لو سمحت ارجو الدخول بسرعة من فضلكم [الأرشيف] - موقع الدي في دي العربي

m_azzuri10

09-01-2009, 08:28 PM

انا عايز برنامج يحول الافلام العربى و الاجنبى و احنا عارفين ان مدتها ساعه و نص او ساعتين عشان انا جربن ببرنامج imtoo encoder وبيحولى 5 دقايق بس من الفيلم و برنامج video convert master و بيعمل نفس الحكاية انا موبيلى n 72 عايز احول افلام من عندى علية زى اللى فى قسم افلام الجوال اللى بيحولوا الافلام بس نفسى اعرف ببرنامج ايه و اللى يعرف يجيب الشرح برده معلش انا طولت عليكم

hessoo

10-01-2009, 04:43 AM

أقولك على السر ده وتدفع كام
.
.
.
بص ياسيدي
أنا كنت زيك كده وكنت بعيط من محولات الفيديو لحد مالقيت الحل
بس الفرق إني معايا N95 8g ومش بتفرج على فيديو بصيغة 3gp الفاشلة دي أبداً
لكن في صيغة ال Mp4 دي رائعة
السر في برنامج إسمه
Any Video Converter
وده برنامج رائع رائع من هنا لحد بكرة الصبح
مميزاته بالظبط:
بيحول أي صيغة فيديو أياً كانت بقى Rv أو Avi أو Mpg أو أو أو
بيحول بسرعة عالية عن غيرة كتير
في عيب لقيته في كتير من برامج التحويل ومنها ال
Video Convert Master
والعيب ده هو إن الصوت بيبقى سابق الصورة أو الصورة سابقة الصوت
إنما في البرنامج ده لأ نهائي مفيش المشكلة دي
ميزة كمان إنه بيعمل Mp4 بجودة عالية ومنخفضة وبكل الجودات ومقاسات الشاشة اللي تحبها
ميزة كمان وهي إن البرنامج ممكن يعلي صوت الكليب أو الفيلم لو كان صوته منخفض
بقدر أحول بيه أفلام عربي وأجنبي مع مراعاة إن الأجنبي لو الترجمة مدمجه بتظهر على الشاشة في الموبايل
أما لو مش مدمجه ( يعني في ملف لوحدها ) مش بتظهر
العيب الوحيد إنه مش بيحول للصيغة الممله اللي هي 3gp
وافتكر إن موبايلك بيشغل Mp4 طبيعي بدون أي برامج
البرنامج ده لو نزلته بجد هتدعيلي
بس حاول تنزل آخر فيرجن لأنه روعة وإسمه الفيرجن الأحترافي
وعلى فكرة البرنامج موجود في معظم المواقع
إبحث بس بإسمه على جوجل
وخد بالك وإنت بتحول
إنت بتختار الصيغة اللي بيتحول لها الفيلم أو الكليب وهتلاقيه مليان صيغ للموبايلات وغيره
هتلاقي صيغتين لل Mp4 في صيغة بتبقى بجودة عالية ودي بتاخد مساحة كبيرة بس بيبقى كأنك بتتفرج على الفيلم ديفيدي على الموبايل
أما الصيغة التانية بتبقى موبايل Mp4 ودي بتبقى بمساحة صغيرة مش هتتعدى ال 150 ميجا في الفيلم الكامل وأنا بختار التانية في حاجات والأولى ف حاجات وإنت طبعاً إختار اللي يريحك