المساعد الشخصي الرقمي

مشاهدة النسخة كاملة : وظائف في مطار القاهرة

م.عمرو
08-01-2009, 09:42 PM
السلام عليكم ورحمة الله وبركاته

في وظائف متوفرة في مطار القاهرة حاليا

نوع التعيين (عقد)

التخصصات المطلوبة:

- خريجي هندسة تخصص اتصالات وحاسبات آلية

يشترط خريجي الكليات المصرية فقط - يفضل من لديهم شهادات Mcse أو Ccna


- خريجي المعاهد التجارية والصناعية بعد الثانوية نظام الخمس سنوات (مش فاكر الاعلان كويس بخصوص الموضوع ده) برده تخصص اتصالات وحاسبات آلية

استيفاء الأوراق المطلوبة:

صورة شهادة الجيش
صورة شهادة الميلاد
صورة شهادة التخرج
صورة بطاقة الرقم القومي
صورة شهادات الكورسات Mcse و Ccna ان وجدت

بتملي ابلكيشن هناك وتدفع 20 جنيه مع الدمغات وخلافه

مكان التقديم:
مبنى المطار القديم بجوار صالة الوصول (1) بمنى التعيينات
هتلاقوا فيه هناك تصليحات في المبنى وفي باركن عربيات لفوا من حواليه وهتنزلوا سلالم واسألوا عن الأستاذ جمال هو الي عنده الابلكيشن وبيراجع ورقك عشان يشوفك مبدئيا مناسب للوظيفة ولا لأ، الراجل ذوق ومحترم بس عشان الضغط الي عليه من الناس الواقفة حواليه والشغل وكل واحد عايز طلبه يخلص الأول، فأصبروا عليه

وأتمنى التوفيق للجميع ان شاء الله
aslaha saso
09-01-2009, 12:24 AM
شكرا يا استاذ عمرو ربنا يعينك على فعل الخير بس
انا ليا استفسار انا مهندسه اتصالات خريجه 2008 ومعنديش
خبره بكورسات الشبكات ممكن اقدم ولا لأ ولو فى رقم فاكس حضرتك تعرفه
يكون احسن وجزاك الله خيرا
mido10201020
09-01-2009, 12:31 AM
شكرا على الخبر ده
بس هل هي دي الوظيفه المعلن عنها في الأهرام حيث انها تشترط اقامة المهندسين في القاهره وليس المقيمين في المحافظات

ارجو التوضيح
eslammam
09-01-2009, 07:47 AM
أرجو لو فية أى وظائف أخرى فى المطار قولى أرجووووووووووك
و أعرف منين أول بأول أن فية وظائف فى المطار ؟؟؟؟؟؟؟؟؟؟؟؟
م.عمرو
09-01-2009, 12:27 PM
شكرا يا استاذ عمرو ربنا يعينك على فعل الخير بس
انا ليا استفسار انا مهندسه اتصالات خريجه 2008 ومعنديش
خبره بكورسات الشبكات ممكن اقدم ولا لأ ولو فى رقم فاكس حضرتك تعرفه
يكون احسن وجزاك الله خيرا

الاخت الكريمة
الاعلان مش مشترط خريجي دفعات معينة كل ما هو مطلوب انه يكون خريج كلية او جامعة من الجامعات المصرية فقط يعني ميكونش خريج معهد او خلافه، ويفضل انه يكون معاه احدى كورسات الشبكات او الاتصالات زي MCSE أو CCNA لكنها مش شرط اساسي
مفيش رقم فاكس تبعتي عليه اوراقك ولا حاجة، التقديم في مبنى التعيينات الي جنب صالة الوصول (1) في المطار القديم زي ما وضحت كده وربنا يوفقك ان شاء الله


شكرا على الخبر ده
بس هل هي دي الوظيفه المعلن عنها في الأهرام حيث انها تشترط اقامة المهندسين في القاهره وليس المقيمين في المحافظات

ارجو التوضيح

انا مقريتش الخبر في الأهرام بصراحة ولا حاجة والشروط الي طالبينها مش جايبين سيرة محل الاقامة انه يكون في القاهرة كشرط اساسي ولا حاجة فمشوار للمطار مش هيخسرك كتير وتكون مجهز ورقك كله علشان تقدم لو كانت المشروط مطابقة ليك وبالتوفيق


أرجو لو فية أى وظائف أخرى فى المطار قولى أرجووووووووووك
و أعرف منين أول بأول أن فية وظائف فى المطار ؟؟؟؟؟؟؟؟؟؟؟؟

حاليا مفيش وظايف غير الي قولت عليها دي فقط، ممكن كل اسبوعين تلاتة تلاقيا علان جديد عن وظايف

عموما مصر للطيران ومطار القاهرة اعلاناتهم بتبقى في الجرايد بس ركز اكتر حاجة على جريدة الاخبار ليوم السبت ومعاها اهرام الجمعة ثانيا علشان الاخبار اكتر حاجة بتنزل اعلانات لمصر للطيران ومطار القاهرة
last_days
10-01-2009, 12:50 AM
شكرا جزيلا يابشمهندس عمرو على مجهودك وممكن لو فى اى فرص عمل لخريخي هندسة ميكانيكا يارييييييييت تقولى لو سمحت
asddd119
10-01-2009, 01:20 AM
انا معهد فوق متوسط قسم اتصالات الكترونية هل انفع
م.عمرو
10-01-2009, 01:18 PM
شكرا جزيلا يابشمهندس عمرو على مجهودك وممكن لو فى اى فرص عمل لخريخي هندسة ميكانيكا يارييييييييت تقولى لو سمحت

هندسة الميكانيكا افتكر بنسبة كبيرة انها مطلوبة نظرا لقلة عدد المتقدمين ليها، انصحك تروح بنفسك المطار مع اوراقك كلها جاهزة وتسأل هناك اكيد هيفيدوك اكتر اذا كان لسة باب التقديم مفتوح للوظيفة دي ولا لأ، على ما اذكر اذا لم تخني الذاكرة كانوا عايزين مهندسين كهرباء وباور وميكانيكا لصيانة محركات الطائرات معرفش دي تنطبق عليك ولا ايه بس طالما ده مجالك مش هتخسر حاجة لو روحت تستفسر بنفسك بس متتأخرش

انا معهد فوق متوسط قسم اتصالات الكترونية هل انفع

للاسف المطلوب حاليا خريجي كليات وجامعات فقط المعاهد والأكاديميات مينفعوش يقدموا حاليا بس ممكن قريب ان شاء الله يفتحوا الباب لوظائف لخريجي المعاهد
anoosh25
10-01-2009, 01:29 PM
هوا ينفع كلية التجارة ؟؟
م.عمرو
10-01-2009, 09:55 PM
هوا ينفع كلية التجارة ؟؟

للأسف يا أنوش طالبين حاليا خريجين هندسة فقط، التخصصات التانية ممكن في خلال الفترة القادمة ان شاء الله بس الله أعلم ايه التخصصات الي هيطلبوها بعد كدة
shagy_1001
11-01-2009, 12:33 PM
لو سمحت اناا مخلص كلية حقوق بس دخلت اكادمية سيسكو و معايا دلوقتي شهادة ccna و شغال في قسم الشبكات ينفع اقدم ولا لأ
A.NegM83
12-01-2009, 01:18 AM
مع الورق اللى فوق خد صورة شهادة العضوية بتاعت النقابة وصورتين ليك
beko00
12-01-2009, 03:58 AM
انا خريج كلية حقوق طنطا 2008 ومعاي +cdl /n ينفع اروح ولا اى .. ارجو الافادة يابشمهندس وجزالك الله خيرا .
gom3a_3000
12-01-2009, 07:22 AM
والله انا روحت قدمت قبل كده بس كله هجس فى هجس ومش قاصد اكسر مقاديفكو بس والله بيكونوا متعينين قبل ماينزلوا الاعلان وربنا يوفقكوا
last_days
12-01-2009, 11:51 PM
ربنا يكرمك يابشمهندس على النصيحة طيب بالنسبة لفرص عمل (المهندسات) هل فى داخل مطار القاهرة ولا لأ؟؟؟؟
loly2007
13-01-2009, 02:57 AM
بليز بعد اذنك هما مش طلبين وظائف تانية وميرسى جدا ليك
م.عمرو
14-01-2009, 11:36 PM
انا خريج كلية حقوق طنطا 2008 ومعاي +cdl /n ينفع اروح ولا اى .. ارجو الافادة يابشمهندس وجزالك الله خيرا .

مطلوب كليات هندسة فقط دلوقتي، خريجي هندسة وحاسبات ومعلومات اي تخصصات تانية مش هتنفع حاليا للاسف


ربنا يكرمك يابشمهندس على النصيحة طيب بالنسبة لفرص عمل (المهندسات) هل فى داخل مطار القاهرة ولا لأ؟؟؟؟

اكيد تقدري تقدمي الوظيفة ملهاش دعوة بولد او بنت طالما خريجة هندسة يبقى قدمي وربنا يوفقك

بليز بعد اذنك هما مش طلبين وظائف تانية وميرسى جدا ليك

حاليا مفيش معلومات عن وظايف تانية بس اذا عرفت اي جديد ان شاء الله هبلغكم

وكلمة اخيرة

الي ليه نصيب في حاجة وشغل في مكان هياخده هياخده غصب عن اي حد بواسطة ومن غير، انا شخصيا كان معايا واسطة من واحد تقيل جدا جدا في مجلس الشعب وليه كلمته وطلع اي كلام في الاخر مع انه يحرك البلد بصباعه الصغير لكن معرفش يعمل حاجة بدون دخول في تفاصيل

توكلوا على الله ولكل مجتهد نصيب بس اسعى في كل مكان وربنا يوفقنا كلنا
loly2007
15-01-2009, 01:26 AM
ميرسى جدا ليك وربنا يوفقنا جميعا
s_a_m_o
01-03-2009, 04:32 PM
بقينا فى اول شهر 3
مفيش اخبار عن التعينات
nor_islam
02-03-2009, 09:34 PM
هما طالبين مهندسين دلوقتى فى مصر للطيران والتقديم شغال.
وبالنسبة لشركة ميناء القاهرة الجوى مفيش وظايف حاليا
بس هيطلبوا فى خلال الشهر دة.
وربنا يوفق الجميع..

لا اله الا الله ........محمد رسول الله
سبحان الله وبحمدة..... سبحان الله العظيم
shabana1979
03-03-2009, 05:23 AM
والله الكلام اللى بقوله دة يجماعة دة اللى حصل معاية كنت من اسبوعين فى مطار القاهرة فى مبنى مصر للطيران الدارة العامة وكنت رايح على واجد مسنود نص نص هناك واصل يعنى المهم الراجل دة زحلقنى وودنى لواحد ادارى فى مصر للطيرا قلى عايز ايه اقلتله عايز اقدم عندكم قلى هو فى اعلان نزل فى الجرنان اقتله لآة اقلي بس من الاخر عشان تعرف حقيقة اللى ماسي فى البلد دية اقلى انا لية اخويه وخد بكالوريوس تجارة ومش عارف اشغلهوقلى زم زقة قلتله يعتى كوسة قلي اي نعم ولو ليك معرفة بالرجل اللواء الكبير يبقي هتتعين الصبح قلي ياباشا الأعلانا والتقديمات دية صورية احنا بنبقي معينيين الناس قبل الاعلاان وبنزل العلاان فى جريدة رسمية عشان محدش يقول اشمعنا دة اتعين ودة لآة اقسم بالله دة اللى حصل معاية وربنا على كل ظالم
moodyagiba
04-03-2009, 12:22 AM
السلام عليكم
ياجماعه الموضوع بتاع مصر للطيران بيطول انا لى واحد صاحبى اشتغل فيها بعد سنه ونص من التقديم وربنا يوفق الجميع
khaled_koko90
21-03-2009, 01:14 PM
شكرا يا بشمهندش انا خريخ معهد فنى صناعى قسم شبكات كهرباء 2008
متعرفش التقديم امتى
khaleddish
23-09-2009, 11:43 PM
على فكره انتو موقع 10/10 كل لما ابحث على حاجه يحولنى جوجل ليكو بصراحة انتو توب التوب .