المساعد الشخصي الرقمي

مشاهدة النسخة كاملة : تركى للمنتدى نهائيا


shatou
13-01-2009, 07:20 AM
السلام عليكم...


إلى جميع اخوانى الكرام :)


أعلن تركى للمنتدى نهائيا بلا رجعة نظرا لمشاكل الادارة "الديكتاتورية" (المنتدى وليس قسم نوكيا) واللى مش بعيد تكون ذات الصلة بالحزب الوطنى :D:D....


أنا اسف يا جماعه من النهارده مش هاقدر ارد على اى موضوع من المواضيع اللى عاملها من دلوقتى...


مع وعد انى هاعمل مواضيعى فى منتدى اخر راقى محترم ويحترم اعضاءه...


اى استفسار من خلال التليفون...وجارى حاليا اختيار افضل عرض من المنتديات العربية :)


تحية تانيه لكم جميعا وقبل ما امشى باشكر:



aBDo_eMBaBy (http://dvd4arab.maktoob.com/member.php?u=1762254), abomarwa (http://dvd4arab.maktoob.com/member.php?u=268964), adore4ever (http://dvd4arab.maktoob.com/member.php?u=877229), ali_batman (http://dvd4arab.maktoob.com/member.php?u=426101), amr_diaaab (http://dvd4arab.maktoob.com/member.php?u=1792968), bayoumisoft (http://dvd4arab.maktoob.com/member.php?u=200461), beltagy2005 (http://dvd4arab.maktoob.com/member.php?u=175838), boy20egy (http://dvd4arab.maktoob.com/member.php?u=18090), EXTREME BOY (http://dvd4arab.maktoob.com/member.php?u=1132661), Eyes LaNGuAgE (http://dvd4arab.maktoob.com/member.php?u=1181263), Gamplaty (http://dvd4arab.maktoob.com/member.php?u=1547171), hamadajsya (http://dvd4arab.maktoob.com/member.php?u=1265717), hotboy (http://dvd4arab.maktoob.com/member.php?u=61725), Jocker4Ever (http://dvd4arab.maktoob.com/member.php?u=171101), kanee (http://dvd4arab.maktoob.com/member.php?u=114640), khaled7851 (http://dvd4arab.maktoob.com/member.php?u=1748831), kimoo12 (http://dvd4arab.maktoob.com/member.php?u=18489), meetoo (http://dvd4arab.maktoob.com/member.php?u=11064), MIDO_9300 (http://dvd4arab.maktoob.com/member.php?u=1005784), misry (http://dvd4arab.maktoob.com/member.php?u=336960), mohamed.essam (http://dvd4arab.maktoob.com/member.php?u=847459), MohamedYousri (http://dvd4arab.maktoob.com/member.php?u=86387), MR BEBO (http://dvd4arab.maktoob.com/member.php?u=610659), Mr.Oli (http://dvd4arab.maktoob.com/member.php?u=1792428), mustang20032004 (http://dvd4arab.maktoob.com/member.php?u=511804), M_K@M@L_512 (http://dvd4arab.maktoob.com/member.php?u=771241), m_salem_10 (http://dvd4arab.maktoob.com/member.php?u=255196), raef87 (http://dvd4arab.maktoob.com/member.php?u=420108), samy_elmasrey (http://dvd4arab.maktoob.com/member.php?u=11050), si4 (http://dvd4arab.maktoob.com/member.php?u=23562), SPIDER_F18H (http://dvd4arab.maktoob.com/member.php?u=1021069), sw2at (http://dvd4arab.maktoob.com/member.php?u=122236), the big dragon (http://dvd4arab.maktoob.com/member.php?u=930156), theevil100 (http://dvd4arab.maktoob.com/member.php?u=64806), tintin x (http://dvd4arab.maktoob.com/member.php?u=248380), tza (http://dvd4arab.maktoob.com/member.php?u=1101069), X man (http://dvd4arab.maktoob.com/member.php?u=35506), ™A7med Mido (http://dvd4arab.maktoob.com/member.php?u=430821),

وطبعا شكر خاص جدا للاعضاء:
sherif_2000 وجيفارا (عمر) وزاندر زون المشرف الجميل :) و الدكتور طه مؤسس قسم الاى فون :)....

واكبر شكر لاجمل عضو واجمل صداقة من المنتدى مع Mindvision اخر واحد الرجال القلائل فى المنتدى...


كامل شكرى واحترامى لكم جميعا واتمنى مكونش نسيت حد خالص :)

واخيرا الشكر والحمدلله وحده...

اشوفكم على خير دايما...

عبدالرحمن شاتو

MR BEBO
13-01-2009, 09:41 AM
ايه ده انا مش مصدق نفسي

ايه اللي حصل يا شاتو بس

مش معقول كده بصراحة

يعني ايه تسيب المنتدي

بجد حرام اللي بيحصل ده حررررررررررررررررررررررررررررررررررررام

يا شاتو خلي نفسك طويل شوية ومفيش حتة مفهاش مشاكل

ياريت ترجع عن القرار ده اللي فعلا انا مش مصدق انك هتنفذه

وبصراحة قسم النوكيا من غيرك مش هيكون ليه طعم خااااااااااااااااالص

ياريت الادارة تشوف مشكلة البشمهندس شاتو وتحاول تحلها

وحرام بصراحة نخسر شخصية رائعة زي شاتو حرررررررررررام

:sad_1::sad_1::sad_1::sad_1::sad_1::sad_1::sad_1:: sad_1::sad_1::sad_1::sad_1::sad_1:

وانا بصراحة مش هدخل قسم النوكيا تاني لو انت مشيت :32:

salah bdran
13-01-2009, 09:54 AM
ايه يا شاتو الكلام دع ايه اللى حصل بس وانا كمان مع بيبو مش هدحل المنتدى ده تانى غير لما شاتو يرجع يا جماعه لازم شاتو ميمشيش لازم نعمل حاجه

MIDO_9300
13-01-2009, 10:13 AM
ايه السبب بس يا شاتو........
منتدي النوكيا مينفعش من غيرك ومش نوكيا بس لأ كل المنتدي انت من الناس المحترمين جدا اللي في المنتدي هنا ومن الناس اللي بتحب تساعد الاعضاء من غير مقابل s:

طيب بس قول السبب ؟!

si4
13-01-2009, 10:53 AM
لية كدة بس يا شاتو
لا حول ولا قوة الا بالله

MR BEBO
13-01-2009, 11:50 AM
يا جماعة سبب ترك شاتو المنتدى الموضوع ده

http://dvd4arab.maktoob.com/showthread.php?t=1558104

شوفوا اخر رد لشاتو وانتوا تفهموا :(

MohamedYousri
13-01-2009, 11:59 AM
بصراحه الواحد مش عارف ليه الاداره كانت سبب في ترك كبير من عمالقه المنتدي

كل لما ييجي عضو من الافاضل المحترمين يعلن سبب عدم مشاركته مره اخري ف المنتدي يتم ذكر الاداره

نفسنا نعرف ليه الاداره بتخلي الناس اللي بتخدم الناس دون اي مقابل تسيب المنتدي و تمشي ايا كانت المشاكل

استاذ عبد الرحمن ياريت تعرفنا ايه السبب ف القرار ده و اتمني انك تتراجع فيه لأنك بتقدم خدمات جليله جدا لكل اعضاء المنتدي و مش بتتأخر ابدا ف مساعده حد

بجد كده كتير يا اداره ناس كتير عمالقه كان ليهم الفضل ف رفع اسم الدي في دي العربي عاليا و جعله المنتدي الاول بلا منازع سابوا المنتدي و مشيوا و طفشوا .... نفسنا نعرف ليه

FL@SH
13-01-2009, 02:25 PM
اول حاجة احب اوضح ان shatou
من أكثر الأشخاص هنا احتراما واخلاصا لمنتدى الدى فى دى صحيح هو لا صاحبى ولا اعرفة بس متابعتى لكلامة ولمواضيعة تشهد بكدة ونفس الموضووع بالنسبة ل
Mindvision طول عمرى بدخل واشوووفة مش بيعمل غير الصح والحاجات اللى هو مسئول عنها لأنة كان بيعتبر ان المنتدى امانة ولازم يحاف عليها
لكن فى الفترة الأخيرة من وقت ما تم بيع الموقع وممكن من قبلها بقليل
كتير من الأعضااء لاحظوا ان الإداارة بتعمل حاجات غريبة منها موضووع انا شفتة فى منتدى العرض مثلا كان لواحد ممكن تكونوا عارفينة بدون ذكر اسمااء باع ساعة لواحد من الإداريين هنا
حصل ان السااعة فيها مشكلة بسيطة فا الادارى طلب ان اللى باعلة الساعة هو اللى يجيلة وطبعا هو اساسا بايع الساعة ومايعرفش العيب اللى فيها فا صاحبنا اللى هو بايع للادارى دة الساعة قالى تعالى وانا هاعملهالك يعنى ما قصرش لكن الادارى دة طلب انة لازم هو اللى يجييلة ولو ما جالوووش هايتم حذف جميع مواضيعة وطردة من المنتدى وبالفعل تم دة
واتعمل موضووع اكتر من مرة على اللى حصل دة وكان فية انتظار من جانب الاداارة للرد ومفيش حد رد والموووضووع اتعمل مرتين واتحذف مرتين
فا دة سوء ادارة وبكدة المنتدى بينزل لتحت حتى لو كان الرانك بتاعة بيرتفع فا هو نزل فى نظرى وهاينزل فى نظر ناس كتير
وبما ان الموضووع هايمشى فى المنتدى كدة اعتقد انة هايفقد المزيد من الأعضااء
وعلى فكرة انا مش هاقول لا Mindvision ولا ل shatou اقعدوا
لأ ,, لأن الإدارة ماردتش جميل ناس زى دى رفعوا المتنتدى وكان ليهم دوور كبير فى اللى المنتدى فية دلوقت
فما بالك بالمشرفين والاعضااء المميزين
مصير الاعضااء القاديمين اية
هو دة اسلووب المشااركة اللى يتكلم يحذرووة ولا يقفووة بصراحة دة مش منتدى ابدا ودائما هانرجع لورا بأسلوب زى دة
وبجد بجد والله خساارة كبيرة
انا صحيح مش معرووف ولا بدخل كتير ولا لية مشاركات بس انا واحد من اللى كانوا متابعين المنتدى من الأول
وان شااء الله اللى فية الخير ربنا هايعملة

Jocker4Ever
13-01-2009, 03:02 PM
والله لو شاتوا مشيت بجد والله واقسم بالله المنتدى ده هيبقى تحت زي مطلعتوه من تحت قبل كده وياجماعة لازم نقول لالالالالالالالالالالالالالالالا للي بيحصل ده وياشاتوا ارجع محدش واخد منها حاجة والله

Mr_Mohamed
13-01-2009, 03:44 PM
مفيش الكلام دا ياجماعة وشاتو إن شاء الله مش هيمشي
وانا عارف السبب

ياريت ياعبد الرحمن تكلمني علي الميل

moh_hardforever2000@hotmail.com