المساعد الشخصي الرقمي

مشاهدة النسخة كاملة : محتار ما بين n85 و n95 8gb

prince of lovee
30-11-2008, 03:54 PM
السلام عليكم ورحمه الله وبركاته


انا عاوز اشترى موبايل جديد لانى موبايلى اتسرق ومحتار ما بين n85 و n95 8gb لان سعرهم قريب جدا من بعض لما سألت عليهم علما بان الان 85 الموجود منه صينى وال 95 فنلندى فانهى احسن انى اجيب ال 95 ال 8 جيجا التقفيل الفنلندى ولا اجيب ال 85 التقفيل الصينى ويا ريت لو اى حد جرب الجهازين يقولى انهى الاحسن فيهم وشكرا مقدما
soltanfriend
30-11-2008, 04:26 PM
النوكيا الصينى اصلى وانا معايا ال82 الصينى وشغال زى الفل اتكل على الله وهات ال85 احسن اكيد من ال95 واحدث منه وهاتحس بفرق عكس ال95 اللى كل الناس بقت شيلاه
prince of lovee
30-11-2008, 04:53 PM
ايه الفرق اللى هحس بيه وشاشه ال 95 اكبر وكمان متهيألى فى الامكانات الاتنين واحد ماعدا الاف ام ترانسميتر
sherif_2000
30-11-2008, 07:02 PM
الشاشة لصالح ال 85 لأنها معمولة بال OLED technology و ده تانى موبايل من نوكيا يتعمل بالحكاية دى بعد ال 7900 prism وده هيحسسك بفرق بان شاشة ال 85 مضاءة اكتر و اوضح من ال 95 و كمان ال 85 بيجى معاه كارت ميمورى 8 جيجا عليه 10 العاب N gage بس trial كلهم و بتختار واحدة تاخدها ببلاش بس اهم ميزة يعنى هى الشاشة ال OLED و من اهم مميزتها ان انها بتقلل من استهلاك البطارية بقدر بسيط و كمان ال contrast ratio بتاعها عالى حوالى 1500:1 و كمان تقدر تشوفها من اى زاوية و انت مستربح غير كده هو تقريبا زى ال 95 فى كل حاجة
prince of lovee
30-11-2008, 07:12 PM
طب انهى اللى صوته اعلى وانقى وبالنسبه للكاميرا انهى الافضل
وانهى الاحسن ان اجيب ال 85 التقفيل الصينى ولا ال 95 الفنلندى
sherif_2000
30-11-2008, 07:17 PM
بالنسبة للصوت و الكاميرة فال 95 احسن من ال 85 و حكاية الفنلندى و الصينى دى بحس انها مش فارقة و بعدين الموبيلات الصينى مش فى مصر بس ده فى العالم كله و لو كانت تعبانة مكانش حد اشتراها انت عندك مثلا ال 5800 اللى مكسر الدنيا نزل فى روسيا فى التوكيل و الناس كانت واقفة طوابير و اللى كان مخيم قدام المحل و والمحل جاله 120 جهاز و اتباعه فى اقل من ساعة و الجهاز صينى فانا بقولك انا شايفها مش فارقة و طبعا انت حر
prince of lovee
30-11-2008, 07:18 PM
طيب لو انت مكانى هتفكر تشترى انهى
sherif_2000
30-11-2008, 07:23 PM
انا لو مكانك مش هشترى ولا واحد منهم لأن انا معايا السامسونج ال i8510 مكفينى و زيادة :)
prince of lovee
30-11-2008, 08:30 PM
طيب هى عامله كام العده اللى معاك دى وهل السامسونج تقفيله صينى برده
sherif_2000
30-11-2008, 09:15 PM
طيب هى عامله كام العده اللى معاك دى وهل السامسونج تقفيله صينى برده

السامسونج مكنتش جايبه من هنا بس هو عامله فى حدود 4500 و الموبايل مصنوع فى كوريا و اهم ميزة فيه طبعا هى الكاميرة 8 ميجابيكسل و ذاكرة داخلية 16 جيجا و بيشيل كروت ميمورى برده و شاشة 2,8 قد شاشة ال 96 و wifi و gps و نظام التشغيل بتاعه symbian زى النوكيا
prince of lovee
01-12-2008, 03:14 PM
شكرا جدا يا باشا لمساعدتك
بس انت بتقول ان الان 95 ال 8 جيجا احسن من ال 85 فى الكاميرا وانا سمعت فى مواضيع كتيير ان كاميرا الان 85 افضل من ال 95 لان فيها فلاش مزدوج
sherif_2000
01-12-2008, 04:33 PM
شكرا جدا يا باشا لمساعدتك
بس انت بتقول ان الان 95 ال 8 جيجا احسن من ال 85 فى الكاميرا وانا سمعت فى مواضيع كتيير ان كاميرا الان 85 افضل من ال 95 لان فيها فلاش مزدوج

الفلاش اللى مش هيخلى الكاميرة حلوة او وحشة و بعدين الفلاش ال dual led ميزته انه بينور فى تصوير الفيديو بس غير كده هو عادى
raniaadel
01-12-2008, 05:14 PM
جهاز جميل جدا
cabrel
01-12-2008, 05:20 PM
اعتقد ان موضوعى ممكن يفيدك
prince of lovee
02-12-2008, 08:22 AM
جهاز جميل جدا

انهى جهاز فيهم
prince of lovee
02-12-2008, 08:23 AM
اعتقد ان موضوعى ممكن يفيدك

انا دخلت موضوعك بتاع افضل جهاز نوكيا 2008 بس الموضوع ده كان قبل ما الان 85 ينتشر والاعضاء مكنتش مجرباه اووى لانه كان لسه نازل لكن انا دلوقت عاوز رايك الشخصى يا باشا
prince of lovee
03-12-2008, 02:04 AM
؟؟؟؟؟؟؟؟؟؟
soltanfriend
03-12-2008, 03:11 AM
ياباشا ال85 احسن مليون مره من ال95 مهما كان ودا لكذا سببب اى حد مسك ال95 ال8جيجا يقدر يقولك كدا وهما
1 شاشة ال95 كبيره والبيكسل بتاعها وحش ومش واضح اوى مقارنتا مثلا بال95 العادى
2 الذاكرة البلت ان
3 السلايد الضعيف
4 الشكل والشياكه
5 الفلاش الدبل
6 السوفت الجديد
وانا مش بقلل من ال95 عشان محدش يزعل منى بس كل عصر وليه ادان ولازم الكل يعترف بدا
cabrel
03-12-2008, 03:12 AM
انا دخلت موضوعك بتاع افضل جهاز نوكيا 2008 بس الموضوع ده كان قبل ما الان 85 ينتشر والاعضاء مكنتش مجرباه اووى لانه كان لسه نازل لكن انا دلوقت عاوز رايك الشخصى يا باشا

الجهازين احسن من بعض ومفيش فرق كبير بينهم متقاربين جدا فى كل حاجة تقريبا
انا بميل لـ N95 8G
على فكرة مواقع كتير ومنتديات اثبتت ان فلاش N85 افضل بدرجة بسيطة
prince of lovee
03-12-2008, 03:11 PM
طيب من ناحيه الصوت انهى الاعلى والانقى بس ياريت يكون عن تجربه
وهل فيه خوف من سماعات الان 85 زى الان 82 كده ولا عادى
gahmy
03-12-2008, 04:29 PM
انا حقولك على راى الشخصى بكل صراحة ...
بص يا باشا الفرق بين الموبايلين فى الامكانيات حاجات بسيطة سواء لصالح ده او ده ...
دى اول مشكلة تانى مشكلة انهى شكله احسن وبتهيالى كده ان ال 85 افضل بكتييير فى الشكل
تالت حاجة ودى الاهم ان ال 95 بقت ناس كتببببر قوى شيالينه وانت اكيد عايز تكون مختلف ...
على فكره انا فى نفس حرتك دى بين ال n81 8 gb و n95 العادى ورغم ان ال 95 امكانياته اعلى الا انى حجيب 81 عشان يكون موبايل مختلف وجديد ....
سؤال بقى ياباشا ال 85 عامل كام دلوقتى ....
prince of lovee
03-12-2008, 05:34 PM
انا اخر مره سألت عليه كان من حوالى اسبوع وكان محل موبايلات فى النزهه الجديده وقالى عامل 2900 جنيه بس تقفيل صينى وممكن كنت تنزل معاه فى السعر كمان
prince of lovee
04-12-2008, 06:04 PM
لو عاوز سر اى تليفون تانى ابقى قولى وانا اقولك
prince of lovee
06-12-2008, 10:48 PM
يا جماعه انا محتار جدا لدرجه انى مشترتش اى جهاز فيهم لحد دلوقت لانى مازلت فى حيره كبيرررره
prince of lovee
07-12-2008, 08:27 AM
فين الناااااااس انا عندى اسئله كتييره وعاوز حد يفيدنى
sherif_2000
07-12-2008, 12:16 PM
فى ايه تانى عايز تسأله ؟؟؟؟ اعتقد انى انا و سلطان و كابريل جاوبنا على كل حاجة و لو انت محتار اوى للدرجة دى متجيبش واحد منهم :) و جيب اى حاجة تانية
prince of lovee
07-12-2008, 03:14 PM
ههههههههه ازاى بعد كل ده مجبش ولا واحد منهم هما دول يعتبر احسن اتنين على اد الفلوس اللى معايا
اما بالنسبه للاسئله فانا كنت عاوز اعرف هل فيه ان 85 فنلندى وليس صينى
تانى حاجه هل فيها مشكله لو اشتريت الموبايل من شارع عبد العزيز ممكن يخمونى يعنى ولو خمونى هيخمونى فى ايه وازاى اعرف
تالت حاجه كنت عاوز اعرف ايه هى مكونات علبه البيع بتاعت الان 85
ومعلش السؤال الاخير هو لون الضهر بتاع الان 85 ايه لانى لاحظت ان لونه مش اسود زى الوش وهل فيه ان 85 كله اسود ولا هو كل اللى نازل كده واسف على التطويل
sherif_2000
07-12-2008, 04:10 PM
ههههههههه ازاى بعد كل ده مجبش ولا واحد منهم هما دول يعتبر احسن اتنين على اد الفلوس اللى معايا
اما بالنسبه للاسئله فانا كنت عاوز اعرف هل فيه ان 85 فنلندى وليس صينى
تانى حاجه هل فيها مشكله لو اشتريت الموبايل من شارع عبد العزيز ممكن يخمونى يعنى ولو خمونى هيخمونى فى ايه وازاى اعرف
تالت حاجه كنت عاوز اعرف ايه هى مكونات علبه البيع بتاعت الان 85
ومعلش السؤال الاخير هو لون الضهر بتاع الان 85 ايه لانى لاحظت ان لونه مش اسود زى الوش وهل فيه ان 85 كله اسود ولا هو كل اللى نازل كده واسف على التطويل

انصحك بلاش تشترى من عبد العزيز و ال 85 فى منه فنلندى و لون الظهر بتاع ال 85 بنى و اعتقد مفيش منه اسود
prince of lovee
07-12-2008, 04:16 PM
طيب معلش ممكن تقولى انهى اللى صوته اعلى وانقى
prince of lovee
07-12-2008, 04:54 PM
وهل التقفيل الصينى جيد ولا اجيب ال 95 ال 8 جيجا الفنلندى احسن
mostafatawhed
25-02-2009, 02:18 PM
على فكره انت محتار عشان ال85 صينى طيب وال95 صينى انا جايبه يوم 23/2/2009 ومكتوب عليه فيلندى وانا متاكد انه صينى فكبر دماغك وحتى لو صينى فأنه نوكيا وما اظنش ان نوكيا هتغامر بأسمها على الفاضى . وعموما المعلومه ده لكل حاملى نوكيا لو عايز تعرف انه فيلندى ولا صينى يعنى شيل البطارية هتلاقى التكت ومصنوع فين والكلام ده وهتلاقى كلمه code وتحتها او جنبها رقم اغلبه بيبدا ب 05 المهم خد الرقم ده وادخل على اللينك ده http://mea.nokia.com/get-support-and-software-ar/software/device-software-update/can-i-update
، هتلاقى تحت خالص كلمه code وجنبها مربع صغير فاضى اكتب الكود بتاعك فيه ودوس بحث هتلاقى يا اما يطلع لك موديل موبايلك يبقى اصلى وفيلندى فعلا لو طلع موديل تانى يبقى صينى ومكتوب عليه فيلندى ومش معنى انه طلع صينى يعنى زى باقى الجولات الصينى القذره ده لا هو نوكيا بس متقفل فى الصين علشان رخص الايدى العامله هناك وشكرا .