ممكن تحب شخص عمرك ما شفته

[♥МẼЯẪ♥]

[[[هل من الممكن أن تحب شخص لم تقابله ]]].. ؟


وهذا سؤال جاد وليس لعب بمشاعر الآخرين ...


سؤال تبادر في ذهني .. في هذه اللحظه ...


وحيرني الجواب ..
ولم أستطيع الجواب عليه لوحدي ..


لذا احببت ان تشاركوني في هذا الموضوع ..



هل من الممكن ان تحبه ...تحبها


عرفتها ااو عرفته عن طريق الانترنت ..في احد المنتديات .. او عن طريق ماسنجر ..


او في شات ...او تحدثت معه من خلال هاتف ..


هل من الممكن ان تكون تلك كافيه لمعرفه هذا الشخص


أم انك ضد هذا النوع من الحب .. لأنك تعتبره تسليه وقضاء وقت وتعبيه للفراغ



وهناك الكثيرين ممن يلعبون بمشاعر الاخرين ,
والتلاعب بمشاعر الاخرين والايقاع بهم يكون عادة عن طريق الكلام _المجاملة_ الرد الجميل_
المدح على اى كلام حتى وان كان كلام هبل _الدفاع عنه او عنها فى اى موضوع

فالروح هى من تحب ...

وهي تتآلف مع روح اخرى تعرفت عليها فوجدت عندها الحب .
والامان والطمأنينة والسلام .
وكانت اقرب من روحها اليها .
ولا داعي ان تتلاقي العيون كي نحب.
ولا داعي ان نكون قريبين من بعضنا البعض كي نحب .
فالحدود والمسافات لا تمنع تقارب القلوب والارواح من بعضها البعض .
فالمشاعر والاحاسيس الجميلة الطيبة,
تلغي المسافات والحدود والابعاد الزمانية والمكانية .
واننا نحبهم رغما عنا .
ودون سابق انذار منا .
ونتعلق بهم .
ونتعود عليهم .
.
اخي واختي


هل تؤيد او لا تؤيد هذا النوع من الحب ..!!( وارجو ذكر السبب )


وهل احببت شخصا لم تعرفه ولم تراه ابدا في حياتك

ملاحظة : الحب يشمل هنا كافة انواع الحب واولها الحب في الله .
ياريت اعرف وجه نظركم فى الموضوع

[oshi20]

موضوع رائع كعادتك ياميرو

اولا انا ضد فكره انى احب شخص ماشفتهوش تماما

بالنسبة للسبب فلان التعارف بالنت او التليفون او ماشابه

عمرة مابخليكى تقدرى تعرفى الانسان على حقيقته

مهما كان بيبقى مستخبى ورا الشاشة والكيبورد

لازم عشان تحسى بانسان تكون عينك فى عينه وانتى بتتكلمى معاه

تعيشى معاه لحظات فرحه وحزنه

الناس يا اميره بيتخطبو لبعض ويحيوا بعض بالسنين

واول مايتقفل عليهم باب يكتشفوا انهم حبو حد تانى وعرفوا حد تانى

مابالك اللى مش بيشوفو بعض ؟؟؟؟

لكن فى بعض الاحيان بيكون الواحد عايش طول عمره

بيحلم بمواصفات معينه لشريك حياته ويدور عليها

واول مابيلاقى حد فيه اللى كان بيحلم بيه بيحس انه بيحبه ومن زمان كمان

وده اللى بيقولو عليه الحب من اول نظرة

او فى حالة موضوعك دة هيبقى الحب من اول شات بس دى حالات نادره

اسفة انى طولت عليكى بس حبيت اوضح رائيى

[dead man walken]

لالالالالالالالالا حب الاشباح ده صعب اوي
ممكن اكون معجب بفكر بشخص
اتكلمت معاه علي الشات
او اتناقشت معاه في المنتدي
لكن حب بالمعني المعروف صعب اوي

لأن بأختصار لما اتكلم مع شخص و انا ماشفتوش
طبيعي المخ بيرسم صورة معينة عن شكلة و طباعة و تصرفاتة
و ممكن كل الحاجات دي تكون غلط فبالتالي تكون صدمة احنا في غني عنها

لكن ممكن لو حركنا الموضوع شوية
ممكن اتخيل بني ادم بشكلة و صفاتة
و لما الاقية قدام عيني وقتها احبة

شكراً يا اميرة علي الموضوع
و تقبلي تحياتي...

[starsong]

اه ممكن تتشد لأنسان عينك لم تراه من قبل

اه ممكن تشعر بالأعجاب الشديد و الانجذاب تجاه انسان اتكلمت معاه فى

التليفون او قريت كلامه فى منتدى من المنتديات .. لأن الكلمات بين السطور

بتشيل معاها صورة لروح الانسان اللى كتب الكلمات دى

أه ممكن تبدأ تحب من غير ما تدرى أنك حبيت ، انسان فوجئت ان أفكارك هى

نفسها أفكاره و اهتماماتك هى نفسها اهتماماته


كل ده جميل لكن لازم نقف عند كده لأن المخ البشرى مع الأستعانه بالقلب

بيبدأ يجمل الصورة لوحده ( حاجة كده زى ال Auto complete ) يعنى

تبدأ دماغك ترسم صورة وردية كاملة للشخص ده صورة من نسج الخيال

فى الغالب هتتصادم بشده مع الواقع لما تشوف الشخص ده و تقرب منه

ساعتها هتلاقى صفات كتير غير اللى انت اتمنتها و تحصل الصدمة

- يعنى مش من المفروض اننا نترك العنان لمشاعرنا تجاه شخص معين غير لما

نقرب منه كفاية و نتأكد أنه ده فعلا الشخص اللى نتمناه ..

[soltanm]

[[[هل من الممكن أن تحب شخص لم تقابله ]]].. ؟

مش ممكن بس ممكن اتعلق او اعجب بية انما حب معتقدش

هل تؤيد او لا تؤيد هذا النوع من الحب ..!!( وارجو ذكر السبب )

مفيش مايمنع من تقيدة طالما التنين ناضجين ويتحملون مسؤلية مغامرتهم
والسبب انة فبعض الأحيان نقابل اشخاص لانملك الا ان نتعلق بيهم ودة ممكن يكون بداية للحب

وهل احببت شخصا لم تعرفه ولم تراه ابدا في حياتك

حصل

[نابليون_بونابرت]

ممكن يا اميره

[amrgamea]

فيه حد بيحب شىء مش شايفه؟ أكيد لاء و إن حصل فهو شطحات عقليه و ملهاش علاقة بالحب و بياخد وقته و بيفوق الشخص ده.

ده بيكون سببه الأول و الأخير في رأيي الهروب من الواقع و البحث عن الحبيب "الخيالي" في حدود اللامعقول و لتحدي العادة في الحب, بمعنى تحدي و إثبات ان الواحد ممكن يحب بطرق جديده غير متعارف عليها و عكس السائد كنوع من أنواع إثبات شخصية من لا شخصية له. طبعا شىء مريض بس موجود و بتبقى عواقبه كتيره.

طبعا مينفعش أحب حد من غير ما أشوفه أو أعرفه و إلا أبقى مراهق و نهاية حب المراهقين مبتكنش كويسه للآسف.

و شكرا جزيلا على الموضوع.

[GoldenPrintes]

موضوع رائع كعادتك ياميرو

اولا انا ضد فكره انى احب شخص ماشفتهوش تماما

بالنسبة للسبب فلان التعارف بالنت او التليفون او ماشابه

عمرة مابخليكى تقدرى تعرفى الانسان على حقيقته

مهما كان بيبقى مستخبى ورا الشاشة والكيبورد

لازم عشان تحسى بانسان تكون عينك فى عينه وانتى بتتكلمى معاه

تعيشى معاه لحظات فرحه وحزنه

الناس يا اميره بيتخطبو لبعض ويحيوا بعض بالسنين

واول مايتقفل عليهم باب يكتشفوا انهم حبو حد تانى وعرفوا حد تانى

مابالك اللى مش بيشوفو بعض ؟؟؟؟

لكن فى بعض الاحيان بيكون الواحد عايش طول عمره

بيحلم بمواصفات معينه لشريك حياته ويدور عليها

واول مابيلاقى حد فيه اللى كان بيحلم بيه بيحس انه بيحبه ومن زمان كمان

وده اللى بيقولو عليه الحب من اول نظرة

او فى حالة موضوعك دة هيبقى الحب من اول شات بس دى حالات نادره

اسفة انى طولت عليكى بس حبيت اوضح رائيى




أنا بتفق مع هذا الكلام
وشكرا على الموضوع

[♥МẼЯẪ♥]

مرسيه علىالردود الى منوره الموضوع

[™Mr EtSh]

موضوع جميل جدا كالعاده منك يا اميره دائما متالقه

وبالنسبه للحب فى الموضوع انا شايف هو ممكن يحصل بس مش بنسبه كبيره اوى

يعنى مثلا ممكن الحب دا يحصل بنسبه 20% لان طبيعى انت مش بتشوف الانسان دا مباشر بس ممكن يكون اعجاب لفتره بالشخصيه دى الى طبعا بتكلمك سواء كانت زى مابتقولى على النت او على الموبيل او ماشبه ذلك بس الحب الحقيقى بيبتدى لما بتقبلى الشخص فى الحقيقه مش على النت لانك بتدرسه على الحقيقه اكتر والنت وسيله للتقرب وتقصير المسافات بنسبه اكبر

بس نقول انو ممكن يحصل ولو انى طبعا بحب الحب الحقيقى لما تقابل الشخص دا وتعجب بيه على الحقيقه

شكرا يا اميره على الموضوع ودائما فى تالق

[R O M I O]

السلام عليكم ورحمة الله وبركاته

اولا بحب اشكر قمر الديفيدي أميرة

لان فعلا الموضوع دة قد يشغل بال البعض وقد يتعرض له غيرهم

فاقد تعددت الافكار والاراء حول مفهوم الحب وكيفيه حدوثه

وبدايته ولكن كما قال من سبقونا(( كل الطرق تؤدي الى روما ))

قديما كان حلم اي شاب فى من سوف يحبها

ان تكون عينها خضراء وشعرها اصفر حتي يحبها

ومع مرور الوقت اصبح احدهم يتخيل ان تكون سمينه والاخر يتخيل الرفيعه

وبداء التتطور الفكري فى مفهوم الجميع فا يرتبط بالانسانة اللتى يقابلها ويحكم عليها

من خلال التفكير والاخلاق و وكيانها كامل بشتي طباعه ومميزته وعيوبة

ولتحقيق المعادله السابقة لابد من دراسة الشخصية التي تقابلك

حتي تتضح ملامح الشخصية

ونعود لمحور ما يتحدث عنه الموضوع هل تحب شخص لم تراه

كما ذكرنا فى سابقة ان الحب كان يبني على اساس الشكل والمظهر الخارجي

ولكن الرقي الفكري يحكم على الانسان بطباعة واسلوبة فى الحياه وطريقه تفكيره

ولكن هذا لا يمنع ان تنعدم رؤية من تحب فتحديد ملامح من تحب ( كبدايه ) من صوره تراه له يبداء العقل فى تحديد شكل من الواقع ويبداء ان يكون علية مالاحظة من اسلوب تفكير وشخصية عامة

حتي اطيل عليكم الحديث وقد يمل البعض

رأي الشخصي انة من الممكن ان يحب احد شخص لم يراه وبدايه من الوقت ينمو هذا الحب

ويبداء بشكل فعلي فى رؤية من يحب ويقوم بمطابقة كل ما سبق عليه

موضوع جميل يا أميرة ولفت نظري فعلا

الف شكر لاهتمامك بطرح وجهات النظر

تحياتي للجميع

[mfe88]

انا مؤيد للموضوع ده بس التليفون ميكفيش لازم نشوف بعض , وحصل معايا وحسيت مشاعر ناحيه وحده وقعدنا نتكلم في التليفون 3 شهور واول ماشفتها طلعت زي اللي في بالي وحبيتها من اول لحظه, وهيا معايا لغايه دلوقتي .

[♥МẼЯẪ♥]

منور يااوشه ورامى بجد

[matador_sinator]

من الصعب ان احب انسانة لم اراها من قبل لاني لن اعرفها حق المعرفة الا اذا حدث تعامل مباشر بيننا حتي اعرف شخصيتها الحقيقية ولا ارسم لها صورة الملاك وهي ليست كذلك ... حتي لا أعشقها بكل جوارحي وهي لا تستحق ذلك ...