عندك مشكله مع الضمان..عايز حقك..ادخل هنا فورا

[zambarotaa]

الساده الاعضاء
تحيه طيبه وبعد

بعد تجربتى مع تليفونى المحمول والضمان حبيت انقل ليكم الطريقه الصحيحه للتعامل مع الضمان والحفاظ على كافه حقوقك

اول حاجه طبعا معاك تليفون نوكيا بضمان( مع اختلاف الوكيل I2 رينج رايه....)

ثانيا تليفونك حصل فيه عطل (بعيد عن سوء الاستخدام)

ثالثا ستذهب الى الضمان (خلال فتره الضمان) وهاتقولهم على المشاكل والعيوب الى بتقابلك فى تليفونك المحمول

رابعا هاتاخد ايصال وميعاد استلامك للهاتف والعيوب الموجوده فيه وبيانات عن هاتفك وامكانيه تصليحه

خامس عند استلام الهاتف
ا وهنا فى كذا حاله

1- التليفون اتصلح من العيوب (ودي حاجه كويسه اوي)
2- التليفون غير قابل للاصلاح نظرا لوجود عيوب صناعه (استبدال ودي حاجه نادره جدا جدا)
3- التليفون غير قابل للاصلاح نظرا لسوء الاستخدام(ودي حاجه منتشره جدا)
4-التليفون تم اصلاحه من العيوب(ولما ترجع البيت تلاقى نفس العيوب)

اخر نقطيتين هانهتم بيهم ونركز عليهم جدا

-لو تليفونك غير قابل للاصلاح والضمان قالك نتيجه سوء استخدام لوجود سائل او كسر او... وفعلا ثبت الكلام دا
يبقى لو معاك شهاده تامين هاتقدر تستبدل تليفونك بس هاتدفع 3% من القيمه التسويقيه بحد اقصى 50 جنيه و10% من القيمه التسويقيه

-لو صادف بقى واستلمت تليفونك وجربته ولاقيته شغال ولما روحت البيت لاقيت التليفون فيه نفس العيوب هاتعمل ايه
ولو رحت الضمان وعملت مشكله واتخانقت والضمان استلمه تانى وحصلت نفس المشكله والتليفون فيه نفس العيوب والضمان بيلعب معاك القط والفار هاتعمل ايه
هذا عن تجربه شخصيه
اولا لا ترسل هاتفك المحمول للضمان فى الوقت الحالي
ثاني هاتدخل على هذا الرابط- موقع نوكيا اتصل بنا- (http://mea.nokia.com/A4233092) وتملي جميع البيانات الموجوده وخصوصا الملاحظات وبريدك الالكتروني صحيح

سيصلك رساله مضمونها فى خلال 48 ساعه سيقوم موظفى رعايه شؤون الزبائن بالرد عليك
ستجد اهتماما غير مسبوق من الشركه بك
سيقوم موظفى رعايه الزبائن بنوكيا بارسال بريد الكتروني اخر اليكم
وسيتضمن ارسال هاتفكم المحمول مره اخرى للضمان مع تعبئه بعض البيانات الخاصه بهم بعد ارسال الهاتف للضمان
وسيقوم فريق العمل بالاهتمام بموقف هاتفكم المحمول الموجود بالصيانه لدى الوكيل(الضمان)

انا مستعد لاي استفسار عن قسم الشكاوي والاراء لشركه نوكيا
اما بالنسبه لعملاء شركه I2 فاي شخص تواجهه مشكله مع الضمان يمكنه اضافه بعض الاجراءات فى الحفاظ على حقوقه من الشركه

واتمنى ان اكون قد وفقت

[hotboy]

كلام 10 على 10 وسليم جدا عن تجربة

[soltanfriend]

كلام جميل وانا كان ليا تجربة مع اى تو بس الصراحة كانوا محترمين جدا جدا وبلوا الجهاز بجهاز اخر جديد رغم هيافة العيب اللى كان فى التليفون وهو انه ما كن بيدخل على الpc suite وكان نوعه 5610 زائد ان الضمان كان رايا بس اشتغلوا بيه عادى فى اى تو

[tito4m]

.

طيب لو جبنا الموبيل من خارج مصر فى جى بى اس زى الـ 82 او 79 الخ من اى تو السعوديه مثلا يمشى ضمانه مع اى تو فى مصر ولا ايه؟



.

[hessoo]

بصراحة ومع إحترامي للكل
أنا الجهاز الوحيد اللي إشتريته بضمان
كان زمان أول مانزل النوكيا 1100 وده الوحيد اللي إشتريته ومن الضمان كمان
وده الجهاز الوحيد اللي حصل فيه مشكلة بعد ماإشتريته بإسبوع
وكان العيب إن الجرس في زنة مع صوته ودي كانت مضايقاني
وبصراحة كنت عشمان إني أبدله لكن محصلش نصيب بس إتصلح وبقى تمام
ومن ساعتها ياجماعة والله ماجيبت جهاز بضمان
والحمد لله كل جهاز جبته من غير ضمان ماشاء الله لاقوة إلا بالله محصلش فيه مشاكل والحمد لله
شكراً لصاحب الموضوع ويارب ماحد يروح ضمانات ولا يحصل معانا أي مشاكل

[zambarotaa]

كلام 10 على 10 وسليم جدا عن تجربة

شكرا ليك
بس ممكن تقول تجربتك

[zambarotaa]

كلام جميل وانا كان ليا تجربة مع اى تو بس الصراحة كانوا محترمين جدا جدا وبلوا الجهاز بجهاز اخر جديد رغم هيافة العيب اللى كان فى التليفون وهو انه ما كن بيدخل على الpc suite وكان نوعه 5610 زائد ان الضمان كان رايا بس اشتغلوا بيه عادى فى اى تو

هو العيب من وجهه نظرك ممكن يكون هايف
بس هو غير قابل للاصلاح لانه عيب صناعه
ومينفعش يصلحوه او حتى يدوله مسكن علشان يتصلح فتره وبعدها يرجع تاني

[zambarotaa]

.

طيب لو جبنا الموبيل من خارج مصر فى جى بى اس زى الـ 82 او 79 الخ من اى تو السعوديه مثلا يمشى ضمانه مع اى تو فى مصر ولا ايه؟



.

اولا بالنسبه لشركه I2 لو جبت موبايل لحد نوكيا 81 هايقبلو الضمان
بس هما بيطلبو فاتوره الشراء
لكن موبايل جي بى اس للاسف لأ

[zambarotaa]

بصراحة ومع إحترامي للكل
أنا الجهاز الوحيد اللي إشتريته بضمان
كان زمان أول مانزل النوكيا 1100 وده الوحيد اللي إشتريته ومن الضمان كمان
وده الجهاز الوحيد اللي حصل فيه مشكلة بعد ماإشتريته بإسبوع
وكان العيب إن الجرس في زنة مع صوته ودي كانت مضايقاني
وبصراحة كنت عشمان إني أبدله لكن محصلش نصيب بس إتصلح وبقى تمام
ومن ساعتها ياجماعة والله ماجيبت جهاز بضمان
والحمد لله كل جهاز جبته من غير ضمان ماشاء الله لاقوة إلا بالله محصلش فيه مشاكل والحمد لله
شكراً لصاحب الموضوع ويارب ماحد يروح ضمانات ولا يحصل معانا أي مشاكل

هابتدي من مكان ما انتهيت
يارب ماحد يروح ضمانات ولا يحصل اي مشاكل
وشكرا ليك
وربنا يبعدك عن الضمان والصيانه

[MohamedYousri]

في كذا موضوع قبل كده شفت ناس كتير بتشكر ف ضمان I2 وانهم مش بيقابلوا اي مشاكل منه و كمان بياخدوا صيانه اي تليفون من خارج ضمان I2

يعني نقدر نستبعد رايه هي كمان لأن الشكاوي و النصب كتر اوي اوي من ناحيتها اليومين دول و ناس كتير بتتخانق معاهم و دايما يطلعول التليفون عيب مستخدم

[zambarotaa]

في كذا موضوع قبل كده شفت ناس كتير بتشكر ف ضمان I2 وانهم مش بيقابلوا اي مشاكل منه و كمان بياخدوا صيانه اي تليفون من خارج ضمان I2

يعني نقدر نستبعد رايه هي كمان لأن الشكاوي و النصب كتر اوي اوي من ناحيتها اليومين دول و ناس كتير بتتخانق معاهم و دايما يطلعول التليفون عيب مستخدم

بالنسبه لموضوع مين الافضل ومين نشكر فيه دا موضوع كبير وناس كتيره هاتختلف فيه

لكن النظره العامه لجميع التوكيلات نجد انهم فى سله واحده(شكاوي ونصب)

انا تعرضت لمشكله كبيره جدا مع I2 من ناحيه (مركز الصيانه وخدمه العملاء)
ولكن عند تقديمى لشكوي على موقع I2 وعلى موقع نوكيا احتفظت بكافه حقوقي وقمت باستبدال هاتفى باخر جديد قبل نهايه فتره الضمان بشهر واحد لوجود عيوب صناعه واضحه بالهاتف ولكن الضمان يرفض استبدال الهاتف

لو نشوف المنظر والاحتكاكات والالفاظ فى ضمان I2 عمرك متتخيل انك واقف فى توكيل ودا الى انا شوفته وسمعته
باقى التوكيلات انا بس دخلت رينج ونفس المشكله برده

[MohamedYousri]

الظاهر ان ده الوضع مش ف توكيلات الموبايلات بس لأ كمان ف موبينيل و فودافون و Link dot Net و TE Data و..... القائمه طويله

عايزين يبيعوا من غير ما يقدموا ابسط حق للمستهلك و هو الضمان

ده بره كارت الميموري الـKingston مثلا عليه Lifetime Warranty يعني ضمان مدي الحياه مش زي بلدنا هنا

هنعمل ايه بقه هي ثقافه عن الناس كلها و مستحيل نقدر نغيرها لكن في ناس بتعرف تاخد حقها منهم بالصوت العالي و التهديد

[zambarotaa]

بالنسبه لثقافه الضمان

اولا هاطرح مثال بسيط
تليفون نوكيا سعره مثلا 1000 جنيه(الف جنيه) بالضمان
من غير ضمان سعره 850 جنيه
ربح الضمان 150 جنيه للشركه للتليفون الواحد

يعنى لو الشركه باعت من التليفون دا 100 تليفون بالضمان

يعنى جمعت من ربح الضمان بس 100x150 يعنى 15000 جنيه

فتره الضمان سنه
لو حصل مشكله لحوالى 20% من التليفونات المباعه بالضمان يعنى 20 تليفون(ودي طبعا نسبه كبيره بالنسبه لعدد التليفونات المباعه) منهم صيانه واستبدال هاتكلف الشركه مثلا 7500 جنيه

يعنى الشركه بتكسب من موضوع الضمان
وكمان مبيعاتها بتزيد لانها بتبيع حاجه بالضمان

[MOH-RONAL]

كلام جميل وانا كان ليا تجربة مع اى تو بس الصراحة كانوا محترمين جدا جدا وبلوا الجهاز بجهاز اخر جديد رغم هيافة العيب اللى كان فى التليفون وهو انه ما كن بيدخل على الpc suite وكان نوعه 5610 زائد ان الضمان كان رايا بس اشتغلوا بيه عادى فى اى تو
توكيل I2 افضل توكيل بمصر ..

فإذا ظهر به مُشكلة قد يكون من الموظف نفسه في لهجته او او .. إنما كشركة فهى مُحترمة جداً وتمت تجربتها في كثير من الظروف ..

أقربها عيب الريستارت الذي كان بـ Nokia 3110 Classic ..

عموماً يكفي إن التوكيل موجود في Middle East وليس مصر فقط ..

والله المُوفق

[abomarwa]

اخوانى الاعزاء انا لى تجربه مريره مع اكبر شركه نصابه لبيع الموبايل باضمان وهي شركه رايه لازم يطلع لك اى شىء يخرج الجهاز برة الضمان والله نصابين اول ما تشتر الموبايل الوجوه المبتسمه واذا حدث شىء وتوجهت لهم تجد الوجوه العابسه والمعامله القذره من الموظفين تحذير لاخوانى بلاش رايه خالص رايه النصابه واللة العظيم حرقوا دمى الله يحرق دمهم طظ فى الموبايل بس الواحد بيزعل من ام:31::31:ور النصب والاحتيال

[abomarwa]

انا سمعت انهم حيقفلوا شركه i2 بالاسكندريه وحتبقى رايه النصابه بس وده انا سمعته من احد الموظفين فى شركه رايه رافعه رايه النصب اتمنى ان لايكون صحيح ده قالو لى لما قلت له اخر مرة ادخل الشركه الحقيره دى

[zambarotaa]

اخوانى الاعزاء انا لى تجربه مريره مع اكبر شركه نصابه لبيع الموبايل باضمان وهي شركه رايه لازم يطلع لك اى شىء يخرج الجهاز برة الضمان والله نصابين اول ما تشتر الموبايل الوجوه المبتسمه واذا حدث شىء وتوجهت لهم تجد الوجوه العابسه والمعامله القذره من الموظفين تحذير لاخوانى بلاش رايه خالص رايه النصابه واللة العظيم حرقوا دمى الله يحرق دمهم طظ فى الموبايل بس الواحد بيزعل من ام:31::31:ور النصب والاحتيال

لو فعلا كنت واثق ان المشكله فى الجهاز ليست سوء استخدام
فاانت تقدر تاخد كل حقوقك بطريقه شرعيه جدا عن طريق ما تم ذكره
بدون حرقه دم

[zambarotaa]

توكيل I2 افضل توكيل بمصر ..

فإذا ظهر به مُشكلة قد يكون من الموظف نفسه في لهجته او او .. إنما كشركة فهى مُحترمة جداً وتمت تجربتها في كثير من الظروف ..

أقربها عيب الريستارت الذي كان بـ Nokia 3110 Classic ..

عموماً يكفي إن التوكيل موجود في Middle East وليس مصر فقط ..

والله المُوفق


اعتقد ان رائيك ينبع من تجربه شخصيه

ولكن اؤكد لك اني قابلت انا وعملاء اخرين سوء معامله من (موظف الاستلام-مهندس الصيانه بالفرع-مدير فرع الصيانه-خدمه العملاء)
ولكن القسم الوحيد الذي قام بمساعدتنا هو قسم الشكاوي(مشرف قسم الشكاوي - ساره رياض)
وانالا اتكلم عن سوء معامله من موظف بعينه انما من كيان كامل الا جزء بسيط وهو قسم الشكاوي
وايضا يكفى ان تكون المشكله من موظف بعينه لانه يعتبر واجهه لشركته
وسفير لها عبر الشرق الاوسط
ولا يشفع للتوكيل تواجده بكثره فى الشرق الاوسط كدليل على كفائته واحترامه

[tito4m]

اولا بالنسبه لشركه I2 لو جبت موبايل لحد نوكيا 81 هايقبلو الضمان
بس هما بيطلبو فاتوره الشراء
لكن موبايل جي بى اس للاسف لأ

شكرا لك اخر الكريم :jap:

[zambarotaa]

شكرا لك اخر الكريم :jap:

العفو اخي الكريم

[MOH-RONAL]

اعتقد ان رائيك ينبع من تجربه شخصيه

ولكن اؤكد لك اني قابلت انا وعملاء اخرين سوء معامله من (موظف الاستلام-مهندس الصيانه بالفرع-مدير فرع الصيانه-خدمه العملاء)
ولكن القسم الوحيد الذي قام بمساعدتنا هو قسم الشكاوي(مشرف قسم الشكاوي - ساره رياض)
وانالا اتكلم عن سوء معامله من موظف بعينه انما من كيان كامل الا جزء بسيط وهو قسم الشكاوي
وايضا يكفى ان تكون المشكله من موظف بعينه لانه يعتبر واجهه لشركته
وسفير لها عبر الشرق الاوسط
ولا يشفع للتوكيل تواجده بكثره فى الشرق الاوسط كدليل على كفائته واحترامه

بالتأكيد فهو عن تجربة شخصية بالفعل ..

ولكن إذا حدث ذلك بالفعل فهو يُعد من القلائل جداً التي يحدث به هذه المشاكل ..

ولا يوجد شىء كامل بالطبع إلا الله سبحانه وتعالى ..

وعليه فهو الأفضل ايضاً على الرغم من حدوث هذه المُشكلة ، ولكني اؤكد لك إن خدمتهم ممُتازة في اغلب الأحيان ..

والله المُوفق

[zambarotaa]

بالتأكيد فهو عن تجربة شخصية بالفعل ..

ولكن إذا حدث ذلك بالفعل فهو يُعد من القلائل جداً التي يحدث به هذه المشاكل ..

ولا يوجد شىء كامل بالطبع إلا الله سبحانه وتعالى ..

وعليه فهو الأفضل ايضاً على الرغم من حدوث هذه المُشكلة ، ولكني اؤكد لك إن خدمتهم ممُتازة في اغلب الأحيان ..

والله المُوفق



مستغرب جدا لان حضرتك بتقول من القلائل
ومستغرب اكتر انك بتاكد جملتك وبتقول من القلائل جدا
فهو ليس الافضل ولكنه افضل السيئين
ممكن حضرتك تروح كانك رايح قسم الصيانه باي فرع لشركتك المحترمه(I2)افضل شركه كما ذكرت حضرتك
فى شارع مصدق او فى شارع النصر بالمعادي او بالمنيل
وممكن تسمع وتشوف وتتكلم مع عملاء فى قسم الصيانه واتفرج واسمع على الهواء مباشرهفهو الافضل على مستوى تجربتك الشخصيه
شكرا

[prosecutor.mohamed]

مشكوووووووووووووور

[omarika90]

الف شكر لصاحب الموضوع لأن في فعلا متعرفش حقوقها أو متعرفش تتصرف