هل الغيرة دليل ع الحب ؟؟ام الانانية ؟؟ام حب التملك؟؟

[♥МẼЯẪ♥]

ما هي الغيــرة ...؟؟؟


حب أم انانيه ورغبة في التملك ؟؟؟



وربما توصف الغيرة بأنها شعور مؤلم عند شخص يرغب في امتلاك حبيب واحتكار مشاعره وقد تفتك الغيرة بالحبيبين ..



وتنهي ما كان بينهما ..



الغيرة شعور مثله مثل كثير من المشاعر والأحاسيس .. ولكنها شعور مؤلم إذا تعدى حده وزاد عنه ..


كثيراً ما نرى المشاكل تنشأ بين الزوجين وبين المحبين بسبب الغيرة .. وقد تطغى هذه الغيرة أحياناً وتصل إلى حد الشك والظن والحرمان ..
وربما ينتهي الحب بين الآخرين بسبب هذه الغيرة إذ أنها قد تولد انعدام الثقة بينهم.




نرى الكثير من الناس وخصوصاً المحبين يحبون شعور الغيرة ويحبون الإحساس به .. لماذا ؟؟ أهم بحاجة لأن يتأكدوا من حب من حولهم أو حب من يحبونه ويريدون إثبات هذا الحب عن طريق الغيرة ؟؟



لماذا قد تنقلب الغيرة أحياناً إلى شك ؟؟ بل كثيراً في هذا الزمن أصبحت تنقلب إلى شك ؟؟
لماذا تكون الغيرة زائدة عند البعض ؟؟ أهي بسبب انعدام الثقة أم ماذا ؟؟


جميل أن يشعرنا من نحبه بأنه يغار علينا ولكن ذلك الشيء الجميل سيصبح مدمرا إذا لم نتعقل بما نقوم به من أفعال ..


وأخيراً ... أريد أن أجد جواباً لسؤالي .. أريد جواباً من تجاربكم ..


فـــهـــــل الغيرة حــب أم انانيـــه؟؟؟

[oshi20]

الغيره تملك اكتر منها انانية
لكن لما بتيقى شك بيقى مرض مش حب

الواحد لما بيحب حد اوى بيبقى مش طايق انه يحس ان فى حد غيره بيقرب منه

وبيتكلم معاه او معجب بيه

اكيد الغيره حب

لكن الانانى بيبقى انانى فى كل حاجه حتى مع الاصحاب مع اى حاجة بتبقى معاه

بيبقى مش عايز غيره يقرب ناحيتها وده مالوش علاقه بالحب خااااالص

انا بعتبر الانانيه مرض سىء

والشك مدمر لاى علاقه

لكن الغيره مطلويه لكن بحساب

[dead man walken]

جميل أن يشعرنا من نحبه بأنه يغار علينا ولكن ذلك الشيء الجميل سيصبح مدمرا إذا لم نتعقل بما نقوم به من أفعال ..





حلوة اوي الجملة دي,
و عشان كده الغيرة و مشاكلها اعتقد ان المتحكم فيها
عقل الحبيبين سواء كانوا عاقلين او لا

بمعني انهم لو عاقلين مش هايعملوا حاجات
يخلوا الدنيا تولع بينهم بسبب الغيرة

و لو مجانين هتلاقي كل واحد فيهم بيتكلم عن بنت او ولد
عشان يشعل نار الغيرة عند الطرف التاني و هنا تبدأ المشاكل

و كمان ممكن الغيرة تكون عند طرف بسبب عدم ثقتة في نفسة
و هنا الدنيا بتكون وحشة لأنها بتتحول بسرعة لشك و العلاقة مش بتستمر

و بالنسبة لسؤالك
الغيرة لما تكون حب فمعني كده ان العلاقة
ماشية الي حدٍ ما في الطريق الصحيح

لكن لو امتلاك فهنا بتكون انانية و مش حب
و لازم العلاقة تخلص عشان الحب مشاعر متبادلة
مش امتلاك و انانية

دايما متألقة يا اميرة
و بالتوفيق...

[2006mariam]

الله يا اميره بجد موضوع حلو قوى
شوفى يا اميره موضوع الغيره ده بالذات عندى معقد شويه
شوفى الغيره شئ لازم لو انتى بتحبى بجد
يعنى الانسان اللى بحبه لازم اغير عليه طبعا والا مكنش بحبه بس الغيره عندى ليها شكل خاص
يعنى بتكون جوايا
احس انى غيرانه لكن من غير ده مبيبان عليا عارفه ليه لسببين
اولهم علشان كرامتى محبش ابين قدام اللى بغير منه انى غيرانه لان احيانا كتيير فى ناس بتتفنن فى اهنا تخليكى تغيرى على الانسان اللى بتحبيه
ثانيا عشان انا لو اتخنقت وخنقته بسبب حاجه زى دى ممكن الفت نظره لحاجه وارد جدا ميكنش واخد باله اساسا منها ويبقى انا اللى جبته لروحى هههههههههههههههههههههههههه
وبعدين الغيره المرضيه اللى من غير تعقل اساس دمار كل بيت وبتقى فى وجهه نظرى عدم ثقه من الشخص فى نفسه قبل اى شئ اخر
بس الغيره مطلوبه فى حاجات تانى غير الحب بس لما تكون غيره صحيه يعنى من غير حقد مثلا الغيره مطلوبه فى الدراسه عشان ابقى احسن فى الشغل عشان اكون مميزة فى الطموح عشان دائما اكون متجدده وكده يعنى
احيكى على الموضوع ده
واسفه للاطاله

[starsong]

الغيرة فى الحب عاملة زى الملح فى الأاكل محتاجة طباخ ماهر يعرف يحط مقاديره

مزبوط و الا الطبخة تبوظ منه !


الغيرة هى دليل على الحب و لو الانسانة اللى انا مرتبط بيها مش بتغير عليى معناه انى مش فارق معاها و انى مهمهاش ، ما اصعبه من احساس
لما تلاقى ان وجودك زى عدمه ساعتها يبقى الموضوع فعلا منتهى ..

من الناحية التانية الغيرة مش لازم تزيد عن حدها لأنها فى الحالة دى بتعبر
عن أكتر من معنى كلاهما سىء ، المعنى الأول هو انى مش بثق فى الشخص اللى انا
مرتبط بيه و طبعا احساس الشك و عدم الثقة ده ممكن يقتل شريكتى لو الاحساس ده وصلها .. المعنى التانى للغيرة الزايدة اوى هو انى شخص انانى
و بفكر فى نفسى بس و طظ فى الطرف التانى !


خلاصة القول الغيرة عبارة عن مشاعر جميلة تجاه محبوبنا لكن لازم العقل
يتحكم فيها و يظهرها بشكل مقبول و معقول و الا هتكون سبب فى بداية
النهاية

[♥МẼЯẪ♥]

الموضوع منور باالردودو والاراء الجميله

[fox_09]

تسلم ايديك على الموضوع الجميل دة الغيرة شى طبيعى بين اى اتنين بيحبة بعض لان الواحد لو حب حد بيبقى عايز هو بس يشوفة اجمل واحد يبقى عايز هو بس اللى يهتم بية يعنى هى بين الحب وحب التملك

[™$ERiou$]

بتختلف يا أميرة من شخص للتانى .. ممكن تكون عن واحد ح وعند التانى حب تملك وعند تالت انه عايش دور الحب فلازم يغير... شكرا على الموضوع الجميل

[الدلع كدا]

بجد يااميرا موضوع جميل ومميز جدا
انا راى ان الغيره شى من الحب بس فى فرق كبير
بين الغيره والشك وحب التملك
موضوع جميل تسلم ايديك

[♥МẼЯẪ♥]

منورين التوبيك

[matador_sinator]

اولا اشكركِ علي هذا الموضوع الجميل ...الغيرة شئ اساسي في الحب ولكن اذا زاد عن الحد يصبح مشكلة تؤرق المحبين

[احساس شفاف]

الغيرة شي اساسي في حياتي منذ طفولتي احسست بالحرمان وكثير ما شعرت بالندم على اصدقاء احببتهم وفقدتهم ، وذلك بدأت الانانية تصيطر علي وتدفع بي الى الكثير من المشاكل حتى ولو كان من احبهم يتمنون العيش مع اصدقاء اخرين وهذا مالا يعجبني ، لانني لا اريد ان افقدهم .
هل تعتبر هذه انانية ام اهتمام ام سيطرة ام ماذا ؟ اتمنى منكم افادتي ولكم تحياتي احساس شفاف

[*ahmedabdelaal*]

الغيرة عمرها ماكانت انانيه
الغيره شىء طبيعى هو ترجمة قوة الحب هو خوف على الحبيب هو عشق للى حبيب
الغيرة رساله للحبيب عنوانها غضب وبداخلها ورده للحبيب تعبر عن مدى حبك له

[™ Mr. Ĝ Ĕ Й Ī Ũ Š]

الغيره = الحب
تسلم ايدك ع الموضوع الجميل

[es799]

الغيره مخلوقه مع الانسان والا احنا نسينا قابيل وهابيل ؟
ولكن كل طرف قادر ان يشعل الغيره في الطرف الاخر وغيره قادر علي ان يستانس غيره الاخر بتصرفاته العاقله