المساعد الشخصي الرقمي

مشاهدة النسخة كاملة : الفيبرشين مش شغال هل العيب سوفتوير أم هاردوير

صديقك من صدَقك
10-01-2009, 11:19 AM
السلام عليكم ورحمة الله

إخواني معروض علي جهاز نوكيا N73M بيقول صاحبه استعمال 6 شهور

العطل اللي فيه الفيبرشين مش شغال:eek:

هل ممكن يكون عيب سوفتوير أم هاردوير الجهاز فنلندي وارد السعودية

معاه السماعة العادية الصيني وشاحن عادي صيني والكرتونه

العلبة الخاصة بالجهاز والكتالوجات وب 900 جم

رجاءا الإفادة هل سعره كده مناسب وهل عيب الفيبرشين سوفتوير أم هاردوير

ومشكورر مقدما لك من تفضل علينا بالإجابة
MohamedYousri
10-01-2009, 11:36 AM
الـVibration عباره عن ايه ؟؟!!

موتور صغير اوي ليه ريشه ف طرفه لما بيشتغل الريشه دي بتلف ف تعملك الـVibration

ممكن يكون التليفون وقع من صاحبه ف اخد خبطه ف الـVibration فصل ... ممكن يكون هو نفسه باظ و عايز يتغير او الرجول بتاعته اللي بتاخد الكهرباء من علي البورده بتاعت التليفون اتحركت من مكانها ف علشان كده مش شغال

ف اغلب الوقت بيطلع عيب الـVibration نفسه عايز يتغير و قليل لما بيطلع سوفت و رخيص اصلا مش غالي ما يتكلفش اكتر من 10 جنيه بس المشكله انك هتبقي فتحت التليفون

و الله اعلي و اعلم
صديقك من صدَقك
10-01-2009, 12:09 PM
ما شاء الله .. أخي بارك الله لك

إحتمالات كلها واردة طيب نصيحة حضرتك ايه ابعد ولا اشتري الجهاز خاصة

اني لا حظت عند فتح الجهاز ومع بداية شعار النوكيا لا اسمع صوت المقدمة

وهل ثمن الجهاز معقول ولا غالي عليه

ومرة أخري اشكرك أخي
weswes1000
10-01-2009, 01:08 PM
اعتقد انه من الافضل انك تشوف جهاز افضل
لان اى فتح للجهاز هيقل سعره عن كده
وتصليح الفيبرشين هيخليك تفتحه
MohamedYousri
10-01-2009, 01:10 PM
اعتقد انه من الافضل انك تشوف جهاز افضل
لان اى فتح للجهاز هيقل سعره عن كده
وتصليح الفيبرشين هيخليك تفتحه

متفق مع رايك تماما

كمان الـN73 بقالها كتير اوي ف السوق و اللي بيفكر يبيعها يبقي اكيد مصمصها و جاب اخر كل حاجه فيه

ف بلاش منها و يا تشوف واحده تانيه حالتها نضيفه و كويسه يا اما تدور علي موديل تاني
صديقك من صدَقك
10-01-2009, 05:02 PM
شكرا لكم جميعا لسعة صدركم

يسر الله لكم الخير ووفقكم لما يحبه ويرضي به عنكم