nabeela
07-01-2009, 07:03 AM
أنا حبيت اكتب عن هذا الموضوع تعليقا لما وجدته من تعليقات بخصوص نوكيا 3110 كلاسيك في المنتدى .. أنا معايا هذا الموبايل من كام شهر وصيني الصنع وباستعمل معاه كارت ميموري واحد جيجا وحاطه عليه حاجات تقريبا من 400 إلى 500 ميجا وقاتله الموبايل سماع قرآن وأغاني وحتى النغمة بتاعتي نفسهاmp3 (قطعة من أغنية) وباتكلم فيه براحتي والبطارية لما بأزودها قوي بتقعد يومين والثالث أشحن ولما بأكون معقولة بأشحن في اليوم الرابع .. وحاطة ثيمات على الميموري كارد وكل شوية بأغير وبأشيل من هنا وأحط هنا وبأدخل على النت وبأعمل داونلود وبأرسل رسايل عادية ومالتي ميديا والموبايل المسكين ولا هنج ولا عمل ريستارت ومستحمل الشقا .. الحاجة الوحيدة إللي واخدة بالي منها أنه ما يقعش ولا يتخبط ومتهيألي ده طبيعي .. صراحة الموبايل حمال قسية وبتاع شغل وشكله حلو ةكاميرته لا بأس بها .. مش سينما صحيح لكن معقولة وأهم حاجة لما تصور بالليل إنك تغير إلى نظام تصوير الليل من الأوبشن ..
أنا عارفة إن كلامي يمكن لا يفيد الأغلبيه لكن أنا كتبت هذا التعليق لكل من يبحث عن رأي الأعضاء في النوكيا 3110 كلاسيك لأن في رأي هذا الموبايل اتظلم زيادة عن اللزوم .. أنا لا أقول إنه سوبر لكن هو حلو أوي بالنسبة لسعره وأمكانياته وعيبه الوحيد فعلا حكاية النغمة التصاعدية الخاصة به حتى لو أخترنا Ringing لكن يعني مش قضية أوي
أنا عارفة إن كلامي يمكن لا يفيد الأغلبيه لكن أنا كتبت هذا التعليق لكل من يبحث عن رأي الأعضاء في النوكيا 3110 كلاسيك لأن في رأي هذا الموبايل اتظلم زيادة عن اللزوم .. أنا لا أقول إنه سوبر لكن هو حلو أوي بالنسبة لسعره وأمكانياته وعيبه الوحيد فعلا حكاية النغمة التصاعدية الخاصة به حتى لو أخترنا Ringing لكن يعني مش قضية أوي