المساعد الشخصي الرقمي

مشاهدة النسخة كاملة : حد يعرف ايه نظام الشغل في شركه Damac....و شركه الديار العقاريه

kamba
06-01-2009, 05:35 AM
بسم الله الرحمن الرحيم


حد يعرف ايه نظام الشغل في شركه DAMAC....و شركه الديار العقاريه


و طريقه التقديم ازاي
kamba
06-01-2009, 03:13 PM
محدش يعرف؟؟؟؟؟؟
The man who Unbowed
06-01-2009, 10:59 PM
ياريت نهتم بالموضوع لانة مهم
TefaMaster
12-01-2009, 09:35 AM
والله يا كابتن مش عايز اخوفك من شركة زي كده، داماك احد اكبر الشركات العقارية في الشرق الاوسط......... مرة كنت باخد كورس خدمة عملاء والمدرب قال لينا ان واحد زميله شغال سيلز في داماك مرتبه تخيل كام........ 8000 جنيه مصري غير عمولته على كل عقار ، يعني في الفيله بياخد نسبة 3% من ثمنها .....يعني لو مثلاً وحدة سكنية ب 3 مليون هو بياخد كام الف عمولة....من ساعت لما سمعت الكلام ده وانا جالي احباط....قولت للمدرب " ينفع يشغلوني اوفيس بوي عندهم"....لو اخدت في اعتبارك كلمة سيلز مش اي حد بيشغل هناك ...اللي بيشغل هناك منهم والله اعلم ناس ابناء رجال اعمال...تخيلي كده ازاي تبيع عقار فيلا مثلاً وانتا من الطبقة الوسطي...غالباً الوظائف دي لاولاد الاكابر.... من الناحية المادية طبعاً،،،،عشان كده انا هاعمل زي احمد حلمي في كده رضا واقولك فوجت ات الشغلانة دي...

انا من راي ان انتا تقدم وربنا يسهل ...الله اعلم اللي بيحصل هناك ومفيش حد يعرف معلومات كتير عن داماك خدها مني نصيحة روح هناك واسئل واستفسر......
واتممني اني اكون اقدتك
Donia
12-01-2009, 10:39 AM
ايه يا جماعة الكلام ده جبتوه منين ؟ اسمحوا لى اصدمكم بالحقيقة
انا اعرف واحد شغال سيلز فى DAMAC فرع مصر الجديدة مرتيه تقريبا 3000 جنيه - مااعرفش 8000 دى سمعتوها فين - والصدمة التانية انهم دلوقتى بيمشوا الناس اللى عندهم ، كل اللى فى فترة التدريب خلاص مشيوا واللى بيشتغلوا بقالهم سنة حيمشوا فى شهر يوليو

يعنى الصورة مش وردية بالشكل اللى بتقولوه ده
خلوا بالكم لازم تتأكدوا من المعلومة وتسألوا عن الشركات كويس قبل ماتقدموا فيها، الاسم الكبير لوحده مش كفاية دلوقتى اوضاع السوق اختلفت جدا جدا وحتى الشركات الكبيرة بتخفض مرتباتها او بتمشى جزء كبير من العمالة
kamba
12-01-2009, 10:50 AM
شكرا يا دنيا
The man who Unbowed
12-01-2009, 01:36 PM
على فكرة انا دخلت على موقع الشركة
ولقيت ان بادية المرتبات من 5000 جنية

عموما اى حد عاوز يعمل سيرش على موقع الشركة
ويدخل ال carrer
وبعدين انت لو هتشتغل سنة واحدة ومرتب 5000 يعنى هتعملك 60.000 فى السنة
اشطة يعنى وبعدين سيبهم وظبط نفسك فى مشروع او اى حاجة
وربنا يوفق الجميع
TefaMaster
13-01-2009, 01:29 AM
اولاً الكلام ده صحيح
موضوع ان المرتب يوصل ل 8 الاف ، بس ممكن يكون الراجل اللي شغال في البوزيشن ده خدمة كبار عملا، مش بيتعامل مع اي حد يعني....ثانياً انا مش هاجيب كلام من الهوا اقري الموضوع كويس وتعرف اني كلامي بقول وراه الله اعلم....بسي معلومة المرتب دي اكيده..... وحياتك يا ستي
kamba
13-01-2009, 08:03 AM
شكرا يا tefa.....و براحه يا عم علينا شويه:whistle::whistle:...احنا مانقصدش نزعل


حضرتك:1::1:
Donia
13-01-2009, 10:08 AM
انا لم اقصد ازعل حضرتك بس المواضيع دى بالذات لازم المعلومات تكون مؤكده وواضحة تماما زى ماحضرتك وضحت فى مشاركتك التانية لان ممكن اوى حد يصدق ان الرقم ده بداية المرتبات هناك - وهو مايخالف الواقع تماما - وبالتالى يحصل له حالة احباط حتى لو هو شغال فى وظيفة كويسة اوى ومرتبه كويس ، حضرتك عارف ظروف البلد دلوقتى وظروف الشباب والكلام ده بيزيد مشاكلهم اكتر عشان كده انا قصدت بمشاركتى توضيح الصورة الحقيقية ومن واحد شغال سيلز هناك فعلا ، لكن طبعا الوظائف العليا اللى حضرتك بتقول عليها بتوصل للرقم ده واحيانا اضعافه بس مين اللى يطولها

العضو kamba_3
شكرا لتوضيح حضرتك لانى بالتأكيد لم اقصد ان أضايقكم بمشاركتى وربنا يوفق الجميع :0:
kamba
13-01-2009, 10:17 AM
لا مش مضايقه حد و لا حاجه.....دا انتي منوره الموضوع



و الشركات الكبيره المعروفه بتبقي مرتبتها كبيره...و بالذات الشركات


اللي اصلها عربي او اللي اصلها خليجي