شقة بأرقي موقع بالعباسية بجوار مستشفي القوات الجوية عالشارع الرئيسي

[ASHAESHO]

بمساحة 120 متر صافي شقة متشطبة بوسط القاهرة بأرقي وأفخم برج بشارع الفردوس بالعباسية بجوارمستشفي القوات الجوية وعلي الشارع الرئيسي مباشرة مكونة من 3غرف كبيرة ورسبشن ومطبخ و2 حمام والشقة بالدور العاشر وليس الأخير العقار به 2 أسانسير و2 سلم ومدخل كبير شيك جدا وملحق بالعمارة حديقة خاصة مسورة بمساحة 2 فدان تقريبا الشقة بحرية وأنسي انك تفكر تركب تكييفات وجميع مطلاتها علي الشارع الرئيسي والرؤية من الشقة بانوراما حقيقية بدون مبالغة تري جميع انحاء القاهرة واكثر من 3 نوادي محيطة بالعقار والشقة غير مكشوفة من الجيران نهائيا والتشطيب لوكس وبالغاز والتليفون وطبعا للشقة حصة في الأرض والحديقة المحيطة بالعقار البيع من المالك مباشرة والسعر قابل للتفاوض للجادين فقط
مطلوب 420000ج
0122736736
الاتصال للجادين فقط

[modern academy]

ياباشا كتير 420الف ومساحتها 120 متر
طب كدة المتر واقف علي كام؟
دة انا شقتي 195 متر وعارضها علي 750 زي ما انت شايف وعلي الشارع وكل حاجة وتشوف المنظر جامد كمان زي ما حاطط في الصور
نزل في السعر شوية وانا هاخدها منك الشقة ووقتها فلوسي كاش يعني علي طول بس شقتي تتباع بس الاول :)
انا والله سعر الشقة بتاعتك حقيقي غالية وربنا يكرم يا باشا ان شاء الله وانا هكون علي اتصال بيك في اقرب فرصة باذن الله

[ASHAESHO]

واضح من اعلانات حضرتك انك مكتب عقارات او تاجر وعلي كل الاحوال اتفضل عاين الشقة والمنطقة وبعدين أحكم باقولك انا عندي حصة كبيرة في الحديقة الخاصة هاتلي شقة في وسط البلد بحديقة بالمساحة دي وبعدين انا باقولك مطلات الشقة علي معظم انحاء القاهرة ونوادي انا شفت صور حضرتك في اختلاف كبير في الموقع يا بيه انا عندي المنطقة راقية اكتر كتيييير الشقة مميزة وبعدين ال120م دول الصافي يعني تقدر اقول انها 140 تصفي 120 بالمتر ومفيش حاجة اسمها سعر المتر في المناطق القديمة لان مفيش حد بيبني جديد هناك اصلا وبعدين انا قلت قابلة للتفاوض يبقي نفهم الاول ونعاين ونسأل وبعدين نقول كتير ولا قليل لانك لو حسبتها هاتلاقيها لقطة لان محدش بيبيع اصلا في المكان اللي انا فيه وانز واسأل بنفسك

[ASHAESHO]

دي صورة مطل واحد من مطلات الشقة في 3 مطلات تانيين مختلفين بس معنديش باقي الصور

http://www.9o9i.com/download/164494ac9e0c91c8.jpg (http://www.9o9i.com)

[modern academy]

يا باشا في ايه طيب انت اضايقت من كلامي ليه انا بتكلم معاك عادي والله :)
انا لا مكتب عقاري ولا تاجر ولا اي حاجة انا فعلا عندي محل والشقة دي ودول بتوعي وعاوز ابيعهم
والشقة بتاعتك قريبة مني جدا عباسية قريبة جدا من باب الشعرية واكيد انت عارف دة كويس وانا ياسيدي صغير مش كبير دة يدوبك 22 سنة الا كام شهر يعني لا عندي مكتب عقاري ولا حاجة الحجات دي دوول انا وارثهم اصلا عشان كدة عاوز ابيعهم بس دي الفكرة يعني
وكمان انا باذن الله هكون عندك قريب ونحدد ميعاد وخد الموضوع ببساطة يا ريس انا شاري بجد مش عاوز يعني انزل في البيعة وربنا يكرم وتبيعها بالسعر الي انت عاوزه يا باشا
يلا سلام عليكم

[ASHAESHO]

ولا يهمك يا استاذي وربنا يوفقك في البيع انشاء الله والشقة تحت امرك بس ياريت الكلام في السعر يكون عالخاص او في التليفون