مكتوب عليك ياقلبى ان تجرح من اقرب انسان!

[حلمنا]

السلام عليكم

دا اول موضوع ليا هنا فى المنتدى

وهو مش موضوع هو مشكله انا بعانى منها ويمكن معظم الناس عندها نفس مشكلتى
انا بس محتاج افضفض وقولت افضل طريقه للفضفضه هى انى اكتب
بس اكتب لناس تفهمنى وتحس بيا واخرج الكبت اللى جوايا
انا اسف ياجماعه لو هضايقكم او اطول عليكم بكلامى بس بجد
انا مخنوق اوى وزعلان ومحتاج اتكلم مع اى حد مش لاقى حد يفهمنى

الموضوع بإختصار
(الموضوع متعلق بواحده بحبها وهى كمان)

اولا اسمى احمد عندى 24 سنه

بدايه انا عرفت واحده من فتره تقريبا 4 سنوات ومكانش بينا اى علاقه تربطنا ببعض غير علاقه امهاتنا لانهم اصحاب
وخلاصه الكلام بعد ماشوفتها واتعرفت عليها وبقينا اصحاب بدات الصحوبيه تتطور لحب
وفضلنا 3 سنين مع بعض
واهالينا عرفو بالعلاقه وتقريبا كان فى اتفاق على كل حاجه
والبنت للواد والواد للبنت
هى كانت اصغر منى بسنه و نص


طبعا مفيش اى علاقه تخلو من المشاكل كان فى مشاكل كتيره بينا
اكترها بسبب الغيره
واختلاف الرأى
ودايما كانت هى اللى بتبقى غلطانه
فضلنا 3 سنين مع بعض يوم عثل ويوم بصل
نتخانق ونتصالح عادى زى اى 2
وبردو الحب مستمر وموجود
لغاايه السنه الرابعه الى احنا فيها دلوقت
بدات كل حاجه تتغير
بدات اول مشاكلنا
انها عايزه تشتغل
هى معاها باكلريوس تجاره
وانا كمان بس لسه بدرس فى كليه التجاره (اصلى سقطت سنتين)
انا من طبعى
انى حنين اوى
والصفه دى نادره اوى لما تلاقيها فى راجل فى الزمن دا
رومانسى شويه
عادى بردو مفيش حد مش رومانسى
عصبى ونرفوز وحساس جدا
وهى دى مشكلتى :thumbdown:
بس مش مشكله بردو مفيش حد مش عصبى

وهى من طبعها
قاسيه جدا
عصبيه
بتفهم الكلام غلط وهو دا اساس اختلافنا
مش بتقتنع الا برأيها هى وبس ودايما تمشيه
مش بتعترف بإخطائها بسهوله
بتنسى كتير
مش رومانسيه

يعنى تقريبا مختلفين تماما فى كل شىء

المهم
كنت متفق معاها انها تنسى موضوع الشغل دا خالص وكانت متفقه معايا على كدا
لكن بعد ما خلصت دراسه اصرت انها تشتغل
وبعد الحاح طويل ومواضيع كتيره بينا وافقت على انها تشتغل
بس من جوايا كنت حاسس ان الشغل دا هياخدها منى
وهيضيع وقتها ويخليها تنساانى
انا بردو محبتش ابقى انانى وافكر فى نفسى فكرت فيها زى مافكرت فى نفسى
وقولت خلاص طالما دى رغبتها انا مش هضغط عليها
بس اتفقت معاها لما اخطبها هتسيب الشغل فوافقت وكانت فرحانه بقرارى دا
زى مايكون اللى كنت خايف منه حصل
علاقتها من ناحيتى انقلبت ل360درجه
هى بتحاول توفق بين شغلها وعلاقتها عشان متخسرنيش
شغلها من 9 الصبح ل5مساءا
بترجع البيت تتغدى وتريح شويه وتقعد ساعه او ساعتين بالكتير وتدخل تنام عشان تصحى بدرى لتانى يوم
وان حبت تكلمنى بيبقى فى الوقت (الساعتين دوول) دا لو مكانش وراها حاجه تانيه وصفو على 5 دقايق حتى
لكن مش هى دى المشكله بردو
انا بردو مقدر اللى هى فيه
وراضى وساكت
ومع ذلك كبرت دماغى شويه
لقيتها واحده واحده
تكلمنى بصوت عالى
صوتها بيعلى عليا
بدأت فى خشونه فى المعامله وقسوه فى الكلام
لدرجه انها بقت بتهزر معايا لدرجه انها تشتمنى
بقيت بحس انها شايفه نفسها الكبيره وانا الصغير قدامها
وتفكيرها بقى اكبر من تفكيرى
لما اكلمها عن حاجه تجادلنى فيها بشده ووتغلطنى فيها ورايها هو الصح
وان غلطت مش بتعتزر
ومش بتعترف بغلطها الا فين وفين
بقت بتزلنى فى المعامله
لدرجه انى بحس انى بشحت منها الحب
انا عمرى ماكنت قاسى معاها
وعمرى ماقسوت عليها ابدا
دايما بعلمها بحنيه وبرقه وبزوقلها الكلام وبهتم بيها
زمان كانت بتهتم بيى
انما دلوقت مبقاش فى اهتمام
لدرجه انها نست عيدد ميلادى
اللى عمرها ما نسته ابدا
مبقتش بسمع منها اى كلام حلو
حتى كلمه بحبك
بقالى كتير مسمعتهاش منها
فى يوم سألتها
انا عارف انك بتحبينى
بس ياترى
لسه بتحبينى زى زمان ولا اقل ولا اكتر
ردت عليا برد محبط اوى
قالتلى
انا زى منا لا كتير ولا اقل
بجد انا زعلت اوى وتاثرت اوى بالكلام دا
المفروض ان الحب بيزيد مش بيقل
وطالما حبها واقف فى مكانه يبقى فى احتمال انه يقل مش يزيد
وبقينا على اتفه الاسباب تتخانق معايا فيها
بقت بتغلط فى كتير وبفوت عشان مش ببقى عايز اعمل مشكله
ولما انا اغلط غلطه واحده بس تعملى عليها مهرجان
وتعمل موضوع جامد فيها
انا مش عارف اعمل ايه
لما احنا لسه على البر بتعمل كدا
اومال لو اتجوزنا هتعمل ايه؟
ويوم كان فى مشكله كبيره اوى
قولتلها متعلمشس حاجه وعملتها
سيبتها 15 يوم من غير ما اكلمها من غير ولا رنه واحده حتى
فضلت ال15 يوم دوول عدو عليها كأنهم 15 سنه
كانت بتعانى من الوحده وبتعيط ومفتقدانى
وكانت بتسأل عليا وتطمن عليا من بعيد لبعيد
لغايه ماجه اليوم وكلمتها فيها وصالحتها وكمان جيبتلها هديه حلوه
دلوقتى انا متأكد انى لو سيبتها سنه كامله ولا هيفرق معاها اى بعد


اانا بقالى اسبوع ياجماعه بجد
مش عارف انام وبفكر كتير اوى
ليه هى بتعمل معايا كدا؟
ليه انا ابقى حنين معاها
وهى تبقى قاسيه؟

هل انا شخصيتى ضعيفه؟
ولا انا عشان بحبها مش عايز اعمل زيها؟

وكنت عايز اسئل
هى دموع الرجل بتدل على ضعف شخصيته؟؟

قولولى ياجماعه اعمل ايه؟
عشان الموضوع دا تعابنى بجد
مش عارف اكل ولا عارف اانام ولا عارف اركز فى اى حاجه
بس فى كل الاحوال
انا مش عايز اخسرها
انا بحبها
ودا اول حب ليا وعمرى ما حبيت حد بالشكل دا
انا عندى
انها تسيبنى
بس متكرهنيش
ولا انا اكرها
مش عايز 4 سنين بنيهم حب يتقلبو لكراهيه
واسف لو كنت طولت عليكم

[weldomran]

بصراحة انا منغاظ وهافرقع منك معلش بس هيا دى الحقيقة

يارجل حرام عليك تعمل فى نفسك كدا وليه علشان ايه معلش انت بتحب لوحدك اصلا مافيش حب متبادل وهيا ماتستاهلش ثانية تفكير منك انت راعيتها وقدرتها واحترمتها بس مافيش منها اى حاجة خالص دى واحدة زهقت بس عايزاك انت الى تنهى العلاقة بينى وبينك ليها حق ياعم احمد انت لسة طالب بتدرس وهيا خلصت برغم انه اصغر بس خلصت دراستها وفى الحالة دى بقت اكبر منك هيا ابتدت تفكر فى نفسها بشكل فردى وانت لسه موالك طويل فين دراستك وجيشك وشغل يعنى العمللية فيها خمس ست سنين على الاقل فا ماتزعلش نفسك وانسى وشوف حياتك الحب الضعيف هيفض ضعيف وانت من الاول حبك ضعيف لانك حبيت لوحدك معلش كلامى جارح بس الصراحة مافيش احسن منها يمكن بتتعب يوم واتنين بس بعد كدا بتريح

فكر فى مستقبلك ونصيحة اخوية منى الحب الى بيجى بعد الخطوبة والجواز بيبقى احلى حب لانك هتلاقى بنت بتديك طاقة حب كبيرة جدااااااااااااااااااا وخصوصا لما تكون اول واحد فى حياتها فا هتكون كل حياتها


ماتزعلش منى لما قلت لك انا منغاظ

[حلمنا]

لا ابدا انا مش زعلان منك
ومش هزعل من اى حد لو هيتكلم معايا بقسوه
انا فعلا محتاج لكل كلمه ولكل نصيحه
وانت كلامك صح
بس انا بشتغل وبندرس ف نفس الوقت
وبصرف على نفسى الحمد لله والسفر مضمون 100% لان اخواتى كلهم بره وخوالى وتقريبا ابلد كلها هجت بره
مشكلتى موضوع الدراسه بس
وهى وعدتنى انها مش هتسيبنى ابدا مهما حصل
بس احساسى بالود دا ضعيف اوى
حاسس انها فعلا عايزه تسيبنى
او عشان الغلط ميجيش من ناحيتها
بتكرهنى فيها عشان انا اللى امل منها واقولها انا سيبتك
مش عارف بجد مين صح ومين غلط

ومشكورين اوى لردك ولنصيحتك ياباشا

[ღ♥ღ J€ŜŜY ღ♥ღ]

بص يا احمد انا يمكن اصغر منك بس بيتهيألى ان عندى خبرة كافية تخلينى
احاول اديك رايى فى المشكلة دى
اولا الرومانسية عمرها ما كانت غلطة فى الراجل بالعكس
دة البنت بتبقى محتاجة اوى للراجل الرومانسى
و طبعا فى نفس الوقت لازم يكون متحمل للمسؤلية و قوى الشخصية جدا
الرومانسية و قوة الشخصية مش بيتعارضو مع بعض نهائى
بس كل حاجة فى وقتها و فى موقفها
يعنى مش على طول رومانسى و مش على طول حازم و صارم
دة اولا
ثانيا بقى
انا مش عايزة اظلم حد لكن انا هقولك على الصراحة و على اللى اعرفة
ساعات البنت لما بتكون عايزة تسيب ولد و هو ماغلطش معاها فى حاجة
بتبقى محرجة و شم عارفة تقولة ازاى
فبتدفعة هو انة يسيبها عشان ماتبقاش غلطانة
و عشان كمان تعيش دور المظلومة
انا بنت و عارفة كويس اللى بقولة
هى ممكن ماتكونش كدة الله وحدة اعلم
بس انا بقولك افتراضات
التصرف اللى لازم تعملة معاها
اوعى تحسسها انك هتموت عليها و لا انك مش قادر تسيبها
روح و انهى العلاقة
و لو هى فعلا باقية عليك و عايزاك هتترجاك انك ماتبعدش عنها
و لو اساسا انت مش فى دماغها هتلاقيها عادى جدا
و بتقولك خلاص براحتك دة اختيارك و انا مش هجبرك على انك تفضل معايا و انت مش عايزنى
او هتمشى خالص و مش هتتكلم معاك
لو عملت كدة اعرف انها ماكنتش تستاهلك
لكن لو حاولت ترجعلك
عرفها قيمتك الاول و بعد كدة ارجعلها
دة طبعا بعد ماتكون اتفقت معاها على كل حاجة انت عايزها تتغير فيها
و اهم حاجة فى الرغى دة كلة
لازم تصلى صلاة استخارة و سيب الباقى على ربنا
و ربنا يوفقك يارب

[حلمنا]

بص يا احمد انا يمكن اصغر منك بس بيتهيألى ان عندى خبرة كافية تخلينى

احاول اديك رايى فى المشكلة دى
اولا الرومانسية عمرها ما كانت غلطة فى الراجل بالعكس
دة البنت بتبقى محتاجة اوى للراجل الرومانسى
و طبعا فى نفس الوقت لازم يكون متحمل للمسؤلية و قوى الشخصية جدا
الرومانسية و قوة الشخصية مش بيتعارضو مع بعض نهائى
بس كل حاجة فى وقتها و فى موقفها
يعنى مش على طول رومانسى و مش على طول حازم و صارم
دة اولا
ثانيا بقى
انا مش عايزة اظلم حد لكن انا هقولك على الصراحة و على اللى اعرفة
ساعات البنت لما بتكون عايزة تسيب ولد و هو ماغلطش معاها فى حاجة
بتبقى محرجة و شم عارفة تقولة ازاى
فبتدفعة هو انة يسيبها عشان ماتبقاش غلطانة
و عشان كمان تعيش دور المظلومة
انا بنت و عارفة كويس اللى بقولة
هى ممكن ماتكونش كدة الله وحدة اعلم
بس انا بقولك افتراضات
التصرف اللى لازم تعملة معاها
اوعى تحسسها انك هتموت عليها و لا انك مش قادر تسيبها
روح و انهى العلاقة
و لو هى فعلا باقية عليك و عايزاك هتترجاك انك ماتبعدش عنها
و لو اساسا انت مش فى دماغها هتلاقيها عادى جدا
و بتقولك خلاص براحتك دة اختيارك و انا مش هجبرك على انك تفضل معايا و انت مش عايزنى
او هتمشى خالص و مش هتتكلم معاك
لو عملت كدة اعرف انها ماكنتش تستاهلك
لكن لو حاولت ترجعلك
عرفها قيمتك الاول و بعد كدة ارجعلها
دة طبعا بعد ماتكون اتفقت معاها على كل حاجة انت عايزها تتغير فيها
و اهم حاجة فى الرغى دة كلة
لازم تصلى صلاة استخارة و سيب الباقى على ربنا
و ربنا يوفقك يارب


متشكر اوى اوى لردك يـــــا ღ♥ღ J€ŜŜY ღ♥ღ
ورأيك عجبنى جدا بصراحه برغم انك اصغر منى زى ما بتقولى بس بجد شكرا لرأيك ونصيحتك
بس انا فعلا بما انى رومانسى ..فانا مش رومانسى فى كل الاحوال انا عصبى ونرفووز اكتر كمان :)
بس هى المشكله انى حساس اوى
وانا بالفعل كنا عملنا خناقه كبيره اوى فى مره ونتج عنها اننا كنا هننفصل فعلا لما سيبتها 15 يوم
تقلت عليها اوى وكانت هتمووووت بس عشان تسمع صوتى
ولما رجعلتها وعدتتنى انها هتتغير وهتنفذ كل شروطى ومش هتعمل الحاجات اللى بتزعلنى
بس للاسف زى ما بيقولو
( كلام الليل مدهون بزبده)
وحياتك هو شهر واحد بس كان من احلى الشهوور اللى عشتها فى حياتى
وبعدها
(رجعت ريما لعادتها القديمه)
فأنا بجد مبقتش واثق فى كلامها لان كل مره بتقولى خلاص مش هعمل كدا تانى وانا اسفه و..و.وو.وو.
وبردو ترجع تانى

اللى فيه (طبع مش بيغيره ابدا )وعمرها ماهتتغير ابدا
فانا هحاول معاها محاوله اخيره وهاخد بنصيحتك فعلا
وهصلى استخاره
واللى ربنا هيبينهولى هو اللى هعمله
وهى فعلا لو بتحبنى
شريانى
وعيزانى
مش هتحتاج انها تفكر تاخد القرار
وشكرا ليكى تانى مره واكيد هعرفكم بالنتيجه النهائيه

[mnvcxv]

هي شكلها كده عايزه تسيبك بس عشان مش بتحبك الله اعلم بس الاكيد انها فكرت بينها وبين نفسها بالعقل كده هي اصغر منك في السن وبتشتغل وانت لسه طالب في الكلية ومتزعلش مني في الكلمة طالب فاشل يعني كبيرك حتتخرج بتقدير مقبول جدآ يعني فرص الشغل ادامك معدومه طب هي واحدة بتشتغل وواضح انها طموحة عايزة واحد يشدها ادام مش تستناه عمال مايخلص كلية ويخش جيش ويدور علي شغل ويحوش طب انت راجل بتقول انها متخرجة من الكلية يعني 21 او 22 سنة وانت عارف ان سن العنوسة في مصر 30 سنة يعني قربت
فانت بالنسبة لها واحد واقف في طريقها باسم الحب البنت ممكن تحب واحد زي حضرتك لكن يوم ما تيجي تتجوز مش ممكن تفكر فيك حتفكر في زميلك اللي في الدفعة اللي بقي معيد في الكلية ولا اشتغل في بنك ولا شركة مالتي ناشونال صح ولا كللامي غلط انا عارف ان كلامي قاسي وبيوجع اوي وصدقني انا بمر بنفس الظروف بس الفرق اللي بيني وبينك اني بموت نفسي في المذاكرة عشان ابقي حد يستاهل بجد يبقي ليها مع انها خلاص بضيع مني ادام عيني وانا مش عارف اعمل ايه ولقد اتخذت قرار ارجو ان توافقني عليه ان احنا نعمل زي عبد الحليم حافظ في الفيلم بتاعه مع لبني عبد العزيز اني انساه وان اجتهد عشان ابقي حد كل الدنيا بتكلم عنه عشان تعرف انها ضيعت حاجة مهمة اوي مش اي حاجة

لازم ياشباب نجتهد 1- عشان تبقي حاجة تستاهل بجد تكون لحبيبتك
2- عشان لو حبيبتك سبتك تندم بعدين عليك وتقول ياريتني كنت استحملته اهوه بقي اكبر رجل اعمال اهوه بقي اصغر وزير او واحد من اشهر اساتذة الجامعة كده مش تقول الحمد لله اني سبت المنيل علي عينه اهوه لسه فاشل زي ما هو









http://thefutureofmoney.blogspot.com/

[زميل زمالك]

ربنا يوفقك
تقبل تحياتى

[حلمنا]

[quote=mnvcxv;1055107494]هي شكلها كده عايزه تسيبك بس عشان مش بتحبك الله اعلم بس الاكيد انها فكرت بينها وبين نفسها بالعقل كده هي اصغر منك في السن وبتشتغل وانت لسه طالب في الكلية ومتزعلش مني في الكلمة طالب فاشل يعني كبيرك حتتخرج بتقدير مقبول جدآ يعني فرص الشغل ادامك معدومه طب هي واحدة بتشتغل وواضح انها طموحة عايزة واحد يشدها ادام مش تستناه عمال مايخلص كلية ويخش جيش ويدور علي شغل ويحوش طب انت راجل بتقول انها متخرجة من الكلية يعني 21 او 22 سنة وانت عارف ان سن العنوسة في مصر 30 سنة يعني قربت
فانت بالنسبة لها واحد واقف في طريقها باسم الحب البنت ممكن تحب واحد زي حضرتك لكن يوم ما تيجي تتجوز مش ممكن تفكر فيك حتفكر في زميلك اللي في الدفعة اللي بقي معيد في الكلية ولا اشتغل في بنك ولا شركة مالتي ناشونال صح ولا كللامي غلط انا عارف ان كلامي قاسي وبيوجع اوي وصدقني انا بمر بنفس الظروف بس الفرق اللي بيني وبينك اني بموت نفسي في المذاكرة عشان ابقي حد يستاهل بجد يبقي ليها مع انها خلاص بضيع مني ادام عيني وانا مش عارف اعمل ايه ولقد اتخذت قرار ارجو ان توافقني عليه ان احنا نعمل زي عبد الحليم حافظ في الفيلم بتاعه مع لبني عبد العزيز اني انساه وان اجتهد عشان ابقي حد كل الدنيا بتكلم عنه عشان تعرف انها ضيعت حاجة مهمة اوي مش اي حاجة

لازم ياشباب نجتهد 1- عشان تبقي حاجة تستاهل بجد تكون لحبيبتك
2- عشان لو حبيبتك سبتك تندم بعدين عليك وتقول ياريتني كنت استحملته اهوه بقي اكبر رجل اعمال اهوه بقي اصغر وزير او واحد من اشهر اساتذة الجامعة كده مش تقول الحمد لله اني سبت المنيل علي عينه اهوه لسه فاشل زي ما هو



http://thefutureofmoney.blogspot.com/[/quote (http://thefutureofmoney.blogspot.com/[/quote)]

طبعا معاك حق فى كلامك وانا مش زعلان ولا معترض عليه
بس الفرق بينى وبينك
انى مش فاشل ولا حاجه :jap:
انا كل الحكايه انى اتعرضت لظروف خاصه أجلتنى لسنتين
وناوى اسافر ان شاء الله
وظروف سفرى مضمونه 100%
لى اخت فى الامارات لو هتعملى زياره ب300 ريله
ولى اخين فى السعوديه وخالى فى الكويت
داغير اصحابى
الحاكيه كلها سفر سنه ان شاء الله ارستأ بيها نفسى
وعندى شقه متشطبه فى مصر الجديده واقفه فقط على السباكه والكهربا
وكل دا هى عارفاه ومتفقين عليه
ومتفقه معايا كمان
ان بعد سفرى سنه واحده بس
هنزل اتجوزها واعملها ورقها واخدها معايا نعيش بره ونكون نفسنا مع بعض
ولو عايزه اوضب الشقه اوضبها وامها عارفه الكام دا وموافقين عليه
انا مشكلتى بس دلوقتى
الدراسه اهو الترم الاولنى قرب يخلص
الحكايه كلها سنه ونص وجيش لو هاخده هيبقى سنه واحده وانا واثق ان شاء الله انى مش هدخل انا شهر 11 يعنى دفعه تانيه وغالبا بتاخد تأجيل

عموما انا هقابلها انهارده
وهتكلم معاها بهدوء كالعاده
وهعراعى كل الكلام اللى انتو قولتوه بردو
وهحاول افهم منها سبب التغير دا
وايه اللى مغيره من ناحيتى
او ايه اللى مخوفها منى دى لو كانت خايفه من حاجه
وربنا يقدم اللى فيه الخير
كل واحد بياخد نصيبه
ولو ليا نصيب فيها هاخده
وهحاول ابقى ناشف شويه مش هيبينلها انى مدلوق عليها
وهعرفكم بالنتيجه
سواء حلوه
او وحشه
وسورى ياجماعه دوشتكم معايا

[mnvcxv]

[quote=mnvcxv;1055107494]هي شكلها كده عايزه تسيبك بس عشان مش بتحبك الله اعلم بس الاكيد انها فكرت بينها وبين نفسها بالعقل كده هي اصغر منك في السن وبتشتغل وانت لسه طالب في الكلية ومتزعلش مني في الكلمة طالب فاشل يعني كبيرك حتتخرج بتقدير مقبول جدآ يعني فرص الشغل ادامك معدومه طب هي واحدة بتشتغل وواضح انها طموحة عايزة واحد يشدها ادام مش تستناه عمال مايخلص كلية ويخش جيش ويدور علي شغل ويحوش طب انت راجل بتقول انها متخرجة من الكلية يعني 21 او 22 سنة وانت عارف ان سن العنوسة في مصر 30 سنة يعني قربت
فانت بالنسبة لها واحد واقف في طريقها باسم الحب البنت ممكن تحب واحد زي حضرتك لكن يوم ما تيجي تتجوز مش ممكن تفكر فيك حتفكر في زميلك اللي في الدفعة اللي بقي معيد في الكلية ولا اشتغل في بنك ولا شركة مالتي ناشونال صح ولا كللامي غلط انا عارف ان كلامي قاسي وبيوجع اوي وصدقني انا بمر بنفس الظروف بس الفرق اللي بيني وبينك اني بموت نفسي في المذاكرة عشان ابقي حد يستاهل بجد يبقي ليها مع انها خلاص بضيع مني ادام عيني وانا مش عارف اعمل ايه ولقد اتخذت قرار ارجو ان توافقني عليه ان احنا نعمل زي عبد الحليم حافظ في الفيلم بتاعه مع لبني عبد العزيز اني انساه وان اجتهد عشان ابقي حد كل الدنيا بتكلم عنه عشان تعرف انها ضيعت حاجة مهمة اوي مش اي حاجة

لازم ياشباب نجتهد 1- عشان تبقي حاجة تستاهل بجد تكون لحبيبتك
2- عشان لو حبيبتك سبتك تندم بعدين عليك وتقول ياريتني كنت استحملته اهوه بقي اكبر رجل اعمال اهوه بقي اصغر وزير او واحد من اشهر اساتذة الجامعة كده مش تقول الحمد لله اني سبت المنيل علي عينه اهوه لسه فاشل زي ما هو



http://thefutureofmoney.blogspot.com/[/quote (http://thefutureofmoney.blogspot.com/[/quote)]

طبعا معاك حق فى كلامك وانا مش زعلان ولا معترض عليه
بس الفرق بينى وبينك
انى مش فاشل ولا حاجه :jap:
انا كل الحكايه انى اتعرضت لظروف خاصه أجلتنى لسنتين
وناوى اسافر ان شاء الله
وظروف سفرى مضمونه 100%
لى اخت فى الامارات لو هتعملى زياره ب300 ريله
ولى اخين فى السعوديه وخالى فى الكويت
داغير اصحابى
الحاكيه كلها سفر سنه ان شاء الله ارستأ بيها نفسى
وعندى شقه متشطبه فى مصر الجديده واقفه فقط على السباكه والكهربا
وكل دا هى عارفاه ومتفقين عليه
ومتفقه معايا كمان
ان بعد سفرى سنه واحده بس
هنزل اتجوزها واعملها ورقها واخدها معايا نعيش بره ونكون نفسنا مع بعض
ولو عايزه اوضب الشقه اوضبها وامها عارفه الكام دا وموافقين عليه
انا مشكلتى بس دلوقتى
الدراسه اهو الترم الاولنى قرب يخلص
الحكايه كلها سنه ونص وجيش لو هاخده هيبقى سنه واحده وانا واثق ان شاء الله انى مش هدخل انا شهر 11 يعنى دفعه تانيه وغالبا بتاخد تأجيل

عموما انا هقابلها انهارده
وهتكلم معاها بهدوء كالعاده
وهعراعى كل الكلام اللى انتو قولتوه بردو
وهحاول افهم منها سبب التغير دا
وايه اللى مغيره من ناحيتى
او ايه اللى مخوفها منى دى لو كانت خايفه من حاجه
وربنا يقدم اللى فيه الخير
كل واحد بياخد نصيبه
ولو ليا نصيب فيها هاخده
وهحاول ابقى ناشف شويه مش هيبينلها انى مدلوق عليها
وهعرفكم بالنتيجه
سواء حلوه
او وحشه
وسورى ياجماعه دوشتكم معايا



اهم حاجة انك مش زعلان مني انا بس قصدي لو منفعش الحب دا ولا يهمك تغور هيا تيجي الف الصبح ركز بس في مستقبلك وبكرة حيحصل حاجة من الاتنين لتكون فخورة انها ارتبطت بيك لتمشي في الشوارع تشد شعرها وتقول ياريتني كنت عشت
خدامة تحت رجليه

[حلمنا]

[quote=حلمنا;1055118209][center]
[SIZE=4]اهم حاجة انك مش زعلان مني انا بس قصدي لو منفعش الحب دا ولا يهمك تغور هيا تيجي الف الصبح ركز بس في مستقبلك وبكرة حيحصل حاجة من الاتنين لتكون فخورة انها ارتبطت بيك لتمشي في الشوارع تشد شعرها وتقول ياريتني كنت عشت
خدامة تحت رجليه

لا ابدا ياجميل مفيش زعل ولا حاجه
والحمد لله خلاص الموضوع اتصفى من المقابله اللى كانت بينا منذ قليل
وهحكيلكم تفاصيلها كلها

واللى اتضح منها حاجات كتيره اوى
وفعلا كل واحد طلع اللى جواه
وزى مايكون كان معبى

فى البدايه
عديت عليها فى الشركه اللى بتشتغل فيها
واخدتها وقعدنا فى كافى محترم
وانا طالع السلم اتكعبلت فى الفستان بتاعها وكنت هقع
وكان موقف محرج بصراحه
بس ضحكنا جامد على المنظر
:glasses:


اول ما قعدنا فضلنا نبص لبعض اكتر من 10 دقايق من غير ولا كلمه
بس انا متوقع ان خلاص انا هقابلها وهتبقى دى اخر مره اشوفها فيها
وكل حاجه هتنفض من المقابله دى
بس اتضح حاجات تانيه خالص
ولقيتها بتطلعى ورقه وقلم
وقسمتها نصين
وكتبت فى النص الاول اسمها
والنص التانى اسمى
انا استغربت بصراحه ياترى هى بتعمل ايه؟
قالتلى
اكتب فى الجزء الخاص بإسمى الحاجات اللى بتدايقك منى
وانا هكتب الجزء التانى الخاص بأسمك الحاجات اللى بتدايقنى منك
انا ضحكت بصراحه
وهى كمان
على الطريقه
انا مكنتش متوقع كدا
انا كنت متوقع اننا هنفض خلاص
المهم كتبت الحاجات اللى بتدايقنى منها كلها وبكتب بغل:jap: بصراحه وطلعت كل اللى جوايا
وهى خدتها طبقت الجزء بتاعى وقلبت الورقه من غير ما تقرأ وكتبت فى الناحيه التانيه من الورقه
الحاجات اللى بتدايقها منى

وبعدا كدا اتكلمنا شويه وشدينا مع بعض فى البدايه
انا عملت وانتى عملتى
وفضلت اتكلم معاها بحزر وفى نفس الوقت مش مبين انى مدلوق عليها
بس هو كان باين فى عنيها انها غلطت فى حقى وعايزه تعتزر بس كبريائها مانعها
وبعدا شويه لقيتها بتعيط
صعبت على اوى بصراحه بس ماسك نفسى بالعافيه مش عايز احن دلوقت
وفين وفين وقلتلها خلاص الموضوع كدا خلص وانتهى
ودلوقتى كل واحد عرف هو ليه ايه وعليه ايه
وكلمتها واتفقنا على صفحه جديده

صفحاتنا كترت اوى :jap::jap:
الكشكول كدا هيخلص

وقلولتها
متعليش صوتك لاى سبب
انا كمان بعرف اعلى صوتى
مش عايز الامور توصل بينا لكدا
لو كل واحد اتلكك للتانى على غلطه
يبقى ملناش لازمه للى احنا بنعمله دا
لو مفيش احترام متبادل بينا
يبقى عمر ماهيبقى فى احترام بعد الجواز
انا نفسى اغير منك بجد
نفسى تتغيرى
دا التغير دا لو هتتغيريه يبقى عشانى مش عشان حد تانى
وقولتلها دا بيدايقنى ودا بيززعلنى
انا قولتلك الكلام دا كتير اوى ومشوفتش اى تغير
بس انا اخر مره هتكلم معاكى فى حاجه زى كدا
نفسى متنشفيش دماغك
دى الحاجه الوحيده اللى بطلبها منك
وانتى لو طلبتى عنيا مش هاخرها عليكى
وبدات بعدها ادخل فى دور الحنيه لما لقيتها بتعيط
قولتلها
انا مش عايز اعمل زيك
مش عايز اعاملك بنفس معاملتك
انتى هتتعبى اوى
وانا مش عايز ابقى قاسى عليكى
قلبى ميطاوعنيش
ومتهونيش عليا
انا بس عايزك فى كل اللى حصل دا
تفهمى
وتعرفى
انى
بحبك
وانى مليش حد غيرك
عايزك تحسى بيا وتفهمينى
دا انتى اقرب واحده ليا
لو مهتمتيش بيا بمين هتهتمى
انا عمال اتكلم
وهى عماله تعيط
بس قمت وطبطبت عليها
وكنت جايب علبه شيكولاته
لو هتصالحنى هديهالها
ولو مش هتصالحينى هديها لحد فى البيت
:jap:
ههههههههه
فديتهالها وقولتلها جايبها عشانك:glasses:

وخلاص ضحكنا وعدت على خير




ومتشكرين ياجماعه ليكم
ونخدكم فى الافراح ان شاء الله
ومتنسوووش الخطوبه كمان سنه ونص
وعالله حد يجى
:jap:

[mnvcxv]

ايه الجمال دا انت طلعت مدرسة
مش ممكن تدينا دروس في الحب ربنا يباركلكوا بس او تنسانا في الفرح

[™M!DoΘoZ]

أنا قرأت المشكلة ولسه هرد , لقيت ردك اللى فى الآخر ده اللى فرحتلك بيه بجد ,
وموش محتاج رأيى بقه , وربنا يوفقكم يارب وتفضلوا مع بعض علطول فى حب وسعادة ,

[way2aAllah]

مبرووووووووووووووووك
وربنا يوفقكم
بجد فرحتلكم....