عدت على خير

المهم بقى لما اجى اشترى بيض الجمبرى بعد كده اعرف ازاى انه سليم و مش هايكون بايظ زى ده

وايه اسعاره لانى مش عارف السعر الحقيقى

و منين اشتريه علشان اضمن انه سليم


وبالنسبه لولدلت التيجر الى عندى ممكن ااكلهم حاجه غير سفار البيض هما عمرهم 3__4 ايام

[tamerfouad]

بخصوص بيض الجمبرى ستجدة عند محلات أسماك الزينة المشهورة فى شارع غمرة - القاهرة ويتراوح سعرة تقريبا 20 جنية للعبوة
بالنسبة لتفقيس الجمبرى أسأل البائع وسيدلك على الطريقة الصحيحة
انا مشعارف بظبط تعرف اذاى انة مش سليم بس كل الى اعرفة ان الباع بيكون عارف وعلى فكرة لازم ميكونش اعد عندة فترة كبيرة يعنى يومين تلاتة بكتير
وممكن تاكلهم بص انت تجيب الجمبرى العادى وتسيبة لغايت مينشف شوية وبعد كدة تتحنة وتدية للسمك
وهو مفيد بس بيض الجنبرى افضل فى نظرى وسلامى لك

[hero2004_5]

شكرا تامر على اهتمامك بالموضوع بس انا عايز اعرف ازاى البيض يكون سليم او بايظ علشان ماتحصلش المشكله دى تانى

وسلامى للجميع :bye10000: :bye10000:

[ninja911]

مبدئياً ياباشا لازم تتأكد من المصدر لبيض الجمبرى والمحلات اللى قال عليها تامر بالإضافة للمحل أمام ماركت أولاد غانم بعد كوبرى التجنيد يمين فى جسر السويس مستوردين وهتلاقيه سليم عندهم بإذن الله

لأن معظم المحلات الأخرى بتجيبه من السوق وطبعاً بيكون إتعرض للشمس إلى أن أصبح بيض الجمبرى أومليت جاف

دى أول نقطة

تانى شىء هام جداً هو أن كثرة الملح للبيض تؤدى لنتيجة عكسية فرغم أن الجمبرى من سمك المياه المالحة إلا أن النسبة المناسبة للفقس الجيد ( 90% ) فأكثر من البيض هى ملعقة واحدة ملح طعام على لتر المياه لأن كثرة الملح تؤثر على فقس البيض

وتكون درجة الحرارة 28 درجة مئوية لأن الدرجات الأقل تؤخر الفس الذى يبدأ بعد 28 ساعة من وضع البيض بطريقة سليمة

المياه يجب أن تكون قلوية بعض الشىء فلذلك يضاف ربع ملعقة ممسوحة ( بيكينج باودر) على لتر المياه وهذا سر آخر لفقس بيض الجمبرى قليل من يعرفه ويقوله

بعد فقس البيض يؤخذ بشبكة حرير ضيقة المسام جداً حتى لا يتسرب فقس الجمبرى الصغير منها

ويوضع فى الحوض الذى من المفروض أن تكون مياهه مالحة بعض الشىء كى لا يموت الفقس قبل أن يستفيد به صغار السمك تماماً

وبيض الجمبرى السليم يكون بنى اللون مائل للحمرة

ويبدأ فى فقد لونه كلما إقترب من الفساد

وهذا معناه زحف التلف على كل البيض إلى أن يصير لونه باهتاً وهذا معناه التلف التام

ولكن لا تعتمد على اللون بالدرجة الأولى ولكن على الثقة فى المصدر

تحيتى أخى العزيز

[hero2004_5]

شكرا يا نينجا على المعلومات الجامده ده

لان البيض الى اشتريته ماكنش مائل للحمرة ده كان لونه قريب للبنى الفاتح

والف شكر ليك و لتامر

[tamerfouad]

حكاية البكنبودر دية جديدة لازم تكون المياة قلوية دية جديدة جدا على العموم دة المتوقع منك شكرا ليك

[ninja911]

إلعفوا أخوانى الأعزاء وأى خدمة

[spictor]

طيب مفيش حد يعرف اجيب منين بيض الجمبري في اسكندرية؟

[sbank]

شكرا يا اخ ننجا على المعلومة ية

[capo2885]

شكرو على هذه المعلومات القيمه

[مسترموسى]

فعلا معلومات قيمه ومفيده عن الارتيميا................شكرا لك لم ساهم فى الموضوع وشكر خاص لمشرفنا الكبير نينجا